禾牛薈火煱館 (南角道)

营业中

休息中

本來見到咁多笑哈哈，食評都好正面就帶daddy 黎食生日飯。早幾日打電話book 枱，想生日坐好d,佢話冇哂room，但可以留卡位比我地。當日一行四人去到門口，見到真係有張吉既卡位，點知佢比左前面walk-in, 同佢講我book 枱留左卡位，佢對左我上樓上話都有張算卡位比我地，我今日先知道一張枱四張櫈都可以叫卡位，我真係見識小。上面間左d room, 隔音很差勁！ 到食物，想叫個象拔蚌刺身，原來要訂囉！脆肉脘唔脆，豬潤唔黃沙，羊同牛都一般。食物一般。總結，食完哂都冇話特別差，但都冇野印象深刻好食，九龍城有更多更好選擇，好失望！

同媽咪補祝母親節，唔知食嘜好，就一於去打邊邊啦之前黎過幾次，見坐得都舒服，食物都唔錯，就再來啦菜干豬肺湯拼瑤柱冬瓜湯~~~唔錯的湯底，應該係冇味精，食飽飽後都冇口渴！GOOD本地招牌手切肥牛~~~炆路好分明唔好睇佢好似好瘦，食落好"林"仲好有牛味添脆鯇片~~~肉質唔錯，新鮮呀！脆竹卷~~~麻麻地，唔係即炸貨色自家製餃子~~~超得呀！餡料有帶子、蝦，而且仲非常爽口添牛拍頁~~~冇特別，都係一般凍肉店貨手打豬肉丸~~~打得好彈牙，而且肉汁豐富呀手打墨魚滑~~~味道GOOD，好彈牙但就少左D囉桂花蚌~~~好新鮮，灼一灼就食得，好爽好甜！正蟶子王~~~好大隻！又鮮又甜又唔貴喎！GOOD花甲~~~又係大大隻，花甲肉熟後都冇縮水架！好甜好鮮另外仲叫左金菇，菜菜，乜丸物丸整體食物水準不錯，海鮮類好新鮮，服務都很好

九龍城有不少美食，最出名莫過於火鍋，潮州菜及泰國菜; 今天提早跟奶奶食飯，選擇食火鍋。老公看過衆多食評後，選定「禾牛薈火鍋館」。「禾牛薈火鍋館」自設魚缸，確保海鮮新鮮，即叫即擋被安排坐於六人大卡位，坐位寬闊，而已有部電視機；店員很快送上醬料盤，有多款醬料放係枱面俾你，茶介醬料 $18/位湯底有多款俾你揀，最平$68，最貴$398，我地揀左個雙併瑤柱冬瓜湯 $98　併鮮茄薯仔湯 $30肉類:招牌黑豚肉 $78薄切，但大大片，食落啖啖肉；油脂分佈平均，豚肉味都不錯本地招牌手切肥牛 $188價錢真係唔平，有根，肉味唔夠香雪花牛肉粒 $98這過比本地招牌手切肥牛更加好味，而且價錢比手切肥牛平；滾好耐都不會韌，牛肉味重而且有油香，正！海鮮類:　新鮮！白鱔片 $98　：切得好薄，刀法一流；食落夠爽口又鮮甜桂花蚌 $88　：好彈牙蔬菜類: 一小籃的蔬菜，收二、三十蚊；火鍋唔食菜又唔得，真係幾好賺～鮮腐竹 $28 / 皇帝菜 $38 / 油麥菜 $28 / 芋絲 $28自製火鍋料冬菇釀墨滑 $68墨魚滑完全唔覺有墨魚味，非常一般的火鍋料自家製四寳丸 $138$138 /16粒丸真係唔平，有手打蝦丸＋墨

