籽樂廚房 (已結業)

今天經過尖沙咀,從電話應用程式中找到一間社企西餐廳，專門聘請聾啞人士，便進去嘗試一下｡其中最愛吃的是黑毛豬豬肋骨。由於我們只有二人，所以選了半份份量。想不到來的時候，份量十分大，我們還以為是全份份量｡肋骨的肉質剛好，配上醬汁，用刀真分容易切開一條條，開胃美味。另外叫了一客甜品,朱古力布朗尼｡ 店員十分細心將甜品切成兩小舊，方便我們分來吃。朱古力味不太甜，口感不會太硬，份量不會太大或太，為晚餐畫上完美句號｡

今次係第一次試呢間餐廳，一心打算支持企社企，又見到食評都唔錯，就同朋友一齊試試。訂檯可以係openrice訂，非常方面，仲有85折。點餐時有個手語牌，或者指住餐牌的item侍應都明白。期間其實用簡單身體語言同侍應溝通都很順利，侍應們都很專業。埋單時唔洗提都已經扣左85折。食物方面，試左牛扒、burger、豬手等都唔錯，而份量都很大。餐廳亦坐得舒服，冇限制用餐時間。4個人折後around $520，好抵食。

同朋友係尖沙咀睇完戲唔知食咩好既時候，咁岩見到依間餐廳派傳單，仲有85折，一於去試下！餐廳係一棟新既大廈入面，環境都幾舒適，一上到去見到有張手語既教學圖先發現原來去左一間社企餐廳。我同朋友叫左2個lunch set share,雖然依度大部分侍應係聾啞人士，但落單完全無難度。Lunch set 有餐湯、蒜蓉包、餐飲，價錢都係一百蚊內，好抵食！蒜蓉包好有誠意，好多蒜蓉，外脆內軟！餐湯係南瓜湯，有少少薑味，唔食薑既我都可以接受，而且仲有拉花，好靚！套餐加$15有黑松露蜜糖雞翼，似普通蜜糖雞翼，無咩黑松露味。黑松露野菌忌廉汁意粉 $82好creamy,醬汁剛剛好掛到係每條意粉，不多不少，而且份量都幾多。香煎羊架配自家製香草醬意大利飯 $92羊架煎得剛好，肉質嫩滑，好juicy,羊肉唔係好騷，香草醬味道都好濃郁！依度每位員工都好有熱誠，細心，食物質素不錯，所以係一間值得支持既社企餐廳！

近來大家都興撐良心餐廳，除咗良心餐廳，社企餐廳走得更前，一樣值得支持！聽講呢間專聘請聽障人士，所以就專程嚟試吓啦部分侍應係有啲聽力困難，所以menu後面有教大家手語落單侍應都好細心，提醒大胃之母小心斟水就唔會整甩蓋估唔到湯都有拉花朱古力竟然有cream蒜蓉包好夠味，唔會揸流灘沙律好夠味，大胃之母連汁都舔得一乾二淨Parma Ham好有肉味呀雞柳大大舊，芝士螺絲粉超cheesy大胃對12吋冇概念，一上檯就嚇親我地超足料藍莓面夠實嘅brownie，外面脆脆地正呀整體質素一啲都唔遜色，好過出面好多餐廳𠻹呀

籽樂廚房🍚Environment: ★★★★☆Service: ★★★★☆Taste: ★★★★★最近我曾到籽樂廚房用餐，今天就和大家分享這次的用餐經驗吧。籽樂廚房是一間社會企業，餐廳內的空間頗大，令食客可以在一個舒適的環境用餐。💓德國黑椒豬手:豬手的份量雖然不算多，但豬肉的調味合適，豬肉調很入味，味道不會過咸，很好吃。另外，餐廳亦有為這道菜提供黑椒汁，我建議大家可以不用為豬肉沾上黑椒汁，因為豬肉本身的調味已經很不錯。💓12吋野菌焗芝士薄餅:薄餅十分香脆，芝士的份量頗多，可以吃到濃濃的芝士香。總結:餐廳的食物味道不錯，德國黑椒豬手製作得頗出色，十分好吃。🔛🏃‍♀️🏃‍♀️🏃‍♀️尖沙咀山林道38號銀座38 3樓

朋友推薦我來《籽樂廚房》食飯。這是一件社企餐廳，應該支持下！👍👍地點位於山林道，都幾容易搵。一上到去感覺都唔錯，地方闊落，乾淨企理，空間感不錯。我叫左《香煎帶子沙律配柚子沙律汁》。帶子肉質不錯，味道新鮮。廚師輕輕煎香帶子的兩面增加口感。沙津菜很新鮮，有我最喜歡的火煎菜。配上柚子汁酸酸甜甜的，既開胃有美味。主食我叫左《香煎帶子淡蝦醬意大利粉》帶子很大粒，煎得好香。淡蝦醬帶點海鮮的鮮味，味道不錯！意粉不會過淋，口感彈牙。整體來說是一個出色的意大利粉， 值得推介！哩間餐廳食物質素很不錯，地方舒適，會再來的！

