碗屋 (已搬遷) 新店位置

見人地寫食評就寫得多，次次都睇到食指大動................今次終於的起心肝開番個 account 同大家分享美食，分拔頭籌既係數月前為兄長慶生既放題此店之前有朋友請我食過一次，念念不忘 ~ 趁住兄長牛一嘛搵個藉口，一於食過翻尋味！

之前都有食過幾次, 都OKAY 的, 但前2晚再去 (同朋友慶祝生日), 整體的表現真係差了很多.$428 DINNER 放題, 無任何折扣, 但食物就----物非所值啦.首先刺身, 以前真係好新鮮好靚的, 但今次… 上第一碟拼盤時係最差, 細件D又唔算太新鮮, 特別係三文魚, 食落 外賣店爭仙的刺身好似重新鮮D..所以無再叫. 劍魚腩, 吞拿魚係幾靚幾新鮮, 第2 ROUND 係比拚盤好好多, 但只係好過百零蚊的放題, 唔會好得過二百零蚊個D..帶子, 甜蝦, 唔係好有鮮味, 手卷: 值得一讚, 細細件唔洗食甘多飯, 紫菜送上時重係好 ‘翠’.鐵板燒/串燒, 食物好一般, 完全唔似貴野, 同以前好唔同.煱物: 竟然係無, 如果唔夠人食埋火煱, 跟本得好少野食..離譜左D.. 火煱: 係全晚最好的了. 湯底我地叫了蕃茄湯, 都幾好味. 和牛好食, 本來第一碟的一口牛肉粒係幾正, 點知叫第2 ROUND 牛肉粒變成牛肉片, 好明顯係將一粒牛肉, CUT開幾片.. 差…. 最令人失望係, 我之前幾次食都有食的天婦羅, 星期三平日 (收$428一位)竟然係無, (百零二百蚊一位放題都一定有啦

由於本人非常喜歡食日本菜, 故此朋友經常介紹此餐廳如我, 叫我一定要試佢個放題。由於將近情人節, 故此一班好友共6人決定試一試。記得2/07 朝早已致電查詢當日2/14訂枱情況, 知道當日會分兩段時段, 第一輪係6-8:30pm, 第二輪係8:30開始, 收費係每位數428另加一。當時已查第二輪有6位不過係鐵板燒柗, 我即刻話要book, 點知佢話因為係情人節故此不接受訂/hold柗, 一定要親身去買cupon。到今早再致電查詢, 接線生肯定說第二輪鐵板燒尚有6位, 我即刻問可唔可以入數唔親身到俾錢因為身在柴灣。接線身話唔得, 一定要親身到俾cash 或者credit card, 仲再三摧我叫我快。於是我就即刻由柴灣落到中環; 點知去到, 另一個高級人同我講, 當日第二輪根本只得兩位, 另外無須親身時俾錢, 只有hold 柗後入數便可。 嘩!!! 間即係晴天霹靂呀!!! 第一: 點可能由尋日到今朝問reconfirm都話有位但轉頭又話一早full 得番兩個位呀? 第二: 如果可以先hold柗後入數, 點解又話一定要親身去俾錢呀?第三: 點解同事咁唔清楚都可以聽電話呢?我即時同高級人講出

碗屋是我近來最失敗之選, 服務差, 接線生沒禮, 侍應沒專注下單以致頻頻漏單 Ruin左我的紀念曰, 永遠 Bad list 碗屋刺心: 款式小, 三文魚不肥美不新鮮, 甜蝦好差帶苦味, 帶子小於五毛亦無鮮味. 下二次單件數都不對鐵板食物:超油, 下單叫侍應叫鐵板師傅放少油, 回來話師傅少油不能做鐵板牛及其他鐵板食物. 好野, 咁都說得出. 沒牛肉味手卷: 超迷你, 慳海膽吧, 飯又唔夠醋, 無心咪做啦浪費食物蝦: 雪藏貨, 沒咬囗, 放棄雞翼: 太乾了, 又咸, 沒肉汁鵝肝: 煎不熟, 叫他們再來2塊也不行. 那我就不敢食了烏冬: 是我吃最差的一家稻庭烏冬, 叫侍應煮夠一會也咬不開. 竟然不夠大x樂普通烏冬柔軟好食. 無話可說$348+10% each.. No way. $100都覺得不值

