築間酸菜魚

原來銅鑼灣一期啲鋪頭好多都執咗笠😢最近行過，見到呢間酸菜魚未食過，望落環境新淨，就入咗去食晚餐～總長酸菜魚賣相已經好有食欲，開始飲啖湯，香辣酸唔係一入口就好重味，但愈食愈好味～食開小辣，都好香辣味，辣度啱啱好。魚片好滑，唔爽脆但都唔會梅，底下係薯粉，仲有啲腐竹吸曬湯嘅味～另外仲有酸菜同酸蘿蔔片，夠酸爽，好味😋爆走波奶茶已經好少飲奶茶，呢杯奶茶冇得揀甜度，但甜度啱啱好，係出面微糖嘅甜度，黑糖味奶茶，入面啲波波似椰果嘅口感，跟餐飲品來講，出乎意料嘅好飲👍🏻蒜拌雲耳好多蒜蓉好味嘅，份量小巧嘅小食～

在銅鑼灣廣場的地下望上去, 會發現一間用色非常sharp, 而且很有動漫元素的餐廳, 就是來自台灣的築間集團在香港開的第一家築間酸菜魚, 在台灣留意這集團的主要是火鍋餐廳, 至於酸菜魚餐廳也是第一次見到, 而且裝修和傳統吃酸菜的餐廳不同, 年輕化就是最好的形容詞. 價錢定位有競爭力, 當然也是處於營業的初期, 做了不少推廣, 例如是follow其社交媒體就有免費的台式飲品.餐廳名字是酸菜魚, 當然以酸菜魚為主打, 最原本的口味也比平時吃的柔和, 特別是酸味和辣味, 魚湯以鹹味和鮮味作為主打, 說是喝得到的酸菜魚, 也就是馴化過的結果. 小的份量對我和太太而言也不會吃得不飽, 以烏鱧作魚片, 口感爽彈, 烏黑色的厚實魚皮就是這種魚最好的象徵, 挑骨做得不錯, 基本上吃下去也沒有被骨刺到的情況. 至於其他小食, 特別是炸物, 炸得不夠脆, 還是單吃酸菜魚就OK!

銅鑼灣好野食多就一定架啦！但我每次經過銅鑼灣廣場都會比佢個廣告吸引左，D 動漫角色畫得好生動，今日就一於試下佢！朋友唔太食辣但我又想試下佢個招牌酸茶菜魚，決定一人一份！一個人都可以食架麻！小朋友才做選擇！總長酸菜魚（小份），雖然話係細份但其實一D 都唔細，配菜都好豐富！湯底酸味較重，微辣微麻，適合番香港人口味，好飲！烏鱧魚肉薄切無骨，食落好鮮嫩好香滑！佢亦配有唔少既酸菜，蘿蔔片，腐竹，金針菇，雲耳寬粉，層次豐富！特別要講既係寬粉好掛到湯，吃落好過癮非常惹味！極道明太子奶香魚，剛上菜既時候已經聞到好香濃既奶油味！湯底係明太子加牛奶芝士熬煮而成，呈淡粉紅色，好靚！海鮮一大堆包括有大蝦、蛤蜊、花枝、帆立貝、青口等，仲要每款都有4件，用料好足！加埋D魚片鮮嫩，食落好滿足！相對於酸菜魚，依個奶香魚更令我印象深刻，因為個湯底真係好正，連埋佢個寬粉食係一流！食台灣野必點炸物！個人最中意甜不辣，一於試埋佢！甜不辣份量相當多，外皮炸得好脆，中間係煙煙韌韌，外層係少量椒鹽調味，好解癮好食！真係食唔停口！蒜拌雲耳正正常常，作為前菜都幾開胃。暴走波奶茶D珍珠大粒勁有咬口，吃落似椰果既口感，吃炸物飲就最正!打完

