祥榮餐廳

营业中

休息中

以前成日經過呢間茶餐廳，總係覺得佢暗暗沉沉，所以雖然係正黃埔站出口好方便，但係都冇特別想入去食。 直到最近發現佢全新裝修完全光猛晒，價錢唔貴，又多卡位， 感覺幾舒服， 所以就專登去幫襯吓啦🥣。🌟 古法蒸馬友🐟佢有好多款魚，同埋有唔同嘅整法俾你自由配搭。 馬友肉質嫩滑而且大條多肉💫🌟 XO醬西蘭花炒花枝🥦餐廳好細心，因為蒸魚需時， 餐廳等上左條魚之後先至上小菜同埋白飯，變咗啲餸唔會凍晒。上枱時熱辣辣， 花枝仲多過菜，超足料整體食物質素OK，唔會太鹹太味精，對於我哋呢啲無飯家庭🏠黎講有時唔想餐餐又煎又炸。 有時想叫下小菜蒸條魚食下，呢間茶餐廳都係一個唔錯嘅選擇。😍

黃埔一向都好多嘢食😋今日就嚟咗啱啱新裝修好嘅祥榮餐廳度食晚飯😍😍餐廳座位都幾闊落，坐得都幾舒服😌我哋就叫咗份百搭鐵板餐❤️🤤百搭鐵板餐有好多唔同選擇😻跟餐仲有餐湯🥣餐包🍞野飲👍🏻👍🏻👍🏻餐湯都有得簡羅宋湯🥕忌廉湯或者中湯😊我就簡左忌廉湯🐮🐮西冷牛扒配珍寶腸👍🏻👍🏻汁都有4款😋😋黑椒洋蔥蒜茸燒汁任君選擇😊😊忌廉湯都好夠味😋粒粒粟米都有口感☺️☺️西冷都幾大塊，肉質夠腍😍😍珍寶腸超大條，配埋蒜茸汁超級惹味🤤🤤🤤 跟埋沙律🥗薯條同翠肉瓜😍😍超豐富😝同埋一個沙嗲金菇肥牛煲🤤沙嗲金菇💛💛肥牛煲送飯一流😍成個餐送白飯送中湯🍚🍚個煲超入味🤤🤤成大碗飯不自覺地食哂d餸都未食完🤣🤣肥牛超多🥰沙嗲味香濃😊配埋杯菠蘿賓治特飲🍍🍍好滿足🈵 人均都係110真係好抵食🉐

🔸 鐵板紐西蘭牛柳    $142揀咗要七成熟，配洋蔥汁，跟餐湯白湯、餐包上餐好快手， 落咗order就好快上碗忌廉湯同埋餐包配牛油畀你， 牛油係用Romi 靚牛油，唔咸但好滑好有牛油香味。呢個鐵板牛柳有兩大塊， 肉質厚厚地好淋，配咗啲甜甜地嘅洋蔥汁，好夾，啖啖肉，真係好正。伙記會喺上鐵板後畀張大紙你擋住自己個身，之後幫你淋上牛扒汁，當場炙得咋咋聲香噴噴😚另外配菜有西蘭花、車厘茄、生菜同埋好多炸薯條，十分豐富好味。沙律係有青瓜、紅蘿蔔、薯仔，好大份，呢個扒餐比起扒房嗰啲可以話大件夾抵食。味道：8/10性價比：7/10🔸星級茶餐 香炸雞髀 跟薯條 飲凍檸茶  $45呢個茶餐如果唔跟薯條，可以配沙律或者西多士半份。下午兩點開始就有星級茶餐，五十蚊都唔駛比較抵食。雞髀炸得剛剛好，都幾大隻，皮脆肉嫩，好滋味。味道：7/10性價比：8/10

今日行開黃埔附近，晚餐想食啲健康少少嘅食物，又唔想行太遠，就試下呢間祥榮餐廳，黃埔站一出就係啦。舖頭好大，裝修新淨，啲卡位坐得都舒服，聽店員講開原來新裝修。梅菜蒸鯇魚 $82白飯、餐湯蒸魚出街食嚟講比較健康，所以揀左梅菜蒸鯇魚，聽講每日下晝五點特登到街市揀新鮮靚魚，唔怪之得食落咁新鮮啦，加埋梅菜蒸，鯇魚非常入味，送飯一流。西餐花炒花枝鮮魷 $85白飯、餐湯非常足料，花枝同鮮魷份量都唔少，夠哂獲氣，又唔會太油/太咸。80幾有小菜、飯同湯，十分抵食，味道唔錯，可以encore。

