碧儷苑·精點粵菜 (羅氏商業廣場)

营业中

休息中

探朋友順便食午餐🥢， 今次到開業不久的碧儷苑·精點粵菜， 位於長沙灣長沙灣道786-788號羅氏商業廣場地下A號舖， 記得以前是鴻星中菜。 店內環境優雅舒適，我們四人點了太極蝦餃$52、 碧儷苑燒賣皇$52、 陳皮牛肉球$28、 豉汁蒸鳳爪$36、 魚肚滑雞扎$48、 懷舊節瓜脯$36、 羅宋湯鮮竹卷$36、 臘腸卷$28、 芋絲春卷$28、 蓮蓉西米焗布甸$28、 懷舊馬拉糕$28、 松露帶子蝦腸$50、 鍋貼金蠔$88、 話梅涼瓜條$48、 懷舊虎蝦多士四件$272、 茶水4位$48 、小食$15。 🔹懷舊馬拉糕 ～ 馬拉糕口感不夠鬆軟😋。 🔸話梅涼瓜條 ～ 有甜甜的話梅味，涼瓜爽口清新。 🔹鍋貼金蠔 ～ 墨魚餅釀金蠔， 不過金蠔好細粒🤏🏻， 米通脆卜卜鹹蛋醬， 口感鬆化。 🔹懷舊虎蝦多士 ～ 虎蝦大大隻🦐，甜酸醬配上香脆的多士好好味😋， 唯獨是上菜的時候唔夠熱。 🔸松露帶子蝦腸 ～ 腸粉面層有松露醬， 但帶子好細粒🤏🏻。 🔹太極蝦餃 ～ 黑白兩色的蝦餃， 蝦肉爽口新鮮😋。 🔸碧儷苑燒賣皇 ～ 燒賣肉質紮實， 即叫即蒸幾新鮮。 🔹陳皮牛肉球 ～ 味道普通， 沒有特別。 🔸豉汁蒸鳳爪

跟老人家飲茶，呢間位於地下路邊，適合行動不便嘅老爺，一落車就可以直入。餐廳亦提供消費$500有兩小時免費泊車，非常方便。星期六荔枝角工廠區早上飲茶，原來都唔少人，好彩book左位，唔洗要老人家等點心以精緻為主，有部份幾創新，好似羅宋湯鮮竹卷，湯底濃厚，鮮竹卷吸盡湯汁，食落又幾夾！腸粉款式大部份第一次聽，例如雞蛋魚滑腸...都係揀一款穩陣d，櫻花蝦脆蝦腸。糯米包已經賣少見少，今日叫左一籠緬懷下。外皮做到好薄，近乎透光，糯米炒得粒粒分明，唔錯點心擺盤有誠意，而且質素唔錯見到點心紙有話梅涼拌苦瓜，出面比較少有，點左一個試下。估唔到出乎意料，苦瓜厚切，先甜後甘嘅多層次味道，開胃又回甘，值得一試最後5個人連茶芥埋單$6xx環境坐得舒服又好食，同親友朋友聚餐一樣好選擇

今午到了一間較高級的粤菜酒樓，名字有點似樓盤的，叫碧儷苑，我一到，就叫了些點心，然後飲啖壽眉熱茶，慢慢享受一刻的恬靜。究竟我點了什麼? 開估啦，我點了外面少有的干蒸牛肉燒賣及懷舊馬拉糕，外觀及味道均水準之上。隨後有櫻花蝦脆蝦腸粉，外面有很多很脆細少的櫻花蝦鋪在腸粉面上，再加上用腸粉皮包裹住的脆蝦肉，真的令人無法抗拒，並且一試難忘呀。最後，我童真的心又被挑動了，我叫了冰凝小企鵝 (見圖)，牠們外型很可愛呀，上枱時配有乾冰圍繞小企鵝，有冰極涼快的，入口品嚐時，先知道是豆蓉包，我認為小企鵝包的觀賞度是滿分，但味道可再提升，畢竟包是趁熱食呀，看多兩眼就已凍咗，咁就冇咁好食了。另一有趣點真的很想同大家分享的是紅袍荔枝 (見圖)，這點心其實是有荔枝味的奶皇煎堆，外型如真的和荔枝分別不大，而入口是一個小球體的煎堆再配上荔枝味餡料蓉，觀賞和品嚐都有水準呀。多謝碧儷苑廚師們的用心精緻製作，我會再去的。

