石崗咖喱屋

营业中

休息中

上次到石崗咖喱屋晚飯已是兩,三年前的事,而最近和家人常常到元朗逛街,每次經過,都想和家人去試試,可是假期的人總是很多,最後,相約了媽媽,於星期一晚去試試我們坐下一會,便有侍應為我們送上得式小食-非常香脆的烤餅,並附上一甜一咸的醬汁,我不知這小食叫什麼,只是它很辣,很多黑糊椒碎,吃一口已可喝掉一杯水之後,我們點了一個套餐-有:印度雜錦燒烤 , 咖喱時菜 , 咖喱牛肉 , 椰汁咖喱雞 , 白飯 , 烤餅 , 水果沙律及兩杯飲料還加了一客印式燴羊肉 , 烤麥餅及芝士烤餅食物水準可以,但每款咖喱的味道也一樣,只是配料不同而已,印式燴羊肉也跟咖喱很相像,我覺得兩者有少許分別,但家人刖說沒有分別而各款烤餅也有其特色,其中麥烤餅比較特別,較薄和乾身,很有嚼勁

星期六與好朋友仔入o左元朗決定o黎一個為食之旅~第一站, 就係o向 石崗咖喱屋 食lunch~點了... ... 小食拼盤 {有雜菜咖喱角x2, 春卷x2, 炸雞粒}再一次品嚐到酥皮o既咖喱角... 但咖喱薯仔餡... 超飽!!!!!跟o左兩個sauce~ 綠色o既微酸帶微香辣, 紅色酸味味 薯仔餅諗住叫兩個小食, 但醒唔起之前個拼盤同個set已經有好多澱粉質...所以叫o左依個薯仔餅... 結果食到反肚就係因為佢...好彩有酸汁消消滯!! 咖喱蝦set {跟一碗白飯 & 薄餅 1杯o野飲}o的蝦普普通通la~反面個咖喱汁ok~ 辣得o黎有o的酸~用o黎送飯十分gd!!!!!個薄餅唔油, 咬落麵粉居多, 所以都幾飽肚~不過同咖喱唔係咁match咁...我個人忍為o的咖喱配飯好食o的~成餐 2個人 食得好飽最終要來回行o左兩次大馬路先落格lei~ xb

石崗咖哩屋，牆壁上貼滿軍人的照片，跟石崗軍營有沒有關係呢？我不懂印度話，不得而知。我只知道，它的薄餅的確好吃，一定要試！我吃過阿拉丁和重慶大廈，也不及它好吃。一般咖哩店只有一至兩款，但是它有十幾二十款，任君選擇。所以，最好別選二人餐，按著餐牌逐款薄餅試，才夠滋味。頭盤來了一客香蔥薄餅，薄而脆的餅底，上面放上洋蔥、青椒、紅椒、香草粒，加上綠色、茶色的醬汁，非常醒胃。洋蔥、青椒、紅椒等夠生，又新鮮又刺激。主菜來了一客薯仔薄餅，餅身較香蔥薄餅厚，餅底亦脆皮，近圓心有辣粉，幾野味，近圓周有薯仔粒，又軟又香，捏一塊餅點咖喱，吃不停口。那是香蔥羊肉咖喱，羊肉炆得很軟，入口即溶，好吃。剩下來的，都拌以藏紅花黃飯，好香。除了好味之外，價錢很大眾化，兩個人也吃得飽飽，才$110。

去完濕地公園，走過嚟元朗搵食，我哋哩D離島人，元朗、天水圍真係山長水遠，好少去，今勻嚟到咁北嘅元朗，知道好多好嘢食，睇書仔介紹真係眼花撩亂，費事嚟到先搵，所以一早鎖定目標嚟石崗！亦都懶得諗，坐低就篤手指揀咗個1B二人餐，$168有齊小食、鐵板烤羊膝、咖喱牛肉（或豬、雞）、咖喱什菜配白飯、又有烤麥缾、鮮果沙律、同埋汽水或紅酒，真係好抵食，份量又足，根本兩個人就食唔晒，所以落單時已叫佢哋個飯俾半份我哋就得喇，點知佢都仲係哩咗成份，即係一大碟，真激死！加上哩日係週日，好多人坐到爆，我哋都係安排坐晌走廊二人位，都 OK嘅，係比較多人行哩行去，不過反而靜局D，無出面咁嘈添！小食 – 有印式春卷同雞件，各兩件，配D燒炸汁同乳酪汁，唔錯！鐵板烤羊膝 – 上枱時熱辣辣，大大件羊膝有兩件，呎吋就比雞脾大一個呎碼咁，一人揸住一隻哩食，多層次嘅香料味，肉質軟腍，帶少少羶，真係好正！咖喱牛肉 - 牛肉用咗牛腩，不過就做得無咁好，因為韌咗D，好彩個咖喱汁膽做得惹味，用烤麥餅醮D咖喱哩食又得，撈飯食都得，真係好得！咖喱什菜 – 一樣好食，因為D咖喱正，時菜有薯仔、蜜糖豆、椰菜花，唔會煮到腍晒。本來有個鮮果沙律，點