呢次同朋友去食咗呢間以創新海鮮料理為主嘅餐廳，每道菜都有自己嘅特色，幾款招牌菜都令我留下深刻印象。首先介紹嘅係「海派蝦湯魚」，呢道菜一上枱就已經香氣撲鼻。湯底係用大量蝦煮出嚟，鮮甜濃郁，入口有濃厚嘅海鮮味。魚肉滑嫩，每啖都充分吸收咗蝦湯嘅鮮味，口感豐富。🍤接住介紹嘅係「純愛番茄魚」，呢款菜色系鮮紅，睇落已經好開胃。番茄湯底帶有自然嘅酸甜，魚肉嫩滑細膩，配合番茄湯底一齊食，真係好清新。番茄嘅甜酸味配撘咗魚肉嘅鮮味，食落去唔會覺得膩，反而更加突顯咗魚肉嘅鮮嫩，清爽又開胃。🍅「鬼魔酒蒸鮮沙白」係一道非常有特色嘅菜式。沙白本身已經好鮮甜，再配合酒蒸煮，帶出咗淡淡嘅酒香。沙白咬落去彈牙多汁，食得出係非常新鮮。酒味並唔會搶走沙白嘅鮮味，反而更加提升咗海鮮本身嘅自然香味。🍶最後係甜品「紅豆仙草」，呢款甜品係傳統同創新嘅完美結合。仙草口感滑溜，入口即化。紅豆嘅甜味配埋仙草嘅淡淡草香，清爽唔膩，特別適合飯後食。🍧

今日嚟到銅鑼灣呢個繁忙嘅地區，有一間樓上舖，超巨型玻璃窗，外面係銅鑼灣特色樓景，打卡必去。餐廳鄰近地鐵站，好方便。香港好多食酸菜魚嘅餐廳，今次呢間比較特別，係台灣特色酸菜魚，酸菜魚係主打，除此之外，仲有好多款唔同味道嘅魚可以選擇。當然我叫咗一份台式酸菜魚，台式中式分別好大，呢度嘅酸菜魚湯底好濃好香，魚肉片好滑，唔會太辣，相當美味。除此之外，我仲嘗試咗一款中西合璧嘅菜式。明太子忌廉白汁煮魚，魚片同酸菜魚入邊嘅一樣，好滑、冇骨、好易入口。而湯底就好特別，有少少似白汁意粉醬，好香滑，同樣好好味。小食有：外脆內軟嘅台式炸物「鐵漢小酥肉（椒麻味）」，味道唔辣，台式鹽酥雞嘅椒鹽味道，炸到脆卜卜，好香口。另外仲有「百花釀油條」，油炸鬼入面包咗墨魚膠，爽口彈牙，充滿墨魚嘅鮮味，味菜式好特別，而且配合得非常好，值得推介。「椒鹽豬肋骨」 大大件，好多肉，肉質鮮嫩，好好味。最重要係有超大杯冰凍而解渴嘅飲品，記得必飲。最後食埋個燒先，好滿足。店員服務非常周到，值得加分，一定要再嚟光顧。

約左朋友係銅鑼灣食呢間酸菜魚過江龍 係門口已經見到醒目吸眼球嘅漫畫入面裝潢都係行漫畫風 充滿活力餐牌都好有心機咁design 總長酸菜魚（1-2人份）係築間酸菜魚嘅招牌配料有黑木耳、金針菇、魚片、豬肉片、寬粉、酸菜、白蘿蔔片口味唔會好辣 食落偏重蒜香我哋仲加左特級手工丸嚟試下手工丸好彈牙 份糧超多 食極都有靈魂烏鱧魚片肉質非常細嫩入口質地有一種豐腴滑順有淡淡嘅鮮甜味 一啲都腥味極道明太子奶香魚（1-2人份） 濃厚日式風味嘅湯底因為加左明太子呈現淡粉色幾特別海鮮料蝦、蛤蜊、花枝、帆立貝，份糧好足加埋你魚片食落有豐富嘅層次感浪子鹹酥雞 食台灣嘢一定要食鹹酥雞咬落去外層酥脆鹹香的麵衣散內裏雞肉嫩滑更是鮮嫩多汁充滿了鹹香氣息 香口滋味忍不住一口接一口吃不停鐵漢小酥肉 個名好搞笑即叫即炸 外酥肉嫩外層灑上椒麻粉肉質鮮美 配上椒麻香氣食極都唔膩檸檬紅茶茶底茶味好出 又唔會太甜 可以順便消下滯士多啤梨奶凍同芒果奶凍似係自家製奶凍口感十分綿密細滑 入口即化 食落Q彈有嚼勁 但又唔會過於膠着牛奶的香滑感同士多啤梨的清新感完美融合除咗士多啤梨醬或者芒果果醬 仲會有爆珠同埋碎冰