碗屋這名字聽過很久但是一直沒機會一試因為永遠都早一個月訂枱才可以食到今年平安夜男朋友瞞住我BOOK 了這裏當日知道後，很開心很期待這餐！不過永遠希望愈大，失望愈大！！！當晚分了兩個時段，係6點至8點之後8點半到10點半兩個時間都不上不下，而男朋友選了8點半的時間餓了很耐，準備食大餐了！一到，勁多人，不過接侍員都很好安排一堆人入座我們入了一間細房，真係好細，但有6張枱，一間細房150﹣200 呎到，有12人所以都不太好意思講野，而且基本上一講野，全部人都豎起耳聽到大家講咩侍應一來到，接住幫我地下單很慣熟地幫每枱下了雜錦刺身（menu 上的1﹣9）同埋有2個送的食物，男友選了汁煮鮑魚，我選了薯蓉焗海螺，兩個都好快來到而且好好味很快就食完，叫了的剌身都來到了剌身中規中矩，當中甜蝦最好食食完剌身後，我地8點半入席，等到9點3都未有野食！！！！而我地係食到10點半，同男友你眼望我眼，係到等等等最後忍不住係GUM 叫，叫了幾ROUND食物才前前後後來了小小！！！！最後我地叫過D咩都唔記得....一係就甩單..唔係就錯單...人地黎錯左我地話想要又得....反之亦然總之就好鬼亂.....成件事都係錯

碗屋係一直都想去試既日式放題, 不過價錢都好高下, 加埋一差不多$400多. 不過女友前排生日就決定去試下啦! d 刺身真係幾新鮮 , 除左壽司刺身放題外, 每個人可以比你一人揀多一樣野任食的, 有三款選擇 : 火鍋, 爐端燒, 鐵板燒, 我地揀左火鍋同鐵板燒. 講多無謂, 去片啦!每個人會送一隻汁煮鮑魚仔, 好入味兼彈牙, 幾正! 然後點左D刺身, 有三文魚, 帆立貝, 魷魚, 赤貝, 甜蝦等等. 全部都好新鮮, 好正!海膽手卷, 屬一般貨色, 入得口唔苦的, 可惜太少海膽份量了蟹柳壽司, 用既絕對唔係街市賣咬落去好粉果D, 真係日本蟹柳來的, 好味!鐵板燒方面就叫左燒牛肉粒, 燒帶子, 燒多春魚, 燒蠔及燒牛肉包金菇. 除左燒牛肉粒"鞋"左D之外, 其他都幾好.然後火鍋都到啦, 揀左蕃茄湯底. d肥牛肉好新鮮, d蠔都算大隻又有黑魚滑添, 冇諗過連火鍋用料都咁得, 真係額外BOUNS. 最後甜品雪糕係送既~~ 應該係牛奶公司, 冇乜特別, 所以唔好期待雪糕好好味黎哩度可以滿足哂貪心既朋友, 食刺身, 燒物之餘仲打埋邊爐, 真係無得頂!

朋友請食生日飯，叫我選地點，第一時間就想到試碗屋，因為聽聞碗屋啲放題好正，不過中環頗遠，又難訂位，所以一直都未去試過，這日既然人齊，就即刻訂位去試下；因為只是早一日訂，已滿座，排waiting list，當日覆我話有位，不過係鐵板燒枱，無所謂啦，可以望住師傅煮嘢都幾好呀這日閒日，有三款放題供應：特上刺身壽司,串燒放題；純和風火鍋放題；鐵板燒放題；因為我們有三個人，所以可以試晒三樣坐低後，侍應說是日每人會送一客鮑魚或牡丹蝦加象拔蚌刺身或焗海螺，我們選了鮑魚和牡丹蝦象拔蚌刺身；個鮑魚都唔細隻㗎，牡丹蝦同象拔蚌亦新鮮，第一道菜已覺滿足之後侍應拿主意替我們叫了個刺身拼盤，每樣一兩件試下，拼盤有三文魚,吞拿魚,油甘魚,劍魚腩,帶子,甜蝦,墨魚,魷魚,赤貝，樣樣都好新鮮好厚切，之後我們encore了帶子,甜蝦和赤貝，因為最回本手卷因為太飽肚，所以我們只試了海膽手卷同鮑魚仔手卷，個手卷細細卷，啱啱好，海膽好新鮮好甜，無腥味，有啲喜出望外；鮑魚仔就差啲喇，無鮑魚味，建議大家留肚吃海膽手卷吃完刺身後，便開始叫鐵板燒食物，由於肚皮位置有限，我們這日精選叫了大蝦,帶子,厚燒牛肉,銀鱈魚，大蝦同帶子都好大隻，

