秀拉麵 (已結業)

前陣子拉麵風盛,心想既然去不了豚王,便試試秀拉麵吧.本貓點了黑秀拉麵要腩肉中度麵. 麵一到,便立即急不及待的飲啖湯. 可惜一啖之下發覺湯底極濃,蒜似乎過多至苦. 腩肉極肥,與純肥膏無異,與心目中印想有差距. 至於麵身中度麵但頗硬身. 同行兔兔藝高膽大,選了赤秀極辣中度麵. 但兔兔說只有無味的辣,麵身同樣過硬. 若然此店賣點是正宗九州拉麵,大概九州不本貓我那杯茶吧.今次為食貓埋單,$180. 不會再訪lu~

與上次光顧秀拉麵，相距不過兩星期，只為求證一事：落單時既可有眾多選擇，例如麵身硬度等等，是否說得出做得到(以前曾說過，某些餐廳的牛扒無論落單時要五成或七成，結果相同)。上次點了中等硬度，今次選較硬。結果...果然比上次硬一點，不錯。另外，之前的叉燒要腩肉，這次點肩肉(有圖為證)，嗯，起初感覺差別不大，不過，推己及豬，在下的肩比腩瘦，想到這裡，感覺好像確實瘦一點，哈。最後，聽到鄰座說，麵條很幼，湯底有點肥。都是上次在下提及過的特點。特點好與不好是個人口味，重要是定位清晰，一嚐即知。很好。

知道這裡開業不久, 別與朋友一試簡單的一硗麵, 卻有不簡單的味道, 湯底不是很濃, 但味道很香很夠, 麵條比一般拉都彈牙, 配料及叉燒都很美味, 整體感覺很良好! 絕對不是一般吃慣的拉麵呢!點菜是自行落單的, 很方便, 連額外加或特別注意需要刪除的亦能細心地在紙上剔, 很難得哦!!

經過中環完全俾呢間拉麵店既外殼吸引住!所以就入左去試試…自己本身未去過日本，所以唔知咁多隻麵有咩唔同。好彩D服務員好有耐性咁解釋俾我聽~但係我有選擇困難症…個服務員於是推介我試白秀。由於乜都唔識，所以麵既硬度要左”中”。個麵唔算勁好食，但係絕對係有水準之作，無其他食評講到咁差。湯底都好濃豬骨味~仲有充滿骨膠原既感覺~(順便美容XD)溏心蛋好得意~未食過溏心蛋~所以覺得好特別~岩哂一眾愛蛋之人~一口煎餃子煎得好香，如果肉汁多D就更好~唔知點解覺得呢度D餃子好有人手包既感覺~定係真係人手包呢? 因為無果D雪櫃味道，值得讚! 烤叉燒更掂! D叉燒入口即溶!而且熱上台~個口感正到爆!!值得推介!

仍然記得當日在日本福岡的一蘭吃博多拉麵，可算大開眼界：座位是自閉式的，左右有隔板，所以看不見觸不到鄰座，前面半垂著簾，師傅/服務員就在簾的另一邊，也是全程面目不露，整個環境都促使你心無旁無鶩，專心食好這碗麵。另外，整碗拉麵的各個屬性(attribute)都可度身訂造，大至加麵加蛋加叉燒，小至加蔥走蔥以至要白蔥還是青蔥，都可隨你意思調校，填表就是了。原籍福岡的秀拉麵，跟一蘭比較，一點不同，一點相同。不同是：大部份座位是所謂吧檯式，可以近距離觀看師傅表演，跟一蘭自閉設計剛好南轅北轍。相同是：一樣可填表逐項調整拉麵屬性，連叉燒都有腩肉、肩肉可選。本人意見：最應該讓客人自選的，當推麵條硬度。君不見同一食肆不同食家對粉麵硬度經常有不同感覺，一個投訴太硬時，另一個讚很有嚼勁，然後甚至再有一個嫌太腍。一樣米不知是否確實養百樣人，只知一樣麵肯定滿足不了所有人。首次光顧，點了白秀拉麵與黑秀拉麵，用的都是預設(default)屬性，麵條則選了中性硬度。麵條較平日吃的幼小，中性硬度很合在下胃口，也就是不太硬、也不太腍，兼且有點所謂嚼勁，哈。拉麵滲入濃濃鮮甜豬骨湯，味甚佳。豬骨湯比一般油潤，令拉麵入口時添了一

