百味堂 (已結業)

一早見其他人食過此款poopoo造型雪糕，很想一試。因為在海港城晚飯，經過此店見到出名雪糕；立即飯前也要來1杯。排隊人龍有幾個，主要都來點此特色雪糕🍦有原味及豆味，第一次來就試原味⋯ 而且小朋友吃原味（奶味）應該最穩當。買完拿著電子圓餅等⋯ 圓餅響起來，雪糕is ready1家4口一起淺嚐一杯⋯ 2個女兒表示非常喜歡（應該大部分雪糕都喜歡）味道其實極似煉奶⋯就是較甜，也不似牛奶的滑與香。質感似冰淇淋，就是台灣韓國夜市上的冰淇淋，可以吃到碎冰⋯ 應該因此才能定型。下次再試試豆味，看有什麼分別🧐。

👉🏻原味牛奶雪糕🍦🥛💲48〰〰〰〰〰〰〰〰〰〰好濃牛奶味🍼!不過比較重冰感❄️比起日本個creamia仲差一節😹冇咁creamy同滑🤔個cone似mcdonald個啲但脆啲😹但牛奶味真心幾夠濃幾甜👍🏻

百味堂開K11 pop up store既時候已經試左一次覺得幾好食今次經過海港城即刻買黎食牛奶味好夠重 夠濃 唔會太甜 超鍾意個雪糕筒就普普通通 但花花形可以接住溶緊既雪糕但真係有d貴 間唔中食下就幾好！

最近返工個陣都想有啲野飲下比啲力量我 所以我就同同事係lunch hour 嘅時候走左出去揾野飲平時我地就飲開天仁茗茶 佢地話今日試下新野 所以我地就走左去韓國好出名嘅百味堂買啦 百味堂出名係牛奶 所以個到都有好多選擇如雪糕 奶昔 任君選擇 仲有拱培食品tim 咁因爲朕想飲熱飲嘅關係我唯有叫左杯regular size 嘅latte 其實飲落就覺得唔太好飲 好重牛奶味 似牛奶加少少苦嘅味道 唔太似咖啡 有啲失望 而且要$42 一杯有點貴 所以下次叫我都係食返雪糕算 咖啡就去第二到買

百味堂都開左一段時間，由K11開到銅鑼灣，再開埋海港城，終於變得方便就腳。來自韓國的大熱甜品店，有咩吸引之處，先食個原味牛奶雪糕。其實款式同口味都好多種類，水果類至茶類口味的雪糕，還有麵包、蛋糕及飲品。仲有個輕怡套餐都幾吸引，旁邊也有位給客人慢慢品嘗。先選擇自己喜好食物，落單付款。就有個響機給客人等待，一響就是通知客人去取食物。原味牛奶雪糕 $48（100%有機牛奶製造）賣相好靚好完美，牛奶味好濃郁，但口感清爽水潤，因為冰感偏重，入口溶開有如牛奶沙冰，甜度剛好，好味又解暑，脆筒保持脆口感，值得一讚。份量頗多都算控食。

個個都半肚氣，半肚火，梗係去食個甜品下下火啦!呢間百味堂，之前喺k11大排長龍，好墟撼，但係我又冇俾佢吸引到喎! 今日既然係咁， 就試下佢係咪真係咁吸引啦!由於座位有限，d人又坐到離行離"lar"，所以我哋要等位。 等到有位，就去排隊買嘢食。由左至右分別係:豆乳牛奶雪糕$48個雪糕食到最尾都係維持到佢嘅硬度，唔會太濃，有好香嘅豆漿味道，個筒有少少乾，雖然好脆。朱古力牛奶雪糕$68麻麻地，因為雪糕同朱古力融得好快，朱古力嘅味道亦都唔係好特別。新鮮芒果牛奶雪糕$78芒果一粒粒，分量都夠享用成杯雪糕，牛奶雪糕又唔會太羶。意大利芝士牛奶雪糕$68呢個幾軟滑嘅，底部有小小蛋糕，都有好香嘅意大利芝士味。食得都幾有壓力，因為已經有人喺度等緊個位啦!

