築地GINDACO (裝修中)

每次去開太古城Apita買野都心癢癢想食築地GINDACO的玉子章魚燒，這間店舖在太古城的Apita已屹立多年。築地GINDACO是由日本過到黎香港，在東京的原宿街頭都有食過，而香港分店味道依然同日本店舖的保持同一水準。玉子章魚燒($44)，多了一球玉子沙律作為點綴，比普通的章魚燒只是貴$2，好值得加埋玉子。這小食店常常都好多人前來光顧，睇住師傅們即叫即燒，保證可以食到新鮮熱辣辣的章魚燒。$40的SIZE有八粒，粒粒都燒到金黃色、脹卜卜，內脆外軟，加上了蛋黃醬、燒汁、紫菜碎、木魚碎，味道已經很好食了。另外，加上了玉子更加昇華至另一種層次，真的太美味了!

今日去咗睇戲， 睇完戲之前就去咗隔離嘅food court度食嘢，好多嘢食，四周圍都係，最後揀咗呢 八爪魚丸呢間， 始終小食比較方便， 唔使咁趕， 喺counter買咗張飛， 在等叫號碼， 可能因為星期日，周圍都人頭湧湧， 好不容易先搵到位置坐喺food court堂食。呢個墨魚丸沙律醬同埋紫菜粉，柴魚碎好足料， 賣相好吸引，外面係一層金黃色嘅皮同普通一般墨魚丸最大唔同嘅係1, 皮好脆 2. 材料不多，性價比唔高, 不過真係好食張相你哋可以睇下 入最主要係麵粉同埋八爪魚 3. 魚丸中間少少空氣.搶咗主角角色.. (可能，租太貴啦),4. 冇咩生菜係入面22蚊4粒42蚊8粒雖然只係堂食，不過店舖用咗一個唔係好環保嘅方法，做咗一隻紙船，用完即棄，如果可以更加環保 就好啦

我跟我的朋友都好鍾意食章魚丸，一個月之前去日本旅行都有食。不過章魚丸其實都好多間，好怕中伏，之前日本就中過一次伏，食左一間居酒屋既章魚丸，超級難食，結果好彩係日本都搵到依間章魚丸食補反數。 反到黎香港一個月，行過太古等睇戲前又有小小肚餓，就搵反依間章魚丸食。 雖然佢有4粒同8粒揀，但係我都係會揀8粒，因為4粒真係唔夠喉。 以海外分店黎講，好難得可以keep到水準，皮脆內軟。更加抵讚既係，係日本既蛋黃醬唔係任加，係一包比你自己落，所以唔係好夠蛋黃醬。而係香港佢就會幫你放埋蛋黃醬，所以醬就多D。 所以話，我食章魚丸都係只係會食依間我心目中既正宗章魚丸店。

黎到太古城中心所以食物都愈來愈貴唯一抗通脹既就係呢度既餃子15蚊5隻但你要等起碼10分鐘先有雖然我係堂食但佢俾埋外賣個膠盒我。。我覺得有d浪費。。 食餃子用竹籤係好奇怪。。 味道: 中上。。 有椰菜呀豬肉咁。。都唔錯。。煎得唔會太乾太焦。。 下次都會再食

太古城雖然有好多餐廳，但一般都比較貴！識搵平野食一定要走入黎apita既food court搵食，呢到既foodcourt餐廳全部都唔貴人均大概都係50-60蚊。而且餐廳水準都唔差，可以一試！今次就試左呢間食章魚小丸子同埋炒麵既餐廳。$48蚊 4粒章魚小丸子+豬肉炒麵+野飲呢個餐好抵啊，可以一次過滿足，食曬餐廳既兩樣野。章魚小丸子都幾大粒，而且個皮仲係脆脆地，外脆內軟，加埋沙律醬同小丸子汁，正！豬肉炒麵呢個就比較差d喇！雖然豬肉好多，但係食落好鞋，而且炒麵好乾，調味略為不足！而且面既份量唔算好多。野飲我叫左抹茶牛奶，大家可以唔洗試，因為係超淡味！好似係溝左好多好多水咁。

