禾彩日本料理

营业中

休息中

呢個星期日終於的起心肝去排隊試下呢間出名排隊排到傻既香港仔禾彩日本料理！因為禾彩係一間小店，坐位不多又出名，晩餐時間開6點，如果想食就要5點半黎排隊！5點9就排成咁，唔早啲黎就要食第二輪，排得仲耐！唔齊人唔入得嫁。佢地食既同一般日式小店既菜式大同小異，魚生，壽司，卷物，炸物，飯麵類，一品鍋，連燒物都有！今晚3個人，先有蟹子沙律開開胃，都算大碗呀，蟹子多，青瓜爽口清甜，好食喎！三文魚頭+魚鮫，做緊特價平左3蚊，兩塊魚都燒得岩岩好又香口，連調味都剛剛好！魚肉多汁好滑，份量又夠大，絕呀！👍🏻唯一一樣麻麻地既係呢碟鹽燒豬頸肉，肉質燒得可以既，但無味，一啲咸味都無......再有一碗跟飯送既麵豉湯，簡簡單單清清地，而且有蜆係裡面，夠驚喜！呢碗鰻魚飯好有睇頭！大大條鰻魚燒得好香，個樣又靚，好好食！白飯係珍珠米！媽媽鍾意食軟殼蟹手卷，不失不過既手卷，媽媽話佢炸粉厚左啲。我叫既汁燒羊扒，對於鍾意食羊既我，呢間小店既羊好有驚喜喎！68蚊兩塊大大塊，有羊膻味，又燒得岩岩好，表面香口肉質鮮嫩多汁，好好味！最後叫多碟三文魚刺身，49蚊4塊大大塊，算新鮮，可以呀！鍾意食厚身有口感三文魚既你先祈咪錯過！總結：一間

之前总见到有人排队，今天六点在门口开始等，结果还是没有第一批进去。六点四十五进来。上菜时间紧凑有序，服务态度特别好！不断帮你加茶。食物也很新鲜美味！第一次写review 实在是因为这件小店太令我惊喜了！点了一个328的套餐，每一样都很好吃！分量也足！

近期經過香港仔，應該會見到呢間餐廳門外經常有一大班人等位，因為唔鐘意等位既我，所以遲遲都未去食。直至有一日係午市既尾聲，門外無咩人先走去試，落單個時就已經係午市last order，之後間中都會有客人入嚟，可惜已經係休息時間，所以想食之前要留意番個營業時間，小心白行一趟。今次揀咗個雜錦天婦羅飯午市套餐，連前菜及麵豉湯。有四款前菜可以選擇，我就揀咗刺身六件，係三文魚、帶子同甜蝦，刺身大大件好鮮甜，因為餓餓地所以好快食哂，下次應該會留嚟送飯。因為即叫即做既關係，所以要等一陣先有得食。雜錦天婦羅有炸蝦、炸番薯、炸南瓜、炸冬菇同炸矮瓜，所有天婦羅都炸得非常好，粉薄表面干身而唔油膩，食材新鮮兼濕潤，保持食材本身應有既特色。每食一啖都覺得好幸福，估唔到香港仔都會有呢個水準。當時既感覺就好似日本節目孤獨的美食家入面男主角既心情一樣，好難用文字去表達。最後可惜已經last order左，如果唔係會想叫多條秋刀魚試下。

每次經過總見到一堆人係門外等候，今日決定試一試，原來等緊位既人好多未齊人，所以我拎完票好快就安排入座，店舖比較小，不過座位嘗算舒適。三文魚壽司2件（$22）呢個係必食之選，三文魚又長又厚，一啖係放唔曬入口的，非常抵食！生薑牛肉飯（$46）呢個勁推介，我本人唔鍾意食薑，但不抗拒薑味，呢到將薑切到好蓉，加落個飯到，薑味辣辣地又好香，唔驚食到一大塊既薑，呢個飯真係大愛！炸餃子併炸蠔（$38）餃子，炸蠔無咩特別，但勝在即叫即炸熱辣辣！抵讚！泡菜牛肉餃子鍋（$65）+$10烏冬呢個鍋都幾足料，牛肉都算多，如有讚歧烏冬就更好！咖哩豬排飯（$50）咖哩普普通通，不過好大碟，都幾抵食！要讚一讚每個店員既服務都好好，好有禮貌好細心，會提醒客人小心茶、鍋邊熱，又不停加茶，最後更會遞上牙籤，仲要唔收加一，講真收加一既都抵比！

