疊囍居

营业中

休息中

好多時都會去奧海城食飯，因為商場有免費泊車同tesla充電位，今次星期日中午過嚟飲茶食點心! 一入到去比我既感覺係裝潢簡潔婚宴格局，天花掛住好多水晶燈特別光猛！呢度有傳統點心亦有創意點心，甜品仲超吸引添，竟然有花膠燉鮮奶、爆珠芒果布丁 、芒果糯米糍😍🫢 ✨️陳皮牛肉腸粉牛肉挺嫩，好鍾意呢種滑口煙韌既粉皮質感。✨️菠菜汁菜苗餃肉眼睇已經睇到皮身有幾透薄，菜苗餡夾雜鮮蝦粒多到脹卜卜！✨️紫醉金迷流沙包雖然未有流沙效果有點失望，但味道完勝，流沙餡質地偏漿，顏色呈金黃色，鹹蛋黃香十足！✨️鮮蝦燒賣王入口好明顯食到冬姑同鮮蝦嘅鮮味，挺彈牙！✨️雪影叉燒餐包食起來口感鬆化柔軟，叉燒餡大大粒令我有啲意外驚喜，加上蜜汁甜甜地大人小朋友都會鐘意食！✨️櫻花蝦蘿蔔糕 傳統煎蘿蔔糕都搞搞新創意，加咗櫻花蝦令口感同香氣提升唔少～✨️啤梨咸水角啤梨造型可愛，內裡同傳統鹹水角一樣都係豬肉餡！呢度員工快手醒目而且夠主動，無論入座帶位定係食完點心都會好快留意到～

去咗間酒樓食點心，裝修幾新，感覺幾光猛。首先係個冰鎮醉香鮑魚特價$12.8一隻，價錢幾抵，鮑魚彈牙，酒香幾濃郁，冰冰涼涼幾開胃。點心叫咗鮮竹牛肉球，大大粒，肉質幾鮮嫩。南乳花生豬手，豬手炆得爽口，帶少少南乳味。到花膠灌湯餃喇。個湯底清甜，有花膠份，餃皮薄而煙韌。蒜香蒸肉排，肉排蒸得啱啱好，唔會太老，蒜香味幾突出，肉質肥肥地幾嫩滑。最後係原隻鮮蝦腸粉，腸粉皮薄而滑，蝦爽口。呢間酒樓嘅點心質素唔錯，新鮮又好味，價錢都算合理，下次仲會再去試其他點心！

奧海城的疊囍居樓底高，有水晶吊燈盡顯華麗，環境舒適寬敞，在這裡用餐確實不錯。有多款優惠套餐選擇，龍蝦、片皮鴨、蒸魚、燒味等等。最後選擇了套餐 清蒸生猛東星斑仔及脆皮一品脆雞（半隻） $498脆皮一品脆雞，上檯香噴噴，金黃色的賣相相當吸引，半隻份量也不少。外皮脆卜卜又不油膩，雞肉嫩滑，點醬油味道一流。清蒸生猛東星斑仔，一條約有一斤蒸煮時間剛剛好，魚肉仍保持嫩滑。甜品是原隻蛋黃蟠桃 $18隻蟠桃大大個，紅卜卜好可愛，鬆軟的包配軟綿綿的蓮蓉與流黃的蛋黃，美味又滿足。

📍疊囍居😍大角咀高質素酒家👍～餐廳環境靚😍食物質素高🥳店員服務態度好👍～現烤片皮鴨😍好耐冇食過咁正既片皮鴨🤪即燒即食😘非常脆口👍鴨肉鮮嫩😜包皮質感都好好👍～即燒脆皮乳豬😘估唔到例牌乳豬都可以咁大份😘都係即燒😛外脆內軟好好味🤪食得出係用靚豬👍❤️～大芥菜排骨煲😛非常高質素既煲😘湯底濃郁好味😋排骨半肥瘦勁正😜👍👍食到停唔到口呀🤩👍📍港鐵奧運站步行約5分鐘疊囍居 (大角咀)大角咀海泓道1號奧海城三期UG樓UG97-98號舖

