留民料理

营业中

休息中

今日返屯門搵親友食飯，去咗呢間小店🍞牛油果芝士多士 $68-兩片法包面塗滿壓扁嘅牛油果 然後再鋪層芝士放入焗爐焗 麵包外脆內軟 滿芝士香🐠三文魚鰭 $48-魚鰭肉唔多 但勝在好嫩滑 幾香口🥗巴馬臣火腿沙律 $108-黑醋調得唔錯 醋甜味能取之平衡 沙律菜新鮮 有少許炸蒜粒及提子乾增加味道層次 巴馬臣火腿鹹香適中🍝溫泉蛋五花腩芝士意粉 $118-忌廉芝士醬幾濃 十分之慈味 五花腩經炙燒過 肉嫩總括嚟講，味道唔錯，可以一試！

日日經過見到個名幾搞笑，咁就入去食吓，佢個BB乳鴿都整得幾香脆屬於好食嗰種，皮豆香脆肉夠嫩滑，其他嘢塊面嗰啲就一般般啦都還可以價錢就中庸啦都OK又唔算太貴又唔算平

唔係朋友介紹我諗都唔會知道呢度有間居酒屋，就咁睇個門面直頭唔會覺得呢度有間餐廳㖭啊，入到去好有日本舊式居酒屋嘅感覺，周圍佈置住好多懷舊嘅玩具、海報、鯉魚旗等等，雖然燈飾昏暗，但充滿日本裝飾嘅氛圍就令人覺得呢度係飲返兩杯放鬆嘅好地方🎏話就話係居酒屋，但係其實呢度完全唔局限於日本料理，老細將佢嘅拿手小菜都擺晒落Menu，由於都係第一次嚟，就直接等老細推介😋蟹籽溫泉蛋$22｜鱈魚干 $32呢個係一個完美嘅溫泉蛋，半熟嘅蛋黃同埋滑捋捋半凝固嘅蛋白加上蟹子一啖啜入口真係好正🥚日式生炸BB乳鴿 $68乳鴿嘅肉質都幾厚實而且飽滿，外皮十份之脆口，香氣十足，咬開仲有肉汁爆出黎嫁🍗串燒拼盤 $118呢個拼盤分別有豬頸肉、翠玉瓜、牛肉、雞肉同雞腎，火候足夠，調味都幾好，啱我地口味🍢慢煮滷水原隻大豬手 $178呢個大豬手有驚喜，師傅掌握生熟嘅程度非常好，直頭好過一啲專係食豬手或者西餐嘅鋪頭，佢唔係嗰啲慢煮到入口即溶或者用叉一拮就開嘅軟淋，而加剛剛好熟，有咬口但做到好軟嫩嘅質感，味道就唔使講啦，當然係非常之入味，佢係似瑞士汁嗰種比較偏甜嘅滷水，100分推介💯如果你期望食正宗嘅日式料理呢度就未必啱你啦，但如果你

串燒拼盤( 雞肉軟骨棒、三文魚腩串、翠肉瓜串、黑毛豬五花腩串、九州豚肉青提子串、燒白鱔串) $118.00 性價比極高下酒菜， 點一樣就可以嘗試到不同口味，每一樣都是高質素的單品。首先擺盤細心精緻每一樣都有調味，店員細心提醒雞肉軟骨棒旁邊的是特調醬汁上面有一顆食用級數的生日本卵，配合食用相當細滑。每一件都用上最好部位，全部都係腩位，油脂非常豐富。最推介燒白鱔串🤭❤️蟹籽溫泉蛋 $22.00溫度調控非常有要求的菜式，溫泉蛋煮得恰度好處，非常細滑圓滿。脆皮炸bb乳鴿 $68.00炸得外皮香脆，𥚃內都是啖啖肉。下酒一流。金磚豆腐$68.00有別於一般其他方的炸金磚豆腐，相對更挺身，不會一夾就穿左，味道更多元化，很具個人特色。