行完山很完全唔知食咩好...所以就黎左石崗...以前在元朗讀書時常來此店食LUNCH...咁多年冇黎見佢都冇咩加價喎...唔想煩, 叫了個2人餐, 份量都幾足...其實成個餐我只鐘意食佢個NAAN餅...咖哩嘛...咦, 都唔係幾辣, 我一向怕辣都食到(唔知係好事OR壊事?)埋單百幾蚊FOR 2(多謝羅生^^), 價錢OK...

午餐A ($36)串燒免治雞肉卷蒜蓉烤餅小食一客印度香米一碗飲品一杯甜品有4件咁多，燒得好好，唔會太乾，肉汁仍在。我試過將一塊烤餅夾雞肉卷，再加咖哩汁、香草& BBQ醬，勁好味，哈！哈！我從來都唔欣賞印度香米，今次都唔例外，好彩我同事話食，唔好浪費！午餐C ($36)免治牛肉球蒜蓉烤餅小食一客印度香米一碗飲品一杯甜品我同事話喱個牛肉球都好出色，我雖然唔食牛，感覺唔到幾好味，但我試過佢咖哩汁，喱款唔同我，杰，一樣香而不辣，正！

尋日(19-6-2007 Tue)行完街諗食乜,就試吓呢間啦.時間尚早,才6:45pm左右,入到去,只有兩枱客,我o地坐o係由最入面數出o黎第三張二人枱,都好闊落.睇吓menu,果然係專做印度菜,林林總總o既菜色,令我同我同朋友W花多眼亂,且放棄慣常會叫o既set dinner,揀o左下列對我o地o黎講新奇o既菜色:1.$20.00青瓜乳酪白色,算係凋零o既乳酪裡面有青瓜絲,微酸o既乳酪當然發揮o左開胃o既作用.2.$58.00串燒五香雞件用鐵板上,不過唔駛'贊'汁,所以唔會激烈.一客六件橙紅色o既雞件,食落,似有少少羶味,少少甜.印度o既五香唔等於我o地平時食慣o既五香牛肉麵o個種五香.而雞件有啲'鞋'有啲又滑.3.$68.00西檸蜜汁燴蝦球白色o既汁裡面浮沉o左好多蝦球,有甜味但冇咩西檸味.不過有四份一個檸檬o係入面.蝦夠爽o既.4.$38.00燒香草茄子一pat pat蓉咁,我食一啖,甜o既,係蕃薯o既甜味,我同朋友懷疑有冇落錯單,於是問個waitress,佢話冇錯啊,係燒香草茄子.啊,咁算啦.食食吓,又有啲辣辣地o既?可能之後我攪匀佢(其實係想搵茄子)引致啦.5.$15.00薄

星期四同女友响元朗食飯，女友話突然想食咖哩，加上佢話佢老豆話呢間野啲咖哩幾得，於是就試試呢間石崗啦。我地叫了一個二人餐，價錢$148+10%，食物內容以下﹕炸春卷同埋洋蔥圈–炸得都幾香口印度什錦燒烤(雞、羊、魚)–鐵板上都全部係唔熱，有冇搞錯。咖哩羊–啲咖哩開頭冇乜味但食食下都OK。咖哩什菜–呢個反而唔錯，咖哩夠香味。飯及薄餅–飯好油好散，薄餅就幾有咬口。生果–西瓜、哈密瓜、蕉各兩片。菠蘿柑桔蜜–好淡，冇味。整體水準完全唔合格，只有薄餅同埋咖哩什菜尚可，不過侍應服務同態度同唔錯，呢樣值得讚。但食物既質素如此，我諗都冇下次。

石崗，好多人都話好食喇，我今次呢，就係陪爸爸黎食，佢做大廚ma，食嘢會講究d，所以都要選d口啤好的餐廳陪佢食．我哋點咗兩款咖哩，咖喱羊同咖哩雞，咖哩幾香，愈食愈辣，好刺激．不過，我同爸爸都比較鍾意食咖哩羊多ｄ，因為佢肉質好鬆化，而且都好嫩．另外呢，我個人最欣賞個白汁雜菜，白汁好香好滑，送飯食更好味，good！仲點左兩款薄餅：芝士薄餅&薯仔薄餅，其實兩款薄餅都好食，因為夠鬆化，但我就比較鍾意食薯仔薄餅，薯仔淋加小小咖哩味香，點埋佢俾既香草汁同甜酸汁，更好！我哋成個set dinner 咁叫，套餐包埋一ｄ用鐵版上的煎魚同煎唔知乜．．．呢款餸呢．．ｄ嘢煎得太乾身，一ｄ都唔好食．哈哈，好似食咗好多嘢咁～