上次食完覺得幾好味... 今次一行16人想打邊爐所以再嚟過~~~ 今次又係安排咗一間房俾我哋, 自成一角, 幾嘈都唔怕!!! 雖然今次都唔差, 不過比起上次, 樣樣都差啲啲咁!!!先講湯底...我覺得打邊爐, 最最最最最最最最重要真係個湯底, 個湯底真係會影響哂所有嘢食嘅味道!!! 今次叫左呢3個湯底...1. 清湯...比較穩陣2. 胡椒豬肚湯...好淡咪, 完全食唔到胡椒味, 直頭少少辣味都冇!!! 不過尚算足料...3. 四川麻辣湯底...唔算太麻辣, 我諗咸味仲勁過辣味, 唔似好正式嘅麻辣窩, 亦因為咁, 所以個湯唔太油膩!!! 雖然湯底差d, 好在啲食物勁新鮮~ 因為實在叫得太多嘢食, 我淨係highlight以下幾樣! 花甲: 超新鮮, 超大隻, 不過一客好似得5,6隻, 同埋有幾隻有少少沙! 蟶子: 好新鮮, 不過唔算大隻... 淥到離殼就食得, 超鮮甜, 超爽! 逐隻order, 以呢個價錢嚟講有少少貴~ 牛頸脊: 一D都唔"un", 唔算好薄切, 不過淥耐咗都唔怕! 夠牛味!!! 美國肥牛: 雪花分佈均勻...唔會太肥, 一D都唔"孩"!!! 麻辣湯底淥一流!!!

曾去過尖沙咀店，食物環境各樣都十分好，惜當天已滿座，惟有試下九龍城呢間，卻換來可怕的經驗．．．．．．先評一下食物：湯底寒天翅瓜滑雞鍋－－見食評話唔錯，但黎到覺得同以前食評所見的份量相去甚遠．．．加上個人不太欣賞個翅瓜既味道，整體好麻麻子薑皮蛋－－見佢好流心，以為好正，但食落一啲皮蛋香都無．．好奇．．．．．．空有賣相吸引，雜貨舖買既仲好食。老友鬼鬼－－第二度食過幾好味，但呢度太太太太硬，炸得太乾了，浸極都仲係超硬，索湯效力弱。黑栢業－－麻麻地，食左幾舊放棄豬腳筋－－麻麻地，食左幾舊放棄珊瑚蚌、帶子餃－－不錯b]最可怕的體驗是：叫了響鈴，食左兩舊後，竟然有小強喺響鈴上面爬山．．．．．．我與友人嚇一大跳！！！！！！座位位於地下舖最入一角的二人卡位，正正在....應該是廚房門旁邊，不時有侍應出入，一開一關都超大風......已經坐得唔老黎，仲要有小強！！！都唔知係一早喺廚房入面爬左上去，定係放低後，沿牆身爬到響鈴上......X_X"我其實想即刻走，但啱啱先開始食......要求侍應即刻換枱！換到樓上再食，講真其實都．．．大打折扣。食物情況就係咁啦．．．唉．．．不過想講既係專責樓上嗰幾個侍應，

同朋友係九龍城行街行到攰， 揀左打邊爐可以坐耐d,於是揾左哩間有卡位舒服d湯底係豬骨㷛拼蕃茄薯仔湯，好正，可以當湯飲因唔太肚餓，所以叫多海鮮為主： 花甲，聖子皇，鮑魚， 勁新鮮(值得一讚係店員既細心，提我地聖子皇滾一分鐘就夠，唔係唔好食)鮮蝦雲吞拼意式牛肉餃，都係新鮮特級手切肥牛：雪花均勻，好淋因為今次得兩個人， 好多野食都未試，下次call多幾個朋友一齊再黎！

天天邊爐的我老早已想來九龍城這禾牛薈試試，今晚一行四人來打邊爐﹗鋪不算大，有電視卡位，四個人坐很闊落，坐得舒服﹗不談其他只談牛肉，點了最貴的手切牛肉﹗色澤鮮紅，牛肉味道亦算濃甜，可惜是切得太薄，口感不足，總是有種吃完一陣風，不夠喉之感﹗蟶子偏細隻，味道鮮甜﹗這兒有不少食物名稱特別，聽落過癮食落只一般﹗試了蝦膠釀龍眼，龍眼是罐頭糖水貨，配蝦膠有點不淪不類，兩者味道全不夾﹗墨魚膠釀冬菇亦有如此感覺，分開吃好像更妙﹗原隻墨魚新鮮，很爽甜，值得一吃﹗配上三數支啤酒及竹蔗茅根水，埋單位位接近$300，挺貴呢，只宜一試﹗

