籽樂廚房 (已結業)

今日約左個老朋友聚舊，專門搵間可以慢慢食野再傾下計既餐廳，選擇左山林道呢間籽樂廚房。我同朋友2個人叫左2個set dinner, 一個主菜係BBQ燒原條西班牙黑毛豬肋骨，另一個係12oz安格斯肉眼扒。個set本身已包餐湯、麵包、沙律、甜品同飲品，都幾豐富。餐湯係南瓜濃湯，好濃滑，又香南瓜味，好味，而且加上蒜香包，味道更好。而沙律我要左煙三文魚，朋友叫左密瓜配火腿，煙三文魚配沙律十分開胃，適合食主菜前清新一下。輪左主菜，見到個豬肋骨真係大滿足，足足有10條骨，係成隻豬既肋骨都差不多比晒你，而且味道相當好，夠淋，但食落仲有𡁻勁，勁好食。而朋友份牛排都好大塊，佢比左啲我試，好有牛味，而且都好淋。最後係甜品我要左士多啤梨泡乎，而朋友係藍莓芝士餅，細細份，剛剛好，因為食左主菜實在太飽。總結餐廳坐得舒服，食品水準好高，價錢都好合理，值得再來。

籽樂廚房 Sowergift Kitchen係一間社企餐廳，裏面大部分員工都係聾啞人士，雖然佢地講唔到嘢/聽唔到，但都好有禮貌好nice好友善🥰落單上菜埋單都好流暢👍🏻香煎鵝肝忌廉汁意大利飯$198雖然真係好貴呢個risotto，但係我同大家中講係值得既🥴🥴💕首先，一上到枱已經同朋友一齊「哇！」咗一聲，因為足足有兩大片香煎鵝肝‼️‼️嚇到呆咗，洗唔洗咁揼本啊😍我係超級中意食鵝肝既，一咬落去，外面表層煎到金黃酥脆好吃😋裏面就油脂豐富，好香鮮味🤤💕加上risotto好正宗👍🏻creamy到爆又保留到米粒既咬口🥰呢個risotto我比100分💯💯‼️12吋野菌焗芝士薄餅 $128一上到枱又同朋友一齊「哇！」咗一聲== 不誇張，雖然佢寫明12吋pizza，但係視覺親身見到嗰下真係大到好震撼🤣🤣🤣♥️Pizza係薄底pizza黎🤤芝士同野菌份量好多👍🏻👍🏻鋪滿大半個pizza面，落少少tabasco，更加惹味好吃🤤😋🥴

呢間餐廳聽過唔同朋友推介，今次終於上黎試一試！環境好舒服，好清幽！而且地方好大，其實可以放多幾張枱，不過咁樣反而顯得好high class門口有張教手語落order嘅紙即刻影低先📸今次叫左一個2-3人餐，份量好多好飽肚蘑菇湯好有口感，蘑菇無磨到好碎蒜蓉包上面都有好厚嘅蒜蓉粒，同埋有好多塊食完都好飽啦！沙律都唔錯嘅大大份去到呢個斧頭扒真係嚇親！真係好大塊，叫左3成熟，好似生左少少，同埋真係好厚，要俾少少牙力先咬得開！不過食食下都食哂！三文魚意粉就最好味喇最後嘅甜品已經飽到食唔落喇

真心樂佩服「籽樂」的堅持同埋Heart去在香港推行生酮。雖然。生酮在香港越來越流行，但其實真正用心推行生酮的餐廳真的少之有少。今晚的同朋友Order了$328一位的生酮餐。頭盤有杏仁麵包配牛油，每一口是牛油香和杏仁香，好滿足。餐湯是椰菜奶油湯，是現場即煮的，所以製造需時，難怪咁好飲。主菜三文魚扒和牛扒，三文魚煎的香脆甘香，牛扒7成熟，吃起來好Juicy,用粉紅岩鹽和黑胡椒作簡單調味，已非常好味。餐廳還自製了100%芝士脆片作小食，頗有心思。卡邦尼生酮意粉是用翠玉瓜整的，醬汁使用了鮮忌廉加煙肉，口感豐富。套餐還有一杯生酮飲品和甜品，真的飽到反肚。好多謝店主的熱情招待同細則講解每道菜，成晚都食得好開心。我希望大家機會到去「籽樂」試下有Heart的生酮餐。提提大家想食生酮餐要預訂呀，因為食材需時準備！