我係街坊，未夠三歲嘅細女喺對面學畫畫，都成日放學去飲茶。星期日，我哋兩公婆帶埋一個歲四一個兩歲十個月嘅女，未夠九點半嚟飲早茶。有個非常高大着深藍色部長衫嘅女人，開我哋4個人茶位。未幾，我問佢：「點解我哋次次飲茶計三個人，今次計四個？」阿高大女人話（串樣）：「你哋夠三歲未先？我哋夠三歲計一個茶錢。」呵！我叫阿妹同家姐自己講自己幾多歲，當然我嘅憤怒嚇親佢哋，然後我話：「呢個（阿妹）未夠三歲，呢個（家姐）四歲，駛唔駛問畫室，畫室可以做證！」阿高大女人重複：「我哋夠三歲計一位。」大家係咪覺得同冇腦嘅人講嘢好辛苦！我話：「駛唔駛我俾出世紙你睇？」咁個高大女人死死地氣改返三位，然係扔張單落枱。我寫咁大篇嘢，除咗想反應下，其實咁細個嘅幼兒真係係父母服務佢哋，你班茶樓阿姐想服務佢哋都唔show你，你好意思收，已經好搞笑！其次，係呢間嘢啲咁嘅垃圾員工，你話你規定三歲收服務費，ok，我俾你個乞兒！但聰明嘅你可否用你把口問下客人個小朋友幾多歲先呢？自以為是，衰咗仲扔單。你好意思繼續做樓面？希望茶樓高層認真檢視下員工服務態度，要知道，你間茶樓服務費唔平㗎！

一早OpenRice book位 好開心可以同屋企人開開心心食餐中秋飯早一日落訂八人餐平300蚊服務態度真係麻麻 服務員拎八罐汽水嚟之後我地要求要轉做無糖可樂服務員話：「要就早啲講，唔好要我行嚟行去。」中秋流流聽到你咁講都唔知點算好呀媽就叫我唔好話服務員呀姐我就覺得點都要俾消費者知道其他雞好老魚好un 魚翅唔好食 炸蟹波都好味既 炒飯好食 黑松蓉味濃最好味係個壽包大爐蒸得岩岩好係位置唔差本身諗著揀莫雲定而間食完感到追悔莫及俾多啲錢可以有基本服務 食物好D唉真係唔怪得人地個個衝返上大陸消費

之前同老闆嚟食午餐，食過幾好食。今日放假一心帶兩老過嚟試吓下午茶。食完之後覺得自己好似同之前食完全兩回事。第一樣上嘅就係個榴槤布丁，食咗一啖酸嘅。叫個侍應去取消，點知個部長攞過一個新嘅過嚟，佢話呢個唔會酸。食完之後係冇酸味嘅，但係感覺已經唔係咁好。個菇菌嘅蒸餃都冇之前咁香，個芋蓉都係常溫嚟嘅，咁老竇叫咗個叉燒撈粗，啲叉燒較乾身。點知行出去廁所嘅時候見到隔籬枱嗌嗰啲叉燒瀨粉啲叉燒仲好過呢個貴價撈粗。去完廁所返嚟加咗個燒肉瀨粉，老竇就加太客鹹茶果。個燒肉啲皮脆。跟住個茶果咬開嘅時候見到裏面係一粒粒嘅眉豆，無係磨蓉，口感怪怪的。

