真鮨 (已結業)

今日陪男友係尖沙咀反工，順便同佢食個晏就飯，選擇食日本野！位置就係美麗華商場附近，店內旁邊裝潢掛滿日本風味的畫，開放式的廚房！可能今日十二點時間尚早，整間餐廳好似我地包左場！午餐我見有鰻魚蛋包飯，想試一試同日本鯷魚飯有沒有分別先鰻魚煎到金黃，皮脆肉嫩，配上滑碌碌的嫩蛋，咖哩醬又惹味！份量十足，值得一食日本定食有前菜：滑滑的蒸蛋，麵匙湯，帶子條由左上起（火）鱈場蟹腳壽司，（火）魚背邊壽司，（火）蟹膏帆立貝壽司，（火）三文魚腩壽司件件都好鮮甜，而且每件夾上去d米飯都唔會散開，值得一讚左下起八爪魚壽司，墨魚壽司，吞拿魚壽司，劍魚腩壽司最愛鱈場蟹腳，好少地方有真材實料長腳蟹，好鮮蟹味！最終每人埋單百蚊

依間係尖沙咀既moshimoshi係豬仔既朋友介紹既朋友話料理新鮮好味仲有豬仔好鍾意食既甲羅燒於是就二話不說即刻約左豬仔既朋友黎試下薄切池魚王、平目魚好新鮮好鮮甜 好高質呀！連賣相都好吸引 擺得好靚和風蕃茄沙律魚籽醬汁好特別 點上蕃茄好清新壽司： 池魚王 平目魚 吞那魚 馬刀貝 北寄貝 赤海蝦 芥末八爪魚 三文魚籽 海膽飯細細舊 刺身大大件 食材新鮮 串燒：雞肝 和牛 雞翼 一味豚肉全部都燒得好味道特別一提和牛灑上胡椒粒 油脂豐富 入口軟綿豬仔同朋友兩個人食到食飽呀好滿足呀謝謝友人好介紹

今日同朋友收工之後忽然好想食日本野，行過金巴利道見到間好有日本風格既餐廳，即刻俾佢吸引左我眼光，望下餐牌都幾吸引就即刻入去坐底。入面環境非常適合傾計，坐得又舒服之後即刻點左好多野食首先前菜叫左個和風蕃茄沙律，配以日式燒汁同黑椒非常開胃惹味呀！！！平時唔係點食蕃茄既我都忍唔住係咁食之後小食叫左蒜香燒牛舌心、燒鮮雞腎、雞皮露荀串，啲香料比例恰到好處，又唔會感覺油膩終於輪到我最愛既魚生刺身，叫左個Omakase刺身拼盤，廚師會揀當季最靚最新鮮既魚生，侍應仲會親切地介紹每種魚生，仲有唔同既食法添。魚生控既我地食到lam lam 利🤤最後再叫左四件壽司作為今晚圓滿既結束，包括三文魚腩、油甘魚腩、蟹膏帆立貝、鱈場蟹腳。鍾意食日本野既朋友仔一定要黎呢度試試！

高質日本餐廳 價錢合理 刺身，壽司，燒物 樣樣齊備 食物質素相當有水準 誠意推介餐廳唔算大面積 地面嗰層有一張和式tatami餐桌， 感覺好日式化，日本風味濃厚走上一層是有吧檯及正常餐桌的地方 亦有open kitchen 邊食邊欣賞廚師嘅功架燒鱈魚干$38魚干燒過之前勁香 外面金黃香脆 細味咀嚼之下發現魚味好重 下酒一流的小吃食日本餐又點少得刺身呢一環節呢 點選了廚師發板Omakase 共六款刺身$448齋睇賣相已經夠吸睛 用咗鮮花，秋葉，海草 作為伴碟 好有秋日氣息每款刺身都戒曬花紋 廚師刀功確實不錯 而且每款刺身色澤亮麗 未食已經知道新鮮建議金線鯛，青鯛，三刀等白肉魚 唔好點豉油 可以嘗試下餐廳安排嘅獨家醬汁 味道酸酸 有提鮮嘅作用珍寶赤蝦體型相當巨大 要分兩啖先可以食得曬 好幸福嘅口感 肉質鮮嫩又鮮甜 蝦頭嘅膏甘香濃郁三文魚腩壽司$18 墨魚壽司$15 章紅魚壽司$22池魚壽司$28 吞拿魚背壽司$26甜蝦壽司$26件件壽司都厚切魚生 魚生多過飯 勁開心整體壽司質素相當高 上面嘅魚生全部都好巨型 而且相當厚 所以口感一流而且滿足有咁大片魚生 我覺得好抵食 一啲都唔貴壽司飯一夾唔

