秀韓國餐館 (已結業)

一進去老闆娘就很親切的招呼我們了菜真的不錯我推介炸餃子+ 磨菇粉絲牛肉還有炒年糕或是年糕炒豬肉也是不錯的選擇不過,看了這麼久韓國人進去吃會給CLOD TEA本地人去吃就多是HOT TEA口渴最好先忍著秀喝的都滿貴忍著吃完就過去旁邊的韓國食品店吧這次我們點了...石頭飯+炸餃子+磨菇粉絲牛肉雖然店面小小...可是很溫馨~

朋友向我推介'秀'以來，已是第二次光顧，兩次都帶不同的朋友同行，首推大長今燒牛肋骨，人食人讚！牛肉軟熟不在話下，最好吃是那個甜甜的燒汁，連配菜也掃清光！這款牛肋骨是逐份叫的，如果兩三個人想試多幾款菜式的話，建議叫一份分享就夠另外，泡菜餃子年糕湯也不錯，清清地；也試過一款淡豆漿做湯底的冷麵，不太喜歡，是飲食習慣的問題吧，不習慣用來做湯底，而且味道很稀，飲慣中國人濃濃的豆漿，感覺就到喉不到肺開飯前會有小菜，一磚一磚仔的蘿薥泡菜食到不停口！印象中第一次去是沒有小菜的，因這次我和朋友只叫了兩味（不知是否嫌我們叫得太少？），看過帳單後，發現應該加了十多二十元小菜錢，大家吃了便要有心理準備，不想吃便要及早婉拒，免傷和氣餐廳選擇雖不多，不外乎四五樣材料互相配搭，但勝在廚藝有保證，新客不用怕叫錯餸；此外菜式份量不小，牛肉等菜式較為油，我和朋友叫兩樣菜已夠飽，所以千萬不要一人叫一碗白飯打底！店子細細，適合兩三知己去吃，顧客也坐得很散，五六七八個人去就有排等位了

今天放假,下午去完food expo,行到很累,朋友又肚空空的,過返九龍食韓國菜。行至金巴利街,本來打算食莊園,忽然想起不久前有此店的食評,印像不錯,又想ハ卦下型仔哥哥及靚太有幾靚,便拉了朋友進去。靚靚太太做接待,典型韓國太太形象,皮膚白白,輪廓分明...見不到型仔哥哥,有點失望(好似離了題添!)言歸正傳,此處無韓燒供應,有的是家常小菜。看看價錢,竟是少莊園的一半!見咁低,兩人叫了泡菜石頭飯,酸辣水冷麵及牛肋骨炆年糕(兩人份量)。靚太先送上泡菜,有大豆芽,莧菜,薯仔,蘿白及小青瓜。最辣的是蘿白,咬下去爽脆,辣中有點酸,很正宗。我們太肚餓,菜都末上就吃清光了。先上牛肋骨。醬汁的煙還在冒起,靚太即席剪開肉和骨,只見三兩下手就骨肉分離了。無セ肥肉,但一咬下去十分軟腍,炆得夠火喉又入味!連根的部份口感更佳,朋友食到唔停口!除了牛肋骨外,還有兩條年糕,兩隻大花菇,兩大"舊"白蘿蔔及紅蘿蔔。大舊蘿白真的很大,要用刀鋸的!十分清甜無渣,吸收了醬汁更好味,幾乎全部比我吃精光。石頭飯熱辣辣,面上有雜菜絲,泡菜及半生蛋,辣醬分上要自己撈。飯身乾,一點也不油,飯焦只是脆而不燶,加上辣醬一起吃,又熱又辣很過癮

星期六shopping完唔知食乜好，近日食得太多日本菜，轉下食韓國菜，行o左去韓國街搵食。見到呢個好似新開不久，又光猛乾淨，所以拉埋老公入去。一入到去見到兩個高大幾型的韓國仔，同一個幾靚的後生太太，唔怪得近期d韓星咁受歡迎，原來一般的年輕韓國人都幾好樣。個menu選擇唔多，但價錢比一般平。叫了個什錦石頭鍋飯、酸辣冷麵同炸餃子。同一般韓式料理一樣，先o黎前菜三小碟，有泡菜、蘿蔔、大豆芽、菠菜等等，味道比一般的淡。什錦石頭飯份量好似比其他韓國餐廳為少，不過兩個人食剛好。泡菜同醬汁唔夠辣，飯焦亦唔多，不過都不失香味。酸辣冷麵-酸辣兩種味道相比下，辣味程度較大，酸味較淡。而麵身又比其他韓國餐廳好，因為食過其他的冷麵好難咬得開，而這間煙韌得來較易食。炸餃子-這個餃子做得不錯，炸得好脆口外，難得唔多油。內裡的料又不會因炸過關係而乾。總括來講這間唔錯，價錢又平，而且比起其他韓菜味道冇咁濃，食完都唔覺口喝想飲水，可以再試。p.s.原來lazyqueen同kc一早食過呢!

