留民料理

营业中

休息中

今日入咗屯門同女朋友行街,行到有啲攰諗住係附近食D野,屯門佢比較熟悉,佢帶咗我去一間日式居酒屋,留民料理,餐廳喺青山公路彩華花園地下,入到餐廳地方雖然唔大,但係就好整潔,座位空間感亦都好足夠。芥末八爪魚 58元,八爪魚味道鮮甜,混合咗濃郁嘅芥未,味道鮮味獨得,開胃醒神,八爪魚刺身爽口有彈性,作為前菜真係開胃好味。脆皮炸 BB乳鴿 68元,BB乳鴿即點即炸,乳鴿皮炸到卜卜脆,一啖咬落去肉質非常嫩滑,肉汁豐富。每一啖都食到乳鴿嘅香味,完全做到外脆內嫩。鐵板芝士Chicken 78元,一上枱已經聞到好香嘅芝士味,加上用鐵板上保持温度,芝士有拉絲,口感,雞肉同芝士味道好夾,令到雞味更加凸出,我最喜愛有D芝麻令到味道更有層次。串燒拼盤 118元,有牛柳,雞腎,五花腩,翠玉瓜,我最喜愛食牛柳,牛肉味香濃,肉質香嫩,加少少蒜片令味道更立體。燒五花腩香蔥燴飯 108元,份量好多,燴飯比較軟腍多汁,加咗蔥,蒜,芝麻味道更加香口,五花腩燒到岩岩好,D肉汁慢慢流出,入口味道香濃爽口,配上燴飯真係食到停唔到口。

放假前夕，同阿媽食日本菜。行置樂行咗咁耐，先發覺轉角位有呢間隱世居酒居，相逢恨晚。蟹籽溫泉蛋作為前菜，清一清味蕾先。有白生啤，當然要點咸咸地嘅送酒菜。點咗生曬尤魚乾，條條都有厚度，有口感。脆皮炸BB乳鴿採用生炸手法，皮脆肉嫩，撕開有肉汁。肉味香濃，外層甜甜地。惹味到阿媽忍唔住問下點煮，當然呢個係商業秘密㊙️小食牛油果芝士多士最有驚喜，有配搭common，但味道係世界級。牛油果加加埋埋有一個，件件都熟成好甜。牛油果上蓋滿灸燒過嘅芝士，輕易做到拉絲。多士亦好細心咁用牛油烘過先。串燒拼盤有5串，日日唔同，大致有豬、牛、雞、蔬菜。由於阿媽唔食牛，所以事先同店員溝通，食其他代替。個人最鍾意豬肉，夠甘香。阿媽對雞肉腸同雞肉讚口不停，雞肉爽口。串燒旁配咗粉紅岩鹽同七味粉，呢點都細心。主食係燒鰻魚燴飯，中西fusion效果唔錯。飯底用三色椒、茄子先爆香，再用鰻魚汁燴，味道香濃。最重要係有兩條肥美鰻魚串，好豐富。整體食物有驚喜，性價比高，最重要係睇得出店主好用心，大推。

朋友介紹下 黎到係住宅區ge留民料理小小店鋪 原來老闆大有來頭！唔怪得之今日點ge野食都特別得黎又夠出色！首先係麻辣牛筋分量好多😆 超級軟腍～😍小小辣夠味道～唔錯ge starter！仲有椒鹽雞髀肉～炸粉好薄，食落啖啖肉又夠香口，送酒一流！熱氣都要繼續食！😋當然唔少得得獎脆皮炸BB乳鴿👍老闆自創菜式👍用左日本醬油，酒同味醂醃製過夜唔怪得知食落一陣酒香～肉質夠晒嫩滑！👍食到十指污Jo晒都值得！😍仲叫左慢煮鹵水大豬手真係好大隻好厚肉😆😆 4個人分享都夠！而且十分軟腍，易切易食～滿口Q彈感～🥰燒物點左燒原條黃立倉皮脆肉嫩～ 唔多骨又夠滑～仲有唔同醬汁味粉可自行調味👍不得不提出色ge野菌黑松露燴飯唔食黑松露ge我 都接受到e個燴飯食落Cream味重d，好多野茵，口感好rich～之後先有淡淡黑松露味💭食完一啖 竟然有衝動再食！🤣果然有實力！唔怪得之有咁多棒場客！讚喔～😆👍