朋友說放工帶我去食好西，入到moshi moshi，心想尖沙咀鬧市中的街舖裝潢竟如此高級?看看餐牌，點了個餐前小食和風蕃茄沙律，本身酸酸的蕃茄加上醋來醃製，以洋蔥墊底，蕃茄變得又酸又甜的，好開胃。之後輪到Omakase刺身拼盤，一共有6款刺身，全厚切，刺身入口即溶，超級新鮮！再來一客4件壽司，分別有墨魚、魚背邊、蟹膏帆立貝及鱈場蟹腳，壽司的表面用火烘燒至微熟，吃起來暖暖的，較乾身，口感香甜！等了不久，最期待的燒黑松露鵝肝壽司終於出現，鵝肝有半隻手掌咁大，可惜的是我掛住拍照，令壽司有點放久了，底下的紫菜變淋了，咬起上來有點困難，不過鵝肝又是入口即溶，新鮮得來味道濃厚，蓋過了黑松露的味道。差不多吃飽，叫了個焗蟹蓋收尾，價錢是比較高一點，但吃過就知性價比高！蟹蓋裡釀有混合沙律醬的碎蟹肉，加入蟹膏，底部放了一層壽司飯，口感層次分明，蟹味濃而不膩，回味無窮！

好想食日本野 但又唔想食元x 決定發掘下啲小店啦 咁啱行過見到依間舖 覺得設計幾別緻就決定試下你先🤤一入門口已經有staff招待我上樓梯坐低見到充滿日本風味嘅掛牆式菜單今日決定豪食！！！先點壽司！！！係咪齋睇都覺得肥美食落真係唔錯架 啲魚腩夠肥 夠厚 同埋好鮮味 食完真係覺得好滿足！依個蟹棒壽司亦超級蟹味🤤🤤🤤 唔係hea你嘅小蟹柳 以小店黎講質素真係唔錯！唔係嚇你 真係好肚餓再叫多左個鰻魚蛋包飯 咖哩汁個飯黎到我都呆左呆 無諗過咁足料俾咁大條鰻魚我雖然個飯用咖哩汁 但鰻魚汁絕對無被搶 依然好出好好食 蛋亦夠滑夠creamy 所以都幾驚喜！不過下次黎 都係捉埋朋友一齊會比較好因為份量真係好多好飽🤤🤤🤤爭啲講漏！其實依到個前菜小食都好高質！有好好食嘅蟹子帆立貝定唔知元貝邊 我都唔太知係咩黎 但鍾意食蜆肉/蚌/元貝類食物嘅人都一定會愛上！ 係好味嘅小食🤤 仲有個茶蒸碗真係做得好好 因為蛋味好出好滑 相當優質 坦白講 超出期望😂😂😂 所以下次黎一定會再叫蛋類食物 因為依到真係做得出色！

I was introduced by my friend to Kimberley rd Moshi Moshi The first time to the Japanese that served Omelette rice with curry sauce I loved Eelgrilled fat eel and Japanese rice set lunch Soup and steam eggbeautiful sashimi Very good quality the set of sushi 🍣 of 8 pieces 78%At lunch And my friend highly appreciated their fish rawMe too 🦈🐠🐬

尖沙咀嘅金巴利道出名多嘢食，質素高，但要搵一間價錢合理，質素又高嘅餐廳，都唔係咁容易。同朋友喺金巴利道附近行，順路經過呢一間的骰嘅日本餐廳，而且見佢食物嘅價錢都唔算貴，於是決定入內試吓。雖然鋪面唔算大，但係食物種類多，燒物、壽司、日式小炒...樣樣齊。咖哩汁鰻魚蛋包飯（套餐）鰻魚份量十足不在話下，而且咖哩汁配埋滑嘟嘟既炒蛋，真係非常好食。鰻魚厚度十足，鰻魚表面燒度好香，加埋咖哩汁，呢個配搭意想不到咁夾！跟餐既仲有碗湯同埋蒸蛋，一個人食真係會飽到上心口。除咗set lunch，散叫壽司價錢都唔貴，個人來講，幾欣賞佢嘅壽司，主要係因為食材新鮮，特別欣賞嘅係佢嘅帶子壽司同埋雪場蟹腳壽司。帶子好鮮甜，而且亦都有返咁上下厚度，而雪場蟹腳壽司味道鮮甜，自從喺日本返嚟，都冇食過蟹腳刺身，推介推介！