留民料理 (屯門)屯門青山公路青山灣段351號彩華花園地下1號舖-泡椒雞腳 $46 雞腳嘅泡椒味非常入味，味道麻辣香辣，好開胃，適合作為小吃-慢煮原隻滷水豬手 $178整隻豬手慢慢燉煮，加入滷水料煮至軟嫩，味道濃郁，入口即化，非常美味。-日式生炸BB乳鴿一刀切落去啲肉汁已經喺入邊滲出嚟，好juicy~乳鴿皮炸得非常金黃香脆，肉質鮮嫩，炸嘅火候同時間啱啱好，調味恰到好處，可以食到乳鴿嘅肉香，真係值得一試！-烤澳洲大虎蝦鮮香草忌廉汁意粉 $158烤過嘅澳洲大虎蝦配以鮮香草忌廉汁，再混合意粉一齊烹調，味道鮮美，豐富濃郁，絕對係一道豪華又美味嘅選擇。

用心嘅小店 呢間居酒屋位於屯門置樂，啱晒收工同朋友嚟食下嘢飲返杯，食物質素都好唔錯。佢哋脆皮炸BB乳鴿，都好多人點😍，新鮮炸起，外皮好香脆惹味，肉質嫩滑唔會好乾柴，用嚟送酒一流。慢煮原隻滷水豬手，好大隻，呢個都係佢哋嘅招牌菜，豬手肉同外皮都好軟腍，好入味👍🏻👍🏻，另外再點咗一串雞肉軟骨棒 ，免治雞肉肉質鮮嫩，燒香之後點蛋汁食好juicy😜，我哋叫咗唔係好多地方都有嘅沖繩海葡萄，食落去爽脆嘅口感好過癮。

#留民料理 🇭🇰🇯🇵今日同姊妹看完戲，就來試試這間在屯門置樂的居酒屋小店，小店就多國菜風格，除了賣常見的串燒、送酒小食外，因廚師拎過不少「中菜」獎項，顧客還可以點花膠雞煲、炸乳鴿等，非常特別！我和朋友不是太餓，只點了幾樣東西：✍️泡椒雞腳$46前菜來款酸酸辣辣的涼拌雞腳，辣到適中，幾開胃的！✍️串燒拼盤 $118性價比一流，拼盤有五款串燒，包括豬腩肉、牛肉、翠肉瓜及雞軟骨等。串燒燒得多汁香脆，配酒一流✍️慢煮滷水大豬手 $178慢煮過的豬手特別嫩，滷水味道很足夠，豬手大大隻我們吃得好滿足這間小店挺適合與朋友一邊暢飲、一邊聊天，下次來一定要試試出名的炸乳鴿呢！人均$188📍 屯門青山公路青山灣段351號彩華花園地下1號舖

店內裝修好特別好有自家風格😉坐得好舒服好啱同朋友傾偈啤一啤🍻店員都好friendly會主動推介野食⭐️日式生炸BB乳鴿 Menu上寫住係得獎菜即刻想試試😙一炸起就上枱上枱時色澤亮麗外皮脆卜卜😋皮薄肉嫩多汁食落有淡淡既酒香味&醬油香好好味⭐️香草大蝦意粉🍝好欣賞居酒屋可以有fusion菜大蝦意粉充滿香草蕃茄汁醬汁濃郁大蝦夠新鮮😍而且大大隻食落好彈牙⭐️沖繩海葡萄海葡萄少少咸 多多脆有海洋嘅味道口感一流👍🏻出色嘅前菜⭐️美國牛肉黑醋沙律🥗沙律份量好有誠意沙律菜新鮮爽脆🥳充滿黑醋汁黑醋汁唔會超酸與燒牛肉好match⭐️雞肉軟骨棒嚟得居酒屋點可以唔食串燒雞肉棒肉質鮮嫩燒得剛剛好配埋半熟蛋汁將成個口感再昇華🤩

