秋田火鍋海鮮丼浜燒專門店 (已結業)

要不是我朋友堅持要試試這裡有名澎湃的海鮮刺身飯，我這個九龍人絕少放工後還會為食過海的。這晚，我拖著疲憊的身軀，來到充滿人情味的灣仔。夜晚的灣仔，少了日間繁忙的熙來攘往；穿梭於軒尼斯道春田街皇后大道東之間，舊區的安靜豎立一幢幢商業大廈，對於近來每天在清水灣上班的我，忽爾有種莫名的熟悉感。甫走進店家，就感覺很對辦了。一個個充滿傳統日式裝潢的包廂，配上悠揚日語歌聲，猶如進行一趟小旅行。在這裡吃飯得耐心等候，因為每個丼飯都是即叫即製的。吞拿魚腩帆立貝左口魚丼 $168吞拿魚腩一向是我的最愛，但今晚我更欣賞帆立貝的調味，是酸酸甜甜的帶點青檸味，開胃惹味；另外，略為火炙了的左口魚亦不容忽視，配合煙靱彈牙的丼飯，水準一流！甜蝦三文籽馬糞海膽松葉蟹柳丼 $178朋友的甜蝦三文籽馬糞海膽松葉蟹柳丼同樣吸引，甜蝦大隻新鮮，超級彈牙；蟹柳鮮甜美味，加上清甜香濃的馬糞海膽，這個價錢這個質素這個味道，一切好得令人感動。貪心的人真有福，因為每個雜錦丼飯都有三款或以上的刺身，大大碗極為新鮮澎湃，還有幾款高質素的前菜，定能一次過滿足你我的各個要求！

今次同朋友老婆去左 灣仔QRE Plaza 食蟹丼。我本以為會好貴，因為今次係食松葉蟹。上到去裝修高檔，絕對係高級食市格調。好大個魚生吧同蟹池，居酒屋設計，可以食浜燒、鍋物御膳、同海鮮丼，種類繁多。有包廂卡位，廂房，間格私穩好，絕對係三五好友聚腳好地方。睇完餐牌所有定食價錢大約百幾至二百左右，價錢合理之餘，絕對超值！我個人點左甜蝦三文魚籽馬糞海膽松葉蟹柳丼 定食價錢只係$178。食材量十分多，絕不稀場。只睇外表光澤都好新鮮吸引。三文魚籽蟹肉各佔左丼三分一，甜蝦都有三隻，仲有隻蟹鉗添！海膽味道十分鮮甜，三文鮮籽咸味適中拼飯食，咸甜適中，基本不太加豉油便可。已拆蟹肉食得太方便，外面食過既蟹丼蟹肉份量都不會太多，仲要好貴。意道咁多份量，只係$178，好抵！定食仲有前菜沙律、海鮮蒸蛋，味噌湯，雪糕，正！我地三個叫左不同定食，大家都讚不絕口！的確十分高質抵食！

今次去到灣仔揾食，去到QRE Plaza。全橦差不多都是食市，大部分都是高檔餐廳。朋友今次帶我地去到秋田火鍋海鮮丼浜燒專門店。一入到店就見到好大個蟹池，有活蟹係裡面游水。十分生猛，令我當晚對食蟹既意慾非常高。啱啱仲遇到新鮮蟹到貨添。裝修以和式設計，高檔有格調，有卡位及廂房，私穩度幾好，座位寬敞舒適，好適合朋友食飯聚會。餐牌以相片展示為主，有中英對照。説真的價錢令我好意外。丼物一般二百蚊左右，價錢抵食。因為依家旺角區丼物都成三百蚊，地方仲要好逼好多人，又要排隊，真係令我怕怕。今次點了松葉蟹腳肉香蔥吞拿魚腩馬糞海膽丼 價錢只係$198！相當抵食！仲要係套餐，包前菜沙律、海鮮蒸蛋、漁魚味噌湯、甜品。意個丼份量十足，材料新鮮豐富，絕不手軟！拆既蟹肉相當需要用心機，鋪滿整個丼，還要有份量，加上少量青瓜增加清新口感。連蟹鉗蟹腳都拆殼，一啖就咬可以，好爽！海膽生鮮鮮甜，兩者一齊食，真係大滿足！吞拿魚腩蓉，入口即溶，肥美！連海鮮蒸蛋裡面都有蟹肉嫁^_^甜點就係雪糕^_^整體來說，地方大，裝修靚，私穩度好，食肉質數高，價錢抵食，絕對值得再去！

