睿居酒屋 (已結業)

訂左枱食晚飯，去到嘅時候，已經有一張大枱10個人食緊飯。我冇選擇坐吧枱，揀左係大枱隔離既一張四人枱坐低。餐廳空間比較細，枱與枱之間都幾近，因為疫情原因，有透明板相隔，所以尚算可以。去到八點幾九點嘅時候，大枱嘅人走咗，成間餐廳即刻靜晒好舒服。打開餐牌，食物款式都幾多，有刺身、壽司、燒物、沙律、串燒同埋天婦羅。因為買咗OpenRice消費券，用$400（再有優惠所以最後用$370）就買到$500現金劵，所以決定選擇唔同類型既嘢食，試吓餐廳食物質素。見到OpenRice有人推介葡汁燒鰻魚，即刻叫咗一碟試吓。另外叫左我最鍾意食嘅螢光魷魚，再叫左汁燒鮑魚、黑毛豬串燒同埋帆立貝天婦羅。燒鰻魚個底有玉子做配菜，真係幾好食，值得推介。而螢光魷魚都冇咩腥味，亦冇平日居酒屋嘅咁鹹，就算今日冇叫酒，淨食螢光魷魚都非常易入口。黑毛豬串燒亦非常好食，有少少肥膏，又燒得剛剛好。反而個鮑魚我覺得比較普通，唔點呢個都冇所謂。除此之外，我覺得帆立貝天婦羅都幾好食，大大粒，非常好肉，中間重夾咗塊薄荷葉，味道非常清新，佢仲配左個芥末鹽，幾有特色。最後埋單，扣除$500（$370購買）現金券，盛惠$123，都算不過不失啦。星

睿居酒屋大坑寧靜嘅住宅區 有著各樣嘅餐廳樸素日式裝修風格 與該區十分相襯平民價嘅美味料理 卻日日爆場逼爆唔早d黎就食唔到 😱😱😱😱😱旬鮮燒魚季節日替 每季用嘅魚不同油甘魚三文魚不等 定食有前菜牛蒡主食燒魚甜品水果 蜆肉麵豉湯清淡 前菜牛蒡酸甜清爽 平衡飯後油膩感主食燒魚新鮮嫩滑 魚油多配飯一流甜品係舊橙切得靚 酸酸甜甜超解膩Address： 睿居酒屋 (大坑)大坑安庶庇街6號地下🚄： 天后站A2出口，步行約9分鐘

同朋友farewell想搵好野食，咁岩係eatigo app見到大坑既睿居酒屋有優惠就決定去呢間裝修環境都有保證。因為今日中午落雨所以大坑街道難得地少人，門口既石小路同竹門都好有返到家鄉既感覺。店面唔大坐到5-6枱人左右方便店員可以照顧到所有客人。雖然lunch menu非常抵食，有半價優惠既我地都係決定叫返單點叫晒自己鐘意食既野。之前見到壽司menu既幾款3貫都好吸引，我叫左吞拿魚，火炙，北海三貫全部質素都一流，吞拿魚就算係最普通既赤身都無平時既重鐵腥味肉質又柔軟非常唔錯。可惜今日無晒軍艦好想試一試佢既蟹肉蟹膏。朋友叫左特選刺身丼份量都好足同刺身被得好大方，有齊牡丹蝦，赤身，大吞拿魚腩，油甘魚。之後再追加左海膽壽司，建議叫返日本海膽壽司味道比較好。我地2點左右黎到好多食材都賣晒，大家都可以早d黎或者打電話預留心水之選。食完壽司就到最愛既串燒！所有牛都係好好食好有幸福既味道，我地叫左燒牛舌同牛肉粒，份量比想像中多同埋外脆內軟個火喉掌握得好好調味唔會過濃。另外再追加左白鱔外皮酥脆魚肉嫩滑。見到其他枱既lunch set最後會再有擺得好精美既水果做甜品，下次一定會再黎試下！