社企餐廳俾我既印象大多都係café，或者價錢比較親民爲主。最近發現佐敦同尖沙咀交界有一間比較高級既社企餐廳【籽樂廚房】。呢間餐廳主打西餐，地點都ok方便、地方都好寬落、環境氣氛都幾好。餐廳裏面黑色制服係聾啞或聼障人士，但溝通落單完全無問題，可以用指或者簡單身體語言！侍應都非常親切~我地分別叫左一個dinner set同一個主菜。分量真係好~~~多，我地兩個女仔如果叫兩個套餐應該食唔完！Dinner set包括餐湯+蒜蓉包（一人餐有兩片）、自選沙律、一個主菜、一個甜品同一杯飲品。我地叫左安格斯牛肉芝士漢堡配薯條套餐 $268 同溫泉蛋卡邦尼意粉$138餐湯：南瓜濃湯，好creamy、好濃郁蒜蓉包：蒜味好濃，又好夠牛油味、唔會焊得太乾！自選沙律-巴馬火腿伴蜜瓜田園沙律（配無花果醋汁）：巴馬火腿有4片，完全唔孤寒、配甜甜蜜瓜非常match，無花果醋汁唔會太酸，而且好特別。不過田園沙律有少少苦安格斯牛肉芝士漢堡配薯條：安格斯牛肉可以選擇5成或7成熟，我地就要5成熟。漢堡扒非常juicy，雖然5成熟，但唔會好紅同流曬血禁。麵包都焊得好脆，真係比較高級果種漢堡。薯條都好新鮮，脆而不乾！溫泉蛋卡邦尼

而家嘅社企有啲質素都好唔錯，籽樂就係一個好例子！籽樂有聘請啲聽障人士做侍應，所以點菜做口型就OK 呢度幾kids friendly，有啲圖書俾小朋友睇，等食物嘅時候都唔使咁悶～餐廳嘅裝修簡簡單單，燈光比較昏暗，感覺好warm。食物方面，呢度有供應set dinner或者散叫。食物價錢合理，選擇都OK。先來南瓜餐湯，見我帶住小朋友好貼心咁俾埋碗仔蒜蓉包都幾好味，好鬆軟！蒜蓉調味好足！我哋仲點咗個小食，黑松露芝士薯條。黑松露醬配薯條其實幾好味，不過芝士份量就唔算多。薯條焗到非常香脆，簡直係小朋友至愛！主菜揀咗牛扒澳洲肉眼牛味濃，肉質都幾有咬口 伴碟仲有焗薯粒！最尾仲有跟餐嘅甜品同埋飲品，好豐富

朋友介紹話有間社企餐廳幾好食，於是搵咗日專誠去尖沙咀試下🤭今次我哋就叫咗一份龍蝦拼魚柳的set dinner和一份羊架。👻set dinner 隨餐會有埋餐湯、甜品和多士，都幾抵食架。另外我們加了一份芝士焗𧐢，芝士佈滿成隻𧐢🤤好滿足呀！最有驚喜的是羊架🐑煎得七成熟啱啱好，不會太老也不會太嫩。而且羊味濃之餘食落唔會覺得騷。🤫🤫好食嘅之餘我仲趁機學左少少手語啊.🏠籽樂廚房 (尖沙咀)尖沙咀山林道38號銀座38 3樓

今晚要去尖沙咀食晚飯，朋友揀咗呢間社企。地方乾淨企理，裝修比較簡單。呢度最大嘅特點係有侍應係聽障或者聾人，所以呢度有提供手語小帖士；但係其實完全唔使擔心，其實用口形亦都可以同佢哋溝通到雖然呢間係社企，但食物一啲都唔馬虎。我哋今晚叫咗set dinner 。先送上蒜蓉餐包，熱辣辣，加咗大量蒜蓉，都幾好味㗎！餐湯賣相唔錯，係南瓜湯，不過就加咗啲薑味。頭盤仲可以三選一，我哋揀咗煙三文魚沙律。其實份量都唔少喎，兩片厚厚既煙三文魚，配上新鮮爽囗嘅沙律菜，好清新！主菜要咗Ribs。分量十足！！！調味都好唔錯，而且肉質唔會好乾食完呢個超大份主菜之後仲有甜品！兩件小小嘅Brownie，加上一杯咖啡為我哋嘅晚餐畫上一個完整嘅句號。