依家酸菜魚專門店係台灣過江龍，一直都好想試吓佢，而家喺香港都有得食了，餐廳主打唔同嘅酸菜魚，今日揀咗佢兩隻嚟食，非常唔錯古早味沙茶砂鍋魚沙魚肉質鮮嫩多汁,入口即化。經過沙茶醬的調味,湯汁濃郁鮮香,散發著獨特的沙茶香氣。砂鍋的烹調方式使魚肉軟嫩滑溜,本身煮有炸過，所以都非常香同埋本身都有唔同嘅配料✅經典酸菜魚有別於砂鍋沙茶魚，呢個酸菜魚嘅係魚片，所以比較滑啲。魚肉肉質細嫩,入口即化;酸菜清脆爽口,與魚肉形成絕佳的口感對比。湯汁酸甜鮮美,回甘醇厚,令人齒頰留香。蝦膠釀油條蝦膠製作精細,Q彈有嚼勁,與外脆內柔的油條形成絕妙搭配。蝦膠口感鮮甜,油條酥脆可口,兩者相輔相成肉燥西蘭花非常台灣嘅菜式，西蘭花蔬菜鮮嫩爽脆,配上醇厚鮮香的肉燥,酸甜鹹香,口感層次豐富。肉燥軟嫩可口,完全浸潤進蔬菜當中

尋日book左枱食飯 因為我哋食7pm 基本上成間餐廳得5-6枱客 有幾張卡位係無人坐嘅我同個frd兩個食 要求坐卡位但個staff就話有人book哂劃哂位 仲話如果想坐 下次book枱可以喺remarks落備註🤷🏻‍♀️結果就安排坐廚房門口 對望既二人位然後坐低左 就話scan QR code落單連餐牌都無比 原來一scan後就發現好多野都無尤其係甜品 全部sold out我哋見餐枱上有promotion card話叫炸排骨有半價 個staff都係話要入廚房睇有冇排骨先 如果有先叫我哋落order結果我哋就只係食左個酸菜魚 炸排骨 同炸魚皮酸菜魚係好食嘅 但食完會口渴到埋單時 好彩有睇單 個排骨居然mark左正價 個staff就話係有排骨 但promotion 已經完咗 要收正價 話係佢哋無收返個promotion card我哋同佢理論 話當初係指住個promotion card問佢仲有冇個promotion 先落單 如果無 就唔會叫 佢最終先比返個折我哋仲話唔收現金 因為無錢找 要WeChat pay…食餐飯食到一肚氣 真係睇下幾時被淘汰埋單$204 (經openrice訂位 有fr

上網見過呢間酸菜魚有好多唔同嘅口味，一直都想嚟試吓。Lunch hour嚟食好抵食，套餐包埋小食同飲品。飲品我地叫左蜂蜜檸檬水。小食強推呢個！百花鑲油條，係台灣感覺❤️我地叫左兩份魚，試下唔同味。呢間鋪最好係可以選擇1-2人份，人少少都可以食。朋友叫左最classic嘅酸菜魚。我本身驚會好辣，但係又唔會。呢個海派蝦湯大推介，除左魚之外仲有青口、魷魚、蜆同埋蝦，有好多材料。個湯都好好味，似拉麵嘅蝦湯。朋友叫左個蟹膏飯，佢食到停唔到口…個魚未到就差唔多食哂…整體黎講覺得高質，係個商場好唔起眼😂好多人都唔知