🌟綜合評分：7.5/10🌟食物口味：8/10🌟環境：6.5/10🤩亮點：壽司魚生份量勁多魚生新鮮好味呢間之前偶然發現亦都有出post，覺得係近來試過最好味嘅居酒屋，之前來過一次之後，就一直回味無窮好想再試，今日終於又來啦！可能來得遲左，好多嘢已經買曬，大拖羅亦都唔及上次咁新鮮好味令人驚嘆，但依然在平均水準之上！今次新試左鮑魚、鵝肝、鰻魚等，覺得中規中矩，呢度始終都係壽司同刺身最正！魚生嘅選擇唔算特別多，但勝在份量好充足，d壽司好大個🥰特別鍾意海膽嘅我，今次專登嗌左成板日本海膽，價錢不菲但味道勁好！意猶未盡又嗌左海膽壽司、海膽大拖羅手卷，全部都好正！埋單兩人$1600，貴左d，不過食左好多海膽同埋啲魚生份量都幾充足，個人始終覺得呢間係好值得一試嘅！特別想提下個waitress好得意，我地嗌野食嗌得好1999，我地自己都唔記得嗌左啲咩，佢完全冇用筆寫低，就咁求其聽，我地以為佢完全冇聽到，結果啲野食全部上到！好勁ar🤨🤨

老闆升職宴，豪請伙記食日式omakase。小小嘅居酒居環境超溫馨，蔡老闆係性情中人，睇得出係非常用心經營嘅小店。廚師發靜各式鮮蝦、龍蝦、魚生、螺片、海膽⋯每道都賣相一流，龍蝦同鮑魚特別鮮甜；海膽入口即溶，份量不足。加埋最後嘅炸物同燒牛柳粒簡直完美結局，不醉無歸👍🏻

係銅鑼灣行完街，朋友提議去大坑食晚飯上OpenRice 一search 就見到呢間幾高評價，咁啱又book到就去試試一去到待應話見唔到booking，而我地book既就分店就full 左待應好有禮貌咁請我地稍等，並安排同事帶我地去另一間分店服務態度非常好店舖比較細就只有3張4人枱但都坐得舒服每張枱都可以望到師傅準備食物！氣氛好好前菜係枝豆，好入味再order左漬螢光魷魚口感清爽又入味串燒每一樣都好好食！白鱔燒得脆卜卜！入口即溶！充滿油脂香牛舌好嫩滑~加檸檬汁更加香！芝士免治雞肉，芝士軟綿綿，撈埋蛋黃又另一番風味！壽司每一件都好新鮮2款海膽都好食~勁甘甜~係略嫌個飯會散埋單1300居酒居嚟講價錢合理重點係味道好又服務好

咁啱去到香港區， 就睇下大坑有啲咩好食，見過食評好似唔錯！咁就入去試試！坐低就叫咗海膽壽司， 吞拿魚背壽司同其他壽司，有叫帶子刺身。 帶子刺身一定要叫！好厚肉！食落好好味好有口感！ 另外海膽壽司同吞拿魚背壽司都要試！結果 海膽壽司 太好食！再照多兩客！本menu冇寫有烏東， 咁我即管問 侍應， 侍應話有烏東，嚟咗個 蜆肉 烏東，又係好好味！鮮甜無砂好大隻！最後又有叫到炸雞皮，又有叫雞腎好爽脆！下次一定會再嚟再試過！ 希望下次有 醬汁 東風螺食( 因為今次賣曬)

《隱世日式居酒屋🇯🇵》———————————————-#睿居酒屋 🏮-喺大坑呢條橫街有三間個名一樣嘅「睿」，分別係和牛燒肉、居酒屋同日本料理，其實都有得叫互相嘅菜單。本身餐廳價錢屬於中上，但今次喺Openrice 用優惠價買咗$500 coupon，計落都幾抵🤣-日式小店細細間，好有深夜食堂feel，尋找下久違嘅日式情懷味道😋lunch set menu 都幾多選擇，跟餐會跟個稻庭手造烏冬同味噌湯。絕對要讚下個烏冬好彈牙，蜆肉非常爽口👍🏻-主食我哋就揀咗鰻魚飯同北海丼～北海丼嘅用料新鮮，海膽十分鮮甜，牡丹蝦又大大隻，對得住個價錢😚鰻魚飯都幾精緻，配搭埋玉子咁食都幾唔錯～-唔夠喉仲可以叫串燒或者其他燒物，我哋就追加咗牛舌、雞皮同雞軟骨，全部都即叫即燒，惹味香口，個人最中意個牛舌，肉質嫩滑唔韌🤩-⭐️ 參考價錢︰（另收加一）鰻魚飯：$148北海丼：$158牛舌串燒：$58雞皮串燒：$25*2雞軟骨串燒：$25*2🍌 抵deal 指數：8/10

