禾彩日本料理

营业中

休息中

星期六去咗朋友屋企傾下偈加打機，玩到夜晚6點幾，就打算叫外賣自取買啲日本嘢食，揀咗就近嘅「禾彩」，有信心保證，不過亦有心理準備要等得比較耐啲。結果等候了半小時就可以拎，建議提早半小時落單。我叫了雞肉蛋飯、朋友叫了咖哩炸蠔飯及一客蟹子沙律。先講雞肉蛋飯，有好多雞肉，鋪滿了成個碗面，加上雞蛋及洋蔥，配合專門的汁拌飯，好好味，不經不覺就食咗成盒了。朋友點的咖哩炸蠔飯，咖哩汁是分開另上的，所以炸蠔仍然脆口，我試了一隻炸蠔，頗肥美，咖哩亦有加入紅蘿蔔、薯仔，日式咖哩不辣。蟹子沙律，出奇地大碗，勁豐富，將沙律醬蟹子青瓜絲撈勻食，好清新，減輕食炸蠔的油膩。

種種原因，等左幾年終於可以黎試下。8點左右黎到，當時叫飛叫到86左右，而我地拎既票號係92號，等左20分鐘先入得，等候時間都可以接受嘅樓面mark籌嘅姐姐禮貌程度滿分，有笑容！夠客氣！等位中途見佢唔小心miss左一個籌既客人立即say sorry幾次，之後即刻安排該客人入位見就黎到我地入坐之前樓面mark籌姐姐就會俾張食物表俾我地睇下先------------------------------最後我地決定左叫2人餐268蚊免加一算係咁  食物上枱速度快三文魚好食..係好食過出面放題果D嘅 (其他我就冇食喇..食物敏感)p.s.因為女朋友係舊福緣跟住依家既禾彩老闆打工，轉左店就冇黎幫襯過。幾年後第一次回到＂老家＂食晚飯，所以食物份量就多少少。花之戀都好好食和風炒雜菜 對我黎講就岩岩好夠味，但對食慣重口味既人黎講會冇乜味道雜菜天婦羅全部都好食，炸粉唔厚，食物新鮮滾熱辣，眾食到食物本身應有既味道燒汁牛肉拉麵一上枱我係估唔到大碗，好香，聞落同食落都勁似公仔麵加左調味粉果隻味，所以個人感覺好重口味。d麵好食，麵硬度適中，麵嘅份量可以多Ｄ，牛肉好多(似肥牛果隻質地，好少白色肥膏)蒲燒鰻魚飯以為2

第一次夜晚黎食,6點攞位,第一轉就入得,但如果冇咁早黎就最少等20-30分鐘啦.個日叫左2個2人套餐,刺身十分新鮮同厚切,其他日式熟食都好高質素,個人最鐘意個日式薑牛肉飯.4個人大概五百幾到,個人認為呢間cp值幾高,但排隊需時.

平時經過見好多人等位，都想試下。星期日晚7點幾嚟到，門外等候期間有人遞上餐牌預早落單，唔洗半個鐘就入得，無耐已經有食物上枱。帶子都新鮮，唔錯雜錦天婦羅，脆口幾好食！下次會再叫！鰻魚飯，魚有燒過香味幾好食，但飯粒唔夠爽，太多汁有啲鹹。加州卷，食咗件先影相，本身6件㗎，新鮮幾好食！好味好滑好香嘅魚！下次再食過！羊架，切好曬細細件，感覺無成件食咁膩，燒得夠香口！推介！本身好鍾意食牛舌，所以有得食嘅店都會叫，但呢間係我食過最差！又乾又硬！完全唔知食緊咩！差！仲叫咗野菜烏冬，無影到相，家人食咗話好食！日式小店，服務一般。未試過都可以試下嘅！

超長滑蛋鰻魚飯🤤🤤🤤本身諗住唔叫滑蛋，但係見到隔離枱有埋滑蛋嘅鰻魚飯真係好吸引，所以就貪心啲嗌左😋配左個滑蛋，每一啖飯都好夠味，佢啲洋蔥清甜，滑蛋嫩滑。而本身條鰻魚都好夠味，記住叫汁另上😝或者如果唔需要，其實唔好要汁，環保啲！條鰻魚真係啖啖肉，肉質香軟，份量足，食完真心飽，同時好滿足！佢嘅前菜係三文魚，勁長，好鮮味！仲有甜蝦，都好新鮮。仲配埋面鼓湯，成個餐都只係$76，抵到爛！最緊要係超好食！經過香港仔嘅朋友，一定要去幫襯！