今日同女友黎左秋田食丼，不用等就有位了進去既環境不錯，地方很清潔，感覺很高尚我揀左吞拿魚腩丼，而女友揀左海膽三文魚丼。首先講下吞拿魚腩丼，吞拿魚腩色澤鮮明，入口即溶，又新鮮，簡直係至高既享受而海膽三文魚子丼，海膽新鮮，完全冇腥味，三文魚子粒粒飽滿，充滿魚油鮮香，再配合醋飯真係天衣無縫酸菜令人醒胃，食慾大增，沙律蔬菜爽甜，很新鮮麵鼓湯夠熱，鹹度適中，燉蛋蛋味夠同滑，味道唔錯甜品方面，揀左綠茶同朱古力味，綠茶奶味夠，很香綠茶味，朱古力濃度夠，仲有碎朱古力䱤，絕對不是平價貨色今次2個人加埋都係食左4百幾，就有高級既味覺感受，絕對值得加上唔洗等位，浪費時間，所以唔出名唔一定唔好，我會再黎惠顧

今日呢個丼好正，黎到以為佢細細碗，原來食完好飽，仲要食唔曬啲飯！ 個餐有茶碗蒸、沙律、前菜、麵豉湯。值得一提，麵豉湯加左蟹肉㗎刺身飯 ~ 三文魚籽好新鮮、海膽好鮮甜、松葉蟹好正、加埋刺身蝦！真係好滿足！ 提一提！每食完一款刺身飯之後，要食一邊疆先好食第二款刺身， 咁樣先唔會將唔同刺身嘅味道混合一齊！食飽仲要送個 雪糕，食日本菜一定要食綠茶雪糕。 唔食雪糕嘅朋友可以飲咖啡或茶。整體嚟講呢個餐幾值得食嘅，刺身一啲都唔欺場， 後尾發現係每日北海道直送架喎。 呢度地方都好唔錯㗎，間格都幾好， 仲有卡位， 冇咁open方便傾計

今日最 frd 既同事 last day，last day 果餐梗係要食好d慶祝啦~所以就黎到灣仔QRE Plaza 10樓食餐好，佢最中意食日本野，所以就帶佢黎到秋田和風蟹宴鍋物料理～一坐低睇下個 menu 先，以灣仔區黎講，佢地既日本魚生丼套餐價錢都好合理～套餐有：麵豉湯、蒸蛋、沙律、豆腐、餐茶及雪糕，講真我唔覺得貴既！ 我就叫左個海膽、三文魚子、吞拿魚蓉丼 ♥賣相極之吸引，三文魚子粒粒都晶瑩剔透，吞拿魚份量勁多，海膽又新鮮！一路食，一路都覺得有滿瀉既感覺～ 真心唔錯，值得推介 =] 而朋友就叫左個松葉蟹鮮魚湯稻庭烏冬～松葉蟹勁大隻，而且蟹肉亦好多；朋友話個魚湯都好鮮甜，唔覺有味精！而稻庭烏冬更加係爽滑、彈口，10分滿分有 9 分，對佢有好高既評價 =] 最後一人一杯餐茶，點左熱檸水同咖啡～ 臨尾仲有濃濃既綠茶雪糕，好滿足！Overall 大家都好滿意，服務又好，不停會加熱茶，仲主動問幾時要甜品～

