留家廚房

营业中

休息中

期待已久終於食到傳統失傳菜❤️正宗灌湯餃❤️濃湯係晒隻餃入面，唔係周圍都有得食同做得耐咁精彩❤️太史戈渣❤️金華火腿，老雞熬成上湯，混入雞蛋定型成糕狀之後炸成一嚿❤️留家煙燻雞❤️用玫瑰花同蔗糖煙燻， 入晒味, 雞皮又爽丫丫❤️雪山飛龍❤️睇個名唔知乜膠嚟， 其實係黃鱔炒飯，一上枱已經好有飯香，加埋黃鱔陳皮，炒到粒粒分明❤️豬潤燒賣❤️都係精彩， 勁潤味❤️芝麻卷❤️好戲在後頭， 皮軟糯黑芝麻又香， 直情好似成匙黑芝麻放入口咁💜留家廚房食到好嘅餐廳要一個post留念

今晚第一次叫㽞家廚房嘅外賣自取我哋兩個人叫咗二人套餐A（$168）兩個餸分別揀咗：㽞家煙燻雞（必食）子蘿牛肉🍍套餐跟飯同例湯今晚個湯係粟米羹，非常有誠意👍🏻另外散叫一個柚子蝦球（ $208有九折）7:00打去叫話7:30攞， 7:35去到時已經準備好，員工非常有禮貌另外外賣可以簽信用卡👍🏻之前試過堂食覺得好好味，而家疫情嚴峻，可以叫外賣吊下癮都唔錯，絕對會繼續幫襯💛外賣餐牌可以喺㽞家廚房網頁搵到

是晚幾位老友請食生日飯😊，叫了以下幾道菜:冬瓜盅:賣相靚之餘，湯料十足，清甜舒服!叉燒: 無諗過會咁大碟，肉質靚，半肥瘦，甜度適中，惹味!煙燻雞:本身這款要訂，幸好當晚即叫也有，煙燻味好香，雞肉入味，不肥膩!太史戈渣: 見之前食評大讚嘅功夫菜，點沙糖吃，外脆內軟，個人覺得有點似玉子豆腐，可能不識欣賞內裡乾坤，但不妨一試!梅菜芥膽:梅菜嘅鹹甜味中和了芥膽嘅苦澀味，腍腍甜甜，正!依家要搵一家有服務嘅食店很難，這裡侍應十分親切有禮，其中一個亞姐隔著口罩對眼都識得笑，真值得一讚!絕對值得encore! 多謝老友!(圖片caption有錯，改唔到，見諒)

留家廚房的食物真冇得輸。 帶子腸粉好滑又彈牙。 羊肚菌燴豆腐又滑又香。 墨計肉餅都好香。 最後畫龍點睛係甜品芝麻卷。 不過個蝦醬玻璃肉就唔係我杯茶。 想試黃魚麵唔記得訂.... 當日午餐book 左枱不過要等少一陣。 有得坐窗口位不過有D熱總體來講係開心嘅70歲嘅媽都好滿意。

若友人不介意，4人以上的生日飯局，我多半會選中菜館，可以多嘗不同菜式，價錢亦不會太昂貴。今天來到期待已久的留家廚房，雖然是平日的午飯時間，仍然全場爆滿。圖1/留家煙燻雞—上菜當刻已經聞到濃濃的煙燻味，雞肉嫩滑無比，肥瘦適中，後來留意到餐牌提及用足100日生雞醃製，難怪如此滋味，而且滷汁味道剛剛好，好吃！圖2/太史戈渣（伴糖）—軟滑棉棉，吃下去，是雞蛋？是豆腐？唔～還帶點蘿白糕的質感，帶有兒時在家中常聞到踏單車賣豆腐花的伯伯經過時的煙燻味。翻看餐牌，是上湯與雞蛋的結合，江太史之物，好吃圖3/菠蘿咕嚕肉—最近在尋找好吃的咕嚕肉，這個也不錯，還想試試跑馬地的富多來、天后的食得好及中環星記。圖4/柚子蝦球—酸酸甜甜爽爽脆脆，一流！圖5/酥炸豬大腸及蝦子薑蔥撈麵—前四道菜太出色，可以先試圖1-4😂下次encore要點干巴菌鹽焗雞、頭抽豬蹄筋、虎掌菌五花腩、焗魚腸、留家叉燒（看了攻略，即叫即燒，要第一時間order)臨走時，看到老闆劉健威先生獨自吃午餐，吃得津津有味，有間合自己胃口又如此滋味的餐廳，實在令人羨慕！又想起前陣子石原里美飾演的日劇《天堂餐廳》，女主角為了滿足自己每天享用優質法菜的慾望，

