皇御園 (已結業)

皇御苑精選拼盤- 冰菜係有用乾冰上、賣相非常有驚喜、叉燒鬆化、海蜇非常爽口青胡椒白酒汁翠香東昇斑球- 個汁好特別， 好鍾意有青胡椒的味道，與斑塊很配合陳皮鵝肝香煎北海道帶子皇- 好好味呀！鵝肝好香！帶子皇好大粒好正，肉質爽甜，外皮煎香又不會太老鵝肝和牛鬆炒香苗- 作為最一個菜，有少許失色，可能期望太高，鵝肝味太少， 炒飯仍算香口環境好舒服、服務亦很好可惜，今次沒有點餐酒，下次來會試一下餐廳推薦與菜式配合的紅酒

寻晚約咗舊同事係九龍灣食飯…. 選咗「皇御園」… 環境清靜… 枱與枱之間距離適中… 唔會太迫… 好適合頃計飯聚… 而且無限時；之前黎過幾次飲茶…. 點心同熱葷都好食…😊今晚.. 我地叫咗「古法生炆東星班翅」…魚肉鮮美多汁… 醬汁調配啱啱好… 好惹味及夠火喉；「冰鎮咕嚕肉」酸甜適中… 好開胃…好啱夏天食；「桂花鮮蟹肉炒米粉」炒得好干身… 唔油膩…正。員工度良好… 見我地只係叫咗主食… 建議我地叫D餐前小食.. 可以邊食邊等主菜… 態度靈活.. 唔會hard sell; 我地叫咗「心太軟金磚」.. 真係物如其名…. 皮酥香內裡軟滑..正；「蒜香雞軟骨」亦都好食…唔油.

以往工作時經過，知道高銀金融入面有幾間食肆，我朋友一向鍾情中菜，所以決定駕車到這間中菜食府。因為始終食府在商業大廈中，外圍裝潢，店舖裝修都媲美酒店。說實在，現今香港租金高昂，很多食店都希望能坐多點客人，故此平常都可以完全聽到鄰枱的閒話家常。但這裡環境寬敞，樓底極高，故此完全沒有壓迫感。入座後，服務員向我們介紹餐單，並推薦了幾款食物和季節性菜式。前菜我們選了青芥末海蜇頭，偏淡爽口有少少芥末味但並不辣口，建議可多加一點咸味會更佳，而貌相十分吸睛，用了乾冰在杯底作點綴。然後我們點了燕窩蛋白東星斑片和酥皮松露焗鮑魚。蛋白和斑片蒸得嫩滑，而口感亦不俗，不過朋友習慣濃味，就認為蛋白和燕窩本已清淡，斑片可再加點調味突顯其鮮味。相反，酥皮松露焗鮑魚就喜出望外，外皮酥脆，打開外皮後發出淡淡松露香味，鮑魚軟腍亦彈口配以鮑汁混合松露，貌相吸引且創新。牛肝菌炒牛肉就只屬一般，牛肉作為主菜被同場的牛肝菌和露筍蓋過風頭，特別露筍處理得很好，清爽而且嫩綠。海鮮湯泡飯作為總結，海鮮湯煮成橙色，脆米吸收了海鮮湯的精華，口感和味道也不錯，不過略有不足之處就是於海鮮湯加入芫荽碎，芫荽雖然只屬香草用以提升味道，但不喜歡它的人

高質素中菜餐廳，很適合招待朋友和客人，絕對不失體面。冰菜配海蜇及叉燒，冰菜賣相非常吸引，出場有乾冰助陣，很有仙氣配上芥辣味的海蜇，配搭很新鮮。叉燒可口，味道濃郁。燕窩羹，女人的至愛，見到滿滿的燕窩配上蛋白蟹肉，配上醋，味道配搭剛剛好。鮮嫩芥蘭頭，蒜蓉炒做法簡單，只有芥蘭的莖部，香脆可口。黑松露炒飯，用了非常豐富，有黑松露，有瑤柱有芥蘭有蛋白，每一口飯其實配料比飯更多。新鮮海魚，蒸得剛剛好，配上豉油熟油，用料上乘。整體來說是一間非常高質素的中餐廳，建議先預先預約，讓餐廳預留一個好的位置。

平時睇別人食評多，自己好少寫食評，多數食西餐，不過今次轉換環境試咗一間好似好少人知嘅食府，忍唔住要評一評喇，無原因的原因就只因一個字「好」🤤🤤第一次係度食晚飯，感覺有酒店級的招呼，因為我們得2個人所以叫得不多! 但職員好有耐性介紹值得欣賞👏👏1.環境比較清靜，我地約7點坐底沒有好嘈感覺，如果撘地鐵係麥當勞果度行出去過條橋地點在輔警中心隔離好方便2. 特別值得推薦的有一味叫「砂鍋蒜香山焗星斑球」，真係無諗過會有咁大又厚的魚肉，上菜時我已哇了一聲😂😂⋯⋯大約有4-5片，入面還有原粒蒜頭和薑...如果有杯啤酒/紅酒就perfect 🤤🤤 3. 還有一款是餐廳內侍應推薦 「冰鎮鮮果咕嚕肉」，未上菜時以為是同街外餐廳沒分別，見到真身再咬第一口時外冷而脆，但入面好juicy仲係熱㗎！😍😍4. 有肉就梗係要有菜啦⋯⋯清清地叫左波菜苗，啱我哋口味！ 5. 呀⋯⋯仲有我們叫左自己喜歡的湯「紫砂壺珍珠貝海底椰花膠燉鱷魚肉」和 「龍王杏白肺湯」💯總括來講：真係好味架，還有免費停車場，服務員又好細心，價錢都ok唔會話好貴，值得來食架😍😍👆🏻👆🏻