約家人食飯，諗住搵間無限時限刻既餐廳，可以食下傾下又飲下，就搵左依間居酒屋，串燒好味仲有佢個乳鴿，乳鴿唔好整到乾晒，仲有個海葡萄沙律👍🏻👍🏻👍🏻，因為我地飲下酒，食唔到太多野，所以主要叫串燒，下次去會試埋其他啲菜式！

留民料理脆皮炸bb乳鴒🕊️，乳鴿經過油炸之後食落肉汁滴個不停🤤，脆身外皮之下，嫩滑的鴿肉香氣充盈😋。泡椒雞腳，咀嚼時骨肉生香，清脆爽口，酸酸辣辣🌶️🌶️非常開胃生津。串燒拼盤🍡🍢，分別有豬頸肉🐷翠玉瓜，牛肋條🐮五花腩🐷。串燒燒完之後都唔會太乾身，而且仍然保留到肉汁。串燒亦唔似坊間串燒店一樣以大量孜然粉🧂🧂去掩飾食材唔夠新鮮，呢點值得一讚。海膽帶子飯🍚，橙黃色嘅海膽味道甘甜，質感細膩，幾乎入口即溶。白雪雪嘅帶子肉厚多汁、軟綿鮮甜，飯亦都粒粒分明。配上金箔去做點綴。無論味蕾上定係視覺上都令食客滿足。😋

今日去屯門探朋友，之後和朋友在附近食晚餐，朋友介紹一間串燒居酒屋，也不錯，可以食串燒又可以飲啤酒。入到店舖店裏很有氣氛，播了英文歌曲，而且店員也很有禮貌，餐牌仲有很多選擇，樣樣都好想試吓蟹子溫泉蛋，溫泉蛋望落去水汪汪，他將雞蛋加熱至半熟的狀態，溫泉蛋入口，口感清爽，滑嫩，加上濃稠的蛋黃香氣四溢，蟹子卜卜脆，十分美味脆皮炸BB乳鴿，乳鴿剛剛炸起，外皮卜卜脆，肉質嫩滑肉香味濃，而且多汁，正，仲要熱辣辣，炸完出嚟啲肉仲唔乾身，非常Juice串燒拼盤，有雞腎，牛柳粒，豬頸肉，翠玉瓜，腩肉等。雞腎入口爽口，有口感，牛柳粒燒到剛剛好，中間是粉紅色的，入口牛味濃郁，越食越出味，豬頸肉口感爽脆，容易入口串燒十分出色，又點了一串九州豚肉青提子，她用了豚肉包住提子一齊燒，提子酸甜的感覺很清新，食落豚肉並不油膩，很不錯夠晒特別雞軟骨棒，燒成金黃色的爽脆雞軟骨，而且保留了肉汁，配合放喺表面的配料跟醬汁，一咬下去，瞬間有點爆汁的感覺，食落有雞軟骨，入口有肉有雞軟骨，香脆惹味，慢慢咀嚼時雞軟骨脆口煙三文魚香草意粉，表面放了很多煙三文魚，三文魚嘅份量仲相當多，入口又唔腥，每一條意粉都掛滿了醬汁，而且意粉煮得剛剛好，

住左咁耐屯門，依加先發掘到依間fushion居酒屋。今次叫得唔多野但留返下次再黎試過！環境舒服，店長好nice又有禮貌👍🏻食物質素仲好好。落單、煮、上菜、埋單、都係同一個人（店長）做，feel到店長好用心經營，用心製作食物比客人，所以令到我食得好開心好滋味約朋友出黎吹水聚舊黎依到一流。同朋友食完之後行出門口即刻異口同聲講一句：依間真係好食，下次要再黎！💪🏼會多d黎支持💪🏼💪🏼💪🏼

屯門fusion日式居酒屋🏮屯門有好多好去處，停如：屯赤隧道，屯門行山，菠蘿山大峽谷…等等。今次同友人去到 山腳起點，食飽先開始行程。呢間餐廳有好多特色嘅菜式！ 三文魚🐟魚子當🍱🍙勁抵食之選！ 每一舊三文魚都有成一cm甘厚。啖啖肉，淡淡Juice ！而且配料非常之充足勁夠份量：有好多魚子就好像卜卜，新鮮，無雪味😗👍🏻 仲有日式酸薑，最欣賞係米飯微暖，唔系冰晒，硬實實，好軟熟☺️日式牛肉飯🐮🐄牛肉幾乎多個飯，好似無料唔使成本甘😂😂會唔會多得滯？ 再配合溫泉蛋，非常專業嘅日式製作😀值得一提， 小店嘅侍應同廚師都非常友善，服務態度唔錯🌸•留民料理地址：屯門青山公路 351號彩華花園地下1號舖