上次吃過芒果牛奶雪糕，覺得味道不錯。今天特意到訪，再試試其他口味。這兒供應的雪糕有十款選擇，包括有豆腐、抹茶、士多啤梨、芒果、藍莓、咖啡、 tiramisu 同朱古力等等, 價錢由$48-$78，價錢一點也不相宜，也許是昂貴的海港城租金，或是韓國過江龍的原因吧。濟州抹茶牛奶雪糕$78Jeju matcha milk icecream 這杯雪糕比芒果口味牛奶雪糕稍為細杯少少。雪糕約有四圈半，店員細心地在每一圈加上綠茶醬。雪糕入口軟滑，牛奶味依然香濃，是用有機牛奶製造100% organic milk製造。可是這牛奶雪糕沒有上次咁挺身，帶一點冰感。而那綠茶醬只是普通的綠茶味，甜甜地，抹茶味唔太強，質地比稀身。整體感覺一般，性價比唔高。

繼銅鑼灣Husain place嘅pop up store, 百味堂再係尖沙咀海港城開新店！新店同樣推出2款限定雪糕🍦。新鮮芒果牛奶雪糕（$78）尖沙咀新分店推出本店限定*嘅原個呂宋芒牛奶雪糕🍦，原個呂宋芒喎👀，好似落足本咁，聽到都興奮😆。芒果部分切粒🔪；部分打蓉，芒果都幾甜，不過未算非常有果香。牛奶雪糕🍦感覺好細滑，冇沙冰粒，比銅鑼灣分店好食。濟洲抹茶意大利芝士牛奶雪糕（$78）終於係香港🇭🇰草根姐妹👭韓國特有嘅💩💩形雪糕而家香港都有得食。牛奶雪糕一如往常滑溜唔會膩，但抹茶味🍵不突出，反而似食緊黃豆粉雪糕🍦。雪糕下面放了意大利芝士🧀和吸滿了Espresso嘅手指餅🍪，說實話，手指餅先係最驚驚之處😋，手指餅咖啡味☕️強烈，好香好好食，建議大家配埋雪糕食味道更好呢！手工果醬多士（$58）除左雪糕蛋糕草根仲試埋多士🍞，聽講果醬每隔一段時間就會轉。呢一期係無花果醬，唔好話草根姐妹唔提醒大家呀☝🏻，無花果醬係時令野，過咗就冇嫁啦！平日好少食無花果醬，味道都幾特別，酸酸甜甜，好清香，不錯喔👅。另外一邊落咗韓國牛油，牛油味較淡，個多士要$58都幾貴啊🙈。

猶記得當時百味堂首度登陸香港，在尖沙咀K11開設期間限定店旋即掀起熱潮，而我當時亦曾多番到訪光顧，一直對其香濃的牛奶雪糕與奶昔為之著迷。近年百味堂終於長駐香港，在K11首間實體店開幕後亦曾再度光顧，質素依舊優秀；繼上月於希慎廣場開設期間限定店後不久，再下一城又於海港城開設新分店，比期間限定店和K11分店設有更多的座位，讓客人能更舒適地享用雪糕。希慎廣場期間限定店有獨家奶茶雪糕，海港城新分店亦不遜色，推出全新兩款只限此店供應的雪糕——新鮮芒果牛奶雪糕和濟州抹茶意大利芝士牛奶雪糕，另外亦有全新的手工牛奶多士；雖然我孑然一身到訪，但選擇困難症下還是一併點了兩杯獨自品嚐。新鮮芒果牛奶雪糕 ($78)新品用上整個呂宋芒製作而成，除了將芒果打成芒果蓉外更有粒粒芒果果肉，不像坊間雪糕配上的芒果醬一樣只得糖漿死甜，而是單純帶出芒果嘅天然果甜。百味堂的牛奶雪糕質感向來別樹一幟，不如一般快餐店新地筒那種奶滑稠密，反而帶有些少冰感，不過同樣細緻順滑而且奶香醇厚。但另一方面芒果的香甜會大大削弱牛奶雪糕的奶香，所以尤其是首次食百味堂雪糕的朋友，最好於起首先單獨品嚐下牛奶雪糕，感受其原有的醇美奶香，然後才連同芒果

