留民料理

营业中

休息中

我同朋友4個人9月1號晚幫襯留民料理，入去時未 full booking，我地叫7種食物，例牌必叫乳鴿，其餘6種係串燒，餐廳唔多人但都前後用個半鐘先上埋最後一碟，酒菜都慢慢上慢慢上，由頭餓到尾，極浪費時間之餘，質素都名過其實，講到好巴閉又攞獎又招牌菜既乳鴿超咸，椒鹽雞軟骨又無椒鹽味，其餘都只係叫煮熟，只有雞肉串合格。最後叫埋單，侍應小姐仲慢慢係廚房食埋煙先同我地埋，態度怠慢。Openrice 有咁多手指公真係好神奇。

屯門 - 留民料理身為屯門友嘅小編最鍾意發掘屯門區有咩正嘢食，經朋友介紹下知道呢間隱世居酒屋。餐廳黃黑搭配，貼滿不同日本酒嘅海報和燈籠，有一種瞬間嚟到日本嘅感覺🇯🇵仲掛滿廚師不同嘅獎牌同報導，好似好犀利咁🤣芝麻醬蟹籽溫泉蛋（🌟73.66/100）💲追加小食+10生菜絲舖底，上面放咗溫泉蛋、蟹籽加上芝麻醬。溫泉蛋中間有流心效果，連蟹籽一齊食聽到「卜卜」聲音加生菜絲食落好清爽海鮮刺身丼（🌟79.65/100）💲98內有甜蝦、帶子、三文魚、玉子、油甘魚、蟹籽、蟹膏、三文魚籽。口感好豐富，食材好新鮮而且肥美，好驚喜佢配有日式漬物，之前屋企人去日本買過番嚟食後，都未係香港嘅日式餐廳食過🥰A5 鹿兒島和牛膏片炒烏冬（🌟84.32/100）💲98 面頭放滿紫菜絲，A5 鹿兒島和牛膏片份量畀得吾少，烏冬用了椰菜絲、青紅椒炒，顏色鮮艷，食慾大增🤤烏冬爽口彈牙，味道啱啱好吾會過咸，A5和牛片，識落去口腔內足滿油脂，牛嘅香氣一直停留店家因為係即叫即製作，所以需要用心等候。午飯時間可以打去餐廳嗌定嘢食先，咁就可以節省時間😝

食晏時間同朋友仔嚟到屯門搵野食，在置樂花園附近的彩華花園，除左車房多之外，仲有一條食街，有好多特色小店臨立，我地去左一間充滿日本風情的食店「留民料理」。餐廳環境氣氛很有日本風味，鐘意日本的香港人，好似返左鄉下咁。我地試左期間限定 溫泉蛋牛丼，火龍果拖羅魚蓉籽丼仲有迷你生煎包首先推介一下溫泉蛋牛丼，以秘製醬油牛肉配上新鮮的溫泉蛋，用蛋汁撈飯加上日本珍珠醋米，非常配合，仲有紫薑，積青瓜及甜蛋等配菜。而迷你生煎包，面頭加了芝麻，惹味，外脆內軟包皮，好多肉汁。朋友就order咗火龍果拖羅魚蓉籽丼，紅火龍混合了拖羅魚蓉及魚籽，淡淡的火龍果香味結合了吞拿魚的鮮味，入口即溶，口感好juicy，配菜有紫菜碎及紫薑。喜歡食日本菜嘅朋友可以來試吓。

打風最怕要搵食，想食老麥又唔想飲茶，好在都有一些小店在風雨中經營。「好在你們有開。」我說。「我們8號風球都會開。」他們回答。以後打風又有一個好選擇。店舖有裝修有環境，係日本🇯🇵小店的風格。中午時段沒有太多花巧，大約十多種選擇。等待⌛️期間電視一直播放小店介紹，了解到背後故事種種，突然有種情感，老闆學習了各地的料理技巧和經驗，看到老闆的技巧和對食物的認真態度。對食物突然更有信心。三文魚蟹籽丼$45.00有高度的性價比，街坊價。壽司飯上面有大三塊新鮮三文魚坐陣，每塊都好肥仔。咬落一點都不寂寞。店員小心提醒米飯邊有芥末，吃之前要拿開，真體貼。三文魚蟹籽丼旁還有很多日式下飯涼拌，子姜等..夏日爽口開胃。溫泉蛋牛肉丼$68.00細心店員跟我們閑聊，告訴我們餐牌不定期改動，點了溫泉蛋牛肉丼，嘻嘻。竟然可以點到未來餐單，都算是風球下的小禮物🎁，牛肉單看已經是滿滿肉汁可口，配以半熟溫泉蛋，更加添上一份柔潤順滑的口感，拌飯的小確幸。的確牛牛🐮果然沒有令人失望，特別值得一讚的是秘製醬汁，除了醬油、味淋、清酒🍶等以外還有獨特的香味。（是鰻魚汁嗎？？）飯給了很多卻沒有遺留的通通吃光醬汁功不可沒。加$5.00 可