退休後的媽媽閒時多了，想找點事幹的她說的接我放工，便決定帶她到附近開業不久的酒樓晚餐，品嘗她喜歡的中菜。由門外到室內都採用了深色系如黑、啡及深藍色調，再不是傳統酒樓般大紅大紫，整體感覺更高雅，更大方。每席均放好碗筷，就像隨時也歡迎客人的來臨，服務員隨即送上小碟蕎頭及詢問茶種，服務貼心到位。處理柚子皮工序繁複，已經甚少餐廳或酒樓烹製，因此對柚子皮菜式大感興趣，該柚子皮即叫即炸灼熱滾燙，帶輕果甜質感琉璃黏的蜜餞輕輕包裹著炸粉，炸粉仍保持十分香脆，未有受蜜餞糖衣影響而潮腍，內餡柚子皮質感成蓉，咬下時水油迫出，味道鹹中帶油味，加上蜜餞甜得中和，灑在表面的櫻花蝦不但增加層次感，更添上蝦鮮味。一大盅豬肺湯大約可分4碗，湯呈奶白色，質感沙沙帶香濃杏仁及杏霜味，湯料有豬肚、豬肺及雞腳等甚為豐富，豬內臟清新無異味，雞腳更腍得不費吹灰之力可把骨咬碎，猜測應該是以壓力煲烹煮。老抽與生抽比例恰到好處，上色而不過鹹，腸粉煎後帶少許脆口而不硬，加上油份的包裹，令腸粉口感更順滑，滑得口邊掛滿油及有走筷子情況，略嫌油膩感較重，但整體鑊氣是難以抗拒，大蝦蝦味十足，蝦肉尚算爽口。原塊已烹煮的柚子皮質感成蓉帶絲輕爽口，充分

之前聽朋友講過E到嘅冰凝小企鵝好可愛於是今晚收左工之後就去左食晚飯, 餐廳環境好大, 光線充足, 座位寛闊, 坐得都幾舒服!🌟窩貼金蠔炸起熱辣辣, 金黃香脆, 外脆內軟🌟欖仁順德魚羹入面有少少陳皮絲, 食落感覺有少少似蛇羹, 魚羮好足料, 味道剛好又唔咸!🌟懷舊虎蝦多士大大隻虎蝦係片多士上面好吸睛, 多士咬落去脆卜卜唔油膩 🌟流浮山三寶蒸鮮斑球班球蒸得時間岩岩好, 口感嫩滑, 上面擺左蝦乾, 白飯魚同魷魚, 班球吸收左三寶嘅咸鮮味, 食落鮮上加鮮🌟原只鮑魚花菇伴蝦子柚皮柚皮由於工序繁複, 已經好少地方有做, 估唔到E到有得食, 鮑魚軟腍, 花菇肉厚, 柚皮食落好似海綿咁, 吸收哂蝦子嘅味道同汁, 一啖一滋味!🌟招牌炒飯炒飯炒得幾乾身, 粒粒飽滿有光澤, 口感煙韌, 味道唔錯🌟冰凝小企鵝🧊🐧終於到小妹最期待嘅畫面啦, 可愛嘅小企鵝一出場就比煙霧籠罩住, 打卡一流, 企鵝仔其實係陳皮紅豆包嚟, 咬落去包皮煙煙韌韌, 陳皮味好香, 豆沙食落唔太甜!🌟伯爵茶奶凍奶凍質感Q彈幼滑, 伯爵茶味非常濃郁, 同樣味道剛好唔太甜

