白鬍子炸魚薯條 (已結業)

今天落雨濕濕，商場入面午飯時間到處都人頭湧湧，於是決定多走兩步到碼頭吃午餐。來到賣Fish & Chips的外賣店，單點的餐牌食物和飲品的選擇都不算少。然後，我見到一個很豐富、價錢優惠的套餐另外還看到很多手工啤酒，才＄35一枝，價錢非常實惠！於是決定要這個Fish & Chip + Gelato套餐，再加一支鬼佬，再加一個熱狗，實在是一個極度豐盛的午餐食物是即叫即炸的，所以要等大約10分鐘，在這空檔可以到對面的雪糕店先拿甜品 （如果你不介意甜品先吃的話）。食物都拿到了以後，我找到小食店旁一張小圓桌，施施然坐下享受我豐富的午餐，還有微微的海風和海水的氣味，感覺非常悠遊，比擠在商場內吃午餐爽多了炸魚薯條新鮮熱辣，香脆可口，配上Honey Mustard醬汁非常美味。在這裡坐在海邊，一邊嘆Fish & Chip，一邊感受冰凍的啤酒，實在是吃午飯的一個好地方

Happy Friday 一放工梗係即刻約埋好姊妹去 happy hour 啦！因為想對住個海放鬆一下，於是我地就去左中環碼頭個度，一間叫 white beard fish n chips 買左 d 野食，喺海旁搵個位開餐∼💖🤗本身諗住影個門面，咁岩呢位外國人士企左係度做左 model ~唔緊要啦咁樣仲有外國feel 😹😹我地嗌左.....好多嘢食招牌炸魚薯條（配他他醬）檸檬黑椒炸魚薯條（配芥末醬）蒜香炸蝦籃個人最愛炸蝦，大隻得黎炸粉夠薄配呢個甜酸醬一流∼煙肉芝士薯條生啤同檸檬蜂蜜呢間餐廳所有炸物既炸粉都較薄，唔會食炸粉就飽左。好抵真係唔會食到成肚都係粉。最抵讚就係呢個紙盒 拎走又得 抗油亦得喺度一路食炸魚薯條，一路望住個海飲啤酒，再約埋三五知己一齊傾計真係好爽呀

因為今日係Friday, 諗住同好姊妹去尖沙咀食飯，行到去中環碼頭搭船嘅時候，見到呢間好似又唔錯喎，仲可以對住個海食添，一於就試吓你門口好有外國style，都吸引左唔少外籍人士排隊食餐牌主打signature既英國小食-炸魚薯條落單嘅時候見到佢cashier好多唔同既啤酒，買返兩支來渡過開心嘅星期五下晝都係一個唔錯嘅選擇我哋叫咗生啤同埋檸檬蜂蜜，即刻cheers返杯先，然後要大叫TGIF因為呢間餐廳係主要外賣既，佢冇提供枱同埋櫈俾人坐，但附近都有呢啲座位比公眾人士坐，所以你哋可以好似我哋咁，買完就過嚟坐我哋叫咗好多嘢食，有招牌炸魚薯條、檸檬黑椒炸魚薯條、蒜香炸蝦藍同埋煙肉芝士薯條佢嘅魚炸得好好，你睇到入面係分明嘅魚肉，加上有少少檸檬味，感覺好fresh呢個炸蝦，炸粉好薄，點啊佢比嘅泰式辣椒醬，真係好惹味啊！煙肉芝士薯條，邪惡美食嘅化身佢嘅炸魚薯條仲有奉送他他醬同埋芥黃醬，兩個醬都唔錯如果你係附近搵唔到位都唔緊要，因為佢嘅紙盒入面係有層抗油嘅物質，就算你拎去第二度個紙盒都唔會有一達達嘅油漬個蒜香炸蝦籃真係可以變成一個小籃子架，好可愛啊

翻睇番啲構想先至發現自己冇寫到呢一間餐廳嘅短評，呢個位於7號碼頭嘅炸魚薯條其實都已經開咗一段時間，今次因為有時間喺海邊食個午餐順便睇吓展覽資料，所以就黎到呢度叫左佢哋嘅特色炸魚薯條。炸魚薯條套餐大概60蚊至90不等，我叫左個最簡單嘅一種，一條炸魚同埋薯條。配上一個蒜蓉沙律醬。真心講略嫌呢個炸魚薯條嘅炸魚份量真係好少。大概係我手掌嘅一半左右嘅份量，我覺得呢就偏貴啦，因為就算喺赤柱西餐街嘅午，餐食一碟炸魚薯條有好幾件炸魚都係講緊＄100多少少。分量仲要足二人，得咁少魚要大概＄70嘅價錢我就覺得有啲唔值。好彩魚柳口感不錯，而且唔會太多油，不過一食就係雪藏味，無咩特別。薯條即叫即炸配蒜蓉沙律醬，以外賣嘅價錢真係唔係好抵。薯條份量好多但係魚就真係一條囉。飲品方面亦都唔覺得佢10分抵飲其實對面就係7-11啦。所以冇叫到。個價錢就偏貴，未算好有特色囉。