好耐無食日本野 難得撇甩化骨龍🦖🦕即刻去居酒屋🏮 食下刺身先啦😆呢間隱世居酒屋 店內裝修除咗日本feel 🇯🇵仲好有球迷氣氛⚽️ 夜晚嚟食下串燒 飲啤酒都係唔錯嘅選擇🍺🍶海鮮刺身丼 $98（三文魚 帶子 甘蝦 劍魚腩 蟹籽 三文魚籽 玉子）望落去色彩繽紛 好豐富 刺身非常新鮮肉質鮮甜肥美 甘蝦鮮甜 配上日本米 成碗丼飯 就算無醬汁都變得好鮮甜🤤九州豚肉炒烏冬 $78（烏冬麵、豚肉、醬油同蔬菜 ）面層鋪上紫菜烏冬唔會太淋同太油膩 食到底都唔會一碟油豚肉肥瘦均勻 而且烏冬份量都算多 食哂一碟好飽肚🤭迷你生煎包 +$15迷你版生煎包 好可愛 外皮好脆新鮮即煎 但係咬入口真係要小心 爆哂汁😋留民料理 @liuminliaoli 📍 屯門青山公路351號彩華花園地下1號舖#留民料理 #居酒屋 #屯門料理 #串燒 #屯門 #屯門美食 #相機食先 #食好西 #打卡 #隱世小店 #置樂 #屯門小店 #午餐 #hkig #Tuenmun #foodblog #hkfoodie #foodie #foodieblogger #foodiehk #blogger

小編搵到間抵食日式午餐~呢間餐廳夜晚係居酒屋 食串燒 飲啤酒 睇波就岩哂⚽日頭做埋午餐 見d價錢都幾抵食wo.🐟油甘魚蟹籽丼 $48有3大塊厚切油甘魚 新鮮 有油份仲有大量飯素 紫菜 酸瓜 好撈飯米係日本米有加左醋 粒粒分明有咬口.🐓鮮雞白湯烏冬 $58呢個有少少似港式fusion鮮雞夠嫩滑 似白切雞 仲有埋d蔥油🤭但佢又配白湯烏冬 好得意白湯唔算太咸 烏冬夠煙un.🍞迷你生煎包 +$15好cute 細細粒但要小心咬 因為佢爆汁.📍留民料理📌屯門青山公路351號彩華花園地下1號舖

經過屯門這間門面相當有🇯🇵日本風味的日本料理😋，就連內部裝修都好有日本特色的，心情好似去咗旅行咁🌍好懷念呀🍣海鮮刺身丼$98刺身飯非常新鮮， 非一般刺身飯， 配菜除咗有酸薑之外裏面仲有幾種醃菜，中和左只食魚生嘅油膩感覺🍣火龍果拖羅蓉魚籽丼$78咁樣食火龍果都係第一次好新穎😁內裏好多拖羅，是重魚油香味，仲襯托新鮮火龍果既清甜味，亦有一粒粒美味魚籽追加小食 雞翼 兩件 $18🥢簡單煎香，亦唔會太重味精🌟日式裝修🌟食材新鮮

串燒基本上全部無味。。唔講以為係白焯雞腎。。。雞皮雞軟骨都可以無味唔會再食十分之不好的餐飲體驗係我食過最差的串燒不明白如何做到的其他野食都唔想食了。。。。。。。。

