紅磡冰室 (已結業)

以前住在紅磡，已經非常喜歡吃紅磡冰室。近期才發現，分店越開越多，連港島也有幾間，於是今天去了在炮台山的紅磡冰室吃下午茶。餐廳最馳名的，非常餐和特餐莫屬。通粉/麵/撈公仔麵，配上煎蛋/炒蛋，再加多士/蒜蓉包，連餐飲都只是$4x，性價比非常高。我點了「雞翼撈炒蛋蒜蓉包」，瑞士雞翼撈公仔麵非常出色，瑞士汁完全滲透雞翼和麵條；炒蛋十分滑，一直是「紅冰」的招牌之一；蒜蓉包非常香，而且不會太硬或太軟，質素很高。嘆了個出色的下午茶，代表今天又是美好的一天。

食左個下午茶，叫左個乾炒牛河同瑞士雞翼炒公仔麵，包炒蛋同蒜蓉包。首先上左個炒蛋同包。炒蛋毫無蛋味係大部分茶餐廳既特色。我都算，比佢勉強過關。個蒜蓉包幾好食。乾炒牛河正正常常。同普通茶餐廳冇分別。個瑞士雞翼超難食。咩雞味都冇。淨係得個甜。係超級超級甜。跟住佢仲用超甜汁去炒個公仔麵。oh My God. 完全係浪費食材。完全食吾落。環境還可以。這樣的店當然吾洗等位。唯一既安慰。非常失望。感覺這間鋪可以倒閉了。吾該。

今日冇帶飯，於是同同事喺公司附近睇下有乜好食，有同事提議紅磡冰室，但係行到門口見到 排長龍 ，有同事怕排隊，諗住食另一間，但見入面有一大班人走，於是就決定排隊等一等。大家記住呢間紅磡冰室喺午飯時候經常係要排隊等位的，可能因為d嘢食好味，份量足夠，怪性價比高。入正題，佢每一日都有一個指定嘅套餐，如果套餐唔啱你食，你可以揀餐牌另外一啲指定嘅特餐。今日我就點咗個豬扒撈麵，呢個豬扒撈面塊豬扒非常之大塊， 外有小脆，有口感，唔會嚡，十分好食，好欣賞佢喺咁旺的情況都可以保持水準，除此之外，呢個撈麵套餐仲有蒜蓉多士，呢塊多士，外面脆入面係軟同熱的， 可見水吧師傅對烘多士嘅時間非常執著認真， 除此之外佢杯奶茶成日都可以保持一級嘅水準 ，咁嘅套餐都係收46蚊，佢嘅定價雖然係小小貴，但間餐廳佢畀番曬咁多嘢俾你食，性價比非常之高，建議各位有時間去試一試。

好多時經過紅磡冰室都見到好多人排隊，今日放假就約親戚過泥食午餐。我地一行七人,開左間房仔比我地坐。餐牌就冇影，但食物種類真係超多。常餐豬扒公仔麵加炒蛋多士。塊豬扒大過我塊面，入味非常，又唔會煎得好乾。魚香茄子飯。色澤同味道都好均匀，料足個汁又唔會好咸，晤錯。咖哩雞飯。咖哩汁好香椰汁味但甜左少少，而雞份量都頗多，送飯得！乾炒牛河。正！鑊氣好夠，河粉唔會痴埋一舊，味道炒得啱啱好，唔咸，牛肉大大塊。海鮮福建炒飯，好味！料足個汁又調得好。唔會過份濕，會忍唔住北多一碗再一碗。總括呢講，碟碟份量都好多，七個人叫五樣野都食唔哂，而且價錢大眾化。

🐷菠蘿京都骨飯🐷我記得細個食京都骨係深紅色架 有啲醋酸味唔知點解大個食會變左咕嚕骨🤦🏻‍♀️其實都好食既 有五大舊 夠淋 外面又脆脆地幾好餸飯 但係食唔返細個陣味囉😷

將軍澳人就喺炮台山同朋友遊蕩今次想快手食個午餐，去咗炮台山港鐵站對面嘅紅磡冰室。嗰日唔係太肚餓， 食唔曬一個常餐， 因為叫餐的話就有好多嘢食， 有多士，炒蛋，通粉/麵，仲有杯飲品， 所以淨叫碗雙拼米粉，原本雙餸揀火腿/餐肉/腸仔/煎蛋 就$32， 其中一款轉做豬扒/雞扒就要加 $6， 即係話普通一碗如下圖雞扒腸仔米粉就要$38...米粉分量一般， 雞扒煎得有啲過火， 仲好油膩， 成碗米粉都係雞油... 果兩條腸仔亦實在太鹹，系劣質廚師腸， 講真$38 不包飲品不如我去對面麥當勞食個餐😒😒仲有店員安排我同朋友坐喺近門口嘅卡位， 自動門不斷開合冷氣不斷流失， 結果我喺度簡單食碗米粉都越食越熱， 最後出曬汗， 整個過程一啲都唔係享受👎👎👎仲有一開始店員上錯菜， 畀咗腸仔火腿公仔麵，結果又要等多五分鐘🙁

上完堂，肚餓到一個點，行經紅磡冰室俾佢個招牌吸引左，決定一試。望住餐牌，花多眼亂，最後揀左常餐，貪佢咩都有啲。多士加炒蛋-厚多士烘到外脆內軟。個人最愛食法係撒上沙糖，當咸香嘅牛油遇上沙糖併發出難以形容嘅滋味。炒蛋好滑，好香牛油味，夾落多士一齊食，味道都好正。會揀常餐另一原因係俾佢menu上面呢個瑞士雞翼撈公仔麵吸引到。上枱熱騰騰，香氣撲鼻。雞翼好入味，肉質嫩滑。公仔麵煮得剛剛好，唔會太稔，瑞士汁均勻分佈喺每一條公仔麵上，食落味道濃郁。最後飲埋跟餐嘅奶茶，真係飽到上心囗。整體而言，佢嘅質素高過一般嘅茶餐廳，而且每碟都大大件。價廉物美，佢當之無愧。