炒飯粒粒分明，鑊氣，好好食👍桂花米粉炒出功夫架真係似桂花般👍魷魚髭炸得吾會un,剛剛好👍點心味道可以，但牛油果春卷用錯碟，深色襯得不好看，用碟太過求其。。

同老人家嚟食晚飯，地方相當寬敞老人家都覺得啲嘢幾好食，幾啱口味每次黎都會必點一字叉燒，嚟到仲有蠟燭熱住如果鍾意食肥叉，落單記得要肥啲叉燒，甘香好味燒鵝一樣欣賞有蠟燭熱住唔會食到最後d油《瓊》住龍蝦伊麵龍蝦新鮮，唔會梅，伊麵底又夠多汁好味清蒸東星蒸魚嫩滑，岩岩熟離骨，加埋佢既蒸魚豉油100 分白飯，唔會太林，亦都唔會太硬，口感不錯 整體來說，晚市10分推薦搵日要試吓飲茶先

星期六和家人去飲茶，中午時分酒樓只坐到大概七成客人。可能當日紅雨，少人出街。用點心紙點點心比用app好。望住張點心紙有問題，舉手問部長，點知部長一手搶去張點心紙就走。我哋叫住佢佢先返轉頭，用敷衍嘅態度回答我哋嘅問題。好啦，點心到啦。碟雪山叉燒包入面個餡係凍嘅，三粒叉燒包食淨一粒。碟例牌叉燒重差，師傅俾咗有筋嘅部位，完全咬唔開。同部長投訴佢換過一碟俾我哋，但一半都係肥嘅，食剩半碟。其他蝦餃燒賣點心味道正常。食完埋單，兩位小朋友計一位大人茶錢。問部長小朋友都要計茶錢？部長話係。再問部長住戶有冇折？佢竟然話係母親節前夕所以冇折。消費當日5月4日，母親節係5月12日，不如你話全個五月都冇折啦。最難受嘅係部長鬧櫃檯收銀姐姐，污言穢語鬧足5分鐘。我哋呢台有小朋友喺度佢都唔識得收口。其他客人都望住呢位部長鬧人。兩個月前第一次幫襯呢間酒樓，味道服務都不錯。估唔到事隔兩個月後再去，點心味道大退步，服務好差。我哋六個大人兩個小朋友食咗七百幾蚊，性價比超低，唉，唔好怪香港人唔係香港消費了。

多次幫襯午市飲茶，每次每人都係$100-200任坐，一定食得飽！難怪食客多數是附近住客和長者街坊，既平民化又貼地。點餐是「劃點心紙」形式，不需要用時下流行的「手機落單」那麼複雜，一目了然。飲茶的主角就是那壺茶，這裏的茶有火熱住保溫。食物溫度尚可，味道就不能太講究，總之以一個街坊價食到你飽啦。員工的服務態度就跟香港現在大部份食肆一樣，大家心照不宣。部分樓面阿姐的嘴臉和態度亦建議忽略。幾個人傾計慢慢食，抵食過快餐同茶餐廳。

位於奧海城嘅疊囍居，係米芝蓮一星食府。知道佢係米芝蓮一星，預咗佢哋價位比一般酒樓高。🫖七味骰子豆腐食炸嘢至緊要夠熱！溫度，味道都係啱啱好！🫖鮑汁鳳爪一上嚟嘅時候覺得色水唔夠深，以為唔係好入味，估唔到食落有驚喜，夠腍又入味👍🏻🫖北菇棉花雞冬菇唔夠入味，雞件和魚肚正常。🫖筍尖蝦餃王大大隻蝦，好足料！🫖文昌雞燒腩仔檬粉粉面嘅份量算係多。好奇怪的是竟然冇瀨粉，唯有揀檬粉。燒腩仔文昌雞嘅件數大方，不過唔夠熱。燒腩仔肥瘦適中，奈何略鹹。文昌雞算係啖啖肉。喺米芝蓮嘅光環之下，對它的確有點期望，但個人食後感只能說🆗 所有菜式都係中規中矩，未去到有被驚艷到嘅感覺。值得一讚嘅係環境和服務態度都唔錯。