有時明白小本經營當然唔想人地霸住個位黎，最好一食完就走，等佢做多兩轉，但態度都唔使咁趕客架，家有老少，想落黎攞位先，咁話要齊人先可以入，明，但如果你唔幫手hold檯，一有位就入兩人，咁一世都入唔到，想問吓會唔會幫手hold檯啫，句句子都未講完，就一句得埋黎話齊人先好叫佢，既然係咁，睇怕我依啲小人物都係唔夠班入去食，唯有走人囉。

第一次黎食，好多選擇，最後都係叫左個剌身午餐，定食連埋細烏冬同面豉湯。啲剌身好新鮮，仲要係厚切，好有口感，烏冬湯底吾係昆布有啲失望，不過面豉湯夠濃，有啲蜆肉，夠哂鮮味！

有南區朋友介紹，所以就一大班朋友黎食！入面舖面唔算大，不過好彩唔係繁忙時間，所以都唔洗等好耐。lunchset已經有好多選擇，我就揀左炸天婦羅飯。炸天婦羅飯 $87天婦羅新鮮炸既，好夠熱！兩隻蝦，三個南瓜，一個茄子，同一舊菇。蝦都大既，d瓜都好腍！d飯都好多，完全食唔哂XD跟餐可以有小食，叫左個六件刺身，有三文魚，甜蝦同帶子。全部好新鮮，三文魚好肥美！另外跟餐仲有麵䜴湯，或者可以加$3轉氣水!總括黎講，呢間都幾高質，食材新鮮，價錢都合理既！

講到香港仔最高人氣嘅餐廳一定係禾彩12點開舖 11點45分就要開始等位啦如果唔係就要等成一粒鐘呢間鋪頭嘅料理性價比非常之高所以受到香港仔街坊嘅愛戴我最鍾意食嘅就係佢嘅三文魚手卷一個手卷有成三件厚嘅三文魚

原本打算它一開業就幫襯, 結果這一年, 忙得要死不活的, 都忘了。這次, 跟契媽當天有約, 就醒起, 我還沒試這家「禾彩」。當天是平日的下午時間, 店內都是附近的打工仔, 兩點多了, 依然食客滿滿。菜單還是一樣, 沒有變, 特別的有親切感。先來的是刺身。三文魚刺身(4片) HKD 46.00 平常我一個人是不會捨得點這個, 但是帶了契媽, 當然要孝敬一下她老人家了。刺身一如既往的新鮮, 好好味! 因為是厚切的關係, 咬落去特別口感豐富!然後來的契媽點的。咖喱豬扒飯 HKD 50.00這個豬扒炸得好酥脆可口, 值得一讚。等了一小段時間, 終於來了!鹽燒鯖魚飯 HKD 50.00以前在還是「福緣」時, 就已經常常會來吃, 這次正好讓我回味! 因為是即叫即燒, 以前也要等, 現在也要等。好味的食物, 總是要讓人等的!聞到我的鯖魚香, 等再久都值得!鯖魚跟以前一樣, 燒得外皮脆香, 而肉質就紮實。而且大大條, 絕不取巧! 另外, 我最喜歡的, 是它的醬汁, 酸酸甜甜的, 超級開胃! 因為還沒有飽, 就再點了一份小食。吉列炸蠔 (4件) HKD 38.00新鮮炸出來的蠔真的好好吃! 外面烤炸到超

大家好,今次想同大家介紹一間位於香港仔的日本餐廳,餐廳名叫做天彩日本料理。係香港仔除左珍寶海鮮坊外,富街坊色彩的地區餐廳亦都愈開愈多, 現在就等我帶大家進入今次的美食之旅啦。由於今次屬自私食, 所以點的菜式不多,希望大家多多見諒。日式鰻魚蛋飯份量充足而且飯底以新鮮洋蔥搭配, 味道屬中上。另外飯餐都會附上一碗海鮮味噌湯, 我個人覺得湯的味道不同於傳統的日本味噌湯, 因為湯的味道較淡而且加入蜆肉。如果覺得平時日本的味噌湯太重味的話, 這個湯就值得一試。 海膽壽司就味道而言屬中規中距次作, 海膽都叫新鮮, 無任何腥味。北寄貝刺身北寄貝選料新鮮, 入口的積感就可以感受到,北寄貝肉愈咬就愈甜。