今天天下著雨，仍然無損我的好心情決定來個日式料理丼的一人前特盛午餐，之後再繼續工作吧我的心頭嗜～甜蝦三文鮨馬糞海膽松葉蟹柳丼$178一個人也可以陶醉懷內漁香味増湯～魚湯非常濃郁，有海帶、蔥花、豆腐更添一份和風味道和風沙拉～新鮮爽甜，清新美味海鮮蒸蛋～嫰滑鮮味，內𥚃有大大隻蝦肉更鮮甜滋味主角要來了～急不及待第一口當然是馬糞海膽啦，鮮甜美味，配合即製山葵更和味三文魚子粒粒爆油，入口即溶，充斥滿口油份更深得我心松葉蟹腳切得非常幼細，非常有口感，更加入新鮮蟹膏，又令人回味三分甜蝦有4隻，爽口彈牙又鮮甜還有薑片作伴菜雖然只是一人前，但份量真的可以兩人share曰式抹茶雪糕～又是出色佳作，茶味濃，幼滑smooth 最後來個即磨咖啡～香濃醇厚的咖啡也可以在日式和風料理中找到，我又豈能不推介大家呢在灣仔的人來人往的商業大廈中，竟然讓我發現這和風美味料理，偶爾放縱一下，獎勵一下自己、每天辛勞急速的工作，真的是忙𥚃偷閒，我已經深深愛上《秋田》

因為工作關係要黎灣仔開會，開完會都成12點，所以諗住同同事食埋飯先返公司。可能因為時間尚早，好多人都未放lunch，所以都唔洗點等位。餐廳既佈置非常得意，好有日式風情，座位亦都好高私隱度，見客或者同情人相聚就最好不過。lunch set 唔算平，我地揀左泡菜豚肉鍋同吞拿魚雜錦魚生丼，餐牌設計都幾精緻。泡菜豚肉鍋：豚肉同蔬菜吸晒泡菜濃湯既精華後，真係格外好味，除左呢個鍋之外，個餐仲有白飯、味噌湯、沙律、蒸蛋同甜品。味噌湯落足料，有好多日式豆腐同昆布。落左柚子汁既沙律亦令我地食到好開胃。蒸蛋非常滑，仲落左好多日式魚蛋，非常滿足。吞拿魚雜錦魚生丼：一上檯就已經覺得佢好吸引，顏色鮮豔，有各式各樣既魚生，有蝦、蛋、吞拿魚、三文魚同青瓜，樣樣都好新鮮，飯方面係日本飯再加醋，整體配搭非常好。甜品方面，係雪糕黎既，有朱古力味同綠茶味揀，以我估計應該係維記。雖然百幾蚊食個飯有d貴，但係有好野食環境又好，間唔中食下都幾好呀。

秋田在灣仔 QRE 擁有兩間日本料理，一間主打鐵板燒 (相關食評：性價比合理)，另一間主打海鮮丼。是日造訪後者，驚覺網上連一篇食評也沒有，才知悉餐廳剛剛易名再業。 相比同座八樓的鐵板燒店，此店格局上擺位較密。近入口處的右則，放置了一活蟹池，隱若可見一眾活蟹𣈱泳。餐廳以海鮮丼作主打，順理成章設有敞闊的刺身壽司吧，只可惜凍櫃陳設的刺身不多，未能從中選定時令佳品。近入口處的左邊，則設有一間鐵板燒房，可限量供應鐵板燒美食。 午市供應的丼物款式為數不少，生熟食物選擇皆有。平日餐牌上的菜式相片多數優於實物，這次是少數出現實物比相片吸引的情況。 筆者要了一客「櫻」盛合料理，內含季節沙律、海鮮蒸蛋、魚香味噌湯、特上六點刺身壽司、是日煮物、蟹味噌虎蝦燒、馬糞海膽三文魚籽丼、甜品或咖啡，份量相當豐盛！ 正式起動前先吃兩口漬物小品，漬蘿蔔恰如其份帶來一刻爽脆，牛蒡則從旁助威，以惹味芝麻作支援。季節沙律是清新開胃的冷盤，製作平實，最喜愛當中的新鮮粟米，為沙律帶來一份少有的自然甜香。 海鮮蒸蛋是日式定食常見的一員，一客蒸蛋首重香滑，這碗作品只能拿取合格分數。魚香味噌湯味道濃淡適中，喜愛投入大量海帶於其中。 特