每晩呢間好多人排隊 , 成日都好想試呢野架因為佢前身係舊福緣老闆 ,所以好想食 好想食,但都係要拎飛等位等左半小時, 個食物水準同以前一樣咁好味 , 服務都係很好,個鳗魚飯好正呀 大家值得一試

香港仔 #禾彩 前身 #福緣但佢同宜家間福緣個餐牌其實有點似呢個2人餐$248 唔洗加一先有刺身🍣大片三文魚4片，帶子4粒；北寄貝2舊；🦐4隻全部都唔錯😎再來 #花之戀 兩舊，雖然整得唔係好靚 但味道ok蟹籽沙律🥗好大碗！同埋好貼心咁將🥒青瓜絲、沙律醬撈好左👍🏿天婦羅🍤方面有🦐🍆🍠🍄同埋南瓜，南瓜比較濕 其他都好脆又唔油！主食方面揀左生薑豚肉飯，原本係諗住試下，無諗過又幾好食！薑蓉同豬肉🐖好夾！😋又唔會好辣！連埋洋蔥、飯一齊好好食！ 🍚飯仲有少少湯 唔會乾！🍲最後仲有兩大碗麵豉湯，除左有豆腐粒、蘿蔔粒，仲有硯肉！6點鬆少少已經要等位，可能係店舖坐位較少，但店員服務態度好好，做野又快手👍🏿💪🏿

人氣小店，地方不太大，但經常爆滿，價錢算是大眾化，且味道不錯。開店時間12至3， 6至10，揾食要就時間。設有套餐，午餐，可散叫，還有照顧學生哥的學生餐，人情味濃的小店。是日同大少二人同行去試個午餐套餐，點了天婦羅飯和滑蛋鰻魚飯，餐是跟1款前菜【4選1】和湯的。天婦羅炸得算是合格，無咩驚喜。滑蛋鰻魚飯，滑蛋略為咸沒有咩蛋味和幻滑，鰻魚都係現成貨式中，沒有即燒的肉汁感。前菜點了其中两款，雞軟骨和三式刺生 雞軟骨，炸得比較乾，有點失望，反而個刺生吾錯，新鮮鮮甜，下次可棄雞軟骨要多份刺生。湯就沒有試，因天熱轉了汽水，相信都係大路野。結帳169元，人均85元，算是合理。好好食又吾講得，整體算是合格，晚市會再去試吓其它食品。

聖誕節唔想同人迫，肥髀又要執屋，去咗呢間我哋都好喜歡嘅日本菜，因為知道假期會多人，特別比晚市開門早20分鐘到門口，無唸過已有20多人排隊，計算過頭輪入唔到，果然店員開門問每人幾多人數時，我哋係入唔到，店員比張號碼票後，叫我哋30-40分鐘返來，果然返來就有枱，坐近門口二人枱，桌椅勁迫，無損大家熱情！唔阻人做生意即刻落單！食物好快到！店員會留意住枱面狀況，盡快清走蟹籽沙律（$36）呢個真係好抵，出面蟹籽都買唔到，好大碗，青瓜絲爽脆嫩口，蟹籽卜卜脆好新鮮，鹹香好味，沙律醬酸味開胃！好味綠茶可樂（$20）綠色波子汽水！夠汽清爽！芝士年榚（$28/2件）金黃色，外脆入面煙韌，半溶芝士香軟！乾身好味汁燒羊扒（$65/2件）落單時店員話即燒要等20/30分鐘，點知係最早到嘅食物（我唔知係有客唔要定係廚房煮多了）已切件，方便食，羊肉好肥，肥膏好多，羊肉唔膻！微微嘅鹹味吊味！好味！海膽刺身（$98）呢個超抵食，三格滿嘅海膽（每格兩片，上面嘅靚仔，下面嘅賣相會爭啲）肥美甘甜，（不過有啲紅筋無清走，要自己夾走）加上飯及紫菜好好味（紫菜又重手！一定有淨（我攞去包蟹籽沙律）好味吉列炸蠔（$38/4件）4件蠔，