依間禾彩據說係以前福緣既老闆開既，不過由於門口經常大排長龍，所以當日都係第一次去食，結果真係無令我失望！又抵食又真材實料！！每樣野都好新鮮！！三文魚壽司依個真係太出色了，三文魚既油脂非常豐富，而且又厚又大塊，以出面啲連鎖集團式既壽司店作比較，佢一件三文魚＝人地3－4件，超超超超超級好食！！點解可以咁誇張！！！花之戀壽司　／　帶子壽司花之戀既三文魚好厚身帶子好鮮味好甜！啖啖肉好滿足，依個價錢真係好值！！鰻魚飯原條鰻魚大大條，鰻魚唔乾身，肉質香軟，份量都幾大味增湯叫饅魚飯送既味增湯，比起其他菜式，味增湯就普普通通，好似無咩驚喜

早排同朋友去試下呢間開左一排既日式料理, 發現佢好多時候門口都有好多人排隊.入去坐低之後點左鰻魚飯, 鰻魚好林(tender, easy to crush with the teeth), 口感唔錯. 鰻魚汁甜甜地幾好味, 唔會太重味. 美中不足係鰻魚唔多, much rice is left after finishing the grilled ell. this store is recommended to try if you do not fear the long queuing time.

👁‍🗨 $298晚市套餐 (不加一)💲298👈🏻首先一離就有兩碗蜆肉麵豉湯同四款刺身，包括三文魚四片，帶子四片，甜蝦四隻同埋北寄貝刺身兩片，吾好睇佢係小店，呢度既每一款刺身都幾新鮮，而且份量又多😎三文魚刺身肥瘦適中，北寄貝吾會太韌，甜蝦同帶子都非常鮮甜🤤👈🏻之後就有三文魚手卷兩件或者海膽壽司兩件比你揀，因為食左三文魚，所以就叫左個海膽壽司，估吾到海膽既份量都幾多，仲要冇任何異味，容易入口，係新鮮既特徵🤗👈🏻第三樣揀左蟹子沙律🥗比起和風炒雜菜同芝士野菌來得吸引，大大碗蟹子沙律，沙律醬香之餘，入面又有大量蟹子，非常足料😎👈🏻第四樣係四隻吉列炸蠔😍因爲呢日對和風炸餃子同芝麻雞翼冇咩興趣，就揀左炸蠔啦😇四隻吉列炸蠔上到枱都仲係熱辣辣，炸得非常香口，重點係冇雪藏味道👈🏻再之後就有燒汁牛仔骨，鹽燒豬頸肉同鹽燒鯖魚三個選擇比你揀，我就揀左鹽燒鯖魚，落埋檸檬汁一齊食，更加好味，鯖魚既骨吾算多，冇腥味，重點係咸度岩岩好，食鹽燒最怕咸到食吾倒🙃👈🏻最後係和風牛肉鍋同豚肉鍋兩者中，揀左和風牛肉鍋，可以選擇碗飯或者烏冬，感覺配烏冬係最夾既，所以就揀左烏冬底，烏冬幾滑身，吾係帶有酸味既果款😇鍋中間有隻生蛋，撈埋

呢個星期日終於的起心肝去排隊試下呢間出名排隊排到傻既香港仔禾彩日本料理！因為禾彩係一間小店，坐位不多又出名，晩餐時間開6點，如果想食就要5點半黎排隊！5點9就排成咁，唔早啲黎就要食第二輪，排得仲耐！唔齊人唔入得嫁。佢地食既同一般日式小店既菜式大同小異，魚生，壽司，卷物，炸物，飯麵類，一品鍋，連燒物都有！今晚3個人，先有蟹子沙律開開胃，都算大碗呀，蟹子多，青瓜爽口清甜，好食喎！三文魚頭+魚鮫，做緊特價平左3蚊，兩塊魚都燒得岩岩好又香口，連調味都剛剛好！魚肉多汁好滑，份量又夠大，絕呀！👍🏻唯一一樣麻麻地既係呢碟鹽燒豬頸肉，肉質燒得可以既，但無味，一啲咸味都無......再有一碗跟飯送既麵豉湯，簡簡單單清清地，而且有蜆係裡面，夠驚喜！呢碗鰻魚飯好有睇頭！大大條鰻魚燒得好香，個樣又靚，好好食！白飯係珍珠米！媽媽鍾意食軟殼蟹手卷，不失不過既手卷，媽媽話佢炸粉厚左啲。我叫既汁燒羊扒，對於鍾意食羊既我，呢間小店既羊好有驚喜喎！68蚊兩塊大大塊，有羊膻味，又燒得岩岩好，表面香口肉質鮮嫩多汁，好好味！最後叫多碟三文魚刺身，49蚊4塊大大塊，算新鮮，可以呀！鍾意食厚身有口感三文魚既你先祈咪錯過！總結：一間