【紅磡•祥榮餐廳】@ππππππππππππππππππππππππππππππ紅磡新裝修各適其適都有嘅茶餐廳豉汁蒸馬友xo醬豬頸肉炒翠玉瓜菠蘿海鮮炒飯紅豆冰及凍檸茶豉汁蒸馬友馬友魚肉質鮮嫩滑口，透過蒸製方法完美保存了它的自然味道和營養。輔以豉汁調和，引入了微妙的發酵醬香，帶來豐富的層次感。XO醬豬頸肉炒翠玉瓜豬頸肉以其特有的肉質和豐富的油脂分布，成為這道菜的精彩所在。配上精選XO醬的使用，瞬間提升了整道菜的口感和層次，帶來揮之不去的辛香和海鮮的深層味道。菠蘿海鮮炒飯菠蘿獨特的甜味與酸度為傳統的海鮮炒飯帶來了全新的風味。粒粒分明的米飯融合了鮮美的海鮮和菠蘿的果香，每一口都能感受到海鮮的鮮甜與菠蘿的清新，是一道既能滿足味蕾又讓人感覺暢快的菜品。紅豆冰及凍檸茶紅豆冰是甜品中的經典，它淡雅的甜味與紅豆的綿軟質地，淋上絲絲冰沙，給人一種清涼解暑的感覺。與簡單而不失風味的凍檸茶相搭，帶來暑日中的一抹清新。濃郁的紅豆與清香的檸檬香結合，一甜一酸的對比，非常適合作為餐後甜品。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#

同朋友下午去咗黃埔奇趣天地附近嘅茶餐廳嘆咗個lunch．首先，試咗鐵板香煎羊扒。羊扒煎得香口，肉質鮮嫩多汁。今次我叫咗蒜蓉汁，配合埋鐵板，每一口羊肉有濃郁口感，而且大大塊，質量又唔錯，正呀！．接著，我地試咗星洲炒米。加埋肉絲，味道豐富。每一口都帶嚟炒米嘅彈牙口感同獨特嘅香料風味，好開胃！．我哋好喜歡佢哋的羅宋湯，好足料有好多蘿蔔，而且唔係用牛肉湯底， 10分健康，我同朋友都好喜歡．另外，我地飲咗凍檸茶同凍檸水。夏天真係消暑解渴．朋友後來又叫多杯凍奶茶添．整體而言，唔單止食物抵食不俗，員工服務友善。聽聞佢哋嘅咖喱也不俗，下次同朋友一齊試吓佢哋個晚飯先

平時黎黃埔間唔中都會食呢間茶餐廳,最近見佢新裝修,再黎食下。味菜牛柳炒麵真係色香味俱全呀!📸 鮮豔油亮的醬汁鋪陳開來,吸引力十足!🤤 炒得入味的牛肉條香嫩多汁,與煥然一新的味菜混在一起,味菜唔會太咸但香味濃郁營造出絕妙的口感層次!💯 海南雞飯十分棒!🤤 飽滿的雞肉塊柔軟嫩滑,入口即化,鮮甜可口!🐓 我仲好好采有雞全翼,雞肉又香又滑,清甜淳厚,回味悠長!🍴 再加上一碗香噴噴的油飯,整體口感平衡豐富,讓人吃得回味無窮!🍚 看看那些精心擺放的配料,色彩繽紛,引人食慾!🌶️ 、生抽、薑汁等佐料,完美增添了雞肉的鮮甜,美味!😋 呢個港式西多士實在係一品中的極品!外皮金黃酥脆,做得非常出色,蛋味濃郁的香氣。加上分量充足的花生醬，正。加埋杯港式茶餐廳濃味奶茶，滿足。

游完水好肚餓，行過見到有間幾闊落嘅茶記，有好多卡位（最鍾意坐）乾淨又舒適，一入門就有種溫馨悠閒嘅感覺，令人忍唔住想坐多一陣。 同朋友分別點咗扒餐，連餐湯（上枱嗰陣仲暖笠笠㗎）同餐包人均都係一百蚊咋！美國肉眼扒有兩大塊咁多，軟腍多汁，調味啱啱好～美式什扒都幾好，雞翼、煙肉、腸仔、牛扒、豬扒一應俱全，肉汁豐富，又搭埋沙律菜、翠肉瓜同薯條添～食住飯聽隔離街坊噓寒問暖，仲有大電視睇，好似係屋企咁～啲伙記都好好禮物果然茶記係hk無可取替嘅文化！

杯凍朱古力完全係朱古力水（零味道），之後叫個員工拎啲糖漿，佢勁唔情願話凍朱古力邊洗加糖呀，之後我就叫佢不如過嚟試吓，哇！啲員工真係態度真係勁差，之後個員工仲要倒咗成支糖漿三分之一落杯朱古力到………

