百味川 (已結業)

星期六同frd子去葵廣shopping買下轉季衫，晏晝搵間米線快食繼續作戰💪🏻 都搵到高質扺食舖😋我地2個人每人叫左一碗米線同小食同野飲😁 每樣都好大份同好野味，啱晒喜歡重口味嘅人士😁小食叫左香辣牛柏葉同口水雞翼🐮🐔 2樣都好濃味，唔算太辣。牛柏葉辣得黎帶少少酸，好醒胃。口水雞翼就勁多口水醬，入哂味👍🏼麵嗰方面我地2個都叫左麻辣湯，好似話呢度係麻辣湯出名。朋友叫左牛魔王(牛腩，牛筋，牛肚)，我就叫自選三餸(滷蛋，豬耳，雞扒)。2碗都好大碗同好多餸，尤其塊炸雞扒仲要係另上😁 個湯地好多料，睇到入面有花椒八角香葉肉碎嗰d，好香口🤤 不過食完就真係開始覺得辣，好彩叫左杯恐龍華田解解渴😊 滿足哂

今日去葵芳行街，又到食飯時間，行過呢間主打麻辣米線嘅米線店，睇睇餐牌，價錢都ok,所以就叫咗d小食同米線試吓。川香白肉，d五花腩唔算太肥，肥瘦分明，係厚切，食落好有口感，加埋佢地嘅秘製川香醬，好惹味，唔算太辣。香辣牛栢葉，牛栢葉都好爽口，牛栢葉吸收埋d辣汁一齊食，好開胃。麻辣牛魔王配淮山麵，牛魔王分別有牛筋，牛肚同牛腩，牛筋好煙韌，牛肚同牛腩炆到好淋好入味，而淮山麵吸晒d湯嘅味道，好好味。雞尖，豬腸，豬排米線，中辣，d餸嘅份量都幾多，雞尖唔會炆到爛晒，仲好有咬口，豬腸炆到好淋，入埋味，而炸豬排係另外上，係即炸，上枱時熱辣辣脆卜卜，幾好食，個湯底都好正，夠麻夠辣，食完都唔覺得口渴。加8蚊有特飲，我地叫咗咸檸7，涷檸樂，咸檸同檸檬份量都幾多，抵飲。

今日去咗位於葵芳嘅葵涌廣場行街 見到呢間百味川好多人食緊 於是就入去食下啦餐廳地方唔大 不過卡位都坐得幾舒服最近食咗太多好嘢 決定減下肥唔食咁多澱粉質 唯有揀咗個鮮肉白菜雲吞 雲吞皮薄 入面夾雜咗白菜仔纖維量十足 同時豬肉嘅調味得宜唔會好寡 加埋辣菜脯一齊食十分惹味蠔油娃娃菜 分量都幾多 有一絲絲蔬菜嘅甜味加咗蠔油 味道清淡得黎不失健康麻辣手撕雞 雞絲偏瘦 一絲絲索曬麻辣汁嘅味道非常惹味 下面仲有一絲絲嘅青瓜帶點清爽嘅口感滷水雞髀 滷得非常入味 一咬落去雞汁爆發

自己一個人又想食酸菜魚，怎麼辦？哈哈…葵廣幫到你🤣🤣🤣葵芳廣場食店混集，本來以為主要係賣街頭小吃，但原來亦都有啲餐廳小店可以堂食，百味川係其中一間麵店，有客家米線、麻辣米線、過橋米線、鮮茄米線、干拌麵等，但我最鍾情的始終是佢招牌系列嘅酸菜魚湯底，始終酸菜魚麵唔係度度有得食，平時小菜館單點酸菜魚也不便宜吧。酸菜同魚的份量很多，魚肉滑捋捋，酸菜不會過鹹，麵底可免費轉淮山麵，更加掛湯。食完唔覺得特別口渴，湯底應該沒有味精。套餐$58還附送熱飲一杯，真的超值。