前幾日同老公行開中環，經過秀拉麵見到咁多人，又走去趁熱鬧，睇下係咪真係咁好食^^埋到去員工同我地講大約要等10分鐘，我地拎左飛就睇定有咩食。見到店入面好多人都有叫餃子，我地都唔執輸叫返一碟﹗之後都未揀定食咩拉麵就已經入得去坐~我地唔知黑秀、白秀同赤秀有咩分別，就叫左個waitress黎問下，waitress好詳細咁解釋比我地聽，抵讚﹗最後我地要左黑秀同赤秀拉麵，仲有芝士餃子。碗拉麵黎到真係熱辣辣喎，d叉燒好正﹗今次試左腩肉，下次想試下肩肉~不過老公話佢果碗d叉燒就有d硬。個豬骨湯底都唔錯，但d麵就麻麻地，同平時食開果d無咩分別.至於芝士餃子，感覺芝士味唔係好夠，但餃子本身整得幾好食﹗不過如果可以揀5件就好啦，因為佢一碟有10件，最後我地都係食唔哂…最後我地$230埋單!但以質素黎講，都抵食既!

聽聞過有間新日本來到既拉麵店，賣哂廣告咁，真係要黎試試先....一入到黎， 太好喇， 星期五晚8點未到都唔洗等位。點左個白秀拉麵，選擇左硬麵，因為香港好多地方既日本拉麵都過林，所以要左硬麵，加返隻味附蛋先。個湯底好濃好香，但係太杰喇，真係一啖起第二啖止喇，再食個麵。呆左，真係好硬，個麵質又似香港D車仔麵，過硬係因為我點左硬，但係麵質又真係唔多掂。個味附蛋就乜味都無，點蛋味都無埋。整体個麵好日本咁，但係種種問題，只能說一般。

赤秀拉麵原全難食~首先論麵先，麵質不用傳統日本大路粗身麵，改用較少用而麵身比較細的拉麵，但煮得像上海麵！難食極了！而湯底，一個字＂結＂，完全唔想喝。可能係中環店舖租金貴，一碗麵收$85至$90，給這般質素。太好笑。

近年日本拉麵店在香港,仍然方興未艾,大坑的"達磨"受到眾人吹捧之外,幾個月前進駐中環和安里的"豚王",以地方小,每天限量供應之策略,結果不久便成為人氣熱店,每天的和安里,有如"萬人坑"一樣,豚王門外的人龍差不多延伸至街頭.不久之前,在威靈頓街的商廈"The Loop"地下,亦有一間"秀拉麵"進駐在此,是另一間過江龍,來自福岡的"秀",遠在紐約也可找到其蹤影.雖然身邊的朋友Kent,奔天人與Taiwanwalker等等,吃罷也覺得普普通通,但自己尚未試過,又不能妄下定論,這個黃昏難得在中環,便來一試.環境當然比豚王的好,起碼座位亦多一點,或者時間尚早,內裏的食客不多.隨意也找到吧檯的位置坐下.門外高掛的大紅燈籠,我正在去想,這是台北師大夜市內的"燈籠鹵味"嗎?菜單一張過,拉麵有四款:博多元祖拉麵,白秀拉麵,赤秀拉麵,黑秀拉麵.亦可點撈麵,配料可自選,麵條軟硬度亦可因應自己口味而選,小吃方面有一口餃子,整張自選餐單格式也與豚王雷同.就算桌上的水樽,也與豚王的相似.我點了"黑秀"拉麵,另外再加多$10,要一隻溏心蛋.總共$95一碗,在拉麵的層面上,可以說是不便宜.食客並不多之緣故,由落單到送

本來想食豚王, 但星期日 8:00pm 佢已閂門, 轉試呢間.白秀: 湯底骨膠原重, 好杰; 叉燒鬆腍, 麵條 al dente (!), 半熟蛋幾靚, 不過唔係「味玉」.黑秀: 其實係白秀 + 黑色蒜味醬油, 不過我無試醬油...煎餃子配香蔥沙律醬: 都不錯.呢度供應凍滾水, 唔怕要邊食拉麵邊飲熱茶咁熱.埋單每人約 $120, ok 可以一試.更多相片及分享 @ http://locusttunghok.blogspot.com/2011/04/blog-post_28.html

