米気

营业中

休息中

間中我都會去紅磡呢間我形容為”日式住家飯” 嘅餐廳食嘢佢menu 有少少似無印，可以自選飯/ 熱盤/ 冷盤/ 小食，每樣份量都唔多，所以一個人都可以試2-3 個餸 因為我知道雞肉扒上面已經有蛋，所以今次我揀左紫菜醬飯，順帶一提，呢間餐廳係用日本米，熱辣辣嘅飯撈埋紫菜醬同生雞蛋超正！今次揀嘅雞肉漢堡扒同牛舌都好好食！兩樣嘢味道都剛剛好，唔會太鹹/ 太淡，送飯一流 🤤 牛舌好多蒜，口感爽脆，亦係送飯嘅好選擇！

和老婆起身就過去，剛好12時開門，第一批進去，到12時半外面就開始要排隊了。醬油蛋飯，蛋是深橙色的，蛋味很濃；月見博多雞團子是另一種蛋，蛋味沒那麼濃，但亦因此不會搶到雞團子的味道。從這點細節來看，米氣在食材選擇上是十分用心的。鮭魚白雪山藥，奶油味加上香煎微鹹的鮭魚碎本身就很搭，再加上了黑胡椒吊味；米氣雪榚是加了米通的淡奶雪芭，少了份甜少了份奶味，但又平衡得很好。米氣的風格整體而言都是清新的，習慣在菜品上加上芥末/黑胡椒等refreshing的調味twist，是那種天天吃都不會很膩的住家飯。埋單兩人$284, 當作是兩餸飯，每人也要一百左右，如果落到$78左右，消費得會更舒服一點。

我覺得冇想像中咁好食最好食係個飯，睇落好似好乾，但係其實係煮得啱啱好，軟硬適中，而且好煙韌我哋叫咗紅酒燴牛肋肉,中規中矩,紅酒味濃,南蠻炸雞，蛋沙律嘅洋蔥有啲太多，個味道好搶，另外個炸雞非常之油，一夾起其實成個碟底都係油，味道就正常，不過唔脆前菜方面蓮藕羊梗菜幾好味，好清爽，用咗芝麻醬調味八爪魚沙律就係芥辣味，但係八爪魚有啲硬，唔容易咬另外加咗個柚子雞翼20蚊，同我想像中好唔一樣，因為首先係凍。。。嘅另外有好多汁淋咗上去，個感覺好似擺咗喺廚房好耐。。。而且好甜好甜，唔係我鍾意食嘅口味整體嚟講試過一次應該都唔會再去

每次朋友聚會，大家無意見或特別想食咩，就懶得諗，就會到米氣我都大概回顧左3次了，哈哈！餐廳環境尚算舒適。喜歡佢的餐係完全自由選擇組合，由前菜到主食甜品，想食咩就食咩，而且食品款式選擇也不少呢飯食也有不同配料選項，例如蛋、明太子。前菜主食甜品略嫌一份不夠，都可以劃幾份。特別喜歡佢招牌—米氣雪糕，好夠凍同好有米味，不錯不錯不過6點半到7點後才到達的話，有機會要排隊了！如果當天落雨，鑒於餐廳的位置，在外邊排隊等位都有少許狼狽的！

今次已經係第五次食米氣，lunch, Dinner, takeaway都試過，晚市選擇最多😛同朋友一行三人，每人都叫咗三文魚子醬油蛋飯，係呢期既special，我覺得淨係個蛋都可以撈晒個飯食😂😂朋友特別推薦蔥燒牛舌！佢哋話覺得係香港數一數二好食牛舌🤓不過因為我唔食牛肉就比較唔到。另外，朋友覺得蕃茄味噌豆腐漢堡比較咸、而且汁較多，適合重口味人士🙉 而我叫咗奶油煮鮭魚，今次係第二次食，唔會好漏、而且魚肉嫩滑，繼續好食😋😋