環境要靜，香港唔係好多地方做到。 如果你想有個靜既地方食個飯，或者自己一個靜靜諗下沉澱下，就要到籽樂廚房。枱唔會太近，隔離枱唔會好似同你同枱一樣。 餐湯餐包都唔會馬虎。南瓜湯香濃，不過加咗薑我就一般啦～ 餐包脆口足料，用來沾湯不錯。  主菜就點了黑松露野菌忌廉汁意粉，初時諗住會係勁多汁，原來係乾身架。醬汁剛剛好，唔多唔少掛係意粉度。菇菌都算多，所以加加埋埋都幾大碟。  飲品方面就點了洋甘菊茶，成壺上，慢慢飲又得，嗱嗱聲飲曬又得。 甜品士多啤梨泡芙塔，內裡有cream 架！

中午同同事出街做野，做完野當然要食返餐好既，我地今次搵左一間社企餐廳食午餐，呢間餐廳請左啲聾啞人士做員工，門口貼左一張簡單既手語教學。餐廳環境好舒適。中午有好多款既set lunch,包括蒜蓉包、餐湯、主菜同埋飲品，都幾抵食。蒜蓉包好香脆。仲有呢個好香濃既南瓜餐湯。我點左煙三文魚特級蟹棒胡麻醬冷麵。中午喺街上行到熱熱地，食返個冷麵都幾爽，三文魚有三大舊，都幾多。朋友就點左黑松露野菌忌廉汁意粉，佢話意粉好creamy,而且食落去有好濃既黑松露味，唔錯！

生酮友善餐廳自從開始生酮飲食之後，少左好多飯局約會，或者要就我好多野唔食得，不過今次發現左呢間社企餐廳有生酮餐食，即刻約朋友黎食🤣呢間社企餐廳既店員係聽障人士，所以入門就有手語教學生酮餐要早一日預訂，因為食材都係特登準備既！今次我地食呢個生酮二人餐，有生酮杏仁麵包配牛油，純素花椰菜奶油湯，澳洲肉眼配香煎三文魚扒！先黎係湯同面包，生酮唔可以食澱粉，所以呢個包係用杏仁粉整，但都唔差架，整到十分軟熟，配埋牛油超正！呢個湯都好好飲，好creamy 又有椰菜花香味，點面包都好味，同埋都好大碗，飲完都飽飽地！🤣不過係唔會放過後面個主角既！牛扒叫左5成熟 剛剛好 好多肉汁 超正！三文魚扒亦好新鮮好香口，個皮煎到脆卜卜！特別要提下旁邊既配菜，芝士片同炸羽衣甘藍，好正，落左小小鹽，脆脆地好食！再黎係生酮卡邦尼意粉，嘩！好吸引啊！個底係用櫛瓜做既意粉，朋友唔係生酮飲食者已經飽到食唔落，所以成盤比我ko哂！好開心好好食🤣個汁同意粉都好好食！意粉好爽甜！最後仲有飲品同甜品呢！呢杯生酮檸檬水，仲有可用既糖水可以加落去，不過我就鐘意清淡d，就咁飲啦～同埋食到好飽啦😝甜品係朱古力梳乎厘，好香濃既朱古力味，為呢餐畫下

朋友近排生餇，成日同佢食飯佢都好多嘢無得食，知道呢間餐廳有特別為生餇人士而設既生餇餐，特登帶佢嚟試下。朋友嚟到已經好開心，之前仲期待咗好幾日添，佢終於成個餐都有得食啦。首先湯就嚟咗個「純素花椰菜奶油湯」，好creamy，奶油好多，唔計卡路里既話，呢個湯真係好正「低碳杏仁麵包配牛油」，生餇朋友十年無食過麵包，因為生餇人士係唔可以食澱粉質，所以佢好開心，食落去同平時麵包既質感唔同，呢個咬落去鬆好多咁，感覺幾得意。到主菜啦！我地叫既set係有三文魚，呢個嚟就係「新鮮空運澳洲肉眼」再加「香煎三文魚扒」，兩個都係油粉非常之多，但食落去我自己又接受到，唔算太「流」，牛扒煮得啱啱好，唔會「銀」，加埋啲牛油又好creamy。另一個，「生餇卡邦尼意粉」，朋友話呢度啲意粉應該係用特別材料做，唔係一般既意粉，所以生餇朋友都食得，對我嚟講呢個就都幾creamy，不過味道係幾好食既。甜品就係「朱古力梳乎厘」，佢都唔係用麵粉做既，而因為生餇係唔可以有糖，相信呢個梳乎厘都係無糖既，所以就唔甜。最後飲品就係呢個「生餇檸檬汁」，我自己覺得都係類似平時飲到既檸檬汁味道好近似。呢間餐廳除咗生餇餐其實都有平時一般西餐既嘢食，