最近都在家工作，所以都在屯門附近找一找有什麼美食。意外發現到置樂嘅一間日式料理餐廳裏面嘅設計裝潢比較簡樸地貼，有港式居酒屋的感覺☺️☺️開始嘅時候，點了蒜蓉包三件- $38蒜蓉包佢哋用咗自己嘅秘製醬料調製同一般喺餐廳食到嘅蒜蓉包有少少唔同個味道更加可口，即使我擺了一段時間才食👍👍串燒拼盤 $118呢個串燒拼盤真係幾抵食，有五花腩燒肉同埋牛肉串，仲有其他串串夾埋都幾抵，可以試到好多唔同嘅種類嘅串燒燒黃立䱽 $158呢條黃立䱽簡直係成餐嘅點綴，外脆內軟保持鮮嫩，而且餐廳也提供咗自己嘅秘製醬汁當條魚肉點了這些醬汁的時候增加了一些味道十分之好吃🥰🥰🥹🥹🥹大大條完全係足夠兩個人食惹菌黑松露繪飯-$108我哋用呢一個繪飯作為煮食，粒粒飯都有黑松露沾滿 🥰🥰🥰十分之好吃而且也十分飽肚🤣🤣今次嘅餐廳十分之意外，絕對是隱世餐廳，而且比我發現咗老闆仲係做咗好多年主廚，再出嚟創業見到牆上都是老闆比賽的獎牌就知道呢間餐廳非同凡響了🥰🥰🥰👍👍店名： 留民料理人均： $200 地址：屯門青山公路青山灣段351號彩華花園地下1號舖

位於置樂 這家 ～留民料理 Group友成日談論 一路想試下,今晚同老公撐枱腳啦🤭🤭地方唔算隔涉 大街地舖 室內裝修好有氣氛🥳🥳仲有好多佢哋嘅 精選菜式，選擇好多添 老細服務非常周到、殷勤．值得一讚👍👍難怪咁多熟客喇 ☺️☺️海葡萄沙律 🥗海葡萄卜卜脆 少少🤏咸 有海洋嘅味道煙三文魚海葡萄蟹籽沙律煙三文魚三大塊又厚身 加上木魚 同爽脆嘅羅馬生菜🥬一齊食 口感非常唔錯🥰🥰串燒拼盤燒牛肉粒非常惹味，大串七成熟剛剛好 牛味濃郁 香口五花腩 肥瘦相間 保持肉香 有啲脆口做得唔錯👍慢煮滷水原隻大豬手 佢哋嘅signature 菜式豬手大大隻 一啲都唔韌，火候剛剛 好唔會太淋 保持骨膠原 而且非常入味 😋😋三四個人share最好因為真係好大隻呀🤣🤣黑毛豬五花腩香蔥燴飯 燴飯係小店嘅一大特色 夏天 適合 唔會太漏 翠玉瓜粒令口感提升🤤🤤美酒佳餚小酌一杯 非常享受😎很多熟客 氣氛很好 足見老闆嘅用心 用心經營小店真係要多支持😌

老闆好有心，見我地食剩野會特登睇下係咪個食物有問題（係咪燒得太生/太熟）但只係我地唔食雞肝！仲話下次可以講俾佢知唔食乜，等佢留意下同唔出我唔食嘅食物！非常有心～

今次輪到人地帶我食好西，朋友仔住屯門，係智樂呢邊搵到間高質日式料理，就係呢間留民料理。入到黎，原來除左日本菜，仲有一啲fusion港式野。首先黎個溫泉蛋，上面有蟹子和醬汁，用匙羹𠝹開，溫泉蛋流岀黎，拌埋一齊食，仲好味！麻辣牛筋，夠晒麻辣，每條牛筋都彈彈充滿骨膠原。串燒有牛肋條，豬頸肉，五花腩，雞腎，燒到微焦夠香，尤其牛肋條，牛味重又多肉汁。海膽醬帶子飯，有金萡，飯粒裏面有蟹籽同埋蔥，所以口感係好多層次，好有咬口。竟然見到有燒乳鴿，以為酒樓先有得食，呢度都幾多元化，叫隻試下，估唔到都燒得幾好，乳鴿入味又有肉地。

