穴 (奧海城2期)

营业中

休息中

Great food, well presented and modern decor. Good sized and clean for kids. Has cooked and non cooked food variety. Mini rice sets gets to sample several elements of their menu and enough to fill up the stomach. Soft shell crab and avocado sushi roll was very well constructed. Drinks half price before 5pm.

圖1是餐牌，圖2為實物。不無須多作說明，自己👀咯。此店從開業就有去，因食物素質江河日下。後來去得就少了，實在因為週末別家店排長龍，這家還有位置就過去。點單時第一個姊姊態度好差，讓我等就不再理會，只好再叫別人幫忙。後等約20分鐘開始上菜，結果造成如上喜劇效果。還以為自己眼拙或是上錯檯。十分驚訝這樣的商家還會有諸多好評，之前點過別的菜也未覺得評價有留言中所描述那樣出色，加上這次前所未見之體驗，其實懷疑這家店評分高是有水軍呢。

食材新鮮 服務好 幾好食既一間日本餐廳先黎一個即日魚生拼 服務員一一介紹各種魚 因為魚係岩岩空運到港 新鮮切 所以魚身光澤 同埋好有魚味 好食 特別鍾意深海池魚 好食！再有卷物同壽司 牛油果卷好食 好滑 燒左口魚邊 好肥 有魚油 但我覺得可以燒耐d 魚油再爆多d先好食燒三文魚壽司 正常水準串燒 牛舌 極推介！！ 好好食 燒完要即刻食 耐左會變得唔好食 雞皮麻麻 燒得太耐曼魚都好食 幾大舊蟹蓋蟹子飯 好食！ 唔錯既選擇 但有d細 唔夠喉Overall 都係一間唔錯既日本餐廳 都係一個幾好既選擇服務態度都好好！

三文魚芝士青瓜卷：用的三文魚剛好有筋的部位，吃起來口感不好，筋在魚肉中間，很難咬龍蝦青瓜沙律：很小一份，累死元氣壽司青瓜沙律的份量，味道尚可牛肉烏冬：烏冬有勁道又滑溜溜，不會太韌，牛肉不錯軟心芝士蟹肉餅：外酥裡嫩，炸得剛剛好，裡面的芝士像心太軟一樣，快要流出來。

日本丼在香港㷫烚烚，其實食個靚嘅魚生飯，好好食一餐，心情自然變好。今次我都趁熱鬧，整返個丼食。 識食一定食午餐，比晚市平一大截。套餐有蔬菜沙律及味噌湯。沙律賣相有些求其，有柚子汁做 dressing，味道還不錯。 「北海道刺身飯」$168 魚生飯有海膽、三文魚籽、厚帶子、雪場蟹肉、三文魚五大組合，全部都新鮮，每樣都獨當一面。特別一提，帶子用火輕炙過表面，香氣和鮮味都提升了。海膽略嫌不夠甜，再甜啲就 perfect。 「豚肉生薑燒」$98 煮起熱辣辣上枱。洋蔥開胃，薑汁微辛，惹味，送飯菜也。薑汁可以抗氧化、降血壓和膽固醇，冬天吃又能驅寒，難怪能成為日本人氣料理。

【穴】 是一間我一直很想去食的餐廳，因為一位居住大角咀的朋友經常去食，每次他放上facebook的相都令我食指大動，除咗有我最喜愛的新鮮刺身、亦有日式串燒及炸物，這裡有高雅時尚的日本餐廳佈局，餐廳裝潢以木系傢俱為主調，正中位置設有頗大及開揚的壽司吧枱及廚房，餐枱之間的距離不太近，早點打來book的話還可以坐側邊有屏風的座位添，在燈光柔和下舒適的用餐，更適合情侶及好友談天說地呢 餐廳環境 Food章紅魚薄切柚子酢沙律 $88章紅魚普遍味道清淡一點，魚味不濃，以柚子酢作醬汁，口感清新酸香的同時又能提升魚生片的鮮味，吃的是一份爽脆口感，而這幾片章紅魚刺身肉質明顯比較綿滑，好鮮味喔山芋海膽溫泉蛋 $88山芋泥清淡得怡正好襯托濃香的海膽，營養豐富的山芋和滑溜的流心溫泉蛋，啖啖都是美顏的滋養的佳品呢我先將溫泉蛋弄散，再將一小羹的山芋海膽混和流心的蛋黃同吃，味道出奇地夾，那份鮮甜的感覺保證令味蕾繞樑三日燒鵝肝壽司 $98(1件)鵝肝雙面微煎，讓鵝肝油的香味跑出來，但又可以把嫩度和甜度封在中間，第一口咬下部分鵝肝與米飯，在嘴中交融它們的濃郁；第二

