秋意 (成業工業大廈)

营业中

休息中

名字好有詩意的，進入店舖後面積比較骨子，當天有三個大男孩服務，服務態度都好友善。以便當為主，但一些也不隨便，雖選擇不多，但質素尚佳。最出名是無骨豉油雞，加錢把飯換成蒟蒻面，連前菜沙律同流心旦。隻流人蛋夠流心，不過我喜歡鹵水味較濃的蛋。豉油雞雞肉軟滑，同蛋一樣，再入味一些會更合我，蒟蒻面夠味，但又多油了些。鹽水手撕鴨跟米粉，米粉還可以，豆腐有些硬，湯都是偏清淡，鴨肉亦中規中矩。梅子豬手跟米粉，豬手燜得夠，梅子味就唔太出。總結是用心有想法的小店，如果𣎴是蒟蒻面較多油，就會歸入健康食店，加上價錢實惠，都是可以多加支持的食肆。

《秋意》觀塘工廠出名多美食，專注做雞嘅便當👍⭐️又帶少少日式😍價錢親民，觀塘外賣之選⭐️想去食嘅朋友記得留意佢ig 當日營業時間❤️咁就吾會摸門釘🙏---🍱秋意 豉油雞便當 （$60）老闆話過吾食皮就唔好食佢哋嘅豉油雞😂平時我哋都唔食皮今日竟然食晒😂好好食😍 肥瘦均勻 連皮食都唔會話好肥，而且好入味😍未到啱啱好又唔會話好咸！而且仲要係去骨！個雞超級滑！轉左加$5蒟蒻麵😍👧🏻好唔鍾意食飯啱晒煙韌韌,而且好香好惹味 但有少少油 🍱招牌 口水雞便當（$60）口水雞個辣醬係另上👍根據個人口味鍾意放幾多，個汁麻同辣得好平均好出🤤好鍾意嗰醬汁！加埋隻糖心蛋撈飯食好好食隻雞一樣超級滑🐟秋意 酸菜魚湯麵（$62）呢個有驚喜😍😂吾好睇佢細細碗，好足料！而且味道好過出面好多一大盤果啲🤫魚爽脆無骨，湯底濃郁酸酸辣辣 又吾會好油！好抵食😭佢地都有一大盤可以叫，$178下次一定翻嚟叫😍❤️我覺得系我食過最好食嘅酸菜魚而且性價比好高👍---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸🧸服務：🧸🧸🧸---秋意地址: 觀塘成業街19-21號成業工業大廈6樓29室電話: 56021645

There are many great declicious foods in industrial buildings, and the famous food. Today, I went to the industrial building in Kwun Tong and found a restaurant with unique decoration and an autumn atmosphere, which attracted me to try it out. There is a feeling of parting in autumn, and it has a style. There are many paintings and Chinese-style designs in the store, which make the store stand out from the restaurant in Yunyun Industrial Building. In addition to the thoughtful decoration, the fo

喺觀塘工業區嘅成業工業大廈，裏面有很多餐廳仔，啱晒喺附近返工收工既打工仔搵食。咁啱喺附近拎野，順便喺呢度食個快飯。點知喜出望外，入面都有啲水準唔錯嘅餐廳。大約七點去到，一直都有幾多人黎拎外賣同買外賣，所以喺附近返工真係好方便。我叫咗一個招牌去骨豉油雞飯，嚟到外貌都幾骨緻，有齊前菜沙律🥗，溫泉蛋等，份量幾充足。雞喺呢度嘅招牌，肉質真係幾滑，皮又唔會太厚，脂肪比例算平均，唔會一嚿肥肉係口。最鍾意係佢去晒啲骨，啖啖肉嚟送飯好好味😋另外白飯加咗啲飯素，令到成個飯更有特色，睇得出老闆用心整每一個便當🍱飲品方面，叫咗個水果茶，水樽個包裝好文青，飲唔晒可以拎走🤣裏面都有幾多生果，蘋果、橙、仲有唔同嘅果肉粒，重點係佢唔會太甜，好健康

今日去觀塘工廈買衫，順便食埋晚飯先走，立即搵吓OpenRice有咩食，點知原來同一層的6樓有一間叫做秋意的餐廳，二話不說就搭lift落嚟！佢個門口非常特色，有啲日本風情，店主花了不少心思裝飾門口😍有一刻唔肯定我係咪去錯，因為實在太靚😆😆可能因為我比較遲去，店舖內比較多外賣訂單，反而堂食唔使等位😆😆 選擇困難症咗一陣，老闆好Nice咁介紹我食豉油雞便當，另外見到其他枱嘅人都有加錢飲花膠燉湯，搞到我都忍唔住試埋！個花膠燉湯真係非常足料，完全冇味精，有大大嚿花膠，蟲草花，瘦肉，烏雞等等材料！絕對係真材實料，湯味濃郁😍😍本身以為係普通便當，點知一食真係不得了！佢有芝麻醬沙律菜，糖心蛋，珍珠米連紫菜飯素，蓮藕等等！營養非常充足，而且豉油雞肉質嫩滑！好好味！跟餐加$8有白桃烏龍茶飲，茶味清香，很不錯！真心推介呢間有健康性價比又高嘅餐廳俾大家！