餐廳的裝潢都幾靚， 而且是一間新開張的餐廳， 好耐冇食過中菜既的我， 忍唔住入左去試。 頭盤先黎試下個櫻花蝦蜜餞柚皮，柚皮我就好少食， 不過朋友介紹到就試下佢。 金黃色既糖衣， 配上櫻花蝦，再加上柚皮， 口感好豐富對初嘗這來說，味道是不錯的。 再來就是杏汁白肺湯和豉油王虎蝦煎腸粉。 煎腸粉都是中菜一大特色之一呀！ 都要有好既廚藝先會煎得好食， 香口的腸粉外層加上豉油， 味道一流！ 虎蝦都好大隻， 啖啖肉。 主食方面： 濃雞湯鮮班球浸柚皮和麻辣鮑魚掌翼煲， 一個比較鮮味得黎又清淡， 另一個是濃味得黎又刺激。 兩個都好好食， 班球的鮮味被雞湯襯托出黎。 而麻辣鮑魚彈牙，開胃最後加上一碗糯米飯🍚， 暖粒粒咁食完呢一餐甜品： 是我最欣賞的食品之一， 紅袍荔枝和黑糖蜂蜜糕。 兩樣從外觀上都好打卡， 看得出師傅的用心， 而且口感上， 我比較鍾意黑糖蜂蜜糕， 因為我中意煙韌的口感， QQ 的感覺

每年蟹季，都會與三五知己 ，四出尋覓好吃的蟹宴， 前一陣子路過這裏，見到這個蟹皇宴菜單實在非常吸引 ，於是今晚約了三五知己嚟試。先來每人一隻蟹寶寶，其實是蟹肉炸粉果，外脆內軟， 餡料是用蟹肉和蟹膏來做，非常可口。跟著來第一隻蟹，蟹腳和蟹鉗都是肥嘟嘟的 ，內裏的肉是可以用义挑出來慢慢品嚐 ，打開蟹蓋之後 ，內裏的膏更是香味撲鼻，甘香豐腴。侍應很貼心，看到我們第一隻蟹差不多食完，才安排去蒸第二隻 ，時間控制得相當不錯。花膠燴雞蓉羹上桌時，不忘提醒我們小心滾燙；所有材料都琢得很細，羹湯第一要點是夠熱，佢做到了，味道細緻，比起前兩道濃味，令舌頭緩衝一下。虎蝦上桌時，香氣四溢，部份是由煎得香脆的蝦，部份是由醬爆什菇而來，蝦肉爽口彈牙，肉汁鮮味。鮑魚有點細，但炆得相當諗，伴以娃娃菜亦相當入味。最後上糯米飯，因為已經八成飽，所以不是太搶手，而且飯有點過咸，臘味切得太細，沒有咬口，是全晚最低分的一道菜。不得不提，全晚不斷添加羌茶，羌茶也是落心思的，不斷聽到經理交帶要煲滾才奉客，實在貼心。由於四人入坐，一人免費，埋單每人612個大洋，對我來說，不是不貴，但實在抵食。

朋友約食晚飯；想吃中菜，但又要環境舒適啲，朋友說她公司附近新開左一間精點粵菜，於是就去試吓🥳碧儷苑．精點粵菜，裝修高質舒適🤗櫻花蝦蜜餞柚皮，扮薯仔的柚皮😂😂因為口感似薯仔但有淡淡柚皮的甘香👍🏻必食！杏汁白肺湯，足料有豬肺，粉腸，瘦肉，雞腳等；杏汁味濃厚，入口夠滑👍🏻 必食！豉油皇虎蝦煎腸粉，豉油很香，虎蝦肉質爽口彈牙，腸粉煎得很香夠惹味👍🏻濃雞湯鮮斑球浸柚皮，雞湯很濃郁，斑球肉質鮮嫩彈牙，柚皮夠淋夠甘香！麻辣鮑魚掌翼煲，夠香辣，鮑魚肉質鮮嫩口感爽彈！生炒臘味糯米飯，很足料，臘味夠多味夠香濃👍🏻必食！紅袍荔枝，多皮口感似煎堆但很脆軟👍🏻奶皇餡料包荔枝肉😄必食！黑糖蜜蜂🐝糕，蜜蜂很精緻，翼是用瓜子😂😂 口感夠煙韌！