係屯門附近睇完戲搵到有間隱世既居酒屋🏮入夜既屯門真係好靜 大家要多多支持小店呀✨入邊好多菜式都行fuhsion路線幾特別～佢地既生炸BB乳鴿仲拎過獎係招牌菜👈🏻日式生炸BB乳鴿 HKD68店內貼左好多老闆得獎報章雜誌🎖招牌乳鴿用左味醂清酒🍶醃製先滷後炸雖然寫係BB乳鴿但一人半隻都唔細份皮好脆肉質幾嫩 幾推薦～串燒拼盤 HKD118每串都幾有份量～分別有豬頸肉 翠玉瓜 牛肋條 五花腩🍢🍡豬頸肉好爽口食落好似有用清酒燒過(´▽｀)厚燒翠玉瓜燒得好好仲好有水份～拼盤有海鹽同埋辣粉可以再作調味🧂燒牛肋條好香牛油味🤤日式甜咖喱炸軟殼蟹燴飯 HKD148軟殼蟹🦀大大隻仲食到蟹肉～仲比左好多蟹子口感好豐富啊(⁎⁍̴̛ᴗ⁍̴̛⁎)咖哩味道係偏日式甜甜地好大碟幾飽肚！！鹿兒島A5和牛🥩膏香蔥炒蛋🍳 HKD88聽個名都好邪惡～雖然話用和牛膏但都食到好多肉粒重牛香油脂味 炒蛋都好嫩滑～

位於屯門置樂一間日式小店~廚師經歷都好豐富，仲曾經被中國挖角添~熱愛煮野食，又得過獎嘅大廚開左呢間小小嘅居酒屋。店內都好有日本果D細細嘅居酒屋感覺。入去食野而有睇呢個電視嘅朋友，都應該了解到廚師嘅經歷。蟹籽溫泉蛋，好甜好有蛋香，而且隻蛋係好大隻架!蟹籽海葡萄宮城大真蠔 HK$150/2真係超大隻，而厚肉鮮甜，再配埋蟹籽海葡萄，好爽口~胡椒海鹽焗燒馬友 HK$218皮脆肉滑汁香少骨!!個汁調得好好，不過本身都燒得好入味。點汁更香濃，唔點汁就食到本身魚嘅香味。日式燒鰻魚燴飯HK$108燴飯就比較濕身易入口，份量都好足。附上餐牌:留民料理屯門青山公路351號彩華花園地下1號舖

同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。蟹籽溫泉蛋凍食溫泉蛋，除咗有蟹籽之外，仲有蔥花同芝麻醬。芝麻醬好香濃，掩蓋咗生蛋嘅腥味並特出咗蔥花嘅味道。蟹籽海葡萄宮城大真蠔日本直送！差不多手掌般大細，一啖根本食唔曬！生蠔鮮甜肥美，海水味唔重，再加上蟹籽及海葡萄，令帶出清爽口感！胡椒海鹽煎燒黃腳立黃腳立並冇魚腥味，而且一條正骨，怕食魚骨嘅可以放心。魚肉嫩滑軟綿，即使唔加任何調味料亦帶有甘香。如果想重口味，可以添加附帶嘅海鹽，檸檬汁，七味粉，及特製醬汁（少辣）。日式甜咖哩炸軟殼蟹燴飯香濃咖哩味但唔油膩，未食先聞其香。鹽酥炸軟殼蟹，單食會比較鹹，配飯食會比較好。除咗蟹籽，蔥花仲有瓜粒，所以食落口會有爽口嘅感覺。飯量亦唔細，兩個人分都得。

屯門街坊人情味串燒店✨✨💜屯門彩華花園一帶不嬲多小店餐廳，今次去試左一間多國菜串燒店，店內有玻璃睇到廚房製作，透明衛生😋😋當晚大約七點入座，見都坐左幾枱客，店內以懷舊日式裝修為主，貼左好多店主同客人合照，睇泥幾受區內客歡迎。蟹籽溫泉蛋叫左溫泉蛋做前菜，配左鏗魚汁芝麻醬，好醒胃😋日式生炸BB乳鴿乳鴿用日式醬汁配好再炸，皮脆肉嫩，店家好貼心開左邊方便進食👍🏻串燒拼盤串燒拼盤一共有五串，有牛肉、豬頸肉2串、雞骨腸、翠玉瓜。豬頸肉燒到焦香可口，肉同脂肪相隔咬落脆卜卜👍🏻另外翠玉瓜燒得好靚，唔會乾哂，食得出燒得好有心機麻辣牛筋一上枱勁香，個汁做得好好唔會好咸，牛筋好入味麻麻辣辣，送酒一流🤭🤭🍻黑毛豬五花腩香蔥燴飯燴飯口感煙韌，吸收哂忌廉奶香混埋蔥香，為呢餐飯畫左完美句號📍 留民料理 (屯門)屯門青山公路351號彩華花園地下1號舖