我係一個非常愛食日本野既人，一個星期點都要有一餐食日本野壽司🍣刺身，烏冬，串燒我都係大愛暫時無得去日本食，我男友就帶左我黎呢間試下位置係金巴利道，美麗華一直直行就會見到雖然環境唔算大但五臟俱全，而且裝修用心，仲見到有好多外國遊客黎食廚師發板今日既刺身有：真鯛，清鯛，石鯛，帆立貝同赤蝦。款款都新鮮鮮甜。清鯛係我至愛，食落清新但有魚鮮味。帆立貝夾住青檸食落仲無咁膩。赤蝦超大隻壽司啲飯功力深厚，唔會太大舊又唔會一夾就散。我至愛火炙蟹膏帆立貝。蟹膏超香鵝肝壽司真材實料，勁厚而且燒得香脆串燒分別有：味噌醬茄子串，豚肉蘆筍串，一味豚肉腩串同煙肉荔枝串串串都火喉剛剛好，邊邊都燒得香脆同金黃色，而且真係即叫即燒，串串都熱到我差啲食唔到至愛呢個煙肉荔枝串，我係第一次食，荔枝清甜可以解左煙肉既油膩感，原來可以咁夾白桃梳打超濃郁白桃味，夠哂甜超高質日本菜，下次帶家姐黎食，咁就可以再叫多啲而又唔使自己俾錢了

今日難得day off約左以前做part time 嘅同事聚舊update近況 一早就嚟左Moshi Moshi食日本野我地係佢一開門就入左去入面環境幾骨緻 有啲居酒居feel仲有bar台揀午市套餐都有幾多野揀我地揀嘅午市套餐除左主食同飲品仲包左餐湯、前菜同蒸蛋睇menu都覺得好豐富味增湯好夠味又唔會太咸配料有昆布同豆腐前菜係大大粒嘅螺肉 幾鮮甜入味有咬口蒸蛋用陶瓷杯裝住每啖都好嫩好滑入面有冬茹、蟹柳、魚片鰻魚蛋包飯份糧真係唔係講笑 超大份鰻魚大大條幾厚肉燒到好香顏色好靚食落肉質鮮甜又冇咩骨另一個主角蛋包飯都好正雞蛋整到非常嫩滑再配埋咖哩汁簡直Perfect Match黑松露軟殻蟹忌廉意粉一上餐就聞到好香嘅黑松露味見到隻大大隻炸較殻蟹好surprised 食落都有啲肉 唔會話得炸粉意粉係比較粗身嘅軟硬度啱啱好 配埋忌廉汁好creamy得嚟又滑一滑！餐飲我地叫左杯凍柚子密同凍檸茶呢到嘅午市套戲水準真係唔錯！我地邊食邊傾好滿足！

日本餐廳開到成行成事，行到攰攰地，壽司店、放題、火鍋、烤肉、磯燒，種類五花八門，總有一間係左近，今日就係moshi moshi開餐，門面時尚內在又保持日式風味，店舖細細但又唔會太壓迫，輕食、放肆任點悉隨專便！原個蕃茄沙律結實多汁，有效清清腸胃，補充纖維! 火炙壽司以蟹膏帆立貝味道最好味! 吞拿魚背有點過熟，墨魚爽口，左口魚群邊油香豐厚，章紅魚、赤身吞拿魚、油甘魚件件厚切，油脂少卻魚味十足，牡丹蝦香甜爽口，實屬必食之選!始終要有啲熱食先夠完滿，串燒當然係不二之選，內臟最能夠試到師傅既功架，太熟就會失去油份變得乾爭爭，雞肝軟糯、雞腎結實有彈性，豬肉露筍油脂包住，露筍保持蔬菜水份，豬腩肉香脆唔油膩!餐廳整體水準平均，以諾士佛臺同美麗華餐廳相比，價錢比較貼地，若然係附近行到攰想醫肚，都係一個唔錯選擇!

去到尖沙咀金巴利街，其實最多就係韓國野！但係今日吾想食韓國野，見到間門口裝修的好靚既日本餐廳，就入左去食啦！果度有2層，下面果層有塔塔米， 好傳統日本風情，不過要大概6位先可以坐，當日見到已經比人預約左嚕！上到去上一層，日本師傅係當眼位置整野食同刺身，有牌寫住今日當造同新鮮既海鮮！我同朋友都點左d野食試下😋點左個番茄沙律黎開一開胃先，對2個人黎講，份量都有d大！食吾哂！因為仲想試下其他野食🙈🙈最推介哩度既串燒！我地點左烤肉荔枝串$28，鹽燒雞軟骨$22同燒雞肝$28！每一樣都好好味，好考功架！ 個烤肉同荔枝無諗過可以咁夾，又吾會過甜，都不失為一道特別既fushion 串燒😂☝🏻 雞軟骨一定係配啤酒既必備小食，可惜友人吾飲酒，無得盡興而回！佢d壽司飯真係好日本米，痴痴地，好值得一叫！刺身方面，個帶子真係無得輸啊🙈🙈好新鮮！而且個拼盤有埋甜蝦， 真係有哂我既最愛！😍🙁可惜配既其他魚都吾係我最愛，不過友人都話吾錯🤙🏻