去過黃埔呢間高人氣嘅餐廳食兩次，兩次都要排隊大約20分鐘主打日式家庭式料理, 每樣份量唔係太大，但賣相精緻同埋可以一次試多幾款嘢食菜單提供好多選擇,搞到小編有啲選擇困難🤣菜單主要有五大類別: 米飯,主菜,溫配菜,冷配菜,甜品,飲品餐廳仲會成日轉食物款式，同有期間限定嘅選擇!定食建議組合係米飯 + 主菜 + 溫配菜 + 冷配菜但係其實喺同一個類型揀多過一樣都可以, 今次嘅組合揀咗米飯 + 主菜 + 溫配菜 x 2好有日式家庭煮飯，溫馨一餐嘅感覺🥹遲啲要試吓午餐定食先^^————————————————感想:🍚 米飯❆ 醬油蛋飯 $22熱門選擇之一! 賣相超級靚, 搭配米飯既完美組合，每一啖都可以品嚐到醬油既濃郁味道❆ 明太子 $22濃郁既鮮味同微辣，又係第二個白飯小偷🥘主菜❆ 紅酒汁煮牛肋條 $48超級好食! 牛肋條經過慢煮非常腍，肉質鮮嫩多汁，紅酒香氣突出❆ 奶油菠菜鮭魚 $52鮭魚肉質鮮嫩，搭配奶油菠菜既濃郁口感，鮮嫩既魚肉同滑順既奶油菠菜口感豐富🍢 溫配菜❆ 北海道芝心粟米球 $36外層酥脆，內裡鮮甜! 炸得好好食但又唔會乾❆ 柚子醬油煎鴨胸 $38鴨胸肉經過煎烤處理，外皮酥脆內部

今日同同事去食佢嘅Lunch set，個價錢around $70至到 $90左右，個Set入面包括一份熱食，一份冷盆（8選1）& 一杯野飲。鋪頭經常排長龍，要早少少🤏去排隊拎位。

週末總是很多人排隊的‘’米氣‘’，諗住平日晚上應該唔太多人，放工19:15就黎攞飛排隊。都要等6張枱先有得入去食。環境唔錯，座位闊落。餐牌可以自由搭配米飯、前菜、主食、溫食、冷食、甜品、飲品，自由度好高，想食咩就叫咩。我地分別叫左2個組合：1）醬油蛋魚子飯+紅酒汁煮牛肋條+蒜蔥燒牛肩肉卷魚子同蛋黃配上有醬油的熱飯，口感一流，醬油唔鹹。牛肋條算多，紅蘿蔔煮得好淋入味牛肩肉卷配上蔥蒜，燒得岩岩好，唔干身2）蟹膏蟹肉飯+牛肉壽喜燒+柚子手羽中蟹肉蟹膏好新鮮配白飯好好食牛肉壽喜燒還好，以為佢會煲上，原來係碟上，內里有一隻蛋柚子雞翼稍為有啲凍，如果熱上就應該好好味整體嚟講，因為有太多選擇，自由度好高，選擇困難症嘅人就唔識點揀好，下次會再嚟試其他餸。

一份多種選擇既menu .. set , 按自己喜好選擇 ..同媽咪食 , 可以happy share , 大家各選叫咗不同的食物 , 每樣都可以試試。 我同媽咪最鍾意都係茄子 , 唔會好似中式茄子煮法有浸結口的味道 , 感覺很清爽。而媽咪亦都十分喜歡它的魚 , 汁的酸甜亦較到非常適中 , 送飯一流。可能我們都比較大食 , 覺得下次應該可以再嗌多啲。當天係weekend傍晚去食 , 不用等位 , 食完出嚟是晚飯時間 , 門口已多人排隊等候。如想試試日式家庭小菜，可以來這間餐廳感受吓。