番工壓力大，午餐總要靜一靜。籽樂廚房絕對係一個唔錯既選擇。籽樂廚房既黑松露野忌廉汁意粉，醬汁掛係意粉度不多不少，夠creamy又多菇類～Lunch set 包咗餐湯，蒜蓉包同餐飲。今日精選餐湯係南瓜湯，湯綿滑帶少少薑蓉味道。而蒜蓉包外脆內軟多蒜蓉，喜歡濃味既我就最愛啦～ 餐飲除有普通既咖啡，檸檬茶及檸檬水，還有特式餐飲，花茶，特濃朱古力及特調咖啡，任君選擇。另外仲加咗沙律，甜品，黑松露蜜糖雞翼，誓要化壓力為食量。沙律既黑醋汁，口味剛剛好，正好開開胃。黑松露蜜糖雞翼有厚厚的蜜糖，黑松露加蜜糖，味道原來甘合拍，食到停唔到口。甜品都有不同選擇，選了士多啤梨泡芙塔。士多啤梨醬沾泡芙，少少甜，為一餐作美好的結尾，又要努力工作啦😜。

山林道銀座38是一座食廈，有很多餐廳，今日咁岩經過先發現，覺得大廈幾華麗。看看有什麼餐廳選擇，看到社企餐廳sowergift kitchen, 好似唔錯，就試下。員工是聽障人士，但溝通完全無問題，他們應該係識看唇語，我們點菜配合餐牌他們都好容易明白。食物方面水準幾高，尤其南瓜湯好香濃，配上脆卜卜的蒜蓉包，好好味。我們叫了2份午市套餐，還加配了沙律，蜜糖雞翼，芝士焗蠔，甜品等，好豐富。每樣食物都幾有份量，食完好飽。主菜叫了比目魚，煎得香脆，裡面嫰滑。最愛這裡環境幽靜，慢慢食，不用趕住埋單，約朋友食野好選擇。

今晚去咗一間社企餐廳度食西餐。喺山林道嗰度所以喺佐敦站出會近啲。一想到去餐廳門口已經有牌教你用簡單嘅手語點餐。餐廳環境幾舒服d枱唔會擺到個逼夾。我哋叫咗一個set Dinner，頭盤有蒜蓉包，個包熱辣辣包邊脆脆地但係包身好軟林林，而且蒜蓉好入味。餐湯係黑松露蘑菇湯，質地好傑身，黑松露味濃郁。沙律要左巴馬火腿配蜜瓜田園沙律。蜜瓜好甜中和到火腿嘅鹹味，味道好夾。主菜要咗鹹蛋芝士蝦pizza，鹹蛋再加pizza好邪惡不過好好味，餅底好脆，食落咯咯聲，蝦都好彈牙。甜品係藍妹莓芝士蛋糕，藍莓味香甜唔會蓋過芝士蛋糕嘅味道。另外我哋再叫多咗一個煎帶子鮮蝦醬意大利飯。帶子好大粒而且彈牙，而且蝦醬味好出，飯嘅質地唔會太林又唔會太硬，啱啱好。店員服務態度好親切，個個都面帶笑容。整體感覺非常之好，下次會再幫襯。

籽樂廚房 網址: h地址: 尖沙咀山林道38號銀座38 3樓 電話: 26680450 我去過小社企餐廳，但通常都是coffee shop 或輕食店，而中價西餐的確是小見 而且有近期hit keto diet 餐，即是高油低糖，以達減肥之目的，Set dinner around 300 左右一位，由主菜,salad,bread ,dessert ,drink 組成，甚是豐富我之前試過set dinner 今次決定單點新的東西$178 香煎比目魚，魚嫩，個醬汁由香草忌廉調很出，更是錦上添花，愛奶香重的東西及食物$58 soup of the day tomato soup.creamy Salad $68 田園沙律伴無花果陳醋，dressing口味帶甜,我認為略甜不像吃salad ,反而似食甜品多多支持社企啦，食物出品不錯的呢