清晨就去咗中環碼頭為咗試我人生第一次識食炸魚薯條從來歐美嘅出名食品畀我嘅感覺都係好貴同埋好優美點知呢間 小舖的確做到經濟實惠好親密嘅感覺😲😲😲❤💙❤💙睇完餐牌之後嗌咗幾款自己心頭好第一個當然係招牌菜炸魚薯條👄👄佢有好多酱畀你揀自己選擇咗蜜糖芥末醬首先講咗個炸魚炸粉啱啱好食落去冇一種好油嘅感覺而且啲魚肉層次分明起碼唔係冰鮮魚柳薯條方面又係外脆內軟因為新鮮即製所以 份外脆💓之後 叫咗個炸蠔呢個亦都係招牌菜而且我覺得分分鐘係我人生食個之中最大隻同埋最新鮮嘅蠔出面雖然炸完但係入面仲保持水汪汪有唒蠔嘅鮮味再者叫埋個炸芝士條 間舖頭用嘅係喎mozzarella cheese所以啱啱新鮮即炸完之後係會有一種拉絲嘅感覺食落去都好好正飲品方面自己叫做個即榨檸檬汁第一啖飲落去係好酸但係完全無添加嘅檸檬汁所以輸酸完之後都會有少少甜味整體嚟講都算係一間好平民但係質素堪比餐廳嘅舖頭仔

小弟一般好少食炸野,仲要係魚類食品,係小胖女強烈要求之下,今次破例一試呢間位於中環碼頭既白鬍子唔好睇佢鋪仔細細,黎到既時候已經大排長龍,我地雖然好快就落到order,但制作需時,都要等大約十幾分鐘先有得食,因為未食lunch,所以叫左好多野食,叫左一個招牌炸魚薯條,炸魷魚鬚,Mushroom Popcorn,同芝士煙肉薯條,首先係個招牌炸魚薯條,係超大塊炸魚排,一般對魚十分抗拒既小弟,今日終於要挑戰佢啦,首先由於支左檸檬汁,咬苟好清新,一d都唔會有魚腥味,配埋大量厚切著條好夾之後係小弟叫既炸魷魚鬚,岩岩炸起非常之脆,食落有小小辣味,好惹味,然後就係小胖女既Mushroom Popcorn,大家睇個名好怪,咩磨菇爆谷,原來係真野,外皮係包住粒磨菇黎炸,食落仲保留到好香既磨菇味最後係芝士煙肉薯條,份量好夠,仲有大量煙肉碎粒係面,小胖女一路嘆住支手工啤一路食,份外滿足,係等船過海既時間,可以黎試下呢間風味小食

It was a pleasant surprise that there is a good fish and chips restaurant here in Hong Kong. A great variety of flavours are available. Original, spicy hot....? way too common for me! Lemon pepper fish and chips! The name of the dish turns on my tastebuds. Let's give this fresh combination of seasoning a try!The battered fish fillet is of satisfying portion. The flour coating is thin and crispy. Under this golden shell, it comes the tender flesh of fish served piping hot. Every bite filled with

Had the Fried calamari and signature fish n chips. The batter was good and light good Pineapple Express not too sweet. A lot of pineapple but It will be better if they use more soda water. I have to buy extra soda water from 7-11. My friend had lemonade was good too not to sour or sweet . Very refreshing . The only downstairs about this place it their seating area. Limited seating at pier 7 . I think is kind of Dusty with people are getting on and off the ferry. But the food was yummy.

中環7號碼頭係平時放工必經之路，唔想係放工時段同人迫住巴士地鐵咁返到九龍，就一定係撘船。但係每一次經過碼頭個陣都會聞到一陣極邪惡嘅炸香味，就係今日要介紹嘅依間white beard fish&chips 啦，難得今日有時間所以決定同朋友去試一試係咪真係咁邪惡！鋪頭嘅位置十分易搵，只要沿住中環7號碼頭行入2步就即刻見到大大個招牌同門面，十分方便！今日我地點左嘅主菜有炸鱈魚薯條同雙重芝士薯條，即然黎得一間賣炸魚薯條嘅地方，點都要試下佢地嘅招牌！由於所有嘅食品都係即叫即炸嘅關係，所以等餐需要些少時間，薯條炸出黎好脆好實心，唔似一般快餐店咁軟哂，加上極邪惡嘅芝士，真係睇見都流哂口水！而炸魚就厚度十足，絕無偷工減料，而且充滿肉汁，真係食到停唔到口！然後我地就叫多左2款小食，魷魚圈籃同美式熱狗，魷魚咬落口就感受到魷魚嘅鮮同彈牙，十分適合一啲唔想食太飽嘅人去試下！另外美式熱狗就真係抵食之選！厚厚嘅面皮將熱狗包住，配撘上烤得微脆嘅外皮，兩種矛盾嘅口感真係會令你不知不覺間食哂成份熱狗！最後以店入面嘅冰菠蘿特飲同檸檬蜂蜜作結，清新嘅調配將成餐累積落黎嘅油膩感一掃而空！如果有機會嘅之後一定會再試！