#向阳从厦门吃到全世界##香港美食##築地GINDACO#📍太古太古城道18號太古城中心二期地庫Apita那天吃完華記士多後，去了太古城的誠品，逛著逛著又去找吃的啦哈哈哈Food Court里有超多吃的，一下就被這家章魚燒店吸走啦主打空氣章魚燒，有兩款可選，可以看到店員都是點後現做噠點完餐就可以在旁等待熱騰騰的章魚燒，看著一粒一粒章魚燒烤到金黃酥脆的顏色，光是外皮顏色就已經夠引人流口水了〈原味章魚燒〉用小木船裝著超可愛原味章魚燒上澆有木魚絲，蛋黃醬，照燒汁，紫菜碎剛燒起的章魚燒是金黃色的，脆脆的，一口咬下去， 和醬汁融合後真的太好味啦每一粒章魚燒內都有章魚肉, 被軟綿綿的內陷裹著，口感很有層次澆的醬汁不會太鹹，也不會蓋過章魚燒的原味。單單配著蛋黃醬、木魚絲和紫菜碎就很贊啦。〈玉子章魚燒〉與原味不同的便是會在上面蓋一坨玉子沙拉，搭配著章魚燒口感真有在不同章魚燒粉漿調和得宜, 吃起來是不會有粉感的。雖然說單是原味就很贊，但玉子沙拉是可以帶來不同體驗和提升口感的章魚燒可是要趁熱吃哦！雖然剛坐下就拍拍拍，被隔壁大叔看到後直誇比實物看起來更好吃，心情無敵好，吃起來就更美滋滋啦。因為是叫空氣章魚燒

剛剛飛左轉日本，係日本試完地道章魚燒回來，以為日本既好好食？錯啦！原來香港太古呢間仲好食！！位於太古地庫Apita的food court原來隱藏左間好好食既章魚燒店。呢間章魚燒係就係無日本果D咁多選擇，得原味同玉子既兩種味道揀，但佢可勝之處係火候夠，佢呢度個爐夠晒 "爐氣"，燒出黎既章魚燒粒粒都外脆內軟，相比起我係日本食過既同一品牌既章魚燒就反而外皮無呢度咁脆添~  我先後分別不同日子，試左兩次，原味同玉子兩種都同樣十分好味

去完超市入貨，就梗係順便食埋個下午茶。依間築地銀章魚燒不論喺日本定香港都係是知名的章魚燒連鎖店。每次經過都聞到好香好香的烤章魚燒味。點完餐就可以在旁等待熱騰騰的章魚燒 。睇住一粒一粒章魚燒烤到金黃酥脆的顏色，光是外皮顏色就已經夠引人流口水了。登登登登～ 脆皮章魚燒趕緊趁熱食喔！剛燒起的章魚燒烤到金黃色的，一口咬下去， 連沾咗醬汁嘅外皮都係脆口。每一粒章魚丸內都有一粒章魚肉, 被軟綿綿嘅粉漿包圍住，食落很有層次。表面的醬汁唔會太鹹，份量適中，唔會搶咗章魚燒的原味。配埋沙律醬、紫菜粉和柴魚碎更加滋味 。一啖接一啖真係會食上癮。 

我和朋友都不算是太肚餓，但我又好想食日本菜。在食不下一個完整晚餐的情況下，我叫了份8粒玉子醬章魚燒。 明明已經是晚上八點幾，但food court 的人仍然多到好似打扙咁。等食物不是太耐，但搵位耐。原來4粒和8粒都只有一球玉子🤔玉子蛋黃醬味道是不錯的，甜甜的蛋黃香。一球略嫌不夠。這章魚燒在香港來說已經算是高水準。八爪魚真材實料。外殻超脆，漿的味道恰到好處。由於即場整，內涵熱到要放一會兒才放到入口。不過最不滿意是涵太少了！！沒有飽腹的滿足感。

