祥興記上海生煎包 (譚臣道)

营业中

休息中

係灣仔開完會咁岩去到午飯時間 原本打算去食米線 點知巧遇新開既祥興記生煎包😍 之前成日幫襯旺角同深水埗店 對生煎包念念不忘今次雖然要立食 但都無阻我要食生煎包既決心 叫左招牌同鮮蝦雙拼 再加一碗咖哩牛肉粉絲湯立食面積雖然唔大 但都足夠容納20個人 餐具同執餐都自助式 大家都好自律😄😄眼見十幾分鐘 有好多相信係附近工作既外藉人士入黎幫襯 大家都必點生煎包 可想而知有幾受歡迎🤤簡單紙盒裝住 上菜時間30秒😂 完全唔使等湯汁爆滿 外皮薄且不膩 個底煎得金黃鬆脆 墻上仲有簡介教你品嘗生煎包最佳步驟 十分貼心😊個粉絲同樣用膠碗裝住 方便你帶走 雖然有啲唔環保 但要配合立食文化 都無辦法 值得一讚啲粉絲好入味 牛肉薄切但好煙韌 個人認為立食最唔方便係無位擺袋 如果係進食板下加裝掛勾 等食客可以食得輕鬆啲就更好😛

作为一个上海人，因为来香港读书了没有机会在上海吃祥兴记，听同事说公司附近开了一下，赶快来尝了一下！生煎非常好吃！皮超薄，汤汁多，馅的肉是很紧致、新鲜的，可以打满分，是我在香港吃到过最正宗的生煎包了！另外，咖喱牛肉粉丝汤也不错！荠菜馄饨的馅料和汤不错，但皮实在太厚，比有一些速冻饺子的皮还难吃，同事全部都没吃 ……

一直覺得廣東話傳神，「辣嘴」準確地描述了嘴巴迎接燙熱食物的直接感覺。雖然吃起上來有些狼狽，食物卻一定要夠熱才夠風味，先夠好食，例如小籠包、生煎包。 「祥興記上海生煎包」在香港分店算多，品牌得了米芝蓮推介，這間位於灣仔的是最近新開，門外一樣門庭若巿。 店內也有粉麵選擇，一場來到最想吃的是現煎包點，希望可以吃到脆底皮，帶甜味肉汁流出，沾滿包子的內籠。 門口放的都是招牌生煎包，即煎即賣，滋滋聲及香氣吸引不少人圍觀，而且售賣流量快，放一會兒就被賣出了，所以都非常新鮮，不會擺到硬綁綁。 可看着包子從雪白外表煎成底金黃底脆。 點了一客四件「招牌生煎包」$28，不算太便宜。包的賣點是湯汁多而滾，熱辣應該有100度 ?! 稍一不慎，一口咬下辣得嘴都損，食的時候一定要非常小心。 跟着店內的告示，在頂部咬開一個小天窗，先啜走湯汁，否則會湯汁四濺，弄到一身都係就唔好。 另一重點是底部煎成金黃鍋焦，每啖都卜卜聲，上軟中間滿是肉汁，底又脆，係幾得。 這裡算是快食快閃的立食舖，枱面放了醋、辣椒醬。生煎包本身已夠味，淅醋可用來佐小籠包提香。 我媽我婆是上海人，我從小吃慣婆婆正宗上海手勢，對上海菜的食

跟友人點了經典生煎包和蝦肉生煎包各一份，以及一樽豆漿。友人的鄉下是上海，故對生煎包的口味有要求，而他認為此店的生煎包味道跟上海相似，很好吃，皮薄而湯汁多，肉味亦有。不過蝦肉那款的蝦味不出，故經典生煎包更為抵食。但豆漿卻存在保質問題，初時飲豆漿，它質感粘稠猶如乳酪，味道酸餿。不過，當我們向店員展示豆漿的問題，她以9秒9的速度丟了原有的一枝豆漿，給我們另一枝，而它是正常的。但看店員的反應，似乎不是第一次發生...