岩岩返嚟落船嘅時候覺得肚餓，係中環碼頭揀咗一間快餐店。其實我搭經常見到呢間店鋪，鋪面細細間，有兩三個外國店員，但每次都好趕 所以冇機會試下。今晚唔趕 於是同朋友試吓。我地叫了好多嘢食，佢地最出名既係薯條同炸物，我地當然要試一試佢哋的招牌薯條啦。我地點左炸鱈魚薯條，魷魚圈，雙重芝士薯條，美式熱狗，另外點了，蛋黃醬同蜜糖芥茉醬。首先係炸鱈魚薯條，本來一開始以為係用炸鱈魚造既薯條，原來佢係薯條旁邊有一大塊炸炸鱈魚。大愛炸鱈魚！我好鐘意食，外脆內軟，魚的肉好冧好好味！我係蛋黃控，所以食咩都會沾一些蛋黃醬，炸鱈魚沾上炸鱈魚，味道更岀眾！我本人對魷魚無太大既熱愛，但身邊朋友都好鐘意。但今次連我都覺得好食，魷魚好彈牙，外層都炸得金黃香脆，係油左少少～除左蛋黃控，我都係芝士控，一見到雙重芝士薯條就好興奮，我眼見都芝士淹沒所有薯條好即刻心心眼，車打芝士好香，一拉開薯條，好多芝士絲，如果芝士味再濃d就更好！薯條再加上芝士，原本好餓既我地已經就快食唔落..最後既係熱狗～熱狗係好著通既熱狗，無咩令人驚喜既野，又可能係我已經食飽左 哈哈 但總括黎講係好食的！野飲方面，我地點了冰菠蘿特飲同檸檬蜂蜜。冰菠蘿特飲幾好

我同小胖男友間唔中都會去港島區拍下拖有時仲會搭下天星小輪romantic一下早排就由尖沙咀搭船去中環打算行下 去得港島區當然唔少得吃呢個環節啦我地發現原來中環碼頭有一間好吸引既炸魚薯條專門店店仔細細 唔少人都選擇take away 但另一方面亦可以坐係室外一邊感受海風同海水味 一邊嘆炸魚薯條而當日我同小胖男友就選擇了後者除左炸魚薯條 仲有burger同好多款小食最正既係天都未黑已經有Stella同其他手工啤酒供應同小胖男友各自選擇左一支小麥味重既手工啤同無酒精既lemonade 野食未ready 先嘆住支啤酒先呢個就係當日我地兩小口豐富既late late brunch炸魚薯條果然係招牌 唔單止炸得皮薄香脆 肉質仲相當嫩滑 yummy炸魷魚鬚又係勁香口 炸到脆卜卜到小妹order既Mushroom Popcorn好過癮原粒蘑菇炸到一粒粒爆谷咁 咬落去勁juicy雖然已經好飽 但都忍唔住食埋呢個芝士煙肉薯條好滿足

💞💞其實好耐冇食過fish n chips嫁la🍟所以特登早起😍去食個fish n chips做早餐👇👇👇👇👇👇👇👇👇👇👇👇👇👇👇揀左辣味既😆其實一d都唔辣份量好多🙈🙈🙈有少少辣係fish上面 唔辣嫁😙但好好味個炸魚炸得好脆😏😏仲1d都唔厚🤔啤酒炸生蠔🍺😝😝真係好正 一d都冇肥既feel😍又脆😍入面唔乾身 仲好 juicy嫁😙🤗炸芝士條🧀🧀🧀😂😂唔小心掛住影相放到唔熱拉唔到絲lu😣😣😣😣炸魷魚圈💞💞😏e間嘢既所有炸物 全部都炸得好脆嫁辣芝士薯條😤 🧀🍟🍟厚🧀切🍟薯🧀條🍟係🧀一🍟流🍟d芝士份量都好多😆😆非一般既檸水💞佢餐牌寫鮮檸檬水🤔我以為會好酸😣但點知好易入口😌😃😃我最欣賞既菠蘿特飲💞💞💞佢附送左個冰菠蘿😍😍好正 入面仲有d菠蘿粒 甜甜地酸酸地好特別既口感💞💞絕對推介😆