前身間福緣未轉手已經成日幫襯見佢開番即刻衝去食今日呀媽生日 當日叫番個二人套餐三文魚手卷依舊足料 有足足3塊厚厚既三文魚不過有樣美中不足既係 燒牛舌竟然改咗做豬頸肉希望可以改番啦 牛舌好好多啊！

同朋友行完南朗山住香港仔朋友推薦要食舖頭地方細，平時未開門都好多人會排隊今次都唔例外，不過唔算耐可以接受😉店員安排得好好，就到我地既時候就比我地先叫野食，入到去就有得食重點！唔係整定的🤣一上就魚生同炸物魚生好大塊，夠新鮮炸物就🙈熱到盪咀主食都係足料，一D都唔求其特別係海鮮蕎麥麵，湯底好清、有鮮味👍🏻大家都食到😋講到貌樣最奇怪既，就係三文魚湯飯（不過無影相）不過，燒三文魚鰭就咸左少少，連平時食開濃味既朋友都覺多左d😅不過，我地整體都好滿意重點！其實我地叫左好多野（不過冇影晒）但我地每人都係夾左百幾蚊，但食到好飽質素👍🏻

今日放假湊女，中午阿女又話要食日本菜，之前住香港仔嘅同事介紹呢間新開好食，去到唔使等位，店面細細，深木桌椅好迫，我哋坐張二人枱，裝修平實唔花巧，墊枱紙就係餐牌！再有午市套餐！牆上又有啲圖片參考！好快落咗單！因為呢度只收現金，我出咗去提款，返到餐廳，門口已排了7-8個人（原來我們好好彩）食物已上咗一半（交比肥髀拍照有啲失焦）蟹籽沙律（$36）好大碗！青瓜爽脆，蟹柳一絲絲淋身，蟹籽大粒卜卜脆，沙律醬薄薄地！酸酸地開胃三文魚壽司🍣（$22）肥髀食，拖晒地嘅三文魚蟹柳手卷（$20）肥髀食，勁多蟹柳燒牛脷（$46/2串）呢個比較失望，牛脷唔肥美，幾韌咬唔開！芝士年榚（$28/2件）黃金色好靚仔，外面煙韌，入面半溶芝士好味！手打冷讚岐烏冬（$38）烏冬比較粗身，沾汁好大碗！夠凍加上蔥同芥辣，好滑溜彈牙！海膽刺身（$98）好豪華！三小盤海膽，每個都滿晒，跟咗好多脆卜卜原味紫菜，包少少飯加上大量海膽，甘味鮮味充滿口中！海膽飽滿肥美！好新鮮！白飯鬆軟！好味綠茶可樂（$20）好像飲綠茶味波子汽水，唔太甜夠晒氣！食物好味！除了牛脷之外！呢個價錢，咁嘅份量，咁嘅水準，抵食！店員有禮！中間我哋太多食物上晒，佢哋

當位處周記側邊的福緣轉左老闆，食左無十年都有八年了，一直質素平靚正，刺身新鮮大件不嗇色，食材較同類食肆講究，舖子雖小但服務貼心主動永無黑面，職員勤快落力整體感覺良好。兩年前，福緣易手，食過兩次，慘不忍睹，用肥豬肉做日式豚肉鍋都係第一次見，乜肉都無得食... 慳到... 仲好記得，佢地職員跣手掟爛左個蛋糕唔出聲原盒俾返我，回到家先知爛晒！我話呢世都唔會再去福緣。（可另看福緣食評）聽聞有新日菜，已想去試，仲話係福緣舊人，去到排見到是真的，樓面兩個加壽司台都是舊人，好感動。食物不用多講質素依舊幾好，我係第一輪入唔晒要由六點等到七點，中間佢叫左台幾次，都係叫d人唔好離開，六點半打後就企係門口等七點先入得，人齊先可入。我們三大一b，提出想要貼牆位方便照顧小朋友，幸運地真係有而且係角落位可以迫小朋友在角無得周圍爬。叫了268二人餐，加餃子雞冀夠三人食。質數份量竟然同以前一樣難能可貴！重點是👉🏻👉🏻👉🏻👉🏻餐內兩碗飯，我問可否一個轉烏冬俾小朋友食，雖然唔得，但佢主動offer我地煮半個烏冬😍😍😍😍，收返1x元，雖然唔係平但勝在有彈性又唔洗浪費食物，佢地話到事，好厲害！即使忙，加水無停，上菜收碟很快亦

