秋田火鍋海鮮丼浜燒專門店 (已結業)

最近約了在灣仔返工朋友出來飯局，朋友推介一間新開日式定食,呢間同TST秋田同一個集團，這間走日式定食路線。價錢平均160元,稍為貴咗些小，我就叫了三文魚魚子飯定食,原來把三文魚切粹，平時吃魚生飯是－片片,魚子味道十分濃郁。又不會有太腥感覺，三文魚以切粹放在白飯，味道稍為差Ｄ ，亦吃不出三文魚應有鮮味，我覺得味道尚可，味噌湯反而幾好飲，亦不會有太咸味道，雪糕又不錯!服務亦都好好 ，環境十分舒適！地點亦方便食品味道三文魚 ，自己較喜歡一片片咁吃 ，咁切粹味道爭些小，亦吃不出三文魚鮮味魚子,味道不太腥，幾好味味噌湯,平時飲味噌湯太咸 ，反而這間的味噌湯好好飲，亦不會有太咸感覺雪糕，冇特別！服務，我覺得好好HK$160 (晚餐)4味道4環境5服務3衛生3抵食4

前排約左屋企人去香港公園影相，難得有相機跟身，就搵間靚仔少少既餐廳試下影食物相。路經灣仔，朋友話不如食丼，就上網搵下，黎到呢間秋田海鮮丼。坐底望望餐牌都幾多選擇，價錢就見人見致啦，不過食丼係咁上下。我叫左碗火炙3色丼，試完影就即刻大快朵頤，實在太肚餓。首先講下個帆立貝，好大粒，比想像中更大，以為會同餐牌有分別，點知都好大粒，又夠厚，讚！之後就試個三文魚，本人就比較喜歡無火炙啦，但都不錯。值得一題就係個吞拿魚，正到顛，火炙完之後，魚油出哂黎，好味到不得了，有機會一定要試下，返唔到轉頭。

Lunch唔知食咩，雖然QRE plaza 嘅升降機係會令人等到.今次試試低層一點嘅日本餐廳.一開始我以為佢都係淨係做鐵板燒，後尾發覺原來佢有海鮮丼同其他日式定食.朋友點左甜蝦三文魚籽馬糞海膽松葉蟹柳丼.礙於我心裏一早已經諗住食鐵板燒，我就叫左「梅」嘅鐵板燒set賣相如下：好得意嘅plating 呢～粟米係驚喜位份量一般，但係好食嘅個湯黎到嘅時候出晒煙好熱好熱炒飯充滿蒜蓉牛油味我同朋友都揀左雪糕～ 我㨂嘅綠茶味就好好味啦又一餐豐富嘅日式午餐

晚上9點來進餐 人不多 所以立刻入座 看見menu主打Sets 包括刺身井、火鍋、鐵板二人餐、蟹宴等 但我們第一次來想從小食入口、點了青蘋果蟹子沙律，刺身沙律、蟹膏豆腐（好味到不得了）、日式八爪魚燒餅、燒玉子（沒驚喜）、燒魚（太細條 也有魚骨）、綠茶曲奇雪糕等

同事生日 想食日本嘢但公司附近又貴又唔新鮮 去openrice search 一search 搵到間幾個地鐵站之隔位於灣仔商廈嘅日本餐廳 卡位相當闊落 而且有泊車優惠其實幾吸引 一人一份丼唔洗煩 有蒸蛋、沙律、漬物、味噌湯、甜品 第一份上枱竟然係銀鱈魚西京燒 我同事平時食極唔飽 所以佢好開心可以食先 之後唔飽可以食埋我地個D 有水凖的西京燒都唔方平 依個set百幾蚊有2大舊魚 肉魚滑口油滋豐富 食埋餐跟沙律都巳經太飽 食唔到其他人個D lu 第二份都係獻熟食 安格斯牛柳粒 以為牛柳粒好普通？ 上碟仲熱而牛肉juicy唔易架 食個時加少少蒜片 牛味更濃 配上新鮮蔬菜及燒青感覺冇咁膩 二份菜一碗飯一份肉 熱食D珍珠米熱到出煙 胃口細的人選依個就份量最適合啦 生嘢上場了 甜蝦三文魚籽馬糞海胆松葉蟹柳丼 大大粒三文魚子蓋晒整碗飯 有三隻大甜蝦 鮮味唔苦的海胆 不是北海道呢... 是加拿大直送 松葉蟹柳唔係cheap蟹柳 蟹膏配少少蟹肉食...無得頂 松葉蟹腳香蔥吞拿魚腩配馬糞海胆丼 個名最長價錢亦最貴 所以分量最多最高 食法亦好講究 先將鵪春蛋同蟹肉及香蔥吞拿魚腩撈勻 （天呀