今日去食午餐，選擇少，最後揀得特餐。想落order狂揮手冇人應，咪舉高隻手囉。點知有個兇神惡煞嘅呀叔話:「轉頭啦，唔駛舉到隻手咁高！」仲啤啤貢，態度超差個特餐有叉燒通，蒜蓉多士加炒蛋，都ok嘅，但份量好少。食到一肚氣，以後唔再去！

今日中午一點多經過軒尼詩道，見到唔知幾時開左間紅磡冰室，外面仲長長排咗一行人。 見咁嘅形勢決定喺附近做完嘢遲啲先回來食晏。兩點回來，人潮已退，不用等就可直入就座。 但這時間食中午套餐有點晏，下午茶時間又未到，在這尷尬的時間決定點常餐來食。好耐冇食瑞士雞翼就揀呢款啦配滑蛋多士。多士麵包嘅厚度係普通同台式厚多士嘅中間， 烘得剛好，外脆內軟，牛油量不太多， 蛋炒得嫩滑， 鋪係脆口嘅多士上面同食口感多樣。瑞士雞翼醃得好入味，雞翼略嫌煮得稔了點，但汁味正加番不少分。 公仔麵煮得剛好唔會太稔黐埋一舊，而是條條分明。食清哂D嘢之後，飲番杯濃滑嘅港式絲襪奶茶，為這餐畫上完美嘅句號。

早上又跑完步，肚子難免地超級地餓，一個人悶悶地，難免要吃個豐盛的早餐。走進餐廳，叫了的早餐包括有多士、火腿，炒蛋之類。估計是茶記貨色，原來店方出名的就是黑松露炒蛋。萬料不及的是蛋竟是嫩滑到飛起，蛋液留存，牛油香多黑松露香蕩漾於口中，何其神往！多士多牛油是必然的事，煎烘得脆中帶綿，忍口是負極品！火腿稍微差矣，可能略略烚過，帶軟無味而不香。黑松露，曾經是多麽矜貴的食材，現在連茶餐廳都吃到了，不能不讚。

服務變差，裏面有空位，在天氣30幾度咁熱之下，我們3位在外邊等。 直到有位搭，才可以進內搭枱。 是次本人叫左生炒骨食， 之前幫襯過10幾次，最近呢2次幫襯返，除左服務態度變差左， 食物水準都差左。。。

炮台山一向很少去，去搵食亦無一次，某教會有研經會，所以要去一去。 約了姊妹在附近食飯，由於只有一小時，不能走太遠，在港鐵對面尋找食店，見紅磡冰室個招牌幾突出，便去試試！踏入食店，我們三人選了卡位坐下，時間沒有太多，見到有晚市套餐幾吸引，便下單叫了咕嚕蝦球、回鍋肉，另加一碟梅菜菜心。餐很快來到，但極失望....咕嚕蝦球還可以，起碼有咕嚕肉影子，回鍋肉就只係菜炒豬肉卷，被菜名騙了，梅菜菜心，沒有味道，白飯不是一粒粒，是黏住，似爛飯，例湯送味精，餐飲咖啡比大x樂還差！紅磡冰室比一般茶餐廳更難吃！價錢並不平宜，不會再去或推薦人去！個人評分食物：D服務：C環境：C

It is a very cozy place, good for casual dinners. We ordered a black pepper pork knuckle pot, stir fried vege and chinese style tenderloin, they come in set so soup, a bowl of rice and drink are included as well. The pork knuckle was massive, served with broccoli and black pepper gravy; the tenderloin on the other hand, was served with a well balanced classic sweet and sour sauce.All three dishes were great and the portions were generous, very good value for money!

難得星期日早起, 因為答應左幫老友搬電視。約左8點半係炮台山地鐵站等, 出左站老友話請我過對面間紅磡冰室醫飽個肚先開工, 我又點會拒絕呢。😙呢間紅磡冰室係炮台山地鐵出口對面馬路, 門面同一般茶餐廳唔同, 比較光亮華麗, 內部裝修有少少工業風。早餐選擇都唔少, 價位正常。早餐改左多士, 多士都幾厚身, 外層幾脆口。蛋同火腿味道正常。沙爹牛肉麵份量都幾多, 個沙爹汁顏色偏黑, 唔辣, 不過冇乜花生味。凍奶茶都幾香滑, 茶味都夠, 不過比較甜, 下次再來我會叫少甜。不需加一, 凍飲加$3。

番工番到攰攰地，唔想煮，但又想搵到有住家飯既味道，咁點算好? 答案係可以去紅磡冰室， 但係佢都有分店係北角。我地一坐底，侍應就好好招呼，而且奉上例湯一碗，係免費架，一飲就知道火候十足。睇完餐牌之後，叫左個士多啤梨骨(75HKD)，茄子班腩煲(68HKD)，再加18HKD 就有碟大大既油茶。 個士多啤梨骨好好味，唔會太酸，而且甜甜地，非常開胃。茄子班腩煲非常香噴噴，用料十足，比起d大酒樓，一d都唔輸蝕。呢餐食得好滿足，又有家既味道，兩個人食埋單都係161hkd, 價錢相宜，大家都快d試下啦。