唔知食乜好 ，行左好耐 ，終於有間吸引到我入去，因為有居酒屋三個字😆🍻🍻🍻即係有串燒+啤酒喇！入到店內裝修好特別 好有自家風格，店員好好客，招呼、落單、製作、送餐、都係同一人😄咁有心 食物一定得！等食雞軟骨好脆 香口 停唔到口⋯配生啤辣炒花螺野味 新鮮，俾我食左半碟燒茄子估計係日式燒，配木魚花、七味粉食燒黃𩶘倉皮脆 肉滑，鮮味十足，配自家醬汁仲叫左一堆串燒秋葵稍為乾左dd 、雞皮好脆一啲都唔肥燒生蠔我不好燒蠔的，朋友話味道不錯原本不餓，太香 太好味了 ，食慾大增

自從Gogo 升左上小學之後，每日我就要諗晏就煮d咩?夜晚又要煮d 咩好呢?每日只係諗煮咩都覺得頭痛，所以有時我懶起上黎都係同佢出街食算之但係出就街食，唔係連鎖快餐店就係速食店再唔係就係米線店，真係吃到人都少少悶啦所以襯我想去買埋(食送).一於今日去遠少少食Lunch啦雖然話遠少少，其實都係係屯門區的屯門區都算好大，而今次分享既就係置樂區入面呢間餐廳我搭車成日都經過，但係食就真係第一次咁今次就一於試下佢既午餐啦當日我地算唔好彩,佢地既飯煲壞左，所以就只有烏冬系列既食品同埋意粉大爺係意粉同烏冬中揀既話,佢一定係揀烏冬所以我地當日就點左一款 七彩芝麻雞扒炒烏冬本身想叫多一款午餐，最後都係擔心食唔曬既關係係店員推介下，我再點左佢地既皇牌小食日本生炸BB 乳鴿 平時去食晏,你都會預左d午餐大部份都係整定左，所以有機會係微暖,少少熱..但係今次既炒烏冬睇得出一定係即炒因為送上木台時仍然是熱辣辣的當中有三色椒連同大大件既雞扒一齊炒如果想食得惹味少少既仲可以連埋七味粉食GOGO 就係咁讚呢個烏冬好好食呀,食左差唔多大半碟呀呢個日本生炸BB 乳鴿係店員推介架,佢話係佢地店鋪既皇牌,本身午餐多數都未必有

— #cowcow屯門琴日上完瑜伽堂覺得好肚餓行過見到有間餐廳個名幾得意叫留民料理就入咗去打算食番個lunch(•ө•)♡• ───── ✾ ───── •𝐎𝐫𝐝𝐞𝐫 :⧐ Hea做全日早餐 | $148⧐七彩芝麻雞扒炒烏冬 | $48• ───── ✾ ───── •⸝⸝⸝☾ Hea做全日早餐個名叫Hea做好吸引到我又加上未食早餐就叫咗呢個嚟食話就話Hea做其實非常之用心製作我諗算係一個幾日式嘅all day breakfast 佢有好幾款肉類包括西冷牛肉、煙三文魚、雞扒同魚柳其中我最鍾意係魚柳佢炸得好鬆脆香口另外仲有好日式嘅炒菜、薯菜 、炒蛋、煎車厘茄好特別嘅係佢有海葡萄配煙三文魚食又幾得意( ˶ˊᵕˋ)੭♡⸝⸝⸝☾ 七彩芝麻雞扒炒烏冬呢個烏冬好好食調味好啱我口味夠哂入味佢真係有七彩顏色嘅芝麻係面仲用咗我最喜歡嘅讚岐烏冬有海量嘅紫菜絲係面配埋青椒、紅椒、紅蘿蔔同菜 碟邊仲有七味粉而加埋雞扒經過香煎整體黎講我好滿意呢個烏冬( •̤ᴗ•̤ )♡• ───── ✾ ───── •📝評分味道 𝟻 / 𝟻環境 𝟺 / 𝟻服務 𝟺 / 𝟻衛生 𝟺 / 𝟻抵食 𝟺 / 𝟻• ───── ✾ ───