光顧了數次, 試了幾款不同既雪糕, 最愛係新鮮紅豆牛奶雪糕。這款採用濟州的紅豆, 口味與一般市面上的北海道十勝紅豆大大不同。濟州紅豆無日本紅豆那麼甜, 但豆味很香，濃郁很多! 豆的腍道剛好, 唔係煮到爛茸茸那種。雪糕既牛奶味亦很濃,加上紅豆沒有太甜, 整體來說不會很膩,自己一個食完一杯都可以。另外最近新出了手製多士, 好奇之下試了,有點小驚喜。麵包以有機牛奶自家製, 外層烘得頗為香脆。多士屬於厚身, 所以有外脆內軟既口感。當天既無花果醬亦是自製的, 這款果醬比較少見,所以覺得很特別! 果醬不會調配得太甜, 而且有粒粒的無花果茸,配合酥軟既多士口感很好。除了果醬還配合了韓國的牛油, 牛油是雪白色的,口感比一般沒那麼肥膩, 而且味道較淡, 似乎很適合女生。這間店既用料很講究, 多是採用韓國進口既原材料, 而且食品都是手工現製的, 口味更為獨特! 雖然價錢較高, 但仍值得一試!

今天到LCX吃午餐，發現這兒開了來自韓國的百味堂！這間店是採開放式設計，自行到櫃檯點餐，然後可到旁邊的座位享用。既然是過江龍，雪糕一點也不便宜，由$48-$78。除了供應雪糕以外，還有咖啡、奶昔、麵包和旦糕，大部分都採用有機牛奶去製造。這兒有兩款雪糕是海港城限定的，分別是芒果牛奶雪糕同濟洲抹茶意大利芝士牛奶雪糕。由於天氣悶熱，一於試下生果風味的芒果牛奶雪糕。芒果牛奶雪糕$78這杯雪糕都幾大杯，用上菲律賓呂宋芒製作。雪白的牛奶雪糕上淋了一層一層的芒果茸，面層仲有滿滿的新鮮芒果肉。牛奶雪糕的牛奶味十分濃郁，極度濃香，口感幼滑如絲又creamy,口腔彷佛沐浴在4.7的乳香之中，真係正！比Icremeria 的雪糕更濃更實在。香甜的牛奶雪糕拌上鮮芒果茸，每一口都是芒果滋味，味道酸酸甜甜的，感覺淸新又豐盈，好吃！唯一缺點是價格比較高，若果可以有較細杯同稍為降低價格，應該大受歡迎。推介！

繼Hysan pop-up store百味堂在尖沙咀海港城又一新店！雖然座位少，但都可以行完街，瘋狂購物完同👫👭👬一齊坐底，安安樂樂咁食返杯雪糕🍨有韓國Oppa著手裝飾，又有Oppa沖咖啡兩個女仔都愛食雪糕，所以叫左兩杯。一杯傳統甜品Fusion落雪糕度－－抹茶tiramisu，另一杯就清新點，藍莓雪糕。韓國有機牛奶無添加所製的雪糕，浸泡過24小時抹茶espresso的手指餅及加入抹茶粉的芝士，混合了👸🏻的最愛。👸🏻希望口味可以再加重一點，喜歡light啲，著重instagram-ability 嘅朋友就要黎食返杯啦！兩個人share剛剛好喔💏👩‍❤️‍💋‍👩👨‍❤️‍💋‍👨同樣係牛奶無添加所製的雪糕，加埋大大粒的藍莓，唔止清甜的果味出晒黎，仲帶出雪糕的奶香，雪糕顯得更幼滑！最令我愛上百味堂的原因是他們用最上佳的材料，會以品質為先，另外配料如果醬都是全水果打成的，不加糖，十分健康，令怕肥的女生都可以盡情的享受美食。其實食完兩大杯雪糕都有少少飽，但未食Lunch又想食多少少野。原來百味堂而家出埋厚多士，於是就要左個無花果果醬多士，另配左杯橙加檸檬梳打等唔洗咁乾。原來無花果醬係自家製㗎！就咁食