想食點心，路過奧海城的疊囍居，不算很多人，一個人要搭檯，被安排了坐近入口的位置，清清靜靜的也不錯。點了兩組孖寶點心和蝦腸。孖寶分別是蝦餃+千層馬拉糕和燒賣+炸雲吞，蝦餃和炸雲吞比較出色，蝦餃大大粒飽滿的，蝦腸較為淡口，馬拉糕不是我喜歡的質感，但是熱騰騰軟棉棉的，燒賣也很飽滿但吸引度被蝦餃搶去了。舒舒服服的嘆一個早茶，疊囍居是蠻不錯的選擇。

5點幾walk in有位，同屋企人夾埋4個人，叫左個龍蝦+燒鵝餐，藕片雲耳炒百合，一字叉燒，同埋一枝啤酒。一黎到上隻例牌燒鵝，份量唔算多，不過擺設幾靚。今次有啲肥，旁邊果幾舊都幾多肥肉，佢有蠟燭烘住，保持溫度，一開頭夾黎食比較凍身同肉質硬啲，後尾食最後果舊就好食好多。🧘🏻‍♀️小小建議係烘多一陣先再食。叉燒又係，烘多一陣好食好多，不過我今次依幾舊都有筋唔易咬爛～雲耳炒百合就份量好足，正常水準，豆同雲耳爽口，感覺材料新鮮。食完燒鵝，雲耳炒百合同叉燒，等左差唔多20分鐘先黎到龍蝦伊麵，因為漏整（吹左幾次先有），龍蝦都好食，肉身唔會話好林好梅，伊麵都幾好，條條分明唔會一住野咁，不過就夾雜住龍蝦既碎殼，食既時候要小心。另外分享一段小插曲～落單果陣本身叫枝大啤酒，後來都即時同staff講轉細啤酒，期間亦都無比枝大啤酒我地，由頭到尾都係得枝細啤酒，但去到埋單就收大細啤酒兩枝既價錢～之後仲碌左兩次錯數～變左前後出左6張receipt比我地。感覺好混亂。而且中途唔會有staff主動加水，驟眼睇人手都唔多，所以都只係要求加一次就算了。新開預左會有甩漏，野食唔差既，碗碟都靚，但地氈好多毛粒感覺污糟。過多排先

假日和同學去茶樓飲茶，選了在同學家附近的酒樓。早上這裏坐滿一早來喝茶的茶客。正值新年期間，以新年價錢計算。早茶時段，場內坐滿人，點心比午市抵吃。在等同學來時，先點一壼龍井喝，壼下有蠟燭，保持熱茶的温度。花膠灌湯餃($63)，上桌時燙熱，花膠爽滑，灌湯餃內的肉餡多，呷一口温潤的湯汁，在冬日倍添暖意。加點醋吃，更突出其肉的鮮味。荀尖蝦餃皇($63)，我們很喜歡這個蝦餃皇，蝦餃皮煙韌而不過厚。爽滑蝦肉量多，載滿整隻蝦餃。蝦肉味道足，不用蘸醬汁已非常惹味。醬皇蒸鳳爪($43)，惹味醬汁份量適中，不會過多而蓋過鳳爪的味道。鳳爪皮厚多肉，彈牙，能嚐到其滿滿骨膠原的口感。我最喜歡這款點心。陳皮牛肉腸($43)，皮厚度適中，牛肉餡足，略帶陳皮香。牛肉腸切成一小件一口，方便進食。蘸點䜴油，提升牛肉的鮮味。蔥花布拉滑腸粉($43)，蔥花分佈均勻，腸粉滑中帶微微煙韌，份量適中。但個人比較喜歡陳皮牛肉腸，味道更豐富。蜜汁叉燒包($38)，叉燒餡足，沒有太多肥肉，所以不覺油膩。叉燒包雪白香軟，能嚐到麵粉香。香熱的叉燒包配熱茶最適合。千層馬拉糕($38)，比叉燒包更香軟的千層馬拉糕。在新年的菜單中命名為「龍年發大