太耐無食海鮮，一食就要食重量級海鮮！！要知道灣仔其實有好多好野食，不過要識搵，今次就搵到呢間-秋田火鍋海鮮丼專門店。秋田火鍋海漁丼專門店位於灣仔皇后大道東202號QRE Plaza 10樓，於港鐵灣仔站 B2 出口一路直行至QRE PLAZA甫進店內，除左漁鮮吧台外，坐位多是卡位，以屏風作間隔。點了二人前秋田料理長案內鍋物語(每位388)原本我地點了扎幌直送時令原隻活毛蟹泡飯配純米牛乳蛋白湯底，不過因為佢哋唔夠毛蟹，所以另外畀我哋另外配原隻伊勢龍蝦，一次過食曬兩種 ！純米牛乳蛋白湯底，一開始拎嚟嗰陣時面頭有一層蛋白面，然後當佢滾熟嘅時候會慢慢漲大變成一個雪山咁！不過其實湯底並冇咩味道，只有淡淡的豆味。湯底滾起，自然就要落鍋物啦 ！首先，精選5款鮮漁市場及空降漁鮮， 由廚師親自挑選，到上枱嗰一刻先知道有乜嘢漁鮮！第一盆：3款不同蜆類：鑽石蜆體績較細且表面較光滑，不過可能就係因為較細，味道亦較鮮味。右邊的為刀背蜆，肉質飽滿，好 juicy。左上角為馬背蜆，可能因為吐沙時間唔夠，所以食落口時有沙……第二盆：海蝦及右口魚，海蝦肉質彈牙飽滿，真係見佢變色就可以拎返上嚟食啦！如果唔係佢啲蝦膏會爆出

接近下班時接到媽媽的電話，她說她在灣仔逛街中，讓我下班後找她一起吃晚飯。經過“囍帖街”，在附近覓食，突然就在QRE Plaza外發現了這個大牌 -丼上滿滿的刺身，色彩繽紛，還是北海道每天直送，自然就吸引了我們的目光，腳也自動走到此店。店內非常高級的感覺。因為我們較早來到有廂座可坐，完全是貴賓式享受！那些蟹殼好大啊~這樣豪華的裝飾品真是一絕。本來想叫兩個海鮮丼，但媽媽說吃太多生冷東西不好，最後決定叫一個海鮮丼，一個鍋和一條串燒~串燒先上桌~此牛肩肉是來自鹿兒島的和牛，配上炸蒜片增進味道，還有檸檬汁和沙律菜來中和濃濃的味道。不過我都沒怎樣用就是了~牛肉就這樣吃就好啊！牛肩肉烤得剛好，沒有全熟，肉汁都鎖在裡面，咬下非常juicy，入口溶化，是鮮甜的牛肉味，搭著點雪花，牛脂香滿溢。很喜歡整個口都是牛肉味的感覺！享用完牛肩肉再待一陣子就到海鮮丼上桌，嘩！這刺身的份量不是蓋的，堆得如山一樣高，看著超興奮甜蝦，三文魚籽，馬糞海膽和松葉蟹柳，最想吃的都齊了，份量真的很多！還未興奮完，壽喜鍋都來了！牛肉大片大片的給你，不是坊間那些肥膏比牛肉多的肥牛，而是真的牛肉，138元這平民價錢，店家卻毫不手軟！享用