估唔到係wha chai 都食到好西，環境舒適，雖然等左10分鐘先有得食，但服務攞返分 我地撰左三文籽丼$188同松葉蟹丼$178！環境good師傅good 外觀good,粒粒魚子爆炸口中，滿滿的。 一口菜滿芝麻，爽 經理送餐後雪糕，仲多1杯，可能知我唔夠... 𣾀豐卡仲有優惠

行過灣仔電腦城，又心思思要食日本野。兩星期前去完東京冇係築地食魚生丼，今次要補償返。今次試呢間灣仔秋田，睇中佢地d 海鮮丼，有松葉蟹，毛蟹，仲有我最愛拖羅。叫左一個藍鯨吞拿魚腩飯，另一半叫左款毛蟹魚子帶子傻。毛蟹制作需時，先上左我既吞拿魚腩飯，伴菜好新鮮，蒸蛋滑溜，湯非常足料。魚腩厚切，口感令人驚歎不已，一試難忘。再黎毛蟹飯，夠肉地，味道鮮甜。最令人欣賞係三文魚子係先釀製過，非常細心，有淡淡酒香味配毛蟹真係好配搭。總體係愛海鮮丼人既好去處。最後雪糕係日本品牌，曲奇味奶味香濃，豆腐味更係必食。

成日心思思掛住啲日本菜，尤其係刺身，不過又怕唔新鮮，今次又俾我搵到間好好味既丼丼！又唔貴又新鮮又多款仲好足料添！環境唔錯，係湾仔又就腳，放工去方便到呢。我同個friend order 一人一個，嘩大碗到呀，我果個係松葉蟹腳香葱呑拿魚茸馬糞海膽，蟹腳鮮味，入口溶化既海膽一試難忘！另外一個係牡丹蝦海膽三文魚籽，一向怕三文魚籽既腥味，呢度既晶瑩通秀，粒粒脹卜卜，一咬落去醬油味好香一啲都唔腥，係師傅自家制架，同啲出面果啲爭得遠！真係食多好多飯！每個set 有火龍果粟米沙律(出面好少用火龍果), 茶碗蒸同麵豉湯，仲有哈蜜瓜同雪糕，好抵食架！其實仲有好多選擇壽喜燒，shabu shabu ，下次會再黎試哂佢。

長假期的第二日，醒來見陽光普照，絕對宜出外，想起QRE Plaza 的餐廳多是間格寬敞，而且有泊車優惠，於是決定中午去那裡覓食。 QRE Plaza 與合和中心連接，為同一發展商建做，因此在商場消費皆可享合和停車場泊車優惠，星期日電子消費滿$300有兩小時，兩個人兩個丼剛好三百幾，精明消費者的選擇。題外話，留意付款一定要簽咭，現金結脹不能享用優惠，完全不明白原因何在！ QRE Plaza 內不只一家日式料理店，今日刻意揀家未去過的，其實秋田亦非完全陌生，上月才去過她位於尖沙咀的姊妹店秋田濱燒。 這家秋田主打蟹，店內設置活魚缸，生猛毛蟹正在飼養中。 店內大小擺設亦以蟹為主角，令人食指大能，怎可能擋得住誘惑，不吃一些蟹呢！ 原來除了供應日式料理外，亦有兩間鐵板燒房，客人可以隨時改變主意吃燒物。 看過餐牌，我們選了藍鮨吞拿雜錦魚生丼及松葉蟹腳香蔥吞拿腩馬糞海膽丼，兩款定食皆配備季節沙律、海鮮蒸蛋、魚香味噌湯及甜點或咖啡茶。 多一點素菜是吃得健康之法，兩款沙律分別以和麻醬及開胃酸汁調味，新鮮爽脆，完全稱職的前菜。 蒸蛋內只有一件蟹爪，材料不豐富，鮮美自然不足，幸好蛋夠滑溜。 魚