本人食2次食 但決定要寫一寫食評第一次酸菜魚好好味冇問題好好味所以今次第二次試明太子，但今次就先讚咗先湯：非常奶白， 明太子味可以再濃啲/或者可能需要自己用筷子撈下個底先可以食。有幾舊魚係正常味，有幾舊魚就零舍咸。魚：好味，大部分都正常。但有幾舊魚有少少透明，有試下浸耐d再食。明太子vs 酸菜魚：雖然冇酸菜魚個種刺激感，但個湯入口好好味。最佳叫法：個人覺得2人食可以叫1~2人再加一份hkd 45魚建議：希望廚房&樓面備菜/出菜，可以多啲用嗅覺，去檢查一下。蜆：友人誤將蜆肉入口中，蜆肉臭味非常大，因為已經壞咗。料：係好足青口，蜆，蝦，樣樣齊。但壞咗既蜆肉令人冇信心冇胃口食落去。題外話 樓面姐姐指甲太長，希望員工指導方面可以改善，2次去既體驗都係一樣，樓面會插隻手指公入去個白飯到（可能中式碗size太細？）

知道築間酸菜魚在台灣甚多分店，今次終於開到嚟香港；見在銅鑼灣開咗第一間，趁晚飯時間試下過江龍酸菜魚有無料先！首先，餐廳地段無敵，在銅鑼灣港鐵一出上廣場就到達！落雨都唔怕！其次，到達餐廳，見到餐廳裝修十分光亮，而且嘅呈漫畫風格，好特別！門口亦大大隻字寫著「湯比魚更鮮」，十分吸精！餐牌上都有唔少口味的酸菜魚可選擇，今次叫了一人份量的總長酸菜魚及純愛蕃茄魚；可嘗試不同口味！基本上，魚肉質鮮嫩，亦有不少配菜如雲耳，腐竹，芽菜同寬粉。湯底上只有統一辣度，加上花椒乾椒，及酸菜，飲落十分惹味，辣味不會蓋過魚的鮮味！而蕃茄湯底酸酸甜甜更加令人開胃。當然可選擇另加配料，大大滿足！台灣炸物亦是必叫，像置身台灣夜市！今次叫了甜不辣及復刻炸排骨（限量）。炸物是新鮮炸起，炸排骨口感鬆脆；甜不辣是魚肉來，完全沒有魚腥；加上調味粉帶着鹽味和辣椒粉的，小食一流。怕熱氣的我，叫了一杯冬瓜檸檬菜及波子汽水沙瓦。如果唔飲凍飲的朋友，餐廳有提供洛神花及陳皮水可以自助沖，好貼心！整體上，我個人挺喜歡它能提供不同份量的酸菜魚，一個人食又得，一大班人食又得！

酸菜魚就食得多，不過一般都係響川菜餐廳食，無意中響網上見到有台式酸菜魚呢樣嘢，已經覺得好有新鮮感好想試吓，唔知同平時食開大陸嗰啲有咩分別呢？今日就抱住呢個好奇心同老公嚟咗試~ 餐廳座位都幾闊落，加上因為我哋係平日晚上去，就算兩個人都有大卡位坐~ 一坐低我哋就行去拎野飲嗰個位，其實同太x酸菜魚非常相似，嘢飲嘅選擇都一樣，酸菜魚嘅味道其實都差唔多，不過最優勝嘅地方係呢度選擇多好多! 除咗酸菜魚之外仲有其他湯底嘅魚，今次叫咗個蝦湯魚，海鮮超足料之餘味道鮮美，沙白食得出好新鮮好甜最正嘅係就算同行嘅人唔食酸菜魚都可以一人一碗唔同味咁樣叫，可以一個人食唔一定要同人share，平時打工仔食晏如果冇人陪，都有多一個選擇~ 我都好開心終於唔使等到一定有人陪先可以食酸菜魚，總括嚟講雖然價錢唔算平，但係可以一個人食同埋海鮮高質，都值回票價