無見你一天,已經十分掛念,知道你跟媒人婆婆和公公食飯,無法了,太掛住你,於是又變成了四人飯局.前菜有六碟,好受我們歡迎,不過Kimchi就比較酸.先來餃子,炸年糕...一般啦.再上雜錦石頭鍋飯,以為是牛肉的,原來只是有素菜,成為了雜錦素菜石頭鍋飯.跟著的泡飯,比較淡味,而且也沒有什麼材料.只有十分十分少的好像南極蝦的BB蝦和很少牛肉.後來看到鄰桌食緊牛肉粉絲,好像很好味,立即叫來一試,果然好味.牛肉十分甜美.P.S.由到韓國旅行至現在,由始至終也認為韓國菜沒什麼特別,已經也沒什味道,真不明白韓國菜的價錢在香港會比較貴和受歡迎的原因,可能我不是知音人吧!

星期六要返工, 放工就去尖咀搵老友食餐晏, 問佢有咩介紹, 佢就話不如來呢間試試丫.第一次經過門口時(約一點幾啦)見落晒閘, 心唸唔係咁快執左嘛, 老友話早幾日先見到喎.... 接埋老友之後再走過去, 今次就真係開左門喇, 原來佢地差唔多成兩點先開架.兩個人, 點了一個石頭鍋飯同一個冷麵. 石頭鍋飯上檯時好熱辣辣, 幾好, 但同明洞屋比又差了一點點. 個冷麵的賣相都唔錯, 亦低估左佢的辣度, 越食越辣, 老友已放棄了, 但食食下, 可能個醬汁除左辣之外又酸酸地, 冷麵夠煙靭, 習慣了個辣度之後就越食越想食, 結果俾我清晒.可能因小本經營關係, 前菜只有兩碟(泡菜同芽菜), 同隔離d鋪頭無得比, 而且只有一位韓國女子(而且佢中文應該麻麻地)在樓面招呼, 間唔中會有一位韓亞姐幫手出菜, 所以招呼就真係唔太夠細心. 另外在menu中見有好多菜式都係夜晚先有得供應, 有機會都可以再來一試呢!!

因為大長今，好幾間韓國菜大牌子都在這兩個月與太座先後幫襯過。放假期間，沒去外遊，活動少不免是去周圍購物。在尖沙咀行完，佢又枇去食韓國菜，行去金巴行街，見這間舖頭細細地，都好似唔錯，就來試一下。呢度好住家感覺，裝修簡單而整潔。靚靚韓國太太主樓面，韓國先生就在廚房，分工合作。我們七時來到，幫襯的多是韓國鄉里，日本人也有，本地人得我們兩個。不過當我們叫了菜，本地人就魚貫入座了。餐牌選擇不算多，價錢亦比一些出名韓國食店平些少。菜色以牛肉為主，太座是晚不想吃牛，就要了差不多全豬肉的選擇。叫了辣泡菜炒豬肉、泡菜餃子湯及什錦石頭窩飯。先來幾碟前菜，三碟大的加兩碟小的，幾特別。三碟大的分別是泡菜、大豆芽及莧菜，兩碟小的就是甜魚仔及豆腐。泡菜的酸辣做得幾平衡，亦好鮮味，不錯。甜魚仔亦好味，送酒一流；泡菜炒豬肉是檯檯都有的菜色，用上泡菜再加辣粉去炒，辣度夠，更是越吃越辣，正。豬肉是半肥廋，似是回窩肉的樣子，當然不及我們的做法，可以炒到肥肉爽脆的，不過口感不錯，味道亦佳。其實單是這味菜，已可下兩碗白飯，兩個人又一餐的了；比較起炒豬肉，泡菜餃子湯就較為一般。韓式餃子皮偏厚，但內裡的豬肉餡有幾隻是凍的，十分掃興

好多朋友近來都同我講開金巴利街有間幾地道的韓國菜, 但無人知o向邊同叫咩名, 我相信我d朋友係想講呢間: )早兩星期試過呢間, 唔係因為大長今關係, 係本人二月去完韓國後, 朋友帶我試過最traditional 既韓國菜後, 好想在香港搵番呢d風味所以周圍去搵...早排睇報章都有提過呢間舖頭, 原來係無得訂位的, 所以我建議大家七點半前去坐定定, 因為真係得幾枱o架咋...我點了辣雞排, 報章提過呢間既用料全都是空運來港的, 我同意佢既醃料應該冇錯, 不過當晚點的雞排我覺得係在本地買的... 我在韓國試過的雞排係無骨啖啖肉, 不過唔知係咪佢近排多人幫襯, 竟然俾o左好多骨既雞俾我, 呢樣令我幾失望, 而且portion 細好多(雖則我都係兩個人食...), 但$180 用咁既料真係唔多值囉!!Menu選擇唔多, 泡菜豆腐或泡菜湯都欠奉; 加埋顧客多了和人手唔夠的關係, 食得真係唔多舒服, 由於地方狹窄的關係, 一張四人枱居然五個人坐(三個係搭枱的), 擺兩大個燒雞排的鍋已經擺唔到其他配菜, 食得好辛苦呢....咁既價錢我情願幫襯番有規模d 既韓國餐廳o勒...