今日約咗位長輩喺長沙灣呢邊食嘢，而長輩口味比較傳統啲所以我就揀咗呢間中菜酒樓陪佢食下小菜。首先環境好新淨好大，感覺好舒服企理，而且有好多圓枱，收工一家人喺度聚餐都幾好。今次我哋帶咗個二人餐$828，有八道菜。《窩貼金豪》呢個係蝦膠包住蠔，蝦膠有彈性，好好味，而且炸得好香脆，外面沾左咸蛋黃，味道更有層次同埋中和左蠔嘅腥味，好食。《欖仁順德魚羹》呢個比較清淡 啱晒年紀大嘅長輩食，但係入邊配料超豐富，同埋好多魚肉粒，好正。《懷舊虎蝦多士》口感好酥脆之餘，虎蝦好大隻，新鮮好嫩，真係好好味！《流浮山三寶蒸鮮斑球》呢個班球又係好正，食落新鮮之餘，因為博博一片，口感好軟！流浮山三寶包括魚仔、陈皮、蝦乾，令到成個層次更豐富。《原隻鮑魚花菇》呢個正常，鮑魚爽口有彈性《招牌炒飯》呢個炒飯真係做得好好，粒粒分明，炒得好香，而且有大量配料，每一啖都食得好滿足。《冰鎮小企鵝》呢個企鵝真係視覺效果一流，陣陣嘅煙飄出來，就咁睇都覺得好凍，但原來係豆沙包，好可愛。《伯爵茶奶凍》雖然呢個奶凍外表普普通通，但係伯爵茶味勁濃，又滑，亦都唔太甜，好好味。 總括嚟講，呢餐價錢合理又食到咁高質素嘅食物，我哋兩個都好開心，如果

前2日帶左媽咪去食中菜，餐廳位於荔枝魚站附近，行幾分鐘就到入到去好闊落，樓底好高一坐低問有咩茶揀，佢一講有白桃烏龍茶我即刻嗌左，真係好香好好飲！平時去開飲茶都係得啲傳統既茶揀，呢到係新式既中菜，所以多好多選擇窩貼金蠔底層個米通脆卜卜,有濃濃既咸蛋黃味,上面係炸蝦同蠔,食到粒粒彈牙蝦肉欖仁順德魚羹呢個要落白胡椒粉一齊食,有魚肉, 木耳絲,香菇絲,筍絲等等, 魚羹又滑又香又唔腥懷舊虎蝦多士大大隻虎蝦,多士炸得幾脆流浮山三寶蒸鮮斑球蝦乾 ,銀魚仔, 魷魚,蒸鮮斑球, 蝦乾帶出個香味, 魷魚彈牙,魚肉嫩滑原隻鮑魚花菇伴蝦子柚皮鮑魚同花菇都好入味,柚皮一啲苦味都無,但十分腍身,我個人唔太鍾意招牌炒飯飯炒到粒粒分明,調味恰當好處冰凝小企鵝🐧其實係紅豆包,實在太得意啦,仲要有仙氣漂出黎,影相一流!伯爵茶奶凍有淡淡伯爵茶味

朋友今日約我去荔枝角食dinner, 想分享一下，因為都幾驚喜，平時荔枝角都係工商區，無諗過有呢種比較有質素嘅中餐，如果對食物有少少講究嘅應該都會幾喜歡。櫻花蝦蜜餞柚皮: 外脆內軟!! 味道係好香甜，加上大量脆卜卜櫻花蝦，呢個下次一定會再叫!杏汁白肺湯: 我本身就對杏汁反感嘅，但今次改觀，可能因為好足料，豬肺好乾淨，完全唔腥，仲有好多雞腳，令到個湯味道好豐富，唔會淨係得杏汁味豉油皇虎蝦煎腸粉: 熱辣辣虎蝦好大隻好香個頭有羔，令我有細個食茄汁煎蝦碌嘅回憶，配腸粉幾新意~~濃雞湯鮮斑球浸柚皮: 另一道柚皮菜，個清淡d無之前嗰款咁濃味，最欣賞斑球塊皮好厚，好有口感!紅袍荔枝+黑糖蜂蜜糕: 最後一定要推介全晚最欣賞嘅甜品!! 好少中菜會咁注重甜品呢個部份! 紅袍荔枝入面係 煙煙韌韌，有荔枝肉，另外黑糖蜂蜜糕好有心機，淨係影相都開心!!