剛過去的週末是 Dayz 跟男人的結婚一年零三個月紀念日嗯～是一個蠻不錯的理由去外出用餐（笑）我們都很喜歡日本料理Dayz 一直都想去試試位於灣仔QRE Plaza 的秋田火鍋海鮮丼每一位去過的朋友都大讃食材新鮮又美味呢！秋田的環境幽靜用餐區間隔成獨立的小房間私隱度頗高呢～非常適合聊天談心喔！秋田所選用的海鮮，都是每天從日本空運到港的而其中一款主打食材就是松葉蟹所以到處都可以見到松葉蟹的裝飾呢！好可愛呢～光是 Lunch Menu 已經足以令 Dayz 的選擇困難症發作了！海鮮丼的選擇有十多款另外還有壽喜鍋、烏冬、盛盒料理、Shabu Shabu、鐵板燒、刺身及卷物等等...Dayz 點了馬糞海膽香葱吞拿魚腩三文魚籽丼而男人則點了壽喜鍋另外我們還點了一份照燒海鰻柳水菜青瓜反卷馬糞海膽香葱吞拿魚腩三文魚籽丼套餐包括了麵豉湯、茶碗蒸、醃漬物及蔬菜沙律豐富得很呢！而丼飯的份量頗大Dayz 只能擺平大半碗說微溫醋飯上鋪滿了三文魚籽、吞拿魚腩蓉及馬糞海膽醋飯的酸度拿捏得宜餘味淡淡回甘，剛好突顯新鮮食材醋飯配上橙紅色、晶瑩剔透又飽滿的三文魚籽咬下去，一陣帶有蛋香氣味的魚油隨即湧出味道非常鮮甜濃郁D

秋田火鍋海鮮丼浜燒專門店一間喺灣仔區食日本菜既食店有刺身壽司 丼飯 烏冬 燒烤 邊爐等等 好多選擇 而環境舒服 好啱 幾個朋友靜靚食飯傾計藍鮨吞拿魚雜錦魚生don 138 蚊好富豐既魚生飯set 有蒸蛋 麵豉湯 芝麻菠菜 主角魚生飯魚生飯落足料 中間一隻甜蝦 加上wasabi做裝飾 外表靚 魚生飯落足料 有吞拿魚 三文魚 蛋 青瓜 魚子 等等 全部切成大慨正方型甘 所以食落十分有口感 飯身好煙靭 連埋豉油 食更佳 而芝麻菠菜新鮮 蒸蛋好香滑 仲有冬菇喺入面 麵豉湯都好夠味 整體成個set 都好正 !熱湯牛肉蕎麥麵 88 蚊大大碗蕎麥麵 上面鋪滿大葱增加香味 而側邊既昆布好爽滑 牛肉都有好多舊 切得薄身 牛肉好juicy 同有牛肉味 而蕎麥麵 比較粗同厚身 食落十分爽口 , 而最重點係佢個湯底好正 同豉湯既味好似 同蕎麥麵十分夾加州卷 68 蚊有6.舊加州卷 都幾大舊 用沙律醬， 酸薑 同wasabi做拌碟 外表美觀。 家州卷 飯身幾軟 用 好多蟹子包住 落足料 十分爽口新鮮 帶有少少咸味 同日本飯好夾 而入面既蛋同蟹柳 切成絲 更有口感 . 好食

周五晚上，下著傾盆大雨，我和鬈毛媽逛完Sogo，每人手執幾袋，十分狼狽，於是決定提早吃飯，走到灣仔的QRE才五時多，不理了，走進「秋田火鍋海鮮丼浜燒專門店」，原來還未開門，幸好店長看見我們大袋小袋的，特地為我們開了一個房間，亮了燈，先讓我們安頓下來，真的感激萬分！ 餐廳設有廂座，能提高私隱度。 近門口處有一個蟹池，裡面的蟹都非常活潑。 蟹膏豆腐 ($38) + 醬油淮山漬 ($38) 先吃些前菜，見到剛才的蟹那麼生猛，不如就試試蟹膏豆腐吧。原本以為會是在日本豆腐上加一些蟹膏，卻沒想到原來是將蟹膏融入了豆腐！嘗一口，蟹膏味道頗濃郁，不錯，$38元不妨一試。 三文魚 ($38)厚切三文魚，魚香油香皆備，吃起來夠痛快！ 和牛串燒 ($98)牛肉很優質，肥瘦適中且有豐富肉味，火候掌握得好，牛肉外面微焦，裡面仍保鮮嫰，只用少許鹽和黑椒去調味，已經相當美味。 秋田炒飯 ($118)最後來一個填肚子的炒飯，材料很豐富：煙肉、雞蛋、蔥花、黑魚子，色彩繽紛，而且炒得香口，一人一碗，大滿足！