大家好！老闆你好！！！本人今日並非要寫食評！先不評論貴餐廳的食物質素！而是貴餐廳的服務！本人在紅磡生活超過4O年祥榮餐廳開業多年給我的感覺一向是方便（因就腳）快捷（上菜速度尚可）舒適（因卡位算多及有一排落地玻璃的卡位，如果食客能夠坐在落地玻璃的卡位，對食客而言是寬敞舒適的）還有本人一直很欣賞貴餐廳擁有一位資深男侍應（身材瘦削，短髮擁有很好的英語溝通能力）呢排上班時間為下午五至六點左右，服務態度好專業！一流👍！因對客人都是客客氣氣，好有耐心聽客人有咩需要，從來都沒有一句大聲講話！如果貴餐廳所有員工能夠以他作榜樣！必定能客似雲來！以上是本人一直對貴餐廳的良好感覺！但近來貴餐廳的某一些員工對客人的服務態度極之惡劣！在放復活節假之前上一個月，我亦有來餐廳用膳！（下午茶時段）用膳期間在隔離台已經有客人向老闆投訴一個女侍應（短髮身材瘦削）態度非常惡劣悔悔氣氣！當時我心諗第日我會唔會遇到同樣對待呢？點知真係俾我遇到！！！就在3月31號（昨日）老闆你不在塲（可能未返到）同樣喺下午茶時段！同一位女侍應！當時我地一入門口見到有卡位！雖然座位有少量餐具未執我們也不介意坐下，（本是滿心歡喜來用膳的！）先過來招

睇完花展就行左去黄埔，見到呢間茶記環境尚算企理，今次下午茶叫左黑椒肉眼扒飯$47,另加凍檸茶$3,肉眼扒肥瘦比例均匀，唔算太韌，黑椒汁味道尚算可以，呢度仲有其他下午茶餐炒粉麵飯同其他常餐選擇，下次行經黄埔可以入去試會其他食物

今天去入去諗住坐底，無伙記帶位隨便坐因為大把位，然後一伙記阿姐叫我要坐張未執好既枱，但餐廳有很多枱係空出的，然後我話：弋邊未執好，佢即串及大聲呼喝：未執好，咪人黎執囉！。此時已經比佢鬧到好尷尬，走人。想食餐飯都貼錢買難受的無尊嚴。之前都食過呢間，食物好一般，只係多就腳。如伙記無心服務社區，早日讓出比其他餐廳做也好！

黃埔地鐵站一出就見到，而且仲有唔少人食，就一於試下。煎羊扒（洋蔥汁配意粉）$132一上枱店員好細心咁叫我地鋪好餐巾先幫我地淋汁，勁好人。羊扒有3大塊，羊味唔會太重，肉質嫩滑，一切就開，鐵板內已經有薯菜，斯另外再會有蕃茄意粉，仲要夠哂入味，超抵食，2個人食都可以。另外配有餐包同餐湯，餐包熱辣辣，好軟熟，餐湯揀左忌廉湯，夠哂濃郁。XO醬西蘭花炒花枝$88份量超多，超大碟，而且好夠火候，西蘭花軟硬適中，花枝片多到食唔哂，而且有咬口得黎又唔會成塊膠咁，配埋xo醬好惹味，食唔到口，送飯一流。📌祥榮餐廳地址：紅磡黃埔天地奇妙坊（第一期）地下G7A,7B及7D號鋪評語食物性價比高店員有禮好客友善新裝修，環境寬闊🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #黃埔花園 #奇妙坊

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：9／10同爸爸2個人的食堂，好食又抵食，新裝修左，間格同以前一樣，但光亮左好多~餐湯有3款中湯、白湯同埋羅宋湯，羅宋湯係佢地出名的▸ 薯仔牛柳粒 ◂ ＄８８✿ 用左紐西蘭牛柳，肉感嫩軟同肉味濃厚，烹煮得剛好，不老不柴，不膩不油。✿ 薯仔可以炸得焦啲，會更加粉嫩~▸ 祥榮酸菜魚 ◂ ＄９８✿ 味道溫和，少油少辣，咸宜老少都岩食✿ 魚片大片無骨，最緊要係魚有魚味!

移居外國嘅朋友，返嚟香港探親，榮幸都抽到時間相聚。記得以前有段時間，撞啱我哋都喺紅磡返工，所以一個月總會有幾日約午餐飯聚，其中祥榮餐廳係我哋其中一間飯堂。闊別多年，原來餐廳啱啱新裝修完，差啲唔認得添，好彩味道依舊，讓她重拾久違港式味道。羅宋湯店員極力推介嘅羅宋湯，仲話係祥榮餐廳嘅名物，果然名不虛傳！港式嘅羅宋湯，帶有酸同辣嘅味道，加上蕃茄同各種蔬菜，夠晒足料，味道極有層次。古法蒸黃立倉估唔到咁佬嘅嘢，佢都啱？佢話外國啲魚味好淡，所以返香港一定要食魚。祥榮餐廳嘅魚鮮係每日下午5點新鮮送到，所以黃立倉嘅肉好鮮嫩，加上冬菇、肉絲嘅古法蒸，魚嘅味道更為豐富，而且加上蒸魚豉油之後，非常惹味。蜜椒薯仔牛柳粒甜甜嘅蜜糖味，令牛柳料多咗份焦香味，而且肉質好淋唔韌，每粒都有蜜糖嘅甜味，配菜有三色椒，除左可以令顏色靚之餘，增加香甜嘅味道。