第一次同女朋友嚟到這間餐廳用膳，被其食物和裝修所吸引，決定第一次寫食評，將呢間優質餐廳推介比朋友。一走進這餐廳，門口的接待員已好有禮貌咁問我哋有否訂座，然後就帶我哋入座。呢度環境寬敞，枱與枱之間有一定嘅空間， 傾計嘅時候唔會比隔離嘈親。我哋先叫咗兩款前菜，海蜇頭咬落相當爽口，青芥末味道剛剛好。炸豆腐也很香口，外脆內暖兼且皮薄唔油膩。之後飲咗個杏汁豬肚湯，呢個味道尚可。然後叫咗鵝肝帶子皇，賣相及味道都一流，而且有蛋白喺底，可以中和返鵝肝嘅味道。兩個主菜係冰鎮咕嚕肉同白玉葡萄（即係東瓜粒）。咕嚕肉肉質甜美，唔似得外邊啲酒家咁，用啲普通排骨或豬肉。而隨碟嘅士多啤梨及火龍果好新鮮，配埋咕嚕肉一齊食，好。至於白玉葡萄嘅賣相，好明顯見倒師傅係有用心去擺放，而且夏天亦最啱食東瓜呢。我亦當場靈機一觸，將擺設稍稍修改，變成一個心形，氹得女朋友非常開心。唯一美中不足，係因為太飽，未能試吓呢度嘅甜品。最後埋單，都係1200蚊左右，價錢尚算合理，而我哋亦決定咗，之後都會再嚟幫襯。

今晚在九龍灣高銀金融中心的中餐廳食飯，之前都有試過幾次，知道佢地近日有東星斑季節性menu, 屋企人鍾意食，特別來試下。難得的好環境、服務還是很好，staff好nice, 餐前小食叫左海蜇，話梅露荀，魚子醬芋絲糕，清新可口。再黎有蛋白燕東星，很鮮味，仲有燕窩。最正係經典差燒，呢個食極都唔厭，冰鎮咕嚕肉，加上新鮮生果、好啱夏天食手，還有全晚之最古法炆東星斑翅，我老爺話終於食到古法的味道，佢勁鍾意。手工麵好惹味，個上湯好濃郁。

自從曾師傅退休，換了幾位大廚，效果見人見智。新大廚上班後都未來過。昨晚和舊同學打完波一起去試試。小吃水準很高，叉燒不錯，女兒吃完再吃。金鑲豆腐除了十多年前鏞記做得比較好之外，近年少有的高水準。冰鎭咕嚕肉皮脆肉嫩，值得👍。皮片鴨夾有創意，云腿和鴨很和味，口感很好。今晚的方脷很好但東星班就非常一般。甜品選擇比之前少了一些舊甜點，水準一般。整體廚房感覺水準比以前幾個大廚進步，但樓面新人和舊人水準有頗大距離。

Weekend family day 一家大細5個人去搵食dinner, 有小朋友最頭痛就係每次都要叫甜品氹佢地先有得靜靜地食餐飯。第一次去依間，入到去地方比想像中寬敞同大，我地就座大廳，環境寧靜舒服。野食整體中上，甜品特別出色。平時weekend去九龍灣周圍都好多人，難得搵到個地方座得咁舒服，下次都可以再去過。如果地點近返小小地鐵站就好，不過遠小小可以換黎好味既野食同用餐環境都抵既，佢提供免費泊車都幾方便。

同屋企人去九龍灣食晚飯，自己最中意「心太軟金磚 」,外脆內軟！另外不得不提既係「喜瑪拉亞山岩鹽香燒雞」，個皮完全油脂岩岩好個皮又脆又薄媽媽就最愛「極品蜜汁叉燒」，佢話又軟又入味，好岩佢胃口。之後叫左試左個「雲腿海味手工拉麵」，好彈牙，係我中意既麵質！最後當然唔少得食甜品「士多啤梨凍糕」我比好高分環境、服務、食物質素樣樣野都好滿意。唯一「話梅汁浸篙筍 」作為開胃菜我覺得甜左小小，不過daddy就話好好味啦。

同事有好介紹, 知道呢間餐廳最近出咗 d 新菜式於是拉大隊齊齊去 “食好D“由於人多, 可以多D花款, 叫多幾樣餸乜都可以試吓真係, 好豐富嘅一餐 見到咁多美食真係好難忍口, 食咗至算Work hard Eat hard ... 之後又要 keep fit harder松露焗鮑魚 慢煮蜂蜜安格斯牛肉 👍極品蜜汁叉燒片皮鴨養生米話梅汁浸篙筍靚靚甜品 #1靚靚甜品 #2