本人都算經常過來奧海城食嘢，呢間野開左應該有兩年，每次經過都想試吓，今晚終於來試吓了由於本人很鍾意食海膽，黎食日本野就一定會試吓了，海膽唔錯好新鮮好好味🤤🤤，再嚟叫咗個刺身拼盤，刺身都ok，都算新鮮，由於朋友唔食牛，叫唔到成碟和牛粒，所以只好叫了串燒和牛，都幾好味，但係本人覺得貴😅再黎又點左個長腳蟹，蟹算新鮮，因為係燒嘅，所以味道都不過不失，始終係新鮮，但講唔出係特別好味朋友鍾意食魚，所以叫做呢個，雖然本人都鍾意食魚，但我覺得呢個一般般總體來講，嘢食OK ,但是價錢偏貴

平時到日本餐廳吃飯，都會有一種感覺："大件夾抵食"與日本餐廳是兩個世界的人，不過我找到了例外。最近來到奧海城一間日本餐廳吃晚飯，內裡的感覺舒服又不失日式風味，感覺似高級的日本料理。餐牌有各種不同的日式食物，刺身，壽司，天婦羅，串燒，茶漬飯等好多選擇。章紅魚薄切黑松露帶子 $128頗有新鮮感的刺身沙律，章紅魚薄切，帶子，甜蝦再加上黑松露，旁邊伴有沙律菜，整個賣相也很吸引。黑松露本是味濃，但適宜的黑松露就不會蓋過刺身沙律清新的味道。什錦魚生沙律 $88發現這裡的沙律全都是"落足料"，絕不吝嗇。這個什錦魚生沙律不會以多菜去營造豐富的感覺，而是有大量的雜錦魚生，再配上酸醋，令整個沙律十分開胃，同時又變得抵食。牛油果軟殻蟹卷 $78這裡的卷物非常抵食。價錢不高，但非常大件，要一口吃一卷幾乎不可能。卷物上有一大片牛油果和蟹子，單是賣相已夠吸引，中間還有的軟殼蟹。入口是清新的牛油果中，有脆口的軟殼蟹。而兩個人吃完這個都會有一定的飽肚感。薯絲蝦佐蛋黃他他醬 $48以薯絲包住蝦再炸，配上蛋黃他他醬，好有新鮮感。吃過薯絲的脆口，之後到爽口的蝦身，再沾沾蛋黃他他醬消減熱氣的感覺，整個都十分吸引。三文魚泡飯

這次覓食來到了奧海城！來過這的次數不多於一隻手，當然要事先調查有甚麼好吃的啦！於是找到了穴。雜錦魚生沙律上桌時嚇了一跳，沒想到這麼大一碟，魚生份量毫不客氣，蔬菜新鮮又爽脆，魚生又肥又鮮味。章紅魚薄切黑松露帶子,簡直是奢華的配搭,帶子加上甜蝦和章紅魚已經是鮮甜無比,帶子和甜蝦都是我的最愛,加上黑松露後香氣爆燈,作為後味一直在口中不散。鰻魚壽司和香蔥吞拿魚腩,鰻魚入口即化,吞拿魚腩不會太油,甘甜中帶香蔥的清新,好好味。有綠茶鹽,岩鹽和柚子鹽,可因個人喜好去點串燒鵝肝釀雞翼太正,無骨之餘,一咬下除了肉便是鵝肝,雞翼吸引了他的香氣,吃下滿口油香,外皮又燒得夠香。明太子茶漬飯和立魚茶漬飯,真的是茶配飯哦,非常解膩,明太子有少許辣,但咸鮮味和茶很匹配,而立魚比較溫和,入口即化。飲品我選了葡萄梳打,葡萄味濃郁,喝完不會口乾。甜品點了蘋果雪芭,感覺真是在吃蘋果,味道不會假,很清甜。而花生醬燒年糕有點像夾餅,但煙煙韌韌,很特別

日本餐係香港可以話好豐儉由人，平有平食，貴有貴食。 今日朋友生日，決定食好d!店內好寬敞，一d 都唔迫，感覺好舒服可以坐好耐，傾密計都唔怕隔離枱聽到,一入去就見到個日式開放式廚房，好多師傅認真甘做野，非常吸引好鐘意佢地個筷子托，簡單得黎幾特別立即點餐，飲品好快到抹茶芝麻期間限定既飲品，係朋友點既，佢話好香芝麻+抹茶味。一向知道抹茶同紅豆係朋友，估唔到同芝麻都可以甘fd我試左一啖果然ok, 唔太甜。蜜桃梳打好香好濃桃既味道，好似成日桃渣汁飲甘。最怕會好淡，淡到比梳打水味蓋晒，但呢杯飲品絕對桃味好重，抵讚！前菜章紅魚薄切黑松露帶子一黎到時係估唔到前菜都甘大碟！仲配埋沙律！上枱時已經聞到好香既黑松露味。刺身好新鮮，除左章紅魚同帶子外，仲有甜蝦。 呢個前菜刺生無需點wasabi, 因為連埋食黑松露食已經好香好夠，配埋沙律食好refreshing!什錦魚生沙律同樣都係好大碟，什錦魚生主要得三文魚，但仍然好新鮮，我仲食到三文魚腩，好fatty 好滿足！兩道菜既沙律配上日式柚子醬，好開胃！芝士青瓜三文魚卷其實我好怕食一舊青瓜因為好腥但呢度整法係張青瓜切絲，放落口唔會比一整舊青瓜呢個口感嚇親，令到有青

