百樂潮州酒家 (時代廣場)

营业中

休息中

呢排日子，好耐無飲茶喇！ 咁啱同朋友相約，不如就去飲個靚茶。 嚟到銅鑼灣時代廣場嘅百樂潮洲酒家，裝飾華麗而且帶有懷舊感，座位好寬敞舒適。 首先一坐低就來杯香濃略帶苦功夫茶☺️☺️好有特色百樂蝦餃皇 （$31）風味魷魚鬚 （$68）金柱脆皮炸兩腸 （$58）柴魚花生粥（$58）爽口香麻海蜇（$68）鴛鴦水晶包半打（$48）清心太福果湯丸（$48）皇牌蝦餃真係大大粒，內餡做到好彈牙，外皮夠薄。風味魷魚鬚脆得起勁，食落夠惹味又唔覺太膩。好耐無食炸兩喇，呢度嘅腸粉好滑，包著仍然十分酥脆的油炸鬼😋好美味兩款甜品由本身係潮洲人嘅朋友推介～～ 果然好好味呀😲😲水晶包有豆沙及蓮蓉兩種味，餡料幼滑香甜，水晶皮薄得晶凝通透清心太福果湯丸，幾種配料都唔太常見，食落好有咬感，甜蜜蜜。原來而家午市堂食仲有85折😍😍，都幾抵食

近期都愛上了在時代廣場開餐，主要是貪其三小時免費泊車優惠，加上飲茶一向是小妹偏愛，百樂這間潮式酒樓，又怎能錯過呢 😋😋😋環境光鮮企理，服務週到 🥰🥰，座位寬落，沒有一般酒樓的吵鬧，可靜靜嘆個午飯，實屬難得 👍💖💖芥蘭 $68，是用上湯煮成，用炸香的蒜蓉吊味，口感非常軟稔，就算小孩老人食用，都完全無難度。生菜牛肉球粥 $58，牛肉球的牛肉味道甚濃，疑似是新鮮手打的，口感嫩滑。粥底味道不錯，加上帶點爽口的生菜，叫人吃得不亦樂乎。百樂蝦餃皇 (2件) $31，蝦餃質素高低，取決於餃皮是否晶瑩透薄，煙韌嫩滑；略作調味的蝦肉爽口彈牙，這客蝦餃水準很不錯。潮州煎五香糯米卷 $68，這個糯米卷很有特色，外層煎得微脆，內裏的糯米飯保持柔軟，加上五香粉獨特的味道，及惹味的醬汁，令人一試難忘。鮮蝦瑤柱菜苗餃 (2件) $34，味道賣相都尚可，只是未及其他點心般出眾。🤭🤭潮州蒸粉果 (2件)  $21 ，平日吃到的粉果，那層皮都是厚厚的，這客就很不同，口感跟蝦餃皮相似，至於饀料就是一貫的花生跟肉碎，有驚喜！結賬時發現被預計便宜，原來下茶時段有85折，真是驚喜無限 🥰🥰

今個星期日陽光普照, 先去電 百樂潮州酒家 訂了位, 一家人一行四人,  時代廣場備有停車場, 泊車好方便. 酒家裝修好靚,  招呼好, 適合大家飲茶食晏. 政府限聚令下, 大家雖然分隔坐, 仍然保持歡樂, 侍應開茶及送來点心紙, 餐前小食夠開胃, 水滾茶靚, 好滿意.我們先點傳統蝦餃, 水晶皮薄,  餡多, 蝦肉大粒又爽口, 彈牙好吃,  夠新鮮.接着是 蟹籽燒賣, 肉質新鮮, 賣相好, 廚師調味適中.  蟹籽燒賣皇是大家心水選擇. 煎韭菜果, 煎得剛剛好, 個糯米皮好香口.  口感軟糯, 韭菜味香濃, 值得一試.冬菇雞粥, 滿滿一碗熱粥, 雞球淥得嫩滑, 夾著綿綿粥底有菇味, 米香作伴, 加些青蔥花, 好暖胃.糖醋麵,  愛吃潮州食品, 每次必食招牌糖醋麵, 麵身煎得脆而不稔, 食落十分香脆, 配來 鎮江醋.  醋味香濃, 加點砂糖, 味甜更可口.今天吃了一個豐富美味的午餐, 再在時代廣場開心購物, 一樂也 !