新都會o個隻巨貓已經出現o左一排，係最近先約人入去睇下打下咭，同埋最緊要影貓貓o既蛋蛋……跟住順便行埋葵廣同諗下食乜，葵廣我食過好幾間餐廳，都係門面睇落有d cheap 但其實性價比高，質素係唔錯的。呢間麵店，見佢除o左中式麵同雲南/四川小吃，仲有d 港式茶餐廳o既食物，都多款式，於是決定食呢間。非常之肚餓o既我決定食個重量級o既粉麵，叫o左麻辣牛魔王($60)。有住牛腩、牛肚同牛筋o既料，食到個人頭殼頂冒汗……個湯愈辣就愈刺激個人流口水，可能因為咁其實d o野會愈好食~ 呢間其中一樣我好喜歡o既o野係有得配淮山麵，而且係同價的，鍾意佢實淨卻又爽口o既口感，而且個麵o既份量都幾大。我個粉麵包熱飲，不過食辣o野最好都係配番凍o野飲先……試o左一枝無冰奶茶(加$7)，即係預早雪定o個d，佢濃甜、解辣~順便嗌份蒜泥白肉($33) share 食，佢雖然稍為鹹o左dd，不過蒜油好香，蒜泥俾得好足超大pat，可以一次過夾勁多落塊肉度都仲得，享受o係你口中爆蒜o既瞬間……朋友則叫o左個炸雞翼配薯條o既餐($35)，貌似上粉生炸，邪惡非常！配上粗薯條，因為頭先d 蒜泥都多，可以將薯條變成蒜香薯條，正

自選粉麵（$68），番茄酸辣湯底牛栢葉蘿蔔豬肚雞肉生菜底，番茄酸辣湯底內有大量番茄，牛栢葉食落孖爽口，蘿蔔味道清甜，豬肚食落好新鮮，雞肉份量多，內有炸醬、芽菜、酸菜、花生、芫荽、香蔥。自選粉麵（$46），沙嗲大辣湯底金菇龍蝦丸淮山麵，沙嗲湯底味道正宗，金菇口感爽脆，龍蝦丸口感彈牙，淮山麵口感爽滑。蒜香皮蛋（$33），表面鋪有芝麻粒，皮蛋口感滑溜，有溏心，蒜泥食落好香口。麻辣手撕雞（$33），雞肉嫩滑，味道麻辣十足，食落好惹味，青瓜絲口感爽脆。恐龍華田（跟餐$11），表面鋪滿阿華田粉，雙重阿華田味道，味道濃厚。凍柑桔酸梅露（跟餐$6），味道酸甜，飲落好清爽。

今日同friend去葵芳廣場行街。順便去百味川食辣嘢！百味川店鋪雖小，但有好多選擇：有招牌套餐、自選米線和小食飲品揀。價格經濟又實惠。我嗌左自選米線，自加4樣餸，麻辣中辣，套餐+3元有凍奶茶飲。好久冇食過辣得咁爽啲米線，味道真係好正。朋友都是自選米線，4樣餸，但佢要沙爹中辣。沙爹味好香，好惹味，辣度又唔會辣，好啱朋友口味。小食嗌左川香白肉和川辣鳳爪。鳳爪好彈牙，配上麻辣醬，同泰式鳳爪味道又唔同。辣度會比較辣。白肉切好薄身，配上麻辣醬，一口一啖，好爽口。

呢間位於葵廣地下既米線店成日經過都見到，佢地個下午茶套餐仲好抵食咁，而且下午茶時間由下午2點半至6點半，喔～放工都趕得切食喎🤭🤭🌟 自選米線如果想試多啲餸既話不妨揀自選米線🤭湯底由$20起、餸菜分別係$8、$9同$12😝今次揀左麻辣湯底($30)，辣度由微辣至特辣可以選擇～配菜包括炸醬、酸菜、芽菜、香葱、芫荽同花生；揀左小辣，味道麻香帶點辛辣，如果鐘意食辣啲不妨再加辣喔😆麵底除左有常見既米線、薯粉、油麵外，仲有准山麵同生菜底揀😉不過今次我地就揀左米線啦😆佢地啲米線都幾滑溜嫁。餸菜就有錢就是任性🤑揀左魚皮餃、牛腩、豬耳、牛肚同肥牛🤣連個碗都巨型左🙂下午茶套餐本身包埋熱飲，我地加左$11點特飲恐龍華田，上面係滿滿既阿華田粉呢🌟 自選兩配菜套餐 $38 (下午茶套餐)下午茶餐可以自選兩配菜×麵，今次揀左雞肉、木耳絲配薯粉～仲有沙嗲湯底(+$2)🤪一黎到就見到滿滿既薯粉🤣份量好多喎；而且好彈牙😙加埋啲湯底真係好夾😄沙嗲湯底有微微既咖喱同椰香味道，加埋少少辛香，點左小辣唔算太辣，主要都係食個香味～配料有芽菜、酸菜、花生等，加埋一齊口感幾豐富。特飲涼粉紅豆粉勁正囉～😝杯紅豆冰加左好多蜜紅豆同涼粉係

