糖佰府 (已結業)

芒果拿破崙（$34）拿破崙是我最喜愛的甜品之一，每次見到都會忍唔住要order一份。酥皮鬆化香脆，夾著超多的吉士cream香滑濃郁，淡淡滋味。再配上清甜芒果，實在太邪惡了！雙丸椰皇西米（$38）椰皇入面內含湯丸和芋圓，煙韌彈牙，口感十足，加上椰子味道突出，香濃幼滑，配上西米非常match!無花果雪梨燉海底椰（$30）凍冰冰來一個滋潤甜品實在最好不過！清潤芳甜的傳統糖水，足料又好味。店內環境不大，但裝修舒適。店員很細心，提供小碗子方便客人share吃，友善的態度令每位客人都吃得非常滿足。

女人愛吃甜品，是一個改不了的行為，因為一邊說自己肥，另一邊又去要食甜品。在2者衡量之下，還是要去食甜品，吃完個晚飯還是不夠飽，路經這間甜品店便坐下來。不知食什麼甜品之下，看見牆上貼了雪脆，還有3個雪糕球，貪心一起便落單了。雪脆 HKD36，選了朱古力、曲奇和綠茶味雪糕。看圖大概做到雪脆像是一個多士伴著雪糕而吃，當雪脆送到眼前，又好像不是多士。吃下一口，雪脆原來是由酥皮所做，能看見中間多層的酥皮，味道都幾香幾脆。選上3款較為特別味道的雪糕伴著吃，一熱一凍的口感又幾得意。用上3個雪糕球伴著4件酥皮而吃都只是賣HKD36，其實都幾經濟。酥皮又幾香脆好味，伴著雪糕一起吃又名乎其名雪脆。

九龍城原來也有糖佰府, 但此府不同彼符, 非以賣雪花冰為主, 甜品種類更多, 中西式以至台式雪花冰都有, 當然要一試究竟!法式燉蛋 $30Creme brulee面層焦糖厚了點, 蛋的部分相當creamy軟滑, 但蛋味略淡, 淡忌廉比例多了點, 但雲呢拿味頗香濃, 又不過甜, 都不錯。雙圓椰王紫米 $38椰子味非常濃郁, 內裏有大量煙韌的紫米, 還有軟糯的芋圓、蕃薯圓, 和芝麻流心餡的湯圓, 令人吃的非常滿足, 暖烘烘的更令人幸福感湧上心頭。燉奶 $20燉奶非常滑溜, 不會太甜, 很好吃, 如果要挑剔的話便是奶味可以再濃郁點。法式玉桂蘋果批 $35酥皮微暖, 非常香脆, 配上清新爽脆的蘋果, 和軟滑的雪糕, 還有淡淡的肉桂香, 都不錯。只是綠茶雪糕茶味較淡, 奶味偏重, 滿足不了抹茶控。這間甜品店水準出乎意料地好, 九龍城又多一個甜品好選擇。

係九龍城食完辣野，必要要搵間甜品店食甜品做「對沖」 而家好多甜品店為左放多幾張台，抗衡租金，就忽略左令客人坐得舒適呢一個元素。而呢度除左空間感大，樓底高，裝潢而好用心。令人喺身心放鬆既狀態下食甜品，仿佛已經變成甜品店既一個奢侈特色。幸而，喺呢度仲搵到呢個感覺 細看牆上的裝飾時，我地已經搵到想食既甜品 法式玉桂蘋果批老闆娘見我點呢個甜品，所以問我：「你鍾唔鍾意食玉桂架？」老實講，我麻麻地架咋，不過玉桂同蘋果係絕配，所以我對呢個甜品產生左興趣 點呢個甜品，仲可以跟一球自選雪糕，我就要左曲奇 呢個甜品果然無令我失望，玉桂香味，配上蘋果果味，最佳拍擋也 而酥皮香脆，配上曲奇雪糕既軟滑，豐富左整個甜品喺口感既層次度。雙丸椰皇紫米話就話雙丸，但材料唔只兩款咁少！芋圓、蕃薯圓、湯圓，加上椰皇肉同紫米，淨係聽我形容材料，已經估到，成個甜品煙韌口感十足！最特別係椰皇香味好重，配以各種食材既獨有既甜味，令成個紫米既味道好豐富座位坐得舒適，甜品做得出色，係呢間糖佰府既特色價錢亦好合理，下次再黎九龍城，絕對會考慮再黎食甜品！（Menu上其他甜品）