聖誕期間從保險朋友手上取得兩張門票，趁着新年假期便來到AIA歐陸嘉年華，想到是日玩樂主題是嘉年華，還是選英式快餐最對題吧！中環有兩家「白鬍子」，這家是專為外帶的客人而設的，雖說是一家外賣小店，但仍設一、兩套桌椅讓客人使用。服務是不敢恭維，不過念在是外賣店的關係也就罷了。炸魚薯條($68) 的粉漿不會太厚身，雖是新鮮即炸熱辣辣的，但似乎是油温不足的關係，炸魚顯得頗為油膩濕稔，魚肉鬆散且與外皮分離，並非預期的水準，是因外賣店而影響質素嗎？這個可不得而知了。薯條同樣因油温問題而變得「糯口」，沒有脆感可言。這份炸魚薯條實在是驚喜欠奉，可幸是店了提供八款蘸醬選擇，分別選擇蒜蓉醬和芥末籽醬，確是多少能提升味道吧！炸蠔($30/3隻)要比炸魚薯條好上一點點，外層比炸魚薯條脆身得多，蠔身不算肥美，但尚有蠔味，感覺還不賴。菠蘿特飲($30)是菠蘿汁和冰菠蘿片的組合，造型有趣。菠蘿汁是現成貨色，糖水下得頗為重手，冰菠蘿在冬天吃上，實在令人牙關打顫，此物在夏日該會是人見人愛的吧！

以前係愛爾蘭生活左一排，記得工作一出糧就會去快餐店度食炸魚薯條。係果度好多地方都有炸魚快餐店，返到黎香港呢就好少呢類專賣炸魚既快餐店，要食既話就要去西餐廳，都起碼要成100蚊一份。岩岩行過中環碼頭，就見到一間專賣唔同炸魚既外賣店，趁有點肚餓，買份黎試下先~佢炸魚款都有唔同，有招牌(68蚊)、鱈魚(78蚊)、檸檬黑椒(78蚊)、一口炸魚(55蚊)同香辣炸魚(75蚊)，全部都跟薯條。如果再加野飲就加10蚊，每款套餐都包一款醬，可以自己揀(有他他汁、蛋黃醬等)。由於係新鮮炸，建議想試既朋友要預留足夠時間，因為都等左成15分鐘。點了個招牌炸魚薯條，選了他他汁，加凍檸茶。一路吹海風一路食，真係另有一番滋味喔~炸魚有兩舊，切開第一舊時唔知係咪太熱，D魚肉好碎，肉跟炸漿皮是完全分離的；到之後凍番少少再食第二舊就無呢個問題，啖啖肉連炸皮真係好正! 薯條係粗切連皮的難得可以有外賣既有質素炸魚食，滿足

喺香港唔同地方都食過炸魚薯條，但有唔少嘅炸漿都超厚之餘，仲要食落超油膩，所以好難食。之前同事食過後話白鬍子嘅炸魚薯條整得唔錯，搞到我好想去試下，趁今日放假就去咗食喇。(P.S 薯條係Mr.J嘅最愛，魚係我嘅最愛，所以特登去食都無問題啦)就算連炸魚薯條都有5種唔同嘅選擇，今日揀咗檸檬黑椒炸魚薯條，另外叫咗魷魚圈籃同香蒜牛油薯條。食店附近都有幾張公用枱方便大家坐低食。等咗一陣，就有得食喇。第一時間就聞到香蒜牛油薯條嘅香味，因為薯條係炸完之後再用香蒜牛油撈，所以要盡快食，否則會痴埋一齊。薯條係粗身連皮嘅，雖然係炸完再撈牛油，但都唔會太淋，好好味。主角當然係炸魚薯條，今次要檸檬黑椒味，因為比較特別，出面少有嘛。微微嘅黑椒味再加上檸檬汁，無搶走炸魚的味道，檸檬汁仲將魚嘅腥味帶走咗。另一方面，炸魚嘅炸漿好薄，食落唔油膩仲有少少魚的鮮味，味道做得好平均。薯條當然都炸得剛剛好，好好味。至於魷魚圈，炸漿都係好薄，屬於鬆化嘅一類。咬落魷魚圈仲係彈牙，再唧檸檬汁上去，除去咗腥味同油膩感，不錯。P.S 一路等食物時，不斷有好多外國人落單，可能香港比較少有依類專賣炸魚薯條嘅舖頭，間唔中食可以醫下思鄉病。