多數去葵廣都係去掃街，但今日真係太熱想正正經經坐低咁食返餐，誤打誤撞嚟到呢間細細的舖頭食米線。💚 百味鮮茄魚淮山麵天氣咁熱真係飯都食唔落，最啱食啲酸酸甜甜嘅嘢，呢個米線一上枱已經聞到浸酸酸甜甜嘅味道，非常開胃。碗米線真係勁足料，魚柳多到鋪哂成個面(其實隻碗係好大)，雖然應該係急凍魚柳，但係食落一啲雪味都冇，好滑而且冇骨，識落真係啖啖肉。蕃茄都一樣咁多，個湯飲落都好濃味，而且有少少嘅厚度，食得出真係用蕃茄熬製出嚟。淮山麵喺一般嘅麵店比較少見，原本以為會係偏淋，點知係好有咬口，完全係我鍾意嘅texture，而且都幾掛汁，同個番茄湯好夾。💚 麻辣牛魔王油麵辣度由微辣到特辣，今次只係揀咗微辣過吓口癮，個辣度真係超級微，一般食得辣嘅人可以由小辣開始揀起。呢碗同樣都係好足料，有牛腩、牛筋同牛肚，每樣都有4-5嚿，淨係食餸都飽🤣。牛腩偏瘦但係又唔會好硬，同牛筋一樣都炆得好入味，而牛肚都係炆得好淋好入味，仲有少少花生、酸菜、炸醬話調味，令到湯底嘅味道更豐富。💚上湯娃娃菜估唔到個菜會咁大碗，唔油膩，味道偏淡，啱晒浸落去碗面到一齊食。💚 樽仔奶茶茶底嘅味好出，同奶嘅比例唔錯，而且好滑，甜度都正常，喺米線店

葵涌廣場食肆多， 最重要係各類型平民餐廳都有得選擇， 即使一個月入去 食足三十日都肯定唔會食得曬所有餐廳。 今次點指兵兵， 去咗地下的百味川， 食我最喜歡食的米線， 呢間米線店仲有一隻特別的味道唔係出邊度度都食得到， 講緊嘅係佢哋嘅招牌番茄酸辣湯。蕃茄米線成日有得食， 酸菜湯都成日有得食， 但將兩者撈埋 又唔係度度都有得食。 蕃茄 酸菜 比純酸菜味多咗番茄的香甜， 唔會一味得酸菜的鹹酸， 而且湯底濃郁， 唔會太稀無黎味道。 米線湯底配埋自家菜韭菜餃， 肉質鮮甜， 蘿蔔無渣， 腩肉亦都層層相間。好食。另外亦都叫左川辣雲耳 28，雲耳爽口，辣得呢夠惹味， 仲一路食一路出汗，冰涼得黎超爽快啊。

去葵涌廣場入貨，當然要食埋野才回家啦🤪🥰Search 吓OpenRice 有什麼好食，第一位是車仔麵，第二位日式甜品，第三位是四川米線…因為唔想食車仔麵…所以就去食百味川😽百味川有麻辣，又有酸辣，也有多款小食，多元化選擇✌🏻麻辣牛魔王米線（小辣），有牛腩，牛筋，牛肚，而且是厚切，有咬感又入味…米線不會太淋👍🏻湯底夠麻夠香！韮菜餃，隻隻肥dodo 多餡！蒜泥白肉，不似平時的蒜泥白肉，細塊但厚身，而且唔辣..如果要辣就要叫川辣白肉啊還叫咗口水雞翼，川辣無骨鳳爪都不錯！