今日係晚飯前食左個小食 生煎包🔥🐷🍞我覺得唔錯，包入面既湯好多，溫度又適中🌡 唔會熱到👄熱腫埋😂😂😂😂 外皮又煎得夠脆口🤤🤤-大家留意返，入面清一色企位，千萬唔好約人一家大細係嗰到食飯啊😂😂😂

This is one of very few places in HK serving fried Shanghai soup dumplings (made it to the 2016 Michelin Guide, apparently, and now being franchised). At roughly $28, you could get 4 servings of pork dumplings. They also offer shrimp and pork, and black truffle-flavored pork at a premium.The dumpling skin is just ever so slightly on the thick side, but overall the chewy dumplings with their crispy base, juicy and savory broth, and tender pork altogether are such a delight! Note of caution: the s

原本位於荃灣的祥興記，因為米芝連推介而被迫執笠。自從在尖沙咀捲土重來之後，分店愈開愈多。最近還闖進灣仔這個美食天堂。 位於地鐵站A3出口，人流不絕。餐廳以外賣為主，亦設高枱讓人立食。 開放式廚房設計，見到師傅密密包 除了生煎，還有麵食，一定吃得飽。 由左至右：黑松露生煎包 $15/隻 - ★★★☆☆鮮蝦生煎包 $36/4隻 - ★★★☆☆招牌生煎包 $28/4隻 - ★★★★☆  每款都買了一盒，務求一次試晒所有味道 但計返條數，好想雙拼的較抵食⋯⋯先試招牌生煎包，即原味。外皮蠻脆口，內𥚃肉汁滿滿，非常juicy。肉汁味道較平常的淡而清甜，不會過份濃味。黑松露生煎包的味道也偏淡，黑松露味輕描淡寫的帶過。但我覺得與生煎的味道不太夾，有些畫蛇添足之感。 鮮蝦生煎包 $36/4隻 - ★★★☆☆   鮮蝦生煎包，即原味加蝦肉版。加了蝦之後，肉汁未覺更鮮甜，而且蝦肉不夠爽口。下次只吃原味就夠了。 老上海雙檔粉絲湯 $29 - ★★☆☆☆  怕只吃生煎不夠飽，就加多碗麵吧。 相比生煎，麵食只能果腹，質素遠遠不及生煎包。 老上海雙檔粉絲湯，上湯無味、粉絲過腍、豆腐味也不突出。但没期望過粉絲

祥興記生煎包一直都勁想試😍😍係尖沙咀開分店後又冇去試所以一直未試到😂😂但原來係灣仔都新開左分店！甘近冇理由唔食😍😍😍😍😍😍首先要讚既係店鋪裝修同服務。裝修好整潔光猛，煎生煎包既位亦係開放俾人睇。店鋪內有好多企位俾人食，餐具齊全，如果提供埋紙巾就更好😂😂有d食客冇自己dum垃圾，員工都會即刻清潔翻員工服務真係好好，會提你小心湯汁，又笑容滿面，雖然俾錢去到食只係10分鐘內既事，但呢度既員工都唔會黑面，絕對唔會好似d出哂名唔優做既餐廳甘黑口黑面。終於到重點，叫左招牌生煎包 $28/4件咬落去，熱啦啦既湯汁就bit哂出黎，有種浪費左既不捨😭😭。餡料好大舊，唔會油膩，肥豬肉唔算多。食完飲完湯汁都唔會覺得好膩同口渴所以應該冇咩味精🤔🤔唯一可以挑剔既係生煎包個摺位有d厚同乾，但整體黎講已經滿分。😂😎

今天竟然在灣仔讓我看到祥興記好久沒吃生煎包啦～ 店裡環境乾淨，見到下班有不少打工仔排隊外賣～ 食物便宜，賣相好看! 生煎包要在煮好後立即吃下，才保證有湯汁在包裡面呀! 吃上海餐，優點是可以一個人吃都得!

灣仔終於開左呢間咁出名嘅生煎包啦！見放工時間小啲人就同朋友去食下，門面好干淨，係門口可以睇到佢煎梗d生煎包嘅，望到已經流唒口水啦 講翻個生煎包，28蚊4粒招牌款，食嘅時候要小心啲，一咬落去啲湯汁就會爆唒出嚟 真係要好小心食 外面唔會好厚，剛剛好，而個底煎得好脆，非常好食。入面嘅肉份量剛剛好，唔會太小，亦唔會太呀 我鐘意再加小小醋落去可以更吊到生煎包嘅鮮味 佢仲有隻叫黑松露生煎包，15蚊一料，最少買2粒咁。見佢都好似幾足料咁，下次食下