Highlight of a few of my favourite dishes at Izakaya Satoi of the night - Cheese Chicken Skewer (芝士山芋雞肉串) is must try! The meat is very very tender and went so well with the cheese and runny egg yolk. If you also prefer something more filling, the Black Pork Sukiyaki would also be a good pick!|Ox Tongue💰HKD58|Cheese Chicken Skewer (芝士山芋雞肉串)|Black Pork Sukiyaki💰HKD388

這家小店座位有限，3張4人枱，4人吧枱，共 16個座位，裝修一般，小店情懷，点了 188元的刺身定食，刺身共12片比我想像中多，新鮮度及温度合格，珍珠反過關，清煮蜆湯意料外好，沒有太多味增感，服務水平正常，拿了晚市 Menu來看，會席及盛宴的價錢都好合理，再來之選

Izakaya sotoi is a small restaurant in the middle of tai hang. It is one you could easily walk by without seeing since it is somewhat hidden. The restaurant has two stores. A main store and a side store where they have extra seating. We were allocated to the side store since they were fully seated already. The side store is small and packed and it seems that grilled izakaya food is the main focus. We still ordered the sushi off the menu since it was a hot day. No complaints about the side store

It was a hot Sunday afternoon, around 1pm and we stopped by Tai Hang for lunch. We originally planned to check out some of the brunch places in the area but it was so packed! Long waits everywhere. So as we walked around, we stumbled upon this Japanese place and decided to stop here. Although there wasn't anyone waiting in line, we still had to wait a short while for a table. They have set menus available:Udon Set with Grilled Eel Rice (incl 2 Sashimi items) 稲庭烏冬配鰻魚飯（附刺身兩款）$148The udon came firs

最簡單嘅餐，往往係最難搵到好味的。每次來到大坑想食日本野，都只會來呢間日本餐廳，今日就同老公食個簡單午餐，但係原來味道都係唔簡單💗😍😋黑豚豬扒真係好好味，鬆軟又入味，滑蛋加汁我好快就食晒一碗飯🤣，$88一餐日本午餐真係抵食，自己買塊黑豚豬扒都要$5x,總係日本米😍大愛呀！ 老公食咗個銀雪魚餐都係好靚又好食，總有漬物跟餐，完美配搭👍🏻😋細細間但係坐得好舒服，鍾意餐廳嘅門口好有日本feel😍

因疫情關係不可去日本，間唔時也會想吃日本菜解相思。見有訂座優惠而第一次試睿，原來餐廳在大坑有幾間同名而唔同食物類型的分店（居酒屋、日本料理、和牛燒肉）吃日本菜，小肥羊和小肥朱習慣先點一些冷盤如壽司、刺身等，之後再點熱食。某些壽司原價價錢是頗高的，但折後變得較合理。點了小肥朱最愛的吞拿魚三貫（赤身、中拖羅、大拖羅）、深海池魚、左口魚邊、銀鱈魚（以前只吃過熟的銀鱈魚），壽司質素不錯，飯夠醋味，魚亦新鮮肥美。本身想試鯛魚和isaki, 但sold out了。想讚一讚餐廳，追加了赤身壽司，但sold out 了，慷概的師傅竟然給了我們大拖羅。🐟第二round點了燒羊架，蘆筍豚肉卷、雞翼和雞肝，小肥羊說羊架不錯🐑小肥朱覺得豚肉卷不錯，雞翼正路，但雞肝一般。

見朋友响社交媒體貼咗呢間餐廳嘅食物，好似幾靚，所以專程來試一試。門口係用木造，好日本嘅風格。我點咗魚生飯，先來一個暖嘅前菜，肉碎青瓜。好少有暖嘅前菜，幾特別。再上一碗蜆肉烏冬。蜆肉大粒，幾有鮮味。烏冬都算彈牙。主菜魚生飯嚟喇，並唔係碎魚生。仲有蝦，鯛魚同吞拿。魚生唔算薄，有鮮味。個橙都切得幾靚!總括嚟講，百幾蚊嘅set lunch 係滿意嘅。