觀塘工廈出名多美食，今次去探朋友，順便去望下附近有乜外賣醫肚先，一於試吓秋意，一出𨋢轉左就見到，當眼嘅位置。相信店主花過心思擺設門口，印象特別深刻係呢幅字畫，食 - 的確係可以令人忘憂！平日過咗繁忙嘅lunch hour，唔使點等，好快就可以拎走，方便。瑤柱去骨貴妃雞 $62便當賣相幾好，有芝麻醬沙律菜丶麻辣蓮藕，爽脆惹味丶溏心蛋丶珍珠米灑有紫菜飯素，特別食多幾啖丶主菜係去骨貴妃雞，肉質嫩滑，啖啖肉，瑤柱碎帶到少少鹹香。

在觀塘想吃雞，來到工業大廈的一間隱藏食店，店內很細，枱得幾張。員工在忙於包面。我們點了一份秋意豉油雞跟面，一份口水雞便當。加一個水果茶同白桃烏龍茶。豉油雞：好食，夠入味，但汁比較少，如果多點就會很滿足，面條湯底好夠誠意，推薦配湯麵口水雞：靠個汁出辣，好正，飯又十分日本和風，好好味水果茶：唔錯，新鮮水果打造而成抵加錢飲。白桃茶：可惜，冇乜味，不值加錢飲。個人感覺評分：食物味道 - 食物賣相 - 餐廳環境 - 店員服務 - 性價比 -

工廈多隱世美食就出曬名架啦～今日嚟到觀塘嘅工廈搵到一間裝修別出心裁，有一股秋天氣息嘅餐廳，吸引咗我入去試一試。秋天有一種離別嘅感覺，份外有格調，店中都有好多掛畫同中國風嘅設計，令店舖喺云云工廈食肆中突圍而出。除咗裝修有心思之外，食物一樣高質！小編叫咗一份口水雞便當，個口水汁做得非常香口，絕對唔係單靠辣味取勝，而係好有層次地有一種麻嘅感覺，用嚟食雞送飯真係一流！雞肉本身都相當嫩滑，火候恰到好處，唔會煮得太耐導致韌或者老，而且能夠鎖住雞嘅鮮味同埋肉汁，食到欲罷不能！便當仲有一份菜蔬同茄子，照顧到食客嘅營養需要同埋健康，十分細心。便當份量都唔錯，小編作為一名大食男性都覺得夠飽。如果大家想試吓支持小店嘅便當，不妨到訪觀塘嘅秋意一試～

揚英浦結業後, 我很懷念它媲美高級食肆質素, 但又相對便宜得多的豉油雞. 老友推薦同樣位於觀塘的秋意, 說它的豉油雞同樣是觀塘數一數二的, 一試之下, 果然令我滿意, 雖然說和揚英浦有點不同, 但肉質和味道同樣高質. 六十元的豉油雞便當, 不能算便宜, 但會吃得飽, 味道又好, 算是物有所值.這裏的豉油雞偏向乾身一點, 無論皮和肉也沒有一倒而瀉的豉汁, 雞肉雪白口感嫩滑, 沒有刻意為了雞肉入味而Overcook, 就是剛剛熟的火候控制. 雒皮呈焦糖色, 口感爽彈, 皮肉之間脂層平均, 豉汁味道先甘甜後鹹香, 層次感相當不俗, 整體水準相當優秀, 難怪下午三時多已完售, 在工廈位置偏僻的地方, 可以媲美勇記賣雞的火熱情況, 更為難得.Autumn Feeling is famous for her soy sauce chicken. The quality is as good as those in high class Cantonese restaurants. The meat texture is soft and smooth. The cooking time is pe

本身自己都識得煮嘢食，所以對於餐廳用唔用心，用咩材料煮法，都略懂一二。今日叫左個豉油雞便當，預早半小時前已經落咗order, 上到去見到樓面得兩個人，又雞手鴨腳，都乖乖地示意知道未有，就另外再等多十五分鐘！點樣都係冇，有啲燥咯所以就唯有再三催促。呢個時候，出面已經有廿個人等入去堂食，而我份外賣終於都出現了。Ok返到office開餐，d雞又真係好好味！雞肉嫩滑而且雞肉多針。雞皮係好深色，會以為好咸啦，但係絕對唔會好咸，亦都唔會甜野野！真係好好味！等嗰陣係有啲燥，不過食到好食嘅嘢，開心返哂！