周六約12時與家人飲茶，需要1.5小時內還枱。每枱也有食客，桌子間以膠板相隔，用餐更放心。每位茶錢$20，在此地段來說屬合理。我點了菊花，味道淡雅，店員亦很主動加水。功夫茶茶味甘醇餐前小食點心每籠兩件，個人很喜歡這款潮式煎韭菜粿。粿皮厚度適中、帶少許煙韌度，煎得香脆可口。韭菜鮮蝦鮮嫩爽口，屬必點之選。鮮蝦瑤柱菜苗餃能透著饀料色澤，證明不厚粉，鮮嫩多汁。柱候牛筋分量足，金錢肚炆得夠腍，醬汁惹味。糖醋伊面煎炸至金黃色，廚房上菜前把面餅一開四，吃起來更方便。撒上大量沙糖後，再澆上醋，酸甜開胃。

最近好想去飲茶食點心以前每次去親飲茶都會一班人，而家並不容許但我又好想食點心，所以2個人都照去呢度既環境好摩登成個感覺好時尚，又有空間感鮑魚餐都幾抵食喎坐低不久，服務員就即時端上功夫茶俾我哋飲用而且非常有禮貌，食得特別開心潮式醃蘿蔔呢個前菜好有驚喜醃味唔算好重，有少少辣味！特別惹味，蘿蔔仲非常爽脆百樂蝦餃皇飲茶少不了就要食蝦餃外皮夠薄，同時又晶凝通透，中間既蝦肉好爽口，蝦肉爆棚同埋一定要點埋潮州辣椒油先最perfect呢度既辣椒油相信係自家製，特別好味又夠辣！流心奶黃包最怕遇上唔流心既奶黃包而呢度夠哂流心奶香味較為重，不過唔會太甜，我都好鍾意金柱脆皮炸兩腸呢度既炸兩可以話係我食過最脆既腸粉皮亦好夠薄必食！必食！木魚釀炸茄子打左芡汁既茄子不是我杯茶我比較喜歡食乾身啲既口味！北菇綿花雞椒鹽九肚魚去左中間條魚骨既九肚魚，食得得別輕鬆切成咁樣，仲可以啖啖肉咁食知道可以咁樣食法，愛上了潮式煎韮菜粿黎到潮洲酒樓，當然要食返個潮洲特色既粿子！中間滿滿都是韮菜，仲有蝦粒、冬菇外層既粿子皮煙韌度適中，好好味不過美中不足嘅係油左啲......紫薯煎堆仔呢個煎埋特別挺身，超級脆中間既紫薯蓉亦唔會太甜，岩哂我

自從限聚令沒去酒樓很久，今日老闆叫我陪他去，當然不能拒絕。老闆喜歡潮州酒家，眼見中午越來越多人，這酒樓都生意不錯枱上有酸甜咸菜百樂蝦餃皇晶瑩剔透，透出粉紅蝦仁，內裡約3隻蝦，啖啖爽口鮮味！只得2件感覺有點不足……鵪鶉蛋燒賣，不要小看豬肉燒賣，豬肉很多汁味道不錯。蜜汁叉燒包 撕開見到中心有粒粒叉燒，以瘦叉燒為粒粒，蜜汁甜中帶咸香。柱候牛根金錢肚牛根和金錢肚非常軟綿綿，肯定用了不時間或真空煲炆煮杏汁燉白肺湯豬肚洗得很乾淨沒有異味，口感彈牙，杏汁香味很突出，沒有味精味道，白雪雪湯清甜火喉足潮州必備功夫茶，消滯解膩杏汁蛋白糖水即叫即製，非常燙口，肯定即叫即製，蛋白超多，甜度適中每啖感覺非常滑溜，喝下感到很滋潤喉嚨綠豆清心丸超多綠豆粒，清心丸透明煙韌，用料十足！非常喜歡