自從懷孕起，我跟老公再沒有到吃過一餐西餐呢，今次趁筋肉寶寶快兩歲，所以帶他來一間地點近，又有簡單兒童設施的地方好好品嚐一餐西餐！籽樂餐廳鄰近佐敦地鐵站，步行大概5分鐘內到，交通亦算方便！籽樂餐廳是一間社企餐廳，裏面穿著黑色衣服的是聾啞職員，接待我們的亦是他們，雖然他們聽不到，但無損我們感受到他們的禮貌以及幫忙！職員一看到我們有小朋友馬上就安排我們坐最裏面的坐位，裏面是有一間小空間讓小朋友玩積木及看圖書，其實筋肉寶寶玩時有點嘈吵，還好職員讓我們坐在裏面，可以讓我們減少點尷尬呢除了安排坐位，他們很貼心的馬上搬來BB坐椅和BB用餐具(整套是藍的，很可愛)，說真的這方面的貼心我是衷心給讚的點餐的時候，只要簡單點一下餐再展示數量就可以，也不會有什麼問題呢，點完餐我就馬上跟筋肉寶寶到旁邊玩玩玩沒多久湯跟面包就來了，今天是南瓜湯，看賣相不錯，喝下去就覺得味道不錯，不太甜又有濃濃南瓜味道！另外餐前蒜蓉面包也不錯，出奇地是非常有蒜蓉味道，喜愛蒜蓉旳朋友應該停不了口。湯沒喝完小食馬上又到呢，這次我們兩個小吃也有Order，首先法式芝士煙肉焗蠔感覺OK，芝士部分很好。另外黑松露蜜糖雞翼很香，也很不錯。還未吃

第一次來到社企餐廳，沒想到會是位於一座外表高尚的大廈內，內裡的侍應有部分是聾啞人士，所以在周圍都會有些手語教學，讓客人方便點餐。是日餐湯（薯仔湯）：湯較稀身，但仍充斥著濃濃薯仔的香味，湯上有拉花圖案，創意十足。煙三文魚田園沙律（柚子沙律汁）：厚厚的煙三文魚捲卷成像玫瑰花般，整個沙律非常精緻，加上味道清新，柚子沙律汁帶點點的酸味，令人開胃萬分。鮮蝦鹹蛋醬芝士薄餅：12吋薄餅超級大，完全不是一人份量，在每一件的薄餅上均有一隻鮮蝦，鮮蝦彈牙爽口，蝦上撒上香草調味，而在香脆的薄餅上還有塗上了滿滿濃郁的鹹蛋黃醬和芝士，令其咸香非常。朱古力布朗尼：濃厚的朱古力味，但不會過甜。

第一次來到社企餐廳，沒想到會係喺棟幾grand 既大廈內，內裡的侍應有部分是聾啞人士，所以在周圍都會有些手語教學，讓客人方便點餐。是日餐湯（薯仔湯）：湯較稀身，但仍充斥著濃濃薯仔味 飲左都幾飽肚最令人驚喜既一定係個蒜蓉包 好香 但如果再脆啲就正！煙三文魚田園沙律（柚子沙律汁）：厚厚的煙三文魚捲卷成像玫瑰花般，整個沙律非常精緻，加上味道清新，柚子沙律汁帶點點的酸味，令人開胃萬分。黑松露蜜糖烤雞翼：在香脆肉嫩的雞翼上帶著濃郁的黑松露香味，再塗上香甜的蜜糖，是一款滿分的小食。鮮蝦鹹蛋醬芝士薄餅：12吋薄餅超級大，完全不是一人份量！！！！！ 女仔一個根本唔會食得晒！！ 係平日既size ge double!! 在每一件的薄餅上均有一隻鮮蝦，鮮蝦彈牙爽口，蝦上撒上香草調味，而在香脆的薄餅上還有塗上了滿滿濃郁的鹹蛋黃醬和芝士，令其咸香非常。安格斯牛肉芝士漢堡：份量頗大，牛肉漢堡熟成度可供選擇，牛肉肉汁豐富，肉味濃郁，再配上清爽生菜蕃茄為其增添口感，味道層次極為豐富。朱古力布朗尼：濃厚的朱古力味， 好滿足呀呀～～～