今日係附近上完堂想買個外賣返屋企食～ 記得之前Bookmark左呢間就上左黎買了☺️雖然佢喺工廈上面但大堂都光猛～ 人流唔少 一個女仔上黎都唔怕~一出𨋢轉左就係！唔洗擔心揾唔到☺️見佢地ig成日好早就賣哂雞😩好彩今日比我買到雞 但就試唔到蒟蒻麵了🥺Order左個瑤柱去骨貴妃雞便當🍱老闆好熱情叫我入嚟坐下🥹仲送左支鮮果茶俾我🥰🤍秋意鮮果茶係自家制嘅樽裝茶 唔會太甜 仲有幾款新鮮水果係入面😋🤍醉鮑魚可能見嗰日咁大雨🥺我獲得左一隻好好食嘅醉鮑魚🥹真係好好食！！平時真係好少食到醉鮑魚雖然係冷盤 但係鮑魚好新鮮所以一啲都唔韌鮑魚勁大隻 但都超入味😋😋😋🤍瑤柱去骨貴妃雞便當因為冇蒟蒻麵最後叫咗白飯係珍珠米！仲有飯素～ 係出奇地好好食嘅飯不誇張😹去骨雞好滑～ 加埋瑤柱口感豐富！配菜都好出色～尤其係芽菜！係有調味的 感覺似韓式麻油拌芽菜～整體份量都好多 男仔都會夠食！整體評分: 🤍🤍🤍🤍最驚喜真係醉鮑魚😋 好入味好新鮮真心覺得大家一定要試！❤️‍🔥見到佢地ig成日好早賣哂啲雞🤣記住問下先去唔好摸門釘🤣大家要多多支持呢啲樓上小店呀🥹

最近天氣一時濕一時熱， 今日要去觀塘工廈影一輯相，同層就有呢間 秋意，影完就買回家試試。食先先上來openrice下，原來都真係幾多好評，喜歡佢很有誠意。店員指最近天氣濕又熱，特別整了檸檬薏米水，感覺好健康，不過又有其他惹味的，我就揀左酸菜魚湯麵， 即叫即整嘅熱辣辣 ，番到屋企仲有熱嘅， 而且分咗湯好細心， 魚嘅份量都好多，而且煮肉好脆，應該係脆肉鯇嚟， 另外湯底又惹味又酸又辣， 對面吸曬啲湯 ，好好食，諗起都流口水呀。如果有事在附近我應該都會再上去幫襯。

收工在觀塘區工廈繼續搵食 上到六樓見到呢間秋意好特別 店鋪唔算好大 但D裝飾令人好WARM 入到黎睇返個MENU 主打豉油雞 口水雞 今日想食D刺激少少的 所以選了口水雞便當有個雪櫃可以選飲品菜單上都唔少選擇 款款都想試下返到屋企一拎個飯盒出黎已經覺得有FEEL 中菜配日式飯盒便當入面顏色豐富 有成6樣食品有至少6件口水雞 上面有D花生 溏心蛋 沙拉 青瓜 蕃茄仔 白飯+ 飯素 先講雞 非常滑 係雞脾位 點上口水雞汁食 辣辣地 好正飯的口感似係珍珠米 十分彈牙 加上有汁 雞油同飯素 好好味特別一讚溏心蛋 好入味 熟的程度剛剛好 半隻有D唔夠喉服務快手 又好食 下次會再黎幫襯另一款便堂

今日去左觀塘搵食，呢間係成業工業大廈3樓一出lift就見到，店員都好nice，希望大家可以支持下佢，因為價錢味道都好！我中午時份嗌左份便當， 呢個秋意去骨豉油雞，真係好好味，啖啖肉，去骨去得好乾淨， 雞好嫩滑又唔會鞋 ，而且份量好多， 雞都好入味，豉油雞味好重， 配埋啲蔥油好正，送飯一流，成個食晒。另跟飲品，我點左檸檬薏米水，佢話係新嘅，好飲好舒服，天氣咁熱，飲返呢d又清涼又吾太甜嘅岩晒，吾錯！下次可以嗌外賣平台仲方便！

觀塘工廈充滿美食驚喜，今日又俾我搵到一間，秋意主打中菜外賣，包括豉油雞、酸菜魚等等。餐廳有時會舉辦包場嘅活動。- 紅酒雜菜豬軟骨便當便當非常豐富，除咗主角豬軟骨之外仲有糖心蛋同沙律菜。外賣包裝亦好有心思，充滿日式風情。白飯加左飯素好味得得多，豬軟骨有好多件，口感軟稔，加上醬汁送飯一流！- 秋意去骨豉油雞豉油雞係餐廳嘅招牌菜，味道甜甜地，肉質非常嫩滑，而且去左骨，食落非常方便！最近因為疫情關係餐廳仍然暫停營業，希望餐廳快啲重新開店，我就可以日日食餐廳嘅便當！