去葵廣食嘢唔想邊除口罩邊食，就隨便咁去咗位於一樓嘅「百味川」食☺️.麻辣韮菜蘿白芝心丸油麵🍜麻辣湯底唔係好刺激嗰種，麻同辣都係適宜🌶蘿蔔清甜無渣🥕油麵爽口😋.口水雞炸醬飯🍚單邊口水雞翼小辣🐥炸醬亦惹味🤤.淨雲吞🥟餡料係豬肉加韭菜🐖外皮滑但偏厚🥺比較似餃子.涼拌海帶🥢海帶絲拌一拌，辣味即刻出晒嚟😬.炸墨魚丸🦑香口但比較普通😜.涼粉冰🧊香甜椰汁🥥同軟滑涼粉好夾.凍奶茶🥤飲落幾幼滑

💖好耐冇嚟葵涌廣場，順便食埋晚餐🍴，見到呢間嘅嘢食都幾抵，所以去試吓。1⃣️下午茶自選2配菜套餐🍜 $38 (+$6 番茄酸辣)💖下午茶做到6:30 ，價錢抵。$38有2個餸，可以係31個之中揀2個，我要左麻辣🌶️豬耳👂同雪花牛肉🐂。湯底有5款，我加咗錢要番茄🍅酸辣🌶️湯。麵有4款，我要左米線🍜💖湯底唔辣，微酸開胃，蕃茄煮得軟淋，比較甜，另外有蔥同芫荽調味。雪花牛肉薄切，麻辣豬耳份量唔錯，食極都有😂2⃣️蒜泥白肉🐷 +$18💖加$18就有1份小菜，咬落彈牙，肥肉油香配上蒜香🧄好邪惡🤤3⃣️涼粉紅豆冰🧊 +$11💖特飲加$11，涼粉配紅豆最經典🥰💖6點之後外賣🥡自取仲有8折，黎葵廣可以順便裡呢度食🤩

行葵廣多數都上3樓搵食，但星期日超多人聚集，落地下靜靜地食碗米線好似安全啲☺️招牌麻辣牛魔王薯粉有齊牛腩、牛筋同埋牛肚，要小辣，黎到滿滿一碗都係料😚樣樣都炆得夠稔，牛腩無渣，唔錯唔錯。蕃茄酸辣薯粉湯底比想像中偏甜，中意蕃茄既人可以試下。豬大腸無怪味，鮮牛都比得幾多👍🏻下午茶加$18蚊有小食，再加$8有半件咖史多士，抵！醋香木耳份量幾多，不過底果啲咸左小小。多士有烘脆，幾好味。恐龍華田落左好多華田粉，飲品都有口感，又夠濃，正。

去到葵廣都係掃街多，今日行到攰攰地就試下有得坐既小店—百味川，店面細細主打川式粉麵，亦有小食選擇⁡✅鮮茄酸辣魚米線夏天就係食酸酸辣辣最開胃，加$2就可以轉配鮮茄酸辣湯底，呢個湯底真係好岩夏天食，唔會覺得膩，魚肉冇骨啖啖肉，食到茄香帶少少既辣味，就算平時唔食慣辣都會食得到😋⁡✅沙嗲湯底牛肚豬耳墨丸米線呢度既湯底選擇多，今次想試特別啲既，揀左沙嗲湯底，食第一啖就覺得似食車仔麵個種沙嗲汁，夠哂惹味，配料可以自選，麻辣豬耳整得好爽脆，牛肚燜得夠冧，墨丸彈牙唔粉口，選擇仲好多⁡✅麻辣手撕雞辣度冇得揀但唔會太辣，真係做到麻辣風味，加埋少少爽脆既青瓜絲減低膩感⁡✅炸韭菜餃一份3隻，岩哂胃食又驚食吾哂既朋友仔，就算一個人黎都可以ko到，呢度既餃子皮係偏厚個種，配埋酸甜醬減低膩感，香口又飽肚⁡✅樽仔奶茶估唔到呢度可以轉配無冰既樽仔奶茶，飲落有驚喜，茶味香濃，甜度適中，值得推介👍🏾⁡🌟鐘意多款選擇既朋友仔可以試下呢間餐廳，有多款配料同特式湯底選擇，今次試左既鮮茄酸辣同沙嗲湯底都唔錯😆⁡