同朋友想係尖沙咀搵間餐廳傾下計食下飯，上openrice搵到呢間餐廳，訂座仲有85折就黎左啦。星期六大概3點幾黎到，人不算多，環境好靜，好適合兩個人傾下計敍敍舊。我同朋友都被煙三文魚蟹棒麻醬冷面吸引左，每人加15蚊叫多兩隻蜜糖雞翼。頭盤有湯同蒜蓉包。個湯味道好特別，似係西式既魚湯。蒜蓉包個邊好脆，中間偏軟，蒜蓉味超香。冷面貌相好靚，三文魚捲成花既形狀。睇起黎唔算大碗，但食起上黎好飽，裡面仲有d切左絲既甜腐皮，好好味，好適合夏天。而雞翼控表示蜜糖雞翼不嬲都冇得輸👏🏻👏🏻👏🏻最特別係服務員都係弱勢人仕，但完全冇影響服務質素，而食物質素cp值好高（有湯有包有野飲，計埋85折仲低），好開心發掘到呢間餐廳！

以前成日去紅磡食Go Inside, 原來佢哋而家改名為籽樂廚房搬咗喺尖沙咀呢度， 支持社企！.波士頓龍蝦拼香煎比目魚Dinner Set： 龍蝦肉質結實爽口，調味剛剛好提升到龍蝦嘅鮮甜味道，比目魚煎到好甘香，油脂分佈平均。BTW, 佢哋個藍莓芝士蛋糕好creamy, 好食到想另外order多一件。 ~~~~~~~~😋味道: 8/10📸賣相: 8/10🛋環境：8/10💁‍♂服務: 8/10💎性價比: 9/10💲人均：$200⏪回頭率：90%............📍籽樂廚房尖沙咀山林道38號銀座38 3樓

籽樂廚房係一間幫助聾啞人士就業嘅社企餐廳， 食物質素高而且環境舒服地方寬敞，靜靜地食一餐飯慢慢欣賞食物原味。燒澳洲羊扒： 五成熟嘅羊扒煎到好香嫩， 咬落去非常juicy而且羊扒好新鮮，少少鹽同埋胡椒粉調味已經突出到羊肉嘅鮮味。.香煎帶子沙律： 帶子煎得好靚， 表面金黃香脆，內裏鮮嫩。~~~~~~~~😋味道: 8/10📸賣相: 8/10🛋環境：8/10💁‍♂服務: 8/10💎性價比: 9/10💲人均：$200⏪回頭率：90%~~~~~📍籽樂廚房尖沙咀山林道38號銀座38 3樓

呢間係社企嘅餐廳，真係值得支持。午市有午餐，而且價錢合理。午餐包餐湯、麵包及飲品。叫咗煙三文魚、特級蟹柳、麻醬冷麵，麵質較粗，份量都幾多。麻醬夠香，煙三文魚又唔腥，都唔錯。另外，仲叫咗全日早餐：有香蕉窩夫，幾好食，入邊香蕉好香，熱辣辣。仲有煙三文魚、茄汁豆、漢堡扒，漢堡扒幾香，煎得唔錯。仲有沙律菜及溫泉蛋，非常豐富。餐湯整得幾靚，有個花咁，而且入邊帶少少薑味，南瓜湯來講幾好飲。餐包係蒜蓉包，夠香脆。餐廳環境坐得舒服，食物質素唔錯，應該多多支持。

坐落於山林道的籽樂餐廳，上大廈3樓，當升降機門打開，我見到教授如何用手語與聽障人士溝通的海報時，才發覺這是一間社企餐廳。中午十二時，我們是第一枱客人。餐廳很寧靜。坐下後，有聽障的侍應很殷勤地走過來，用紙筆跟我們解釋餐牌上的選擇。我跟朋友點了一個套餐及單點了一道主菜。套餐先有熱辣辣的南瓜忌廉湯，還有兩片蒜蓉包。蒜蓉包上的蒜蓉很多很香，如果麵包更脆就更好了。套餐加$15可點法式芝士焗蠔，兩件起計，很抵食。主菜我們點了西班牙黑毛豬豬鞍架，配上蜜糖蘋果汁，豬胺得腍，跟清新的汁很相配，甜甜的，值得推介。旁邊有些小薯仔及蔬菜，感覺很健康。另外，我們點了一個澳洲空運新鮮肉眼扒配紅酒汁，牛扒煎得偏熟，一般而已。最後上的是甜品，套餐加$12有兩小方塊的藍莓芝士蛋糕，想不到甜品有驚喜。芝士蛋糕的芝士味很重，加上藍莓醬的甜度適中，吃完後還想再叫。最後原來用OpenRice訂枱可以有八五折。