今日飽飽濟濟,唔想食晏就, 就買左個章魚燒嚟食......築地章魚燒一向都好味, 外脆內熱, 比起旺角街邊檔果D質素高粉漿調和得宜, 唔會食到成口粉味...有一粒仔章魚係入面, 煙𩉛有咬口加埋照燒醬, 味道同日本食果D一樣好味叫左玉子味GE, 上面PAT玉子醬(碎蛋)凍GE, 不過都冇損口感其實唔使加錢要玉子都得, 不過淨照燒醬感覺有點"漏", 玉子可以中和下價錢就一般, 唔係平, 但味道好所以都值得幫襯

話說本人係關西食物愛好者，無論大阪燒定章魚燒都十分喜愛，淨係香港來講，呢間算做得唔錯，但$42蚊8粒，相比其他廿零蚊黎講，價錢方面自己衡量下，好食既，但性價比唔高。賣相十分good, 以小木船裝住，檔次立即提升唔少。呢個原味，木魚絲，蛋黃醬，燒汁，紫菜碎。大大粒，橫睇棟睇都咁靚仔，可惜冇拍片，上面既木魚絲仲郁郁下，好有動感。外皮夠脆唔會燶，內部夠滑，似足日本的口味，只是大粒就大粒，一咬開好似打開利是薯片咁，空氣多過乜，空氣佔既比例幾多下。佢粒"靈魂"章魚唔算大，以香港呢d成本效益既搵錢公司黎講，不過不失啦。整體黎講，好食，口味較貼近日本，外脆內滑，惟內部較空，價錢偏高。

早排聽朋友講原來太古城仲有築地Gindaco，平日如果唔係朋友約都唔會主動過海，今日穿州過省就係要食到大粒脆皮章魚燒舖頭係food court裡面，落單後到收銀處排隊俾錢，到達時已經整緊，所以等既時間都唔算好耐。粉醬夠滑加上適量椰菜同紅薑，食落就冇咁油膩，脆皮效果一定要用時間同大量油份去慢煎，熱辣辣章魚燒塗上醬燒汁，吱上大量蛋黃醬，灑上紫菜及木魚碎，眼前久違既美食，同8年前旺角山東街店食到既就係同一味道，應該慶幸要過海先食到，如果唔係以6粒就等於四碗白飯既熱量，我好快就可以有倍數增長既體重!

好久沒來太古城了，行到累想坐低休息食下野，就來到位於太古城中心Apita地庫的築地GINDACO食八爪魚丸。食過唔少上過雜誌推介的八爪魚丸店，無一間及得上佢。要了8粒原味，先落單後到收銀處付款，八爪魚丸剛好製作中，剛剛燒好的八爪魚丸真是極品! 不過要小心熱喔~

由以前通街都有得食既章魚丸到而家真係唔係好多度有得食，每次嚟太古城都必嚟呢度食，由以前旺角到而家都好鍾意食，就算去日本都要會一會佢😆今日同朋友一齊嚟搵，先係舖頭落order再去收銀處俾錢，等叫號碼，大約10分鐘有得拎！我地每人叫咗八粒原味，熱辣辣即整，仲叫咗師傅多沙律醬！木魚係章魚丸面郁嚟郁去，急不及待咬落去，外脆內軟，仲有章魚🐙粒係入面，好味道筆墨難以形容！yummy 😋超值得推介大家嚟食👍🏻

日船我就未食過，唔知呢兩間個味差幾遠；日本章魚燒我就食得多啦。呢間既章魚燒完完全全係日本嗰隻味。有時掛住日本，黎呢到食返個たこ焼き懷念下啦！呢到除左原味章魚燒，仲有玉子章魚燒，大阪燒等。今次我就叫左四粒原味章魚燒，加8蚊仲有抺茶牛奶飲。因為有啲飽，所以我就淨係嗌左四粒章魚燒🐙等左五分鐘就有得食啦。見住職員整完之後搽醬唧沙律醬同落柴魚，新鮮滾熱辣！食落完全冇失望，外脆內軟，每粒入面都有一舊章魚仔。所有醬都不嫌少，絕對夠你食晒四粒！個口好似返左日本咁，好好食呀！下次就想試埋大阪燒同抺茶牛奶😋