酸菜魚成日食開都勁大盤呢間嚟自台灣嘅酸菜魚 特別之處就係佢可以嗌一人份量 咁就可以一個人獨毒食 又或者同朋友每人嗌一個試多啲唔同味📍正宗嘉義沙茶砂鍋魚沙茶醬甜而帶微辣 食落唔會太重口味啲料都好豐富 有唔同嘅蔬菜 而且金菇同寬粉吸哂啲湯汁好惹味 魚嘅份量都好多 魚先預先煎香咗再同個湯底一齊熬煮 唔會腥之餘又會保留咗魚肉嘅鮮甜 📍無雙腸血旺魚麻辣鴨血加上臭豆腐同豬腸 岩哂中意食重口味同食辣嘅人 鴨血紮實爽滑 咬落去好多汁而且魚肉好嫩 個湯底夠辣夠麻 如果有白飯一定食到2碗🤣📍鬼魔酒蒸鮮沙白蜆肉嫩滑 用酒一支齊煮除去咗腥味 保留咗蜆肉嘅鮮甜店員話讚好舖頭專頁仲送糖水！解膩一流📍冬瓜檸檬茶 台式飲品點可以唔飲冬瓜檸檬茶 消暑解膩一流波子汽水沙瓦

台灣酸菜魚過江龍登陸香港🇭🇰糅合台式、中式及日式風味創造出獨門湯底🥘讓大家品嚐築間的理念🙏「湯比魚更鮮，一碗記三天」選用日曬充足的新鮮牛番茄及聖女番茄🍅經過精心熬煮成糊狀，再加入自製酸蘿蔔和昆布高湯🍲還有厚實彈牙的鱸魚，口感層次豐富🤩加入濃厚芝士和明太子的湯底🧀充滿日式風味🎏牛奶和芝士完美地滲入海鮮食材之中🦐將鮮味昇華，再配襯鮮嫩幼滑的魚片🐟每一口都帶鹹香鮮味😍滿滿的蟹膏，非常濃郁🦀配合一顆顆晶瑩剔透的鮭魚卵🥹爽口脆彈，滋味鮮甜😋店內更提供大街小巷的台式地道小食🍡炸得金黃酥脆，十分香口😙

qr code 落單，男店員算是有禮貌，見到我們做左OpenRice優惠，即幫我們落了送的甜品，亦都有教我們點樣可以free飲品，酸菜魚是不錯的，足料，而且唔貴。另外點的雞軟骨都好食。但去到60分鐘時，操普通話口音的女店員走過來同我和朋友說，訂左呢張枱客人已經來左。想趕我同朋友走，但個時我地只係食左60分（用餐時間90分鐘）未夠鐘就趕人走，其實我都有訂枱架，憑咩趕我走！同埋我地等緊個甜品，當然唔會走啦，跟住就同我地講今晚甜品已經送哂啦，唔會有甜品啦。我同朋友打左個突，一早落單都冇，好奇怪羅！之後冇幾耐見到對面枱又有甜品，但對面未叫上架😒之後普通話口音女店員走過來問冇奶凍，有仙草要唔要呀？咁咪照要羅！點知過左一陣，甜品來到，係我之前朋友要ge奶凍。其實都幾亂，一時有一時冇，而且女店員態度超差你一來就來sell送甜品呢個優惠，但到人地叫你上甜品就冇，好唔ok！你唔係一早預左俾落單食客ge咩。本身我就想住會推薦人來食，因為真係抵食，但現在真係唔會有下次一早訂枱都俾入咁對待，真係第一次，亦都唔會第二次