作為一個土生土長既南區人，今次就為大家推薦下我屋企附近 位於香港仔既CP值極高既日本菜🤤🤤🤤🤤 佢前身係叫福緣，係香港仔既街坊心中 非常有名👍🏻仲要堂食不設加一😎😎😎😎-佢地晚市係6️⃣點開始🕕，但我真心建議大家最遲5️⃣點9️⃣好去到，因為佢係不設電話訂位🙅🏻☎️，所以6️⃣點開鋪時已經有好長人龍😂😂😂 -1️⃣) 鰻魚蛋飯 🐟🍳🍚 💲6️⃣6️⃣呢個價錢係原條大鰻魚🐟😳😳😳😳 滑蛋非常吸引😍😍😍😍 呢個真心性價比一流👍🏻👍🏻👍🏻👍🏻👍🏻-2️⃣) 三文魚刺身🐟 (4片) 💲4️⃣0️⃣聽落得4片好少，但實情非！常！厚！切！ 總之你唔會失望😏-3️⃣) 🔥燒豬頸肉🐷 💲3️⃣8️⃣佢唔似坊間既豬頸肉咁 查晒醬汁同油淋淋😑😑，佢係原汁原味咁燒🔥，佢既肉係一層瘦肉再一層薄薄既脂肪，食完個口係有淡淡既油香，而唔係成口油，真係好正🤤🤤-4️⃣) 雜錦刺身飯🐟🐠🍚🍚 💲8️⃣0️⃣刺身非常足料又新鮮 我真係唔知再可以講乜野好😭😭😭😭😭😭😭😭-5️⃣) 和風牛肉鍋 🐮🍲 💲4️⃣8️⃣牛肉上桌時仲係半生熟，所以再經我地輕輕烚一烚，佢就以最幼滑既狀態入口🤤🤤🤤 整個鍋既湯底唔會過咸🤤🤤-6️⃣) 三文魚壽司🐟🍣 (2件) 💲2️⃣0️⃣臨走時，我仲外賣左幾件三文魚壽司🍣比母親大人，我返

福緣闊別一時，而家用左個新身分返黎香港仔響香港仔呢個美食荒漠，想搵d野食都幾難晚飯時間6點幾已經排左6-7枱客人，不過最後都係等到20 分鐘左右就入到去先黎個麵豉湯，以為60蚊個鰻魚飯冇湯跟，結果跟左個湯，仲要有蜆肉，個湯麵算係ok, 鰻魚飯到喇，好有誠意，60 蚊以原條上好難搵到，好唔好食好主觀但一定係抵食海膽刺身，有3板， 每板大約有3粒海膽，除左跟紫菜，仲有飯團跟，好貼心，海膽味道尚算ok, 都係果句抵食到個刺身飯到喇，呢個份量絕對有誠意，3塊三文魚，三隻甜蝦同兩片帶子！三文魚好味同埋都新鮮好大塊能夠食返以前福緣ge 味道真係好，而且勝價比高，下次可以encore ,香港仔多左個選擇

作為街坊，喺佢仲叫福椽時已經食左佢十几年。前兩年易左手比人，覺得好可惜，因為食唔番咁新鮮嘅魚生。想當年好食之餘用料新鮮，呢排知佢開番，即去。晚市好多人，排隊排到出外面。所以叫左兩客雜錦刺身飯拎走。老闆娘同職員依然一樣，唔知味道仲係咪一樣。一開蓋所有用料同以前一樣咁正，三文魚一如以往咁肥美同加長版，帶子鮮甜，魷魚爽脆，北寄貝甜，惟甜蝦質素可改善。麵豉湯比以前淡。攞走埋佢外賣紙有需要時用，依然美味抵食。