與友人火鍋過後，自然要找一點甜品，填補一下所謂「第二個胃」。記得上次在九龍城吃飯後也來過這裡——糖佰府，今晚也是選了這裡，作為我們飯後甜品的聚腳點。餐牌與上次來的時候一樣，不過店家也推出了幾道供應期有限的甜點。當中最吸引我的，是這道法式玉桂蘋果批($35)。等了十多分鐘左右，剛剛出爐的蘋果批便奉上。整道甜品的賣相頗精緻之餘，還充滿玉桂香氣，這些芳香撲鼻的玉桂味絕對惹人垂涎，使人精神一振。酥皮烘烤至金黃色而沒有半分焦黑，時間掌握得很好。酥皮香脆可口，中間的蘋果片甜味合宜，玉桂的味道也是點到即止。配合冰涼的雲呢嗱雪糕，冷熱的享受共冶一爐，是相當不錯的一道飯後甜品。

食完飯硬係要食埋甜品先覺完美，朋友極力推薦附近一間甜品店，於是我地又去食食食。店內座位約有40個，地方不算大，但一睇餐牌甜品款式都算多選擇，我又有啲選擇困難症，但見冬天凍凍地就揀啲清潤啲嘅甜品啦，見餐牌個椰皇好似幾吸引，就一於食佢啦。原個椰皇上，外邊還暖暖的，一開蓋就聞到椰汁嘅香味，呢個自家調製制嘅椰皇汁，入面係有小小椰汁、椰青水制成的，好清甜潤喉，但又唔會太甜，感覺好順喉。裡面仲有椰子、芋圓、番薯圓、西米和湯丸，食完後仲用湯匙起晒啲椰子肉嚟食，當堂覺得好滿足，秋冬食佢簡直一流，滋潤到爆。呢度嘅甜品都唔算貴呀，食物質素又高，回頭率超高。

朋友係新蒲崗番工，約佢放工後食飯，近近地就去九龍城啦。晚餐我地食泰菜，食完之後我地搵甜品食，要發揮下我地個小宇宙。經過呢間甜品店，見個名好熟，因為以前好多地方都好似見過，見d野食相好似唔錯，入去試試啦。入到去先知原來唔係同一間來，糖佰府vs糖百府。 真係唔講唔知，原來糖佰府開左成十年架啦。下。。。。都好多年喔，但無食過。第一間係將軍澳，可能平時少去果頭，真係唔知呢。 而呢間就係第一間分店來，呢度d野食都好多款，我對糖佰府個印象只有雪花冰，但呢度除左台式甜品之外，仲有傳統港式甜品同新潮派甜品。食咩好呢？食咩好呢？太多款啦！好多都想試。"登燈瞪凳"最後我叫左個雜苺窩夫，雪糕任你配搭，我叫左vanila味雪糕。個窩夫來到，見個面有咁多料，真係好興奮呢！口感方面佢走軟心路線，面就微脆。朋友話唔鍾意呢個口感，我又ok窩，窩夫份量唔細，入面好軟熟得來有小小"彈性"，感覺唔錯，好彩唔係實的的果種姐。 味道方面，蛋味飄香，整體唔太甜，牛牛糖漿完全無落，因為本身已經好多料好豐富。怕太甜，唔落糖漿會好d。 如果鍾意食比較脆口嘅窩夫，咁我唔建議你食呢間啦。d棉花糖可以再焗耐少少就好啦，可以做到起絲效果更佳。

法式肉桂蘋果批🍎 ($35)九龍城糖水真係愈開愈多，司令今次試既又係新開既糖水舖。雖然個名好似糖百府，但店入面貼滿曬紙話佢地係唔同架。 好少糖水舖可以食到蘋果批，所以見到有肉桂蘋果批，諗都冇諗即叫😍。由於即叫即焗既關係，大概等左十五分鐘，批係酥皮既，上面係切到好薄既蘋果片，再加上肉桂粉，蘋果香甜味重過肉桂味，唔中意肉桂味既朋友都可以接受到架。