本小姐生日就快到, 好同事Miss Chan Chan請食lunch, yeah~老細上次黎食過拎左張early lunch coupon 有折, 雖然我地食11點半應該唔會太多人, 但係都book左枱穩陣d。點知去到真係咩人都冇, 我地係第一枱客! 個lunch 定食menu係漢字夾雜平假名片假名, 不過好在都仲有英文, 唔駛估估下!因為太肚餓既關係, 淨係影左我同我老細食咩, 冇理到其他人! 我份定食: 燒牛肉 + 煎鵝肝 + 自家燒帶子 + 茶碗蒸 $168 (跟餐配白飯及麵豉湯)麵豉湯一般, 至於個茶碗蒸就真係好大兜, 蒸得好靚好滑。燒牛肉切條上, 燒得剛剛好, 唔鞋, 好juicy。上面有一件份量唔細既鵝肝, 好滑!燒帶子唔係原隻, 係將隻帶子撈埋蟹肉同其他配料一齊燒, 仲加左芝士, 所以燒出黎好香。老細果份: 天婦羅盛合 (蟹鉗, 蝦, 魚, 野菜) + 自家燒帶子 + 茶碗蒸 $168 (跟餐配白飯及麵豉湯)

早一個月前 book 週末晚餐，真架勢週末有鵝肝與軟殼蟹限定供應，而且比平日更便宜附送的前菜選了汁煮鮑魚和薯蓉焗海螺鮑魚彈牙爽口入味，海螺味道也好，相對失色 侍應會先送雜錦刺身讓客人了解自己最愛的刺身，有甜蝦、帶子、海螺、北寄貝、赤貝、三文魚、油甘魚、希靈魚和劍魚腩刺身之新鮮毋用多說，選擇又多，絕對是城中放題新鮮美味之最，甚至有貴價日本料理的水準沙律菜有少許雪藏跡象，可取的是汁醬，和風沙律、豆腐沙律、凱撒沙律每款醬汁都不同，橄欖油混醋、麻醬、蛋黃醬，每款都叫了 2 round拖羅和海膽手卷迷你，味道鮮美，正好試完再吃其他美點，紫菜保持脆咯咯，飯糰也做得好，只是拖羅份量略少鐵板厚燒牛肉不過不失，不太鬆化，薄燒牛肉內裏有蔥粒反而更多汁美味鐵板帶子大大粒，挺美味的，叫鐵板蝦不如叫鹽燒車海老燒銀鱈魚很鮮美，全無雪味，但比較淡口，建議下多些鹽燒或自家醬汁燒鹽燒車海老蝦肉爽口鮮甜，鹹淡適中，很不錯其他燒物如燒雞翼、雞軟骨等都不錯，黃金燒栗米不乾身，很香甜炸天婦羅的味道就與坊間的連鎖壽司店完全不同，不是蟹仔加粉漿狂炸，外表香脆，裏面是有肉汁的鮮蟹腳鵝肝也是絕色，鹽下得不夠，但燒得內裏粉嫩，火侯到家

因為同事說好耐以前食過, 幾好, 而且要好早BOOK , 所以同朋友去試~ 一個月前BOOK左去食DINNER~去到的時候被擠迫的環境嚇了一跳, 而店員的說話方式, 以為自己去了"元X壽司"... 有3款選擇:火鍋, 爐端燒, 鐵板燒都有配刺身和壽司一人可以選一款, 既然有4個人, 所以全部都選來試~雖然不時有店員走過, 但總是捧住食物, 等好耐才有人幫忙點菜...每人送左隻鮑魚, 都夠味刺身 - 真的幾新鮮, 叫左幾ROUND ! 壽司 - 只試了海膽壽司同鰻魚壽司, 都不錯 ~爐端燒, 鐵板燒都有幾款OK~尤其羊架同鶢翼 ~ 有叫多一次~但串物, 烤蝦, 烤蠔等真的不是太好....烤蝦細細隻, 烤蠔似煎蠔餅, 烤魚有魚"聲"味... 火鍋十分普通 ...那些黑豚肉, 和牛等, 完全食唔出...若果200幾蚊的話, 都可以試下400幾就不會再試了....

是日午餐光臨「碗屋」，重溫日本風情。這裡本少爺已吃過數次，印象不錯。聽聞這裡晚市放題也蠻受歡迎，約 $3xx 任吃刺身鐵板燒火碢， booking 也要成個月，遲點有機會也要試試。午市套餐約有 10 款，由 $158 至 $188 不等。特上刺身盛盒 ($188)刺身基本上是「碗屋」的招牌貨，的確頗新鮮。套餐有三文魚、甜蝦、帶子、螺片、希靈魚、油金魚等，配沙律、茶碗蒸及中華冷麵，吃罷後是飽到沒朋友 !!銀鱈西京燒車海老帆立貝定食 ($178)典型「後地震時期」的香港日本菜 - 熟食。醬燒銀雪魚上桌夠熱，入口充滿魚油香，完全不用點醬已經很夠味。蝦也不錯，鹽燒的味道很香口。整頓日本風情，由同事 B小姐做東請客。謝謝！