好耐無食過日本野la! 今日黎紅堪好出名既日式fusion 菜解下癮😋😋套餐好多選擇，但備貴，如果每款叫一個應該都要200蚊埋單。 強烈推介醬油蛋飯！蛋汁配上日本米飯，一級棒！聽講係用蘭王蛋，怪唔得甘有蛋味，好香濃！另外叫左個南瓜沙律，分量ok 大但食落無咩南瓜味，還好。而豚軟骨煮，味道無話好特別，不過不失。關東煮有大大舊蘿蔔，好入味好好食，本人好中意佢依隻淡淡既湯香，配大根食一流！推介！整體黎講依個set 係好食有水準，但始終埋單160蚊有dd 貴，如果平50蚊左右就perfect la! 好食可以一試👍

回頭度🍪8/10｜人均消費💰~$70-120🥬#crispy_健康外食-唔使$100就有咁精緻嘅定食😍有齊飯🍚主食🥘冷盤🥗仲有湯品🍲飲品☕️漬物🥫性價比真係好唔錯🥳-🤍味噌蕃茄豆腐漢堡 $68豆腐切得幾幼細 真係有啲漢堡嘅感覺加埋味噌同蕃茄🍅配飯一流同時都係比較健康嘅選擇仲有少少炸蓮藕🤩-✨醬油蛋米（+$8）係用日本蘭王蛋🍳望住都覺得好療癒-✨鰹魚汁菠菜食落幾清爽🥬但菠菜有啲一舊舊咁同埋上面都放咗啲木魚碎🐟-✨米気黑糖米水+漬物+是日湯品麵豉湯唔太鹹 都幾多餸😋有豆腐白蘿蔔🥕仲有紫菜-整體味道🌕🌕🌕🌕🌑抵食🌕🌕🌕🌕🌑

小妹身為紅磡區街坊，早喺呢間日式家庭料理店開業時就食過，當時覺得尚可，之後人龍越來越長就更唔想等（個人認為唔值等>20分鐘😝），適逢有朋友大駕光臨黃埔，又見唔駛等，就決定再試呢間區內名店，不過略為失望，大部份小菜都流於普通水準，但呢個價錢就偏貴啦🙈菜單上選擇多，米飯、主食、冷盤、熱食、甜品都有得自由配搭，對於乜都想試，每樣試少少嘅朋友嚟講，都係一個好選擇，只不過揀吓揀吓，價錢都唔平，每人亦限低消$80。醬油蛋飯米飯香軟，但未至於講到咁驚豔，飯亦唔夠熱；醬油蛋少失望，雖然賣相吸引，質地厚稠，但醬油味同蛋味都唔夠濃郁，唔盡興呀😆。松葉蟹薯仔沙律用料的確多，但味道較單薄，青瓜亦淋咗失口感。雖然加咗蟹肉，但竟然唔及大户屋嘅薯仔沙律好食同醒胃🤪紅酒汁煮牛肋條牛肋條軟腍，但整體味道過於單一，紅酒味唔算出，亦冇呢道菜應有嘅惹味同配料香味。奶油菠菜鮭魚唔算特別，鮭魚肉質唔夠嫩滑juicy~柚子手羽中柚子味調較得幾好，係醒胃嘅，但坦白講呢味本身就應該最唔易出事。

係黃埔搵野食真係成日心大心細, 好多有特色又好味既小店, 今日好掛住一年前食既米氣, 所以拉左男朋友再食! 假期既夜晚特別多人等, 等到20分鐘終於入得啦 ><! 每次睇到個menu都好開心, 因為好多選擇, 岩哂我呢d三心兩意既人lol. 松葉蟹薯仔沙律🥗好fresh好開胃, 亦都有一條條既松葉蟹肉, 幾足料~壽喜燒牛肉🍗呢個主菜第一次食, 真係推介!! 做到壽喜燒汁既甜甜口味, 仲有超多份量既牛肉, 菇 洋蔥同豆腐都係入哂味. 真係無得挑剔關東煮🍢係香港好少食到, 就叫左一個試下. 雖然味道不錯, 但係無其他菜式咁多元化, 大部份都係大根同魚肉類, 食到有d滯~蒜蔥燒牛肩肉卷🍖呢個都推介!好香既蒜蔥味, 配埋好厚嫩又重牛味既牛肩肉, 食完再想食, 差d食埋男朋友個份lol醬油蛋飯🍚大家好似大推呢個, 但我就覺得雞蛋幾香, 但其他無咩特別~可能我個人唔係好喜愛雞蛋蜜柑白玉🍊係jelly加白玉, 食飽後食呢個甜品幾清新, 唔會滯, 白玉又好煙韌, 係一個幸福既完結~haha🥢總結: 呢間高質既日本料理選擇多又好味, 下次經開呢頭都要再訪!好味!