天氣乾燥，想吃點滋潤的甜品，希望減低天氣對身體的負擔。來到此店，地方細細，卻是別緻，可見店主深明裝修，是給予客人的第一個印象。天氣乾燥，叫來椰皇紫米湯丸露，海底椰燉雪梨，我又鍾情於蘋果批，還是多要一客法式蘋果批。椰皇紫米湯丸露，椰皇汁非常香濃，入口還有紫米的獨特香味及味道，一般甜品的紫米露，要吃著紫米時才感覺到紫米的香，可是這個就連椰皇汁也有紫米的味道，令人眼前一亮，驚喜十足。海底椰燉雪梨，平時我並不喜歡雪梨做的甜品，覺得太甜，可是這個卻令我一改以往的感覺，有著雪梨的清香，也有雪梨的清甜，甜而不膩，當中又透著海底椰的味道。最後送上的是法式玉桂蘋果批，賣相很精緻，單是放在枱上，那陣玉桂的香氣，已向四周展示，蘋果批鬆脆可口，蘋果鮮甜，配上雲呢嗱味雪糕，卻是非常匹配。雪糕與玉桂配合得很好，不會遮蓋蘋果的鮮甜，又不會互相影響之餘，同時又因雪糕的味道，帶出玉桂的清香，三者之配合，完全難以言語。天氣的乾燥，引導我到來此店，令我對雪梨的改觀，紫米的香味濃郁，又品嚐到非常的蘋果批，真的有點喜出望外之意。

住係美食天堂九龍城既我, 真的想幾任性就可以幾任性, 夠膽死夜媽媽自己單拖出黎食糖水...入到去第一眼就睇到呢個椰皇系列...即時ORDER 左個雙丸椰皇西米!! 由於呢個椰皇既椰汁係自家調製, 所以特別清潤, 配以芋圓, 蕃薯圓,湯圓及西米, 材料份量足, 又夠口感, 我超喜歡食煙煙靱靱既野, 仲要甜而不漏, 呢款糖水, 我無點錯呀!! 而個椰皇D椰肉除左入面, 我連個蓋既椰肉都KO埋, $38蚊真係只有糖佰府先做得到, 坊間其他糖水店食類似糖水都要$50以上, 呢度真係堅低食呀!!

都話女人有2個胃, 一個載食物, 另一個用黎食甜品, 明明話晚餐食得好飽, 轉個頭見到甜品店又話要食, 天呀 >>> 我又怎能獨善其身呢?糖佰府? 定糖百府? 我地問老板娘2間是否同一個老闆, 她說兩間甜品店同音不同名, 但完全沒關係的, 甜品款式太多, 不知食什麼好? 樣樣都想食, 肚子卻很小, 問老板娘有沒有推介, 她介紹了新出品 ~~~ 玉桂蘋果批。店舖面積不太, 沒辨法, 香港租金實在貴得離譜, 長條形放了十張、八張小型檯, 排得好整潔, 小檯勝在可以靈活分合, 大班朋友黎也可把小檯合體, 坐埋一齊會否在九龍城關係? 很多明星也來吃, 噢! 男神王宗堯也來吃過 唔知佢食左乜呢?法式玉桂蘋果批 ($35)老板娘推介點都要比個面試一個, 批皮焗得焦黃, 好鬆脆, 蘋果夠腍, 甜酸度適中 , 玉桂味較輕, 個人比較鐘意食濃些玉桂味, 我提意老板娘可加多點玉桂, 原來這裡很多時一家大細飯後來吃甜品, 小朋友不愛太重的玉桂味, 為迎合大小朋友可以一齊食, 老板娘下玉桂份量調整過, 我說……既然每份甜品即叫即制, 那可以落單時順便問問客人, 喜歡吃輕玉桂定重玉桂味,