同事們同我FAREWELL,去左禾牛打邊爐,叫左碟本地手切肥牛,好肥味,入口即溶~~~~~不過價錢貴左D!我地要左個番茄湯底,好鮮甜,好濃郁!仲有個魚片,好爽脆!ANYWAY,呢間野值得一試!

今晚同班朋友黎打邊爐。我地8個人, 被安排上樓上, 自己一房, very gd!呢到係遂碟計, 醬油又另外每位$15, 有多款醬料放係枱面俾你撈。湯底有多款俾你揀, 最平$58, 最貴$98, 我地揀左個平平地蕃茄薯仔湯底。呢到打邊爐d 款幾多, 但都幾貴, 最平都要$25碟, 仲唔係大碟哦!未叫野食先起湯底, 未打邊爐之前都飲左一碗, 湯底都足料既, 好多蕃茄薯仔!火煱料有好多款揀, 貴價, 平價都有1) 花甲.大大隻, 得5隻, 食落鮮甜,無沙2) 特級牛肉, 大既, 個樣幾靚, 但牛味不夠3) 鮮蝦雲吞, 有大隻爽蝦, 好味。4) 魚皮, 嚮聆, 夠脆5) 手打烏冬, 好滑, 食落不是普遍貨式6) 芝士獅子狗同芝士複丸, 超好味, 一咬, 濃濃芝士就標晒出黎, 正。7) 牛丸. 好彈牙, 好味。8) 藥膳雞全隻, 滾到岩岩好就好滑, 滾得太耐就鞋晒9) 貴花蚌, 淥幾淥就食得, 食得出鮮甜, 新鮮另外仲有西生菜, 皇帝菜, 腐竹, 黑牛怕葉, 公仔麵, 脆魚鯇....野飲我地叫左一酌小麥草, 一酌竹庶茅根, 大家都話小麥草好飲, 仲有蘆薈係入面tim!最後仲有椰汁糕&桂花糕做甜

朋友生日今次揀左哩間係九龍城較多好評既火鍋店, 整體感覺不錯!我地一共六個人, 叫左以下野食: 未齊人叫左個前菜蟹子沙律, 又幾好味喎, 有水準.湯底: 寒天翅瓜滑雞窩 ~ 賣相好靚, 好好味, d雞好好食, 推介! 海鮮 ~ 1) 聖子皇 ~好大隻 2) 花甲~好甜, 完全無沙 牛肉 ~ 1) 本地牛肉 ~ 牛味濃, 好"林"2) 特級牛肉 ~ 牛味不夠, 但好滑...不過個人比較鍾意本地 四寶丸, 韮菜餃 => 比較推介韮菜餃 好少食到咁新鮮爽口既黑柏葉, 好正! 稻庭烏冬, 勁掂!仲有甜品送添, 果然不錯, 店員服務亦皆, 推介推介試一試!

昨日同老婆大人到此一遊。地方細細，不過乾淨整潔。服務員又勤快又nice。酸梅湯夠味夠凍(仲係冇加冰果隻wor)! 沙嗲湯底偏甜但okay得。唐生菜 so fresh。 蝦滑都可以。老友鬼鬼(即蝦膠釀入油炸鬼)口感特別但味道一般。牛雜味道一般。特級手切牛有牛味但質感比合興火鍋差D。免費甜點(椰青糕)好得。整體而言，可以一試。