米気@黃埔百寶坊開業以來人氣一直高企既日式家庭料理店，每次經過我都見到佢成日有人排隊。主打嘅係俗稱「一汁多食」包括米飯、主食、冷菜同埋溫菜嘅日式料理，米飯同埋蛋都係來自日本。今日就搵咗個朋友去試一試。菜式嘅選擇多達五十個，令人眼花撩亂，而且每份嘅份量都唔細，我哋兩個人都食得好飽。🍱Set 1 (一汁三菜+甜品）🍚醬油蛋飯首先一定要試吓佢哋招牌嘅醬油蛋飯。餐廳用上咗日本既越光米，飽滿有彈性。加埋濃厚香味濃郁既蘭王蛋黃，再以日本醬油調味，蛋味鹹香相互融合，撈飯一流！🐙八爪魚沙律八爪魚沙律色彩鮮艷，入面嘅八爪魚爽口彈牙得黎又唔算太韌，沙律菜整體好清爽，青瓜同車厘茄配上微酸既沙律汁非常開胃。🍗南蠻炸雞炸雞幾好味而且肉質唔會太乾，算係正常發揮，炸得夠香脆，配埋塔塔醬食一流。🍢關東煮一道非常有日式風味嘅菜式，算係不過不失，蘿蔔無乜渣，夠曬清甜同埋入味。🍦米氣雪糕呢度嘅特色菜式之一，雪糕幾順滑，上面仲有d米通脆脆，口感特別，值得試一試。🍱Set 2 (一汁兩菜+甜品）🐮蒜蔥燒牛肩肉卷牛肩肉肉質好冧又多汁，燒得啱啱好。配搭上蔥蒜有着豐富嘅香氣同口感，同時平衡左油脂味。配搭埋個肉汁，簡直非常滋味。🐟奶油

第一個丼飯八爪魚沙律就已經吸引晒我嘅胃口。啲八爪魚爽脆彈牙，配埋清爽嘅沙律醬，真係開胃又唔會太膩。白飯上撒咗香軟嘅明太子，令白飯更加香濃。紅酒繪牛肉嘅質感啱啱好，肉質鮮嫩，再沾埋啲醬汁更加好食。最後，糯米雪糕作為甜品，清新又唔會太甜，唔知係咪用米整，所以好黏稠，煙煙韌韌。第二個丼飯帆立貝裙邊沙律作為前菜，啲帆立貝鮮甜爽口，配埋沙律底酸酸尾尾，而且份量好多一啲都唔係前菜份量！南蠻炸雞，啲雞塊炸得香脆，肉質又多汁，佢上面嗰個醬汁非常特別，少少沙律醬加埋一啲洋蔥粒，中和左炸雞嘅油膩。 不過沙律醬都偏濃郁。 所以食幾舊真係夠飽啦！最後，茶碗蒸蛋作為結尾，滑嫩細膩，裏面嘅材料都好多，仲有平時都冇乜嘅鰻魚。 總括黎講，呢間飯真係值得一試！我估佢個名叫米氣所以整嘅嘢都關米事！ 飲品係黑糖米水，個人認為偏甜。 然後雪糕又係米整嘅。整體來講幾有特色，午餐嘅Menu價錢都尚算可以。