星期五晚約了朋友食飯 ，無他的，工作以外想找人聊聊天，吹吹水，於是選擇近巴士站的糖伯府，方便大家出入，其實我知道有兩間同音的甜品店，究竟誰先誰後真是不得而知啦，我只是知道好的食店一定多客人光顧。我們點了心太軟、提拉米蘇、雙丸棷皇紫米和法式玉桂蘋果批。先來的是雙丸棷皇紫米，這道甜品用椰皇盛載，開椰蓋時一股椰子味湧出來，內裏配兩顆芝麻湯圓、數粒芋圓和紫米，紫米份量足，芋圓本身是無味的，台式的芋圓甜湯通常是加在糖水上，糖水不是粵式的糖水，我指的是糖加水，口感較單調，但現在芋圓的QQ口感配上椰子的清甜和淡淡的奶香，在冷冷的寒冬下，這道甜品成為一道甘露。可能因為熱食的關係，味道略甜。如果在甜度再調較一下，定必更理想。提拉米蘇送到桌上，買相十分可愛，跟現今一間連鎖餅店的提拉米蘇的賣相一樣，單看外形是一個小盤景，上面有一小棵沙律菜，面用碎餅鋪成的泥。坦白說，我完全食不到任何咖啡酒味，口感也太膩太重。與其說提拉米蘇，倒不如是oreo曲奇碎配慕絲，這款甜品適合小朋友及不愛酒的人，但不是我杯茶。接著送來的是熱烘烘的法式玉桂蘋果批和心太軟，蘋果批薄薄的鋪滿整個批面，玉桂粉輕輕的灑上，批邊脆，蘋果味香而清甜，

次次係九龍城食完飯都係必定食埋糖水，今次簡左呢間！ 左簡右簡決定左試下窩夫！ 叫左雜莓窩夫配朱古力雪糕蜜糖任落超大方，岩晒我呢啲嗜甜人士。賣相已經加左分，排得整齊靚仔。一粒莓一格窩夫，窩夫鬆軟，配上酸甜雜莓，好夾！雪糕亦並非雀巢牌，帶有粒粒朱古力碎 ，不錯

人班人吃飽飽之下，還想有下場，最好去食甜品。糖佰府位於九龍城，就在我們吃晚飯的地方 附近，內裏地方雖不大，但有枱可以坐下8個人。還記得糖佰府的窩夫好吃，很多朋友們都沒吃過，只聽說同名不同老闆的糖百府，所以便一起前往，好好坐下，繼續我們的下場，一邊說笑一邊吃甜品。今天試了新款甜品，味道還不錯，HKD35價錢也不貴。******************糖佰府，位於龍崗道，我已經不是第1次來吃了，朋友都吃過，所以便決定前來。門外還有拉架介紹他們的甜品種類。法式肉桂蘋果批，HKD35。這就是最近新推出的甜品，口碑反應也不錯，所以我便決定吃這款甜品，但制作需時等候。單看賣相，酥皮也焗得起，配上朱古力曲奇雪糕，用上朱古力漿畫花，都幾靚。看見灑了滿滿的玉桂粉，還有一片片蘋果片放在酥皮之上。切開酥皮都很容易，入口也很香脆，淡淡的玉桂味，不算很濃，蘋果片也不會很酸或很甜，味道也很配合。最吃下朱古力曲奇雪糕，一暖一次的口感，覺得這甜品吃下會讓人很滿足。

是日，去完九龍城食越南野，意猶未盡，諗住搵間糖水舖食下甜品。 行行下就見到糖佰府，諗起唐伯虎點秋香，見個名都幾得意就入去試吓啦。 入面細細間，牆上面貼住好多明星黎食過嘅相片同埋食物嘅相片。 睇吓Menu，選擇都幾多，冷熱都有得揀，價錢又唔貴喎，都係30幾至40幾蚊一個甜品，所以一口氣就試咗三樣。 法式玉桂蘋果批 $35即整熱辣辣，未食已經覺得好香，蘋果批脆卜卜，咬落鬆化，玉桂味香濃。 外層係酥皮，中間係一片片薄層嘅蘋果，下面熱上面凍，配搭曲奇味嘅雪糕好夾，唔會好甜。 芒果棉花冰 $40黎到好似一座山咁，棉花冰牛奶味好濃，入口即溶，食落去覺得好軟滑 芒果唔酸好新鮮，芒果汁都好多，撈埋棉花冰好好吃。 無花果雪梨燉海底椰 $30熱食，係咁凍天氣下食呢個甜品真係覺得好滋潤，飲落去覺得好香甜，食完驅趕晒所有寒意，喉嚨亦都覺得好舒服。 呢度嘅甜品真係又平又高質素，老闆娘招呼都好熱情，值得試下。