知道我最愛既百味堂開左去海港城，即刻約埋frd去朝聖! 地點唔算太難搵，喺lady m再入少少。每間分店都有限定既雪糕口味，海港城既限定味係芒果牛奶雪糕同抹茶Tiramisu牛奶雪糕。但其實除左雪糕，仲有好多其他野賣，例如麵包、咖啡，梳打。講返雪糕先~ 我地最期待就係鮮芒果牛奶雪糕($78)，因為店員話每杯芒果雪糕都係用足一個芒果整，足料得驚人! 百味堂特別選用呂宋芒，因為呂宋芒質素穩定，厚肉而且多汁清甜，配合埋creamy既牛奶雪糕特別夾! 好適合夏天食~另一杯海港城限定口味係抹茶Tiramisu牛奶雪糕($78)。牛奶雪糕混和左濟洲抹茶粉同埋黃豆粉，好有韓國風味。雪糕下面仲有淡淡既mascarpone cheese同索滿晒espresso既手指餅，令到成杯雪糕既層次提升，好似食緊凍涼既tiramisu咁。紅豆牛奶雪糕($68)係咁多杯雪糕入面，我既最愛! 紅豆用特別訂製既鍋慢煮3小時，粉腍香甜，同牛奶雪糕係絕配! 而紅豆雪糕佢會配埋一枝飲管俾你，當d雪糕食到溶晒既時候，可以當紅豆冰咁飲，好貼心。除左雪糕，其實其他食物都好高質。例如百味堂既多士全部都係手工製，由果醬到牛油到塊牛奶麵包

百味堂上個月喺銅鑼灣希慎開左期間限定店，不過作為新界人，過海還得擇日，見佢近近地開左分店喺海港城，就搵個假日去試試。新店設有少量座位可供堂食，接近自動電梯位置，人流甚旺。不過空間有限，當日假日前往，客人頗多，但由於以輕食為主，一般唔會佔座太耐，所以我地都耐心等候一陣。餐牌供應招牌牛奶雪糕及多款配搭、奶昔、咖啡、麵包、多士等，雪糕定價$48-78。比較多人介紹係呢間分店限定嘅芒果牛奶雪糕，所以我地都點左一杯，朋友就揀左抹茶、朱古力味雪糕。其實我食雪糕就唔需要特意搵個位坐，不過天時暑熱，我地想手機食先，會比較方便。新鮮芒果牛奶雪糕 $78雖然定價稍為進取，但亦吸引不少人打卡。強調使用原個呂宋芒配搭牛奶雪糕、並加入鮮芒果打成的果醬製作，新鮮足料芒果香甜無渣，面頭保留果肉，雪糕、芒果比例適中，果甜混合奶香，消暑呢。牛奶雪糕比起雪糕筒裝融得快，拍照後都要盡快享用。濟洲抹茶意大利芝士牛奶雪糕 $78雪糕呈招牌形狀，較芒果杯扎實，融化速度冇咁快。雪糕底沾上espresso的手指餅，再加入抹茶醬、抹茶粉、黃豆粉，類似tiramisu形式。牛奶雪糕一貫香濃，冰感較重，由於只係灑上抹茶粉，所以唔搶牛奶風頭

早前掀起熱潮，來自韓國的百味堂，終於再開分店。分店同樣位於尖沙咀，進駐到海港城LCX下層的位置。除了招牌牛奶雪糕、有機咖啡、曲奇等，海港城店更獨家推出新鮮芒果牛奶雪糕。炎炎夏日，吃一杯新鮮芒果牛奶雪糕($78)實在再適合不過。招牌牛奶雪糕依舊香濃軟滑，配上原個呂宋芒果製成的芒果粒、芒果蓉，香甜味美。新鮮紅豆牛奶雪糕($68)，用上濟洲紅豆，慢煮紅豆蓉軟綿綿帶嚼勁，味道亦非常特出。配上牛奶雪糕，好像紅豆冰一樣，但不論豆味或奶味也更勝一籌。和朋友一起的好處，就是能夠試盡各款美食。抹茶，不止日本獨有，韓國的濟州抹茶亦鼎鼎大名。百味堂更推出韓國抹茶與意大利tiramisu的混合版，濟洲抹茶意大利芝士牛奶雪糕($78)。牛奶雪糕結實香滑，撒滿抹茶和黃豆粉。最特別的是雪糕之下隱藏著沾滿抹茶espresso的手指餅，口感豐富，絕對是用心製作。新店另一特別之處，就是手工果醬多士($58)。自家製有機牛奶麵包，配上自家製牛油，還有期間限定的自家製無花果醬，無一不貫徹這品牌優質足料、手工精製的宗旨。無花果醬非常特別，酸酸甜甜，粒粒無花果碎充滿口感。