今晚同老婆結婚兩周年紀念, 咁0岩老婆要在中環開會, 於是試下重臨碗屋試試 ( 已三四年沒來過~ )今晚 d 相影得幾靚, 於是試下寫本人第一篇食評, 請多多指教 ~簡單講下各方面的評語啦 ~ 個人偏好"睇食評" 同"寫食評" 都係簡而精好d, 長篇大論無心機睇同寫~1) Booking : 90 分 - 由於是 book 平日, 兩星期前都 book 到, 接線生非常有禮, 有解釋收費及要注意的地方(雖略嫌講得快)2) 等候 : 100 分 0 分鐘等候, 而且我到達時老婆還未到, 侍應生都安排我進去先坐, 過程中沒有騷擾直到老婆到達3) 食物質素 : 90 分 刺身基本上係碗屋招牌貨, 唔使懷疑喇, 叫啦! 最令我欣賞既係最普通既炒飯都一絲不苟, 好好食!4) Order : 90 分 快, 狠, 準 ! ( 看到有些食評說沒有人經過落單...不過我的經歷係試過幾次兩個人一起應我舉手 ) P.S. 亦可能我們是平日食吧~其他不多講了, 相信我的相片已說明一切, 口水已經開始流吧 ?! 喜歡的就開動吧 !!

碗屋久聞其名,無奈經常滿座,好幾次朋友聚會都無法安排...這次跟老公決心一嘗,兩個人要求星期五晚並希望有個舒適的位置,結果等了三個星期...後來才知道...其實並沒有所謂"舒適的位置"(我第一次來所以不知道),那一桌較快結帳就被安排到那...又據說碗屋沒有分段時間,於是我預約了八時正,但原來十點LAST ORDER...事前沒有告知...(我可是第一次來呀...)碗屋原來很大很大,轉了好幾個彎才到達我們的位置.那裡應該是間八至十人的小PARTY ROOM,現在變成四張二人TABLE,環境很整潔寬敞,每位客人擁有的空間一定比大喜屋,吉壽多,但環境一樣嘈雜...不像其他日本自助餐店,這裡不是自己TICK紙點食物,而是有一張大MENU,前後兩版共五十款食物,待侍應經過客人便可向其落單...如是者出現很多問題...1.沒有侍應經過,就不能落單...(尤其我們坐得較隱閉...)2.(鑑於環境嘈雜的關係,再加上侍應又戴著耳機)...幾乎每次落單侍應都聽不到...每次都要提高音量點菜...3.餐牌上並沒有註明每款食物的份量...刺身每份兩片,串燒每份一串,燒牛肉每份十三四粒...幾乎每道菜都要向侍應

原本呢餐飯局是慶祝11月時我男友考試合格&升職加薪,但致電book枱既時候,先知最快要1月22日,要等成2個月ar!!!!! 真誇張,不過冇法la,好想食我近期至愛既希靈魚,唯有等下la!! 之前黎過幾次食lunch,覺得食材好新鮮,所以好想同男友黎呢度試下放題。今日終於等到la,當然瘋狂咁order la,而且每位送一客汁煮鮑魚、薯蓉焗海螺、牡丹蝦(3選1),我地分別要咗 汁煮鮑魚(幾大隻,而且幾入味)和薯蓉焗海螺(一般)

依間好早年同舊公司d同事食過~已經覺得水準好唔錯~所以一直想搵機會同另一半再去之前打去book過2次檯~但2次都full晒~聽聞d人係一個月前~就book定想要既日子所以我地果次即日及2日前book都無位~依次我3月頭book定好幸運真係仲有檯~而且果日係閒日食店都爆晒場呢環境都好唔錯~由其我地今次坐既位置~雖然係房間內~但服務員都巡得好密要落order都唔駛點等~refill茶水及收拾碗碟又好快手~服務態度亦好有禮貌食物水準好得~整體令人好滿意! 另外..放題本身唔包飲品~我地叫左罐1000ml既啤酒..share慢慢飲!日式放題每位送鮑魚/薯茸焗螺/牡丹蝦..任揀其一~我地都揀鮑魚~鮑魚size都幾大隻燜得好腍+好入味~肉質好有彈性..超正放題除左基本刺身及壽司類外~仲有3款選擇~有鐵板燒+串燒+火鍋~不過2人只可以揀2款我地揀左鐵板燒+串燒~刺身類共有10款~我地先點個拼盤~一次試晒十款刺身整體刺身類好新鮮又夠凍~真係好正沙律類有2款..依個係"和風沙律"~蔬菜夠凍+好新鮮..個汁仲好開胃整體鐵板燒及串燒都好唔錯~由其燒海鮮類~燒蠔勁正~好多都encore反而肉類叫一次~因為比較