今日同老公去左屯門一日遊👩‍❤️‍👨順便食埋晚餐先走 食左呢間係fusion 中菜環境方面 好多沙發凳 幾闊落坐得幾舒服 如果係一班朋友gathering 都唔錯 首先 食左個蟹籽溫泉蛋行到熱辣辣 食返啲凍既前菜 岩岩好😄😄然後 就到招牌菜之一日式生炸BB乳鴿好脆口 兩個人食岩岩好 再黎又到另一個不得了既招牌菜 慢煮鹵水原隻大豬手真係成隻手咁大 👋🏻連老公平日唔食中式豬手都覺得鹵得好好味鐘意食豬手皮既朋友 岩哂啦滿滿既骨膠原 食左一定靚靚😚😚食埋呢個已經飽飽但我地仲叫左個金箔香煎北海道帶子海膽醬燴飯滿滿既金箔 十分足料 然後個燴飯真係好好味 😋😋兩個人食哂呢到既野 已經飽到要捧住個肚走所以如果成班朋友一齊黎就最好樣樣都可以試到不過餐廳只係做晚市要注意去食野既時間P.S. 呢到既店員好細心👍🏻👍🏻

屯門隱世fusion居酒屋蟹籽海葡萄宮城大真蠔 $88/1由日本直送嘅大大隻新鮮蠔，夠晒鮮甜肥美，再加上左蟹籽同蔥，完全帶出果種海水鮮味之餘又更上一層樓，口感夠肥美唔在講，配搭嘅新鮮程度都不俗！日式生炸BB乳鴿 $68以日本醬油、味醂、清酒等醃製再燒嘅乳鴿，一上碟就香氣迫人，未食落口已經有流口水嘅感覺，用咗BB乳鴿就係肥瘦相當均勻，肉質鮮嫩同埋日本醬油好合襯，每一口仲有淡淡嘅清酒味陪襯夠晒新穎！串燒拼盤 $118啱晒食肉人士嘅拼盤，有翠玉瓜、五花腩、蠔豉、豬頸肉、牛肋條俾你慢慢揀，拼盤仲分開左海鹽同埋辣粉俾你自行添加，一個串燒可以食出兩種味道！慢煮滷水原隻大豬手 $178叫得原隻大豬手份量當然有番咁上下喇，兩個人都未必攪得掂，慢慢一路切啖啖肉，雖然係個碟度有啲唔方便，不過濃厚嘅滷水汁夠晒惹味，一點一食真係剛剛好！留民料理 (屯門)屯門青山公路351號彩華花園地下1號舖

屯門有一間隱世既居酒屋，因為同事住附近佢推介我入去試下😋咁立即直接同依個同事食啦😂唔駛等！步入酒屋真係好有日本居酒屋既味道，好有feel😍既然第一次黎就請店員推薦下有咩招牌菜式啦！蟹籽温泉蛋$22我當佢係前菜啦！温泉蛋係完美既狀態，上面有好多蟹籽同蔥配上日式麻醬做醬汁，又幾好食喎😋日式生炸BB乳鴿$68熱辣辣生炸乳鴿，皮脆肉嫩仲好多肉汁，一人半隻份量剛剛好。串燒拼盤$118串燒既野一定係樣樣想試，免煩選擇一定係拼盤😛拼盤有翠肉瓜、牛、豬、雞同雞腎，即叫即燒夠惹味！鹿兒島A5和牛膏片燴飯$198喜歡食牛可以抗拒這個燴飯嗎？飯底係用忌廉汁燴過，上面配搭住A5和牛片，嗰種油脂入口溶化🫣又濃又香。*店員小姐非常親切🫠*建議訂座