係openrice見到d食評都ok, 就同家人一同去試吓啦..6點幾去到唔需要等位, 咁跟住就點野食, 佢同係日本吃拉麵一樣可以選擇配料,麵的軟硬程度等等...我地幾個叫左黑秀拉麵, 老公就叫左赤秀拉麵(中spicy)...來的時候已經有錯, 蛋要一隻比左半隻, 3碗都係錯晒...o晒咀, 明明寫要1隻的...講番d麵, 兩款湯底超"杰", 好似糊仔咁, d湯比較咸...餃子就好味, 一口餃子正...服務一般...我家人講..應該冇下次囉...比我, 我會選擇大坑的達磨多d

今日終於食到哩碗秀拉麵, 入去就決定食黑秀拉麵, 即醬油豬骨湯, 過一陣就有得食, 這裡的麵比較幼身, 同一般食既唔同, 而且湯濃叉燒我就要左豬肩肉, 都燒得幾香食落去同時既港式拉麵唔同, 都幾好食~服務也可以等下次再來食先

Amazing how many ppl will cue up for another typical HK style no heart fast food restaurant, who they claim trying to make the best food for their customers. Its really like having instant noodle.

某天收到食友Kent msn，問下有無興趣趁未成豚王第二之前，來這一間新開的秀拉麵，正是快人一步，理想達到，難得老婆都有興趣一齊出黎，就卻之不恭了。同檯有兩位食友之前已經吃過，評價是中規中矩，佢地今次來的目的，是試下其他款式，但可惜的是今天博多元祖拉麵再一次暫停，再一次的緣慳一面。這裡的下單也是用拉麵紙，而且有不同文字版本，落單應該不會難到你。和老婆叫了一個赤秀一個白秀，麵的硬度則是一適中一硬，因為食友們之前吃過，都說麵條較腍，建議要硬較好，所以我地兩公婆正好各自一款，試試是否真的太腍，再另加半熟蛋。另外還叫了烤叉燒和博多一口煎餃子，又是之前經驗，食友們都說餃子煎得不夠香，今次下單時千叮萬囑要煎香ｄ，不要好似趕時間咁原隻白色端上檯。赤秀和白秀來到，賣相感覺是只多了辣油，跟豚王那種多了辣肉醬是不同的。先講一下麵條，由於點了一中一硬，所以特別感覺一下是否有分別，答案是否的，兩者分別真的不大，都是偏腍身。秀拉麵用的是幼麵，個人覺得會欠了點咬勁，但最大問題還是有鹼水味，這一點在吃一碗近百元的拉麵裡，是有點以接受的。無論是白秀或赤秀，兩者湯底都比較糊口，但又未到達磨那種充滿骨膠原的感覺。要我形容

其實都知呢間野開佐一排~ 間唔中見有人龍~ 夜d會話賣晒所以想走黎試下~ (落單)我一行二人叫佐一碗黑秀一碗赤秀 諗住叫隻糖心蛋share好啦~ 諗住叫個姐姐落單啦~ 佢就要我填佐佢張單先~ 開頭都諗住照填 點知出事 我見佢好似點心紙咁 我就將兩碗面既野都填埋一齊我後尾諗番佢要人填果張單應該係design for 一碗拉面既但俾個姐姐仔落單果陣 佢又冇提我喎 奇怪~ 其實佢係張單度寫明 或者叫侍應提一提d客 都ok呀。。。 後尾有另一個男人黎confirm 我張單~ 不過係逐個item 走黎問我一次喎... @_@結果我要一隻糖心旦 個男人confirm 過都俾佐兩隻我...講番d拉面先~(湯底)個拉面既湯底其實唔錯 值得一讚~ 個湯我差唔多飲晒 幾濃個味好似加佐d麻醬咁 (不過如果係真既 其實最好提一提 話晒有d人會敏感)而且食完都唔太覺得口喝黑秀同赤秀既分別~ 我剩係理解到係赤秀落多佐d辣油連渣咁解 (如果係咁 我情願你放d辣油我自己加啦 咁會討好d。。。)赤秀我係揀佐中辣的 好可惜地佢個中辣一d都唔辣 感