未去哩間餐廳之前，已經有朋友話哩間餐廳好出名，囉過米芝蓮1星嘅榮譽，今日我同朋友出街食晚餐，就即刻諗起灣仔哩間餐廳，就逼我個朋友陪我去試食啦咁一去到就發現好多人啦，因為哩間店係良心餐廳，超多人黎「懲罰」下佢地啦咁等左一陣， 終於到我地入去啦。咁哩間餐廳主打傳統粵菜特色，偏向家庭菜，所以氣氛都打造尸普通酒家嘅裝潢。 咁我地都係叫啲店內嘅招牌叉燒啦，啲叉燒味道好特別，唔同你平時去燒味店嘅整法，問返老闆先知佢地有特別處理過啲叉燒，有用燜焗嘅方式，所以特別腍，又有肉汁另外我地有點個留家雲吞，非常鬆脆，值得一試。最後我地仲叫左個蔥油竹昇麵，麵同蔥油比例剛剛好，豉油味足，做左好好嘅收尾。 整體黎講，哩間餐廳味道一流，令我地食到傳統粵菜嘅味道，睇得出哩間店街穩打穩札嘅路線，有實力去吸引唔同嘅食客

正嘅中菜真係寥寥可數，但留家廚房絕對可以歸類為好正嘅中菜！今次幫襯係平日晚市，我提早三日訂位，都唔算難訂座。其實就咁睇餐牌我絕對唔會點呢一道菜，四個字我都識讀，但拼埋一齊完全唔明發生緊咩事，但呢一道菜試過之後真係會「嘩」一聲。佢外層嘅口感係酥脆嘅，內層反而係綿滑嘅，味道咸咸地，我地講笑咁講有啲似玉子豆腐，但佢又綿過玉子豆腐，整體黎講非常特別！煙燻雞雞肉嫩滑，帶有淡淡嘅燻味，歸納出黎個感覺其實係燻豉油雞嘅感覺，都值得一試。呢個九肚魚好有驚喜！平時嘅椒鹽九肚魚都係炸粉勁厚，但呢個完全相反。而且佢入面嘅九肚魚係Juicy到有汁，我哋一度懷疑入面個條真係九肚魚😂？不過不失，純粹想食菜。叉燒控表示留家嘅叉燒有九十分！半肥瘦叉燒已經😍😍😍，甜度同火候都剛剛好，唯一缺點係我覺得一碟唔夠我哋四個人止癮，想食多一碟😂

疫情所致店裏明顯人流非常少整晚只有五至六桌，掃黃要支持呀大家！環境舒適地氈乾淨，侍應有禮貌服務態度非常好因為我哋人數多，要唔到太多款菜式所以都係叫咗招牌菜先來一個杏汁豬肺湯，湯頭濃郁，材料有豬肺杏仁白菜，杏味比較重留家叉燒，用上脢頭嘴部位，即叫即燒，所以都要等15分鐘，一上菜已經聞到非常之香，肉質非常軟熟，邊位脆口，同市面相比確實勝了一班，汁醬香香的麥牙甜味，一百碗飯唔該留家煙燻雞以滷水汁先浸熟後再煙薰，食得出係新鮮雞，濃郁嘅薰焗味，即使係雞胸部位亦都非常之軟熟，滷水汁亦都唔會太咸雪山飛龍，個名已經好掂其實即係黃鱔炒飯，味道相對比較清淡，黃鱔分量幾多，不錯！總括而言，叉燒令人深刻印象煙燻雞都好好味不過性價比略嫌比較低，價錢都唔平，不過質素好有保證！

二少生日一家人慕名到灣仔留家廚房食晚飯。飯店的裝修典雅，備有不同的香米可供食客選擇。今晚點有幾度招牌菜，留家煙燻雞價錢不平，但口感同味道都非常一般。蜜汁义燒質素尚佳；但幾度素菜都令人有點點失望，大概應該冇下次幫襯😅

瘟疫時勢，平時要訂枱的餐廳，現在隨時walkin 都有位，就像此店。以為少客，都有3份2客，貼枱幾位男長輩，熟客，開2枝酒，傾談，無帶口罩！蜜汁叉燒包 ，$10一個，直徑如茶杯口，细，合格。松子羅漢齋腸粉, 無雲耳，無紅蘿蔔絲……，只有小量菇菇及松子，松子香，無其他料，失望肉骨茶鮮竹卷 ，茶有藥材味，不濃，腐皮有質素，餡海鮮魚湯麵$60+，最好，蝦爽，帶子甜，湯白，麵幼，值！所以經驗，下次要試小菜！