平時一班人，收工食飯都係喺公司附近搵酒樓食， 但九龍灣區來來去去都係得嗰幾間，不過除了乜乜孖寶三寶， 其他小菜普普通通都要百幾蚊，賣相唔靚， 服務又未必好，食完都無乜印象， 喺openrice 搵下搵下俾我發現左呢度，睇相都唔錯，於是今次就拉隊黎呢度食番餐， 就算唔記得味道， 至少都記得個樣。有圖有真相， 環境真係唔駛講， 非常大， 完全沒有逼既感覺， 野食每一款個賣相都十分美觀有特色， 味道都不錯，甜品都好好食， 圍起每人都係二三佰蚊，好過去其他連鎖酒樓，

今日老細請客帶左我地去公司附近一間中菜廳食飯，食飯既地方位於高銀國際金融中心入面，環境唔錯而且仲好有氣派。由於食飯時間尚早，我地不用等位就可以安排入座。美食當前，緊係相機食先話梅汁浸萵筍，擺盤精緻，係非常開胃既前菜蜜汁叉燒，有我鍾意食既窿邊叉燒，仲要厚切多蜜汁，好食肉質軟軟鯰鯰冰鎮咕嚕肉，咕嚕肉就食得多，冰鎮既食法還是第一次，味道尚可，只係份量太少，意猶未盡心太軟金磚，外脆內軟，屬中規中矩酒釀芥蘭苗，淡淡香氣，味道感覺很清新酥皮松露焗鮑魚，陣陣牛油香既酥皮好邪惡鮑魚大大隻喜馬拉雅山鹽燒雞，啖啖肉片皮鴨，滿嘴油香，食到舔舔脷，餅皮唔錯，很薄，唔同平時出街食的餅底咁厚身，除有基本配料青瓜、京醬、蔥絲仲多左姜絲、菠蘿同糖增加鴨捲既滋味。養生米炒飯，職員介紹是由紅菜頭打制而成，非常有營養味道稍為清淡差不多尾聲，係時候上甜品，呢款可愛雞仔造型內餡係鳳梨，像鳳梨酥一樣。另一款甜品杏汁布甸，唔甜好味道

可愛既同事們即興話放工去食野, 但又要配合我地老人家陳生要食中菜, 活動搞手Lu Lu 係時候出現發動佢平時既專長做資料搜集, 搵到公司附近有間睇落環境幾好既中式餐廳。一於try try 好正好大隻,熱辣辣, 服務員俾我地影哂相先片, D staff 都好nice好好笑容一邊打一邊流口水, 好想再食!全人起動!!!!蜜汁叉燒 好好食!! 外層脆口 叉燒燶邊我最愛, 又有火暖住唔怕冷氣吹凍, Keep住熱, 不過我地班速龍好快清哂, 唔夠喉又叫多份食!肉汁鎖住裡面 淋得黎帶點軟身, 一定要食我唔食西瓜唔知mix西瓜點呢, 會唔會遲d有芒果呢, 好似都ok wo好夾好好食, mix埋既味一d都唔怪, 出奇地好食, 成羹拍入口如其名, 心太軟薄脆既外皮內嫰既豆腐, 蒜粒又唔會好似平時食個d咁痴哂牙好脆皮又滑軟身, 又叫左2份咸香味岩哂陳生岩岩証上菜香到飛起, 從未食過咁香既生菜包,一定要食, 仲有佢d菜都唔係普通既唐生菜好咬口又香, 必食!奶香濃, 必食!我冇份食, 不過d同事話麵唔錯, 熱辣辣

適逢同朋友一圍人食飯，有老有嫩，聽老友提過九龍灣皇御園野食唔錯，又坐得舒服唔會太嘈，仲有得4個鐘免費泊車，即刻唔諗咁多，襯人多黎試！一黎到見到門面闊落，餐廳室內果然唔逼又舒適，應該都有d質素。叫左個小食話梅汁浸䈑筍做前菜，幾清新，不過個人黎講略甜。叫左個心太軟金磚，嘩，真係喜出望外，必點小食推介，真心做到內脆內軟！極品蜜汁叉燒稔身惹味，果然係招牌菜，一邊熱住，唔怕凍左唔好食，抵讚！片皮鴨兩食都唔知幾多年無食過片皮鴨，配料仲要用我至愛既菠蘿，夾埋一齊食無咁油。法式慢煮蜂蜜安格斯牛肉牛肉稔身化口，同樣慢慢燒住唔怕凍，係食得開心d喜瑪拉亞山岩鹽香燒雞雞入口嫩滑，皮脆得岩岩好，呢個可以話係我至愛，不過成餐叫左好多肉，勁飽食唔到太多，下次再食！雲腿海味手工拉麵同金腿瑤柱炒養生米，兩個同樣出色，都係誠意之作，飽極都到一碗，哈哈！食到捧住個肚走，未計酒平均每人400幾500左右，可惜我做司機無得飲酒！下次可以再食