不是第一次到這餐廳，以前冇覺得咁差，而家明顯人手不夠，門口帶位冇認真查每個人的體溫，每張枱距離好近，服務員欠專業，招呼好差！如果你是熟客就不一樣，熟客就當你神一般，食物水準一般，枱上食物食完後，不理會你的食品有冇全都上齊馬上俾帳單我們，每次都要叫人加水和收拾空碟、茶和餐前小食不合理收費，二項加起來共差唔多30幾蚊，仲未計加一，很多比它們高級的餐廳都冇咁貴，千萬不要坐房間，沒有人嚟招呼，廁所不干淨，異味很大，洗手地方很污糟，沒有打理

抗疫疲勞之好想食潮州野就到中秋，又係時候買潮州月餅。搵搵下啲潮州酒樓見到啲潮州野流曬口水 ，咁啱呢個星期啲確診少咗，出去食下好野先。最鍾意食糖醋麵 - 簡單但好味豬肺湯冇得輸 - 濃其他點心我就覺得還好，始終我揀呢間飲茶係想食潮州野，但老公就樣樣都覺得好食，可能佢肚餓糕燒 - 麻麻地，仲要催完又催，我諗餐廳覺得係甜品想最後先上，但係我由好想食到食飽曬lu最後提一提門口帶位既阿姐，午市時間，咁多人等位，仲逐檯逐檯帶，到咗我地入得既時候又幾張檯一齊帶係咩玩法？！

星期天午餐因為時代廣場比較忙。而百樂潮州還仲有枱所以決定給他一個機會試一試。門口大位小姐說可不可以一小時交回枱、我們也答應了冇問題。座下來就會立即知道這個人手嚴重下足。當我們終於有機會落單，最快也要等二十分鐘以上才見到第一碟點心。食物質素方便，潮州粉果及大路點心例如燒賣是不錯的。但乳鴿就非常之乾，椒鹽九肚魚炸粉也是厚了一點。簡單一個總結性價比可以算是低。

忍耐遊戲。十一點開門。九成滿。全場等了34分鐘。冇一個點心出嚟。全部人只係飲茶食咸酸菜。問侍應，釆我都儍。我這一刻仲等緊呀。好餓。就嚟變飢餓遊戲。又要人90分鐘還枱，等了半小時乜都冇。

同媽媽去時代廣場買完衫到下午兩點鐘想搵間餐廳食個飯，就搵到呢間飲個午茶點左蝦腸、燒賣、韭菜餃、上湯雲吞、菜式同你平時點既都係差唔多，但食物質素真係好好多👍鳳爪都係好入味，而且燒賣都夠大粒同埋蝦好新鮮同媽媽食中菜就係最好選擇，不得不提佢既奶黃包，係流沙啊而佢的蝦腸同其他酒樓的蝦腸係唔同，佢個餡係炸過既外皮是又薄又滑呢間酒樓係我第一次食，下次可以試埋佢晚晚餐鐘意飲茶既你地一定要去試下！佢地既茶都係好好飲樓面姐姐服務態度非常好

疫情影響，不去酒吧，找間中餐廳，坐得舒適有酒飲，連食晚餐一齊。 門庭羅雀，全塲4，5枱客，只有一種澳洲紅酒@68，易入口，份量半杯。個人喜歡有骨落地, 鹵水鵝肉豆腐例牌$198,鹵水汁不濃烈也不太咸，應有香味，恰如其份， 試過其他餐廳鹵水，始終你最好 。但今次肉多骨少，不能滿足嚼骨隱，豆腐雖不是滑溜，有豆與鹵水化學作用後銷魂。糖醋伊面$108，一般，外脆，內裏濕潤無麵香氣。支竹炆銀鱈魚腩$178，份量多，夠熱辣辣，滑，鮮，粉薄，走油，回瓦煲輕炆，加冬菇薑葱，支竹放底，能吸收魚及配料精華，我最喜歡食，妹仔舌。蓮子棗皇糕$48，我以為好似红豆糕眉豆糕，大大粒，端上來原來係微粒，甜度接受。