同媽咪去置樂買餸 順便食個午餐置樂好多地方餐廳都試過唯獨是留民料理中午時間一點幾去到總算唔多人 可以輕輕鬆鬆食飯～之前見到食評話服務態度唔好可能唔多人 冇想像中咁差😂自家製牛肉温泉蛋飯$88賣相極之吸引～秘製醬油牛肉配上新鮮的半熟溫泉蛋，用蛋汁撈飯加上日本珍珠醋米，非常配合，更加添上一份柔潤順滑的口感，配菜仲有紫薑，積青瓜及甜蛋等值得一讚的是自家秘製醬汁，大概食出有醬油、味淋、清酒🍶、鰻魚汁得閒食完話我知係咩味🤣🤣特別之處係牛肉冷盤送上嘅相信係熱食整體嘅味道會好奇怪呢個醬汁係適合凍食但並不是好似雪櫃拎出嚟嘅溫度大概係10度左右吧🧊整體而言 對得起呢個價錢鹿兒島A5和牛膏飯🐮和牛膏都好少聽，更加係第一次食🤣呢個燴飯都幾香，食落有一層牛脂包住啲飯炒蛋加上油脂就更加滑 而不太膩而且加入翠肉瓜粒,香蔥等, 口感味道豐富～裝修都幾有日本feel日頭就唔飲酒啦~下次要試吓手工啤同埋攞獎嘅BB乳鴿sin屯門青山公路351號彩華花園地下1號舖Shop 1, G/F, Rainbow Garden, 351 Castle Peak Road, Tuen Mun

專心食飯嘅小朋友真係好得意😂😂接完天天放學入咗就搵屯門朋友食個晏發現到呢間 #留民料理 雖然下午只係提供食lunch但係每款都好特別價錢又吸引🤩嚟到一定要試佢個自家手打🐔雞肉雞軟骨餅飯🍚因為每塊都係廚親手撻做既😍非常有heart仲要非常足料又大厚🤤前得表面香脆內裏肉汁滿瀉🤭肉餅內既雞軟骨切得碎碎又爽口，天天BB都食到再配埋佢個醬汁紫菜碎。咁就俘虜左天天👦個胃另外個豉油王厚切豬扒蛋飯🍛兩隻晶凝通透嘅太陽蛋見到都流晒口水😋下面嗰塊厚切豬扒鬆軟香脆，配埋佢個豉油汁冇得頂輕易食晒成碟飯😛好似真係要約埋屯門友試吓呢間啲串燒小食🍢🥟全部都係有廚師一手一腳自己用心準備而成🤩

今日去開屯門探朋友，見到間餐廳幾特別喎，佈置都好有特色，咁就入去睇吓有咩食啦😉裝修環境有日式嘅佈置亦都有足球酒吧嘅風格👍播住一啲輕快嘅音樂令到個人幾舒服自家製雞肉雞軟骨餅飯~$68雞肉加埋啲雞軟骨整成嘅餅，會增加口感唔會咁單調，層次感都豐富👍上面加埋啲紫菜，食落去唔錯，重點個飯係用珍珠米嘅，值得一讚👍👍豉油王厚切豬扒煎雙蛋飯$68看似平凡嘅一個飯，往往就係最用心機去整，厚切嘅豬扒覆蓋晒成個飯配合埋兩個煎雙蛋，蛋汁令到啲豬扒更加滑溜，再配合埋唔少得的豉油，兩個字好食👍

今日去屯門置樂花園附近彩華花園探朋友，之後找間餐廳食午餐，這邊車房很多，附近發現一間充滿日式本風情餐廳《留民料理》餐廳牆上佈滿精緻又特式的裝飾品，感覺好有心思。餐廳用木系為主調，有日式居酒屋的格局很有日本風味，有回鄉的感覺，令人懷念日本。看到午市餐牌，食物充滿風格。A5和牛膏香葱滑蛋飯，和牛的脂肪炒香滑蛋滑嘟嘟，配菜有椰菜、茄子、翠玉瓜粒加入黑椒炒，好惹味！留民料理屯門青山公路351號彩華花園地下1號鋪