話說睇到飲食雜誌出左個post好似好正，計落百幾蚊落到樓，經濟又實惠，於是blue Monday 小隊又出動喇！舖頭位於灣仔中心地段既商廈，新 喜帖街隔離，路痴既我都完全無難度。上到去好有日本feel，卡位相當闊落。入正題，小隊4人一人一份set丼一齊share，每份set都配蒸蛋、沙律、漬物、味噌湯、甜品／咖啡第一份上枱，朋友A忍唔住爆左句：「嘩，個樣仲新鮮過menu張圖！」甜蝦三文魚籽馬糞海胆松葉蟹柳丼3大隻甜蝦肉爽；三文魚籽多到差不多蓋過整碗飯面，而且每粒有手指尾頭咁大，啖啖咬落去係口入邊爆到阿媽唔認得，同埋食到尾真係想講D魚籽多過飯粒囉；海胆，老老實實，未到金舌頭境界唔肯定係咪馬糞，但肯肯定定同你講佢唔腥，仲有少少海水味；松葉蟹柳，雖則話係蟹柳，咁都連返少少殼俾你睇到佢未L之前個樣既，除左鮮甜同啖啖肉，真係諗唔到用乜黎形容，最正係咩呀，師傅拆左一大堆蟹肉同埋上邊放左蟹膏呀媽咪，真係超標都要食。松葉蟹腳香蔥吞拿魚腩配馬糞海胆丼呢個丼係我地揀4個set入邊最得既一個，份量疑似都係最多，成座富士山咁高（笑）。首先師傅吩咐上菜同事要同我地講解，鵪春蛋應該點食，邊種食材應該食左先，點撈最

Lunch約朋友到灣仔見面，由於對方公司近胡忠，所以就相約試試新開的秋田火鍋海鮮丼浜燒專門店～進店內就見到個大魚池，內有新鮮活蟹在走動，而且沒有被困綁著的🙏🏻～座位非常舒適，一個個卡位設計成包廂，私隱度高，絕對是相約三五知己談天的好地方～午餐以丼飯為主，價錢不算貴，還付蒸蛋、季節沙律、味噌湯及餐飲或甜品，非常豐富藍鮨吞拿魚雜錦海鮮丼，單是賣相已經一百分，前菜青瓜非常脆口，海鮮蒸蛋也非常滑，沙律上的蔬果也十分新鮮👍🏻👍🏻海鮮丼的魚生種類非常豐富，以角切形式排放，能夠一次過品嚐多種新鮮刺身，CP值甚高～泡菜黑豚柳野菜鍋，湯底微辣而且滲滿麻油香味，惟一不足是白飯水份太多有點爛～黑豚柳跟五花腩相似，一層脂肪、一層嫩肉間著，脂肪層並不膩，而是爽口的，也配合多種蔬菜～還有彈牙的韓式粉絲，一個女仔吃光這個餐都頗為飽肚～要再讚一次蒸蛋，真的好滑且有海鮮的鮮甜味，相信加入上湯來蒸的～是日甜品有曲奇及香芋雪糕😋

同遠道而來的朋友一齊到灣仔尋美食, 我地經過QRE Plaza 地下見到海鮮丼的牌就吸引住...每張檯都有獨立私穩空間, 好適合我和我朋友一邊享受美食一邊傾計！我點左我最愛鰻魚丼. 當見到大大條鰻魚好suprise, 比想像中更大份, 大大件件而厚實的肉質, 再配上照燒汁更加美美可口而並沒有蓋鰻魚本身的味道！而前菜係材料十足的味噌湯, 柚子味果醋沙律和蒸蛋.而朋友都點海鰻柳丼配特上六點剌身壽司和天婦羅. 是日六點剌生壽司包括海鰻/吞拿魚/海膽壽司和三文魚/甜甘蝦/島池魚剌生, 同時嚐到刺身的鮮甜, 經店員介紹中得知每日的剌生壽司都不同, 十分有新鮮感. 而天婦羅有材料十足的大葉紫菜蝦卷（包括有蟹肉蟹膏蟹子冬菇絲）, 外脆內軟, 好有口感. 是日蒸物内有好厚實的獅子狗/黑薯膏/日本魚蛋. 十分豐盛.最後, 以甜品劃上句號,我哋揀左豆腐味和曲奇味雪糕. 曲奇味比較香濃可口, 豆腐味就清清地.