將隔離枱批評完不滿意的餸（起碼放了超過2分鐘）隨手放響我枱面，見我們對着碟餸呆左嘅時候，仲好似好奇怪地問咩事！自己諗到都知唔妥當，就話見你哋枱冇嘢食，攞住俾你地食先！（我們是來乞食嗎？）是什麼的服務態度？今時今日呢個時勢，就算你入門口要量體溫，坐低又話將我哋啲碗碟消毒先俾我哋！無可能放過响人哋枱面的轉比其他枱，然後做過另一碟俾原先嗰枱！究竟因咩事隔離枱唔收貨，佢哋有無夾過，飛沫點都會有少少掛！相當不要的得的行為！

若想吃潮州菜，毫不猶豫就會想起老牌潮州名店 百樂潮州，由曾獲得中十大名廚榮譽既 許美德 總廚掌舵，一直保持高水準，最近更推出優惠，只需$100(即半價)便可享用 六頭蠔皇鮑魚伴菜遠 一客，是晚就與友人前來品嚐頭盤，是經典既 滷水鵝肉拼盤，鵝片盡吸滷水精華，非常入味，而豆腐亦同樣好吃，併盤還有墨魚和腩肉，非常豐富愛喝湯的朋友，推薦這裡的 咸菜胡椒豬肚湯，胡椒味非常重，朋友說有驅寒止咳之效，豬肚是絕對不能錯過，軟腍有致，蘸上一點點豉油，更味美期待已久的 六頭蠔皇鮑魚伴菜遠 終於呈上，鮑魚非常甜美，質感爽口彈牙，温馨提示，優惠期間每日只限量供應100份，最好先預訂喔川椒炸子雞 是這裡名物，當然也不能錯過，皮脆肉嫩，川椒味淡淡的滲入雞肉中，肉香中帶點微辣，味道層次豐富

今年農曆新年來得特別早，才剛吃完聖誕大餐，就要開始為團年飯、拜年晚宴物色場地，百樂潮州由即日起至2020年2月9日期間，同步推出中國農曆新年的盛宴菜單。百樂潮州擁有53年歷史，已是潮州菜的老字號，曾獲米芝蓮指南車胎人美食推介。內裡面積寬敞，裝修一洗中菜館的俗套老氣，注入時尚氣息，散發摩登的東方韻味。店員於餐前餐後奉上功夫茶，茶湯呈清澈的琥珀色，茶味醇厚，回甘無窮，有助消滯解膩。滷水鵝肉拼盆 (滿樂潮州)滷水是廣東潮州的傳統特色名菜之一，一道招牌拼盤就已包括鵝肉、墨魚片、豬腩肉、滷水蛋及滷豆腐，試齊多個款式。連皮帶肉、切成薄片的滷水鵝肉，肥瘦適中，肉質軟嫩而富彈性，濃郁的鵝味中隱含甘香醇厚的滷水韻味。滷汁色澤清透，不死鹹不口渴，個人尤其喜歡滷水蛋，滷得極之入味，浸潤蛋白之餘，同時滲入蛋黃。金粒龍鬚發財卷 (滿樂潮州)中國人過年要講好意頭，這道龍鬚發財卷寓意發發發，配上甜甜又脆口的琥珀合桃，尤其應節。裹上一圈圈的金絲外皮，代替厚厚的炸漿，造工細緻，表面炸至金黃，層次多而更加鬆化脆卜卜，炸得一點也不油膩。內裡包裹著髮菜釀蝦膠，口感爽彈，而又封存海中鮮味。咸菜胡椒豬肚湯 (百樂潮州)濕冷的天氣