可能天氣凍，本來想book 8:00但係full 左，只可以選擇9:00pm，去到九龍城都9:30pm，這間火鍋館比較細，所以記得要book 定位！這間火鍋店的湯底很特別，我今次選了冬陰公拼沙嗲 (因為怕個冬陰公湯底味道唔掂，所以選了個正常的湯底，萬一唔好味都仲有一邊可以食嘛！)又真係出付意料，個冬陰公湯底的味道真係好好味，只係鹹左少少，但係加左湯之後溝返淡少少個味道就好好多！至於食材方面，這間火鍋店的食材亦很特別，尤其係個雙影夜明珠，真係好特別，龍眼肉好甜，配埋個蝦滑 / 墨魚滑真係好特別！老友鬼鬼又係一個好特別的食味，本身已經炸熟左，用來浸一浸個湯底再食，估唔到浸完湯個油炸鬼仲有勁脆。

一間會懂得客人須要的食店係會另客人再返來...希望每一間食店都明白此道理早個月前我都同家人去過, 因有老人家所以留枱時special request 咗係地下, 食物都OK, 服務生就很細心, 又特別照顧得到老人家須要...當其時以經留給我一個好印象gar la因有屋企人返來HK過聖誕, 天氣又凍涷地...一家人gathering 最好就係打邀邊爐la...咁25號當日就打過電話去book 枱, 點知中午12點幾打去以經話晚上全full喎, 當其時好失望ar, 接电話個姐姐好聰明聽得出客人好失望, 就叫客人留個電話, 如果有人cancel booking 就打番電話比我.....點知....等咗冇幾耐唔洗一個鐘佢就打比我la...佢仲話聽得出我book唔到枱好失望, 所以一有枱就好快通知我la...果晚如其去食飯, 家人都食得好開心, 服務生也如常地招乎周到.....真係好想講比大家知一間食店做得好唔好, 除咗食物仲要係優質服務, 咁先至留得客人個心...我就好喜歡這間食店, 所以我一定會再去!

九龍城火鍋店大都有番咁上下歷史，亦有一定的知名度，禾牛薈是小數區內的火鍋新勢力。趁著天時冷的12月，來烚下烚下慶祝聖誕節既來臨。第一個動作是搞好調味醬汁，這裡的調料有九款，不算十分多，但對我來說已經足夠有餘，因為我一向的心水選擇就只是蒜茸加豉油，簡簡單單。湯底有十多款選擇，招牌的是禾牛薈鍋，湯底是各式各樣的牛內臟，似乎幾正。可惜，當中有人不吃牛，所以就不能揀這個了，最終點的是粟米薯仔濃湯鍋。裡頭確有不少的粟米和薯仔，兩款吸味的東西，淥至最後把它吃掉，很是不錯。另要讚的是，呢度真係加湯，而不是加水的。打邊爐不能沒有牛肉，吃碟靚的本地手切肥牛。輕輕燙一燙就可以，浸得太耐韌了就不好吃。同埋，如果牛肉味道濃一點，會更加出色。更合我心水的是日本黑豚肉，單睇色水已知是好東西。同樣不需要淥太久，入口軟滑，有肉香，跟市面上一般吃到的豬肉很不同，值得一試。有一款食物很有特色，是我從前打邊爐沒有吃過的，手打墨魚滑是也。特別在，它是用龍眼肉包著墨魚滑，雙重口感，而且兩者的味道亦幾夾得來，有創意，我吃得滿意。老友鬼鬼是這兒的另一招牌菜，即蝦膠釀入油炸鬼內，其實很多大排檔都有這味。先試一件不浸湯的，是脆口，但稍

是晚在這裡吃火鍋,這裡有醬料架給你自己選擇想要的醬料，喜歡這個，而湯底要了寒天翅瓜滑雞鍋，吃火鍋之前渴了幾口，味道不錯的......叫了很多東西，有雜菜、手切肥牛、雲吞、海鮮三文治、雙影夜明珠等等，整體味道都不錯，最緊要是感覺新鮮。另外最特別的就是墨魚丸麥提沙，店鋪的人教我們浸五分鐘左右便可以吃，未吃之前覺得可能會是怪怪的，怎料吃過後覺得很好味，可能因為麥提沙有點溶，混了在墨魚丸內令到它有點甜甜的，甜味多過鹹味，非常值得一試。