因為媽媽生日，想嘗試新的日式料理，在OpenRice 看到這家評論不錯，感覺比較新潮的日式料理，份量和價錢都尚算能接受，結果滿心期待的換來了大失所望😓首先價錢貴到離譜，只看這58蚊的鰻魚卷物就可知道有多離譜，端出來的時候我們都嚇到，比普通鰻魚卷物它小一半有多，還有298的刺身，除了2片三文魚厚身少少，其餘都薄到食左都唔知食緊咩🙁牛油果軟殼蟹卷物78，算是中規中矩，最後128的和牛炒飯，和牛粒真係粒粒可數，份量也是少的可憐，最後四個人決定吃完去吃麥當勞，就沒再點了，最後說一說服務，那麼大的餐廳，就2,3個侍應左右，每叫一樣嘢，都要等等等等等吃了一千塊感覺沒有吃過東西🙄🙄

同朋友慶祝生日，壽星女想食日本菜，我就預定咗呢間，鍾意佢裝修幾時尚有型，空間感算高，某D位置仲有大屏風同隔離枱分間開，同閏蜜傾計一流！壽星女揀咗刺身拼盤，我之前食過，所以今次就揀咗刺身飯壽星女非常滿意，每樣刺身都非常新鮮海膽——鮮甜美味，又夠香左口魚——佢話入口即溶喎，我都記得係帶子——好似有少少檸汁帶起本身嘅鮮味，食落零雪味三文魚——脂肪均勻，厚切甜蝦——蝦頭入邊係有蝦膏架吞拿魚——零腥味，又好香仲有剩低嗰幾款，佢已經食到忘形，總之就好味喎一分錢一分貨，我個刺身飯就梗係冇刺身拼盤咁美味，不過每樣食材都依然新鮮，有水準。食物質素有水準，但係服務態度就一般般。餐廳叫「穴」，我哋就入咗個洞穴？當你每次有需要叫侍應，侍應都好似匿埋左係洞穴咁，叫極都無人應。眼見侍應嘅數目又唔係少，真係有點奇怪！

同肥髀去睇openrice送嘅免費戲，開場前去食飯先，搵咗呢間食評唔錯嘅日本菜，無訂位去到可以入座，裝修幾特色，金色洞洞圍板，唔會壓迫感又可以避免比行商場嘅人望住食，店內黑色主調，有格調！比咗張二人枱，比較細！食物種類多，有啲食材未試過！枝豆（$38）熱食，灑上海鹽，微鹹吊出枝豆豆味！比埋碗仔裝豆殻！海葡萄海草沙律（$68）在日本菜介紹見過，想試海葡萄好耐，味道其實都係海草味，醬汁味道微酸清爽，加啲扁身海草及火箭菜，好香好味！三文魚手卷（$38）肥髀食蔥吞拿魚腩手卷（$68）紫菜脆口，唔會好大卷，吞拿魚蓉打得滑，幾肥美，蔥唔多，唔夠香！整體好味牛脷鹽燒串（$58）一串三塊，彈牙厚肉肥美，加少許鹽鹹香，好好味北海道津別牛乳蟹肉薯餅（$48/2件）呢個比較失望，脆皮殻裝住啲蟹肉忌廉，酸酸地，無牛乳味，無薯餅飽滿嘅口感，我同肥髀都覺得一般梅子冷麵（$58）粉紅色第一次食，麵滑身，微微梅子酸味！沾汁比埋鵪春蛋，增加了蛋香，加啲芝麻青蔥好香，醬汁微甜，好味火炙左口魚群邊壽司（$48）光燒到出晒油，魚肉嫩滑！好味蟹籽壽司（$38）蟹籽卜卜脆，紫菜爽脆，好味！因為趕入場，應承肥髀睇完戲同佢來番呢度買

食物只有刺身比較好味，其他都一般，其實直頭難食個粥竟然可以吾熱... 服務態度亦吾得，完全冇心做，又漏單，又木無表情，未講完野已經走左去，糸2個男侍應比較有禮貌千幾元又受氣又食物中等，冇下次

呢度嘅魚生飯一向有水準！無論是北海道魚生飯還是雜錦魚生飯。佢嘅牡丹蝦好大隻，蝦頭超新鮮，識食梗係食呢啲。不過其他小食CP值不算高，一串秋葵或一串蘆筍賣成20幾蚊，味道還算可以，不過價錢實在偏貴。