昨天跟友人去石崗咖哩屋食晚飯其實之前午市已經有泥過對呢間印度餐廳頗有好感因為我好喜歡食nan而石崗咖喱屋提供很多款口味選擇個人最喜歡牛油味的,很香口另外薑母奶菜(熱)也是不錯的選擇今次我介紹友人來此用膳也不失所望頭盤的烤什菜跟什菜春卷真的很不錯加上送上的香草汁或甜酸汁,好食!當我跟友人食完頭盤後一位會講廣東話的印度侍應立即禮貌地上前問我們"收得未架?"服務態度很好,很多香港的食店也比不上緊接著的羊膝,因為用鐵板上的關係,我跟友人也在等鐵冷卻一點時才加檸檬汁此時,另一位侍應走過來用銀夾再用手幫我們擠檸檬汁,可能有人會覺得不太衛生,但對我來說是很appreciate的^^,畢竟印度人雙手也是餐具嘛,加上餐館內也有不少客人,竟然細心到連擠檸檬汁也照顧到,真的另我跟友人也很意外我以為這羊膝會跟其他印度的小食一樣,比較鹹及乾身刀切下去的一時候有點驚喜,原來很鬆軟入口時也不覺得味道太鹹,反而有很香口的羊肉味當我們用享用完後,緊接就上咖哩雞,什菜及烤餅咖哩不錯,可惜雞的味道比較淡,個人認為羊肉較吸引今晚的石崗餐廳水準依然我會繼續介紹朋友來的

雞肉串燒午餐︰有小食、餐湯、三枝雞串、薄餅、飯一碗及餐飲。免治咖喱牛肉球午餐︰有小食、餐湯、牛肉球五粒、薄餅、飯一碗及餐飲。份量很多，味道尚可，但咖喱香料味道不足，而且非常多油，吃後很油膩。飯好像是隔夜飯。

我一行3人，叫一個2人set meal($138)，包括小食拼盤(春卷& 洋蔥圈)印度什錦燒烤(有雞、羊、魚)咖哩羊/ 雞/ 牛咖哩什菜飯及薄餅生果汽水2杯另外，我再加1個咖哩青豆薯仔($38) & 一客蒜蓉烤餅($15)。我覺得份量冇我以前食咁多，整體水準亦下降不少。而且地方比較狹窄，布不是太整潔，但服務都O.K.！

路過元朗一試聞名以久0既石崗咖哩, 其實烤餅同lassi都好好味, 不過主菜咖哩雞就唔係好香濃, 可能係期望太高吧!但係衛生就唔係幾好,因為甫一坐底就見到兩隻小強,可能因而減低食慾!!!試晒元朗其他d野食之後,都可以再去0既...

上星期終於去食石岡咖喱屋,由於本人有去食過正宗印度菜經驗,所以有得比分.雖然此店環境同衛生倩況都差些,但食物水準就目標之上.點解?能夠保留原味,不刻意為迎合客人口味而亂咁創新同改變.因為正宗印度菜不多.唔同中國或泰國菜咁成行成市而需要創新同改良.講番這餐廳食品推介烤羊滕.咖喱什菜,各式烤餅來沾咖喱汁更一流.最後當然要啤一啤佢.正!

以前聽過父親介紹，說這間餐廳是由前駐港的喀兵開設，大讚他們的咖哩很正宗，今天特和朋友一試。首先生奇差！進食時見到一隻小強在距離食物5cm的牆壁上遊動，叫老闆來處理掉牠後，不久又見到另一隻。簡直嘔心，任他如何好吃都沒有心情吃吧。老闆竟然一句sorry都無講。算數吧，我來是吃東西的，不和你計較這些事情。食物方面，我自問算不上咀刁，但我也覺得這裏的食物很普通，咖哩不夠香，nan不軟熟，食過重慶大廈裏的咖哩，比這裏好味好多。這裏唯一最有水準是那杯芬達汽水，至少和出面渴到的一樣，算是安慰奬吧…>.< set meal $138，2人吃份量頗足(當然啦，有小強陪住食仲有誰會有胃口？)，但以這樣的質素算是貴了點吧。最後，埋單結賬，而且還是老闆親自找錢。後坐了一會兒(約5分鐘)等朋友去洗手間。誰知一出門口，即被一個侍應召回，一問發生事甚麼事？老闆無講，我只見他們在翻單。原來他們誤以為我們無比錢。最後當然無事，但實在令我不分不快。總括來說，今晚的經歷簡直是惡夢。唉~