祥興記生煎包好味，多汁，皮薄餡靚。熱辣辣。從未試過如此好食的生煎包。一定要在吃抵食。又有黑松露生煎包，鮮蝦生煎包，原裝生煎包。下午不觉意行過去見到湾仔新開生煎包叫了一客，不留意一咬，些汁飛到四處都是，大家吃生煎包時小心些汁。

昨天路過發現新開賣生煎包的店，是日約埋同事二話不說lunch 即去試新嘢。12點45左右人流還可以各點了一份A餐同B餐。店員有表示A餐其中的鮮蝦生煎包要等10分鐘才有，不要緊，為試新野10分鐘照等。咬的時候要小心有熱湯汁噴出哦，一試皮薄底脆，肉饀多汁，煎包底部煎至金黃脆香，雖然生煎包較細隻，但一般女生1份4隻煎包應該剛剛好，較大胃口的朋友們就可能要加多份才夠飽肚。鮮蝦煎包內蝦在肉饀底部，個人較愛好芝麻，若煎包的皮面隻隻都平均舖滿芝麻就更好。黑松露煎包上是全黑芝麻，個人認為不外加任何調味料更好吃。黑松露味比招牌煎包貴了不只一倍，起初是有些疑惑是否值回票價，結果吃完了覺得還真物有所值。咬了一小口發現內裏是真材實料滿滿的黑點點跟肉饀交錯，黑松露帶自身香味，也使整個煎包更惹味，必試呢~

新開張的生煎包專門店，大大塊易拉架顯示是*米芝蓮推介*，雖然有多間分店，但我從未試過，難得在辦公之地附近有，當然要試試！平日下午前來，大站分客人都外賣自取，堂食的不多，為什麼？之後再說隔著玻璃已看到廚房，看著一大鍋生煎包難免會直流口水但是如果員工們都帶著口罩製作生煎包，感覺會衛生一點^^這裡採取自助形式，先購買，後入內等候(堂食)，如果不算繁忙，偶爾會見到有幫忙送餐到面前。走到堂食區，木枱沿牆而建，但原來食肆內並沒有椅子(只有員工專用區有)，難怪堂食的客人不算多，不過站著吃午餐我未試過，就當體驗一下吧。枱面上已有調味品提供，而筷子匙羹都是即棄式。餐牌主要有生煎包，湯粉類和飲品類，選擇並不算多，一個人不能吃太多，唯有選擇一款生煎包和一款湯粉來果腹。當日等候時間不算長，大概5-8分鐘左右就到齊有得食啦-招牌生煎包 (4隻) ($28)盛載食物的器具同樣是即棄式。當然要先品嚐最有代表性的招牌生煎包，拿上手已感覺到熱辣辣的蒸氣，所以千萬要小心燙嘴。用筷子拆開生煎包，滾燙湯汁立即流出，幸好有放匙羹在底盛裝，吹一下便放進口品嚐，想不到味道又幾鮮甜，偏向香濃惹人喜歡，包方面皮薄但煙韌有咬口，底部則焦

今天中午下班回家,有些肚餓,看到新開的食肆,門口寫美芝蓮食肆,看D生煎包好似好好,就入去買左招牌生煎包4個,28蚊,外賣攞走,店員都幾好禮貌,外賣都快手,10分鐘後到屋企,有D期待,開左個盒,看落好好睇,表面有青蔥同芝麻,又脆脆地,拿起生煎包,小咬一口,真系爆汁,但湯汁味道有D問題,我以為我條唎有事,再吸D湯,哇,得個鹹字,重要超重味精,之後阿媽返黎,比佢食左一隻,佢都話好重味精,D重味精湯破壞左一個本應好味生煎包.應該吾會再去食,個生煎包樣樣都好,就是超重味精湯破壞了生煎包.落味精吾係問題,四個生煎包都系重味精湯,我不如食茶記算LA.

路過譚臣道，被門口一大鑊生煎包吸引，望一望門口，細仔睇一睇，米芝蓮推介喎，就試一試佢睇吓有幾得。叫了一客生煎包，熱辣辣，朋友搶先取一個咬一口，堅爆汁，爆到一枱都是湯汁，我輕輕咬一口，來慢慢啜生煎包內的湯汁，又真係好味喎。總括來說，包算薄，湯汁多，有肉味，作為小食很不錯！