蟹籽溫泉蛋 $22有芝麻點綴 蟹籽 沙律醬 流心嘅溫泉蛋配上蟹籽沙律醬，不論口感定味道都非常豐富，酸酸咸咸，不錯的開胃菜！煙三文魚海葡萄蟹籽沙律 $128有三色椒 洋蔥 車厘茄 煙三文魚 生菜 蟹籽 海葡萄 橄欖油 組合而成 外觀非常豐富，味道亦一樣，三色椒同洋蔥嘅甜，車厘茄嘅酸，煙三文魚嘅咸，海葡萄同埋生菜嘅爽，口感味道都非常天然同豐富。小編十分推薦！日式生炸BB乳鴿 $68上碟色澤亮麗，表皮香脆，肉質緊致香嫩，唔會太大隻，點炸都保持到脆嫩口感！黑毛豬五花腩香蔥燴飯 $108用左忌廉汁燴飯，配合香蔥風味十足，又香又甜。黑毛豬五花腩肥瘦分明，食得甘香。非常邪惡！串燒拼盤 $98翠玉瓜 五花腩 牛柳 雞腎全部都燒得好有火侯特別係牛柳同埋五花腩 牛柳外層焦脆，入邊keep到juicy多汁，五花腩同炒飯嘅一樣，層次分明，嫩滑多汁！

朋友介紹依間居酒屋，經過門口唔係太吸引，唔係朋友介紹，自己經過都未必會入去食。入到餐廳都算有氣氛，被廚師嘅獎牌🏅️吸引，心諗真係有啲料到！我同我老公2個人，食量唔大，只點咗5樣嘢。首先前菜係海葡萄沙律，知道海葡萄營養價值豐富，但出面好少地方有，見到依度有即刻要試一試，口感似食三文魚籽，帶有海水味，味道清新，配上沙律菜，係令人開胃嘅前菜。跟住見到有個得獎名菜炸BB乳鴿，點會唔試吖！BB乳鴿香脆可口，即叫即製，肉質嫩滑，而且帶有微微嘅辣味，提升咗味道嘅層次。（因為我唔食得辣，所以食得出，我老公食開辣就完全唔覺辣😅）另一個係老細介紹嘅麻辣牛筋，我真係無諗過喺度會食到牛筋，而且一個唔食辣嘅人都食到，係一件好神奇嘅事🤣麻辣味好香好惹味😋日日食都唔厭😆主菜叫咗個和牛燴飯，食落似食意大利飯，好有驚喜！和牛脂肪分佈均勻，肉質軟滑，一食就知係高級食材👍嚟到居酒屋，梗係要叫碟串燒拼盤再配返樽啤酒🍻嘆吓啦！估唔到串燒都整得十分出色，絕對唔會燒到乾晒，肉質嫩滑兼juicy😋一碟5款，每款都咁出色，必食推介👍老細話次次都唔一樣，視乎當日咩材料靚，欣賞佢對食物質素嘅要求，唔怪之得可以每樣菜式都整得咁出色👍👍👍最後真

身為屯門人嘅我都唔係成日發掘本區美食，偶然一次就食到好野。呢間居酒屋唔係市中心附近，真係算隱世位置。菜式有純日式又有fusion，被人感覺新鮮驚喜。先黎Suntory生啤同烤雞泡魚干，送酒佳物好好味又開胃😋煙三文魚海葡萄沙律估唔到咁大碟又多海葡萄，清新爽口。串燒拼盤有5串唔同燒物，由廚師發辦，燒雞翼同豬頸肉最好味又最香。最後軟殼蟹咖喱燴飯有成隻軟殼蟹蓋住飯面，炸得好鬆脆又唔會過火太乾，咖喱飯好香又大份，性價比高好抵食。老闆親自樓面招呼又好好人，小店絕對值得mark低翻食。