見到屋企附近開左間好靚既中菜廳，就緊係要去食下啦！一入門口就覺得好精緻，裝修得好大方得體，環境又舒服。而且好多一家大細係度食。Waiters 態度都好好，一坐低就介紹我地飲白桃烏龍。果然好正！好清新特別。第一道菜， 櫻花蝦蜜餞柚皮。我老公係吾食柚皮的，但係他都覺得超級無敵好食，簡直係整到出神入化，完全係驚艷！甜甜地既蜜糖酥炸外皮，入面既柚皮整到好似雪糕甘，再加埋咸咸地既櫻花蝦作點綴。完全係做左一個超好既開頭。如果你吾食，簡直係走寳！第二道，杏汁白肺湯。 一打開個蓋就已經聞到好貨真價實既杏仁味，基本可以肯定絕對吾係溝左粉。而且，d湯好好飲！我同老公都覺得完勝某d高級中餐廳既質素。因爲見到湯渣都知好真材實料，豬肚，豬肺，鷄爪同其他配料係超級多。呢個天氣飲，對身體又有益。正~第三道菜就係虎蝦煎腸粉。 一個字，絕！ 絕對好入味！我地一見到個擺盤就知厨師有花心思，虎蝦好大又脆，腸粉滑又均匀地入味。我地食到lam lam 唎。第四道菜，濃鷄湯鮮班球浸柚皮。我地一致認爲，呢味送係必食必叫，一定要食！吾食係你走寳！我敢講，呢道菜係物超所值！ 班球厚實，魚膠濃稠，每一口都是骨膠原和膠原蛋白。新鮮食得出，

讚1.本來見到啲得意樣點心都驚伏，不過見日日都咁多人就試下。出奇地有水準，金蠔點心就有啲鹹蛋加埋金蠔咁，味道好特別；櫻花蝦蘿蔔糕煎得香口，櫻花蝦既味好均勻，唔係就咁灑係面就算，荔枝奶皇煎堆好味噃，脆身唔油，見隔離檯點果隻企鵝仲好得意！彈1.人手嚴重唔夠，幾次想搵人落單點嘢食都要自己行出去搵

公司附近終於開咗間有質素點心粵菜餐館😋餐廳裝修簡約整潔，環境舒服😌入到店舖職員有禮貌地安排入座還介紹特色小菜👍懷舊虎蝦多士多士炸至金黃食，虎蝦size都好大隻，爽口彈牙，多士咬落鬆脆，非常好食！窩貼金蠔一份切開四件，蠔肉鑲入墨魚膠一齊，蠔味香濃又帶點爽口，蠔肉底下還鋪了米通，米通加入鹹蛋黃一齊炸，鹹鹹地香脆可口😋流浮山三寶蒸鮮班球這碟菜式賣相不錯，三寶有龍躉、蝦米、鮮魷魚還有其他配菜，魚切得好薄容易入口，魚皮黏黏哋食落煙煙韌韌，膠原豐富😋加入鹹鹹香香嘅蝦米，令到整碟菜式的味道更加提升👍原隻鮑魚伴花菇蝦子柚皮鮑魚炆得好淋好入味，醬汁不會太濃味有淡淡的鮑魚鮮甜味道，柚皮吸入醬汁好好味😋招牌炒飯炒飯加入叉燒粒、蝦仁、冬菇粒、松子仁、蔥花同蛋花等，材料豐富，炒得好有鑊氣，飯粒粒粒分明，好食到一啖接一啖！企鵝小王子企鵝🐧好可愛！得意到唔捨得食佢，麵包口感好軟熟，豆沙蓉好滑帶點陣陣甘香的陳皮味，超好食😋這個點心值得推介！伯爵茶奶凍這個甜品有驚喜，奶香味濃郁，味道清香，不會太甜👍

新搬來荔枝角，到處搵新店試菜。每次路過呢間精品粤菜馆都被菜品海报吸引，所以特登同朋友來試試。週日中午12點到，裡面已經坐滿人，門口也有人排隊，睇陣勢就知一定冇來錯！比起一般的粵菜酒樓，呢間的點心同環境都精緻好多~最驚喜係小籠包，餡料多汁，皮薄而精，夾起時唔會破，味道正宗過很多上海菜館呢間餐廳有幾樣造型可愛的點心，很是吸睛！最後選了小企鵝~後來發現衹要有小朋友的餐台，小企鵝是必點菜品，原來小企鵝是陳皮豆沙包外形超可愛，味道中規中矩！