今日去左尖沙咀食日本野， 之前朋友話呢間都幾好食就試下。係金巴利道， 都幾易揾。門口有啲日式門， 幾特別。今日我地兩個人就揀左坐吧枱， 放好好多sake。 啲sake 款式都好多， 仲有唔同size 間鋪頭有兩層， 底個層有個Tatami 包箱， 好岩多人一齊坐， 夠私隱。首先叫左個刺身拼盤, 一共六款， 廚師發辦。 塊塊都好厚。 都好新鮮，幾好味。叫左幾款唔同軍艦， 個海膽超多，好鮮， 有海水味， 塊紫菜放入口時仲好脆， 正。鹽燒三文魚鰭， 好香好脆， 啲肉都好滑。 送酒一流， 好有衝動叫多碟。清酒煮蜆既朋友， 清酒煮貴妃蚌好少係日本餐廳食到貴妃蚌， 通常都係花甲或者蜆。 味道都幾好， 一碟得兩隻。跟住叫左啲串燒，個豆腐好厚， 厚到好似臭豆腐咁，有少少甜，味道幾好。雞腎都幾好味， 燒得幾好。豚肉都好淋同啲油份岩岩好， 燒得好香。豚肉露筍串都好味， 啲露筍唔會好老。

食得多尖咀連鎖餐廳有d厭，於是呢日跟同事去左呢間近美麗華既日本餐廳食午飯。入到黎見到底層有個榻榻米，好有日本風感覺喎。我地叫左個兩個餐: 壽司同鰻魚蛋包飯。隻碟幾靚，吾知係邊買。味付螺肉9秒9就到。螺肉有咬口，吾un，自認細食既同事都話食完胃口大增喎。蒸蛋有鳴門卷、香菇同魚籽做配料。蛋好滑，有陣陣蛋香，配料特別係魚籽提升左口感。麵豉湯咸度剛好，仲有吾少豆腐同海帶，一d都吾寡。話咁快鰻魚蛋包飯黎度。大過塊面既鰻魚原條咁放係蛋包飯上面，賣相精緻。蛋汁同咖哩好夾，味道平衡吾錯。雖然咖哩汁份量多，但都無沉淋d飯，因為d蛋夠濃密，隔住d咖哩汁。鰻魚表面有焦香，嫩滑厚肉，兩人分享好滿足。過一陣，壽司都黎埋，有8大舊:三文魚、八爪魚、墨魚、甜蝦、北寄貝、海膽、玉子和三文魚籽。三文魚肥美，仲有幾粒魚籽係上面。甜蝦好大隻，而且鮮甜度十足。魚生大大塊咁餔上飯度。海膽係份量吾吝嗇，一d腥味都無，味道甘甜，質感細膩，入口即溶，正。埋單每人一百蚊多d，以尖咀地段同食物質素來說，性比價頗高，值得一試。

今晚約左同事收工去食好西，因為佢介紹呢間餐廳夠晒日式，用料仲係好新鮮添，好一於同佢去食。一黎第一樣就係食時令秋刀魚，我咁大個人係第一次食原條秋刀魚刺身，入口係非常新鮮，味道鮮，無多餘既味道，脂肪層薄，而口感相當滑，尤其魚腩部位，咁新鮮既魚刺身原條都唔使二百，確係抵食。跟手係壽司，佢地既火炙都做得幾好，鱈場蟹腳壽司，蟹肉由蟹腳裡面滑出黎，口感特別，蟹肉新鮮所以結實，味道甜美。仲有火炙帆立貝壽司，口感係外實內軟，一流感覺，唔需要鼔油味道都好鮮。另外既墨魚同海蝦壽司都用料新鮮，確實令人食指大動。再黎就係串燒，燒牛舌心非常多汁，肉質爽脆，燒得唔錯，仲有雞腎，咬落比想像中嫩，而且味道調得唔錯。仲有燒豆腐，燒得好脆，係正宗外脆內軟，豆腐皮脆口，裡面就軟滑，形成強列對比。豚肉露筍串，豚肉爽嫩，露筍鮮甜，味道夠晒夾，露筍更充滿豚肉汁添。最後係明太子玉子燒，整得非常滑口，餡料用左明太子，除左味道鮮外，口感更加提昇不少，有質素既玉子燒。