結緣於爐兄的飯局中，大家一見如故，此後三pair也不時聚會，而各人的生辰也分佈在不同月份，慶生飯也是由春吃到冬。一月是我的大日子，友人揀了一家我頗喜歡的中菜館，亦已預訂了數款精選小菜；認真細心周到。乾巴菌鹽焗雞～其貌不揚但箘香濃郁，愈嚼愈甘香！宜配搭油脂食物以發揮其獨特性；馥郁的菌香滲進鹹香嫩滑的雞肉內，實在是天衣無縫的配搭！太史戈渣～型似欖核的太史戈渣其實是一味「用筷子來吃的湯」，食材並不矜貴 (雞上湯、金華火腿、雞蛋、生粉)，貴的是「藝」。將材料混合成漿，使之稀杰適中，成糕糊後待冷卻；再放入冰箱令其固定成形。分量控制需拿捏精準，須知道粉漿過薄的話，炸的時候便會很易「穿崩」，過厚，又不夠綿滑。油溫亦十分講究；這樣才會金黃而不焦燶、外脆內軟，成了溶在口中的鮮品；此味實是食不厭精之表表者也！虎掌菌五花腩～一不離二，呢啲菌不單止唔可怕，仲多多益善㖭。粗大肥厚的虎掌菌以奇香見稱；猶如黑松露般霸氣外露，與肥瘦相間的五花腩混得實在好！清炒豆苗～吃了幾味濃囗菜，得來點鮮蔬平衡一下吧，簡單清炒最是不簡單，無遮無掩見真章。翠、嫩、綠；有豆香，各人也吃不停口。雪菜野生黃魚麵～乳白的湯、鮮而不腥，

今晚join 左我人生第一次既foodie 飯局 好開心呀😬😬一大班人食好西一齊相機食先唔會俾人歧視既感覺真好❤️❤️❤️今日去既係灣仔既留家廚房以前住w square 隔離但咁多年都冇去食過 原來呢間野係幾好食架禾👍🏻一路食好西一路仲有靚sake 係唔錯既體驗黎既😚半肥瘦叉燒好林得黎有咬口 非常入味👍🏻👍🏻食左個失傳名菜😳 江南百花雞 真心手工野 要將成隻雞起肉釀蝦肉入去 砌返好成隻雞上碟 雞皮同蝦既味道原來係好夾架禾👍🏻👍🏻另外有個煙燻雞 深得我心呀 ❤️❤️❤️ 雞肉嫩滑 調味啱啱好 煙燻味好岀素翅 五花腩我覺得係伏既 😫😫好單調地咸 no gd no gd其他炸大腸 魚腸 白肺湯都係唔錯的 重點係12 個人有13 枝sake 小妹我太垃圾飲到第9 杯就gg 啦 連炒飯同甜品都食唔到🤯🤯🤯不過d sake 係好飲既 飲醉都唔辛苦 純粹係訓唔到所以4am 喺到寫食評😂😂總結foodie 飯局好美好呀 cant wait for the next

本來想去另一間酒樓，由於忽忙的關係，來錯了這間。雖坐近窗口，但仍覺得環境較暗。侍應服務態度一般，好像很忙，但沒效率。叫了二人餐，有湯、飯、點心、小菜和甜品，即管試試吧！<老火湯>粟米湯的粟米都幾甜味道都幾濃。<筍尖鮮蝦餃 >蝦餃都算彈牙。<松露燒賣皇>不太覺有松露味，只覺得是普通燒賣。<梅菜蒸肉餅> 裏面有馬蹄粒，不會只是粉，真的有肥和瘦的豬肉，雖然豉油味道較淡，但入口後又會吃過不停。<留家香酥卷>炸得燶，裏面的餡已燶，太油膩。

- creative dishes.- overall quality of the food is good for the price paid.Generally a good place to go for those who treasure a slow dining experience with alcohol.However for those just going for a Chinese meal, the serving time is way too slow and unorganised even when all tables are not all occupied.

今天是大年初三亦是幾條冷成員麵包超人的生日！祝你生日快樂、身體健康、旅途愉快，今年我們送上的熟普洱餅茶作生日禮物，識茶的他收到也甚為歡喜呢！而早在5號夜我們選上留家廚房為他慶祝生辰！私心說亦是我想試已久的店子呢！沉大師和清麗村姑帶來紅酒賀壽，不過店家開瓶費用較高紅酒已收＄200/枝，硬嘢更要收＄500/枝所以沒帶酒前往！我最想試這個太史戈渣＄100/4件！食材簡單花工夫的太史戈渣吃下軟滑如棉，且有雞蛋的清香挺為誘人。清炒豆苗＄218確是軟嫩可口份量亦足。這客頭抽豬蹄筋＄188烹得口感恰好，絕對是充滿骨膠原的美食，味道像白滷水般入味不俗十分可口。接下來是虎掌菌五花腩＄208佐飯好菜一味，五花腩肥瘦均稱香軟蝕骨，虎掌菌味道濃郁齒間留香太好味了！另一菌香菜式是干巴菌鹽焗雞＄800，干巴菌味道濃郁而且質感煙韌我覺得有點像牛肉乾，菇菌屬瘦物用鮮雞的油來把味道帶出最合適，吸盡雞油的潤澤吃起來味道獨特又鮮香。而留家廚房更有飯Menu供應著本地二澳米＄28、日本夢美人＄25、柬埔寨＄20及白飯＄16，各有特色而我就最喜歡甘香煙韌的二澳米。 留家秘製叉燒＄188用上本地醬料即叫即燒而成，脢頭叉燒口感有嚼