紫粵軒

之前來過一次喝茶，感覺環境安靜，點心亦不錯，固此已打算之後再過來吃晚飯。經過聖誕節數餐西式大餐後，26號晚決定來一個清淡的中菜，所以便選擇了再來紫粵軒，2人叫了三個菜，一個是腐竹雜菜煲，一個蘿蔔牛腩，一個雞球。腐竹雜菜煲份量很大，有不同種類蔬菜，而食材很新鮮，清淡之選。蘿蔔牛腩煲的蘿蔔很鮮甜，牛腩亦很入味。是橙味雞球的汁有點怪..總括而言都是滿意的

終於都到今日喇😆早成個月 book 位仲要 full payment 先真係超誇張. 環境幾好. 坐得舒服又寧靜, 而且服務都唔錯, 職員幾勤快有禮.有五款蟹選擇👍🏻😋坐左一陣 好快頭盤送上個苦瓜酸酸甜甜. 味道得意. 唔講真係唔知食緊苦瓜😝 醉雞幾香滑.每人每次限點兩隻蟹· 需時大約十五至廿十分鐘. 所以拆蟹時 order 定下 round 就岩岩好😆主角出場. 首先食個蟹粉蓋· 味道唔錯. 唔駛拆蟹甘辛苦😝 冰鎮黃酒就麻麻地. 無咩酒味. 糯米蒸幾特別· 淨食蟹一定唔飽, 食下糯米飯可飽肚點😁風沙都好惹味好香.都係清蒸最好味👍🏻 蟹味最鮮甜.薑茶只包一杯就唔太夠囉, 建議唔係任飲都可包二杯會好 d😝 但就幾夠薑味·

又係一年一度大閘蟹季節，由於上年去紫粵軒食過，好好食既關係，就算加左價一於再去今年既款式都改左唔少，前菜就變左話梅爽脆温室白涼瓜、鮮人蔘陳年花雕醉雞和花菇鮑魚絲湯羮而大閘蟹只保留清蒸、風沙和冰鎮黃酒大閘蟹呢三款，另外轉左兩款新口味：籠仔荷香蟹粉糯米蒸大閘蟹和燕窩蟹粉蛋白蒸釀大閘蟹蓋，而冇左加$1多個燕窩蟹粉海皇羮，變成在FB分享大閘蟹相片，向待應出示就免費送上甜品，津梨蜜糖燉海底椰首先講吓d前菜先，話梅爽脆温室白涼瓜個名真係改得好貼切因為咬落個涼瓜爽脆而且有話梅既香甜鮮鮮人蔘陳年花雕醉雞,聞已經有陣人蔘和花雕味，食落去啖啖肉，雞肉嫩滑滲出陣陣花雕味道花菇鮑魚絲湯羮，味道濃淡適中而且配料豐富，有花菇、鮑魚絲和竹笙，啖啖口感豐富有層次感食完前菜就到主角出場，今次紫粵軒為左唔同款式既大閘蟹而配搭出三款不同既蟹醋有(山楂荔枝、子薑酒糟和秘製)大閘蟹醋,三款蟹醋味道真係唔同，齋食都好跟指示配搭唔同大閘蟹來食，真係將大閘蟹個味道提升到另一層次今年可能十月去食唔係水尾關係，d蟹多肉多膏，好多隻蟹膏都係金黃色今次都係試冰鎮黃酒先但今次比我既感覺冇上年噤好，因為個黄酒味冇上年噤香噤濃烈清蒸大閘蟹，可能蟹

全部都係蟹  ！全部都係蟹  ！全部都係蟹  ！一個月前先訂位，訂位又要先用信用卡過數，又寫填填過數，又要用電郵回覆，其實都很煩，但都冇辦法喇，聽講每年都好難book,預是都接受這個方式，之後好期待這餐任食大閘蟹。地點有點遠，但近地鐵，算方便。6:30才可落單，每次每人可叫2隻，即叫即蒸，應該足4-5兩 很大隻，味道淡淡的，沒有驚喜。頭盆不是任食，但算不錯，蟹款色都是清蒸好食，其他味道一般，凍食沒有味道，風沙感油，燕窩蟹蓋 很淡味，荷葉糯米還可以，全程食左5隻 已經很滿足，吃不下了 我比較欣賞前菜 同薑茶，很足味，也很濃郁正體算不錯，如果款色多些 會比較冇單調，如果有大閘蟹小龍包、同蟹膏蒸飯、其他特式款食，比較開心，希望下年可以改善，只有大閘蟹食到好攰

食咗咁多年大閘蟹，以為大隻先會多膏好食，今次經驗令我對細隻嘅大閘蟹改觀，原來細隻都可以咁多膏👍🏻，真係超驚喜😱頭盤、醉雞、羹、之後就開始食蟹、大閘蟹有五款、凍蟹、燕窩、糯米、清蒸，任食，我個人推薦凍蟹👍🏻整體來講大閘蟹雖然細隻，但都算OK，缺點係淨食大閘蟹好(流)，食咗好多隻都唔飽，建議套餐內應加多個乾炒牛河及蟹粉小籠包咁就好喇😊😂

小妹係一個好瘋狂的蟹迷。。。特別係大閘蟹!一到大閘蟹季就不停買不停試放題或自助餐!今次同媽咪預祝生日又早年聽聞幾好食評，貴都黎試一試!點知。。。難食又唔可以講但完全無咩又唔會食完有滿足感囉有機會都應該唔會再試lu

早兩星期同屋企人去左紫粵軒做節（中秋節）我地一行六人紫娃娃走左去試菜，酒店果然唔同d，可能係閒日關係，唔算太full，可以靜靜d享受一餐！先黎個頭盤先唔好怪我唔記得晒d菜名老人家冇咩記性啦，呢個頭盤好清新，入面有花膠、木耳、腐竹等再黎燒腩仔，我地6個人岩岩好每人兩粒，人多d都唔夠分我感覺好似翠園既燒腩仔正d花雕蔥爆蝦球 蝦球啖啖肉 正呀係咪唔知呢個咩黎呢 好似脆米咁 其實係泡飯黎架 不過佢既飯炸到卜卜脆浸落個湯度口感好得意，誠意推介呀，必試！總括黎講性價比好高，不妨帶屋企人黎試試！

今晚，同外父外母食晚飯。近近地，又有得上網訂位，食評咁多哈哈笑，就試下佢。今晚呢餐，响酒店入面，收酒店價錢，好正路。但食物質素好好似一般酒樓，服務又麻麻。真係食一次就冇下次。可能啲評分係食下午多啦，不過我都唔會再食佢架啦！

從未係酒店中菜廳食過lunch今日同公司前輩出來食飯... 佢提議來呢到...一餐半餐... 試一試都無妨....餐廳環境非常寧靜舒服!!! 好難得可能靜靜地食個lunch咁嘆...前輩本來為"燒雞"而來... 誰不知已經售罄... 店員就推介左鹽酥雞其他點心無影相.... 但大部份點心都好fusion... 味道亦很好!豪一次咁多啦... 下次都係食番d平民野算喇...

今晚有大學同學從遠方返來, 因為要近佢屋企所以我哋一行11人來到將軍澳搵食, 由於人數太多既關係, 佢又想食中菜, 所以呢我就揀咗紫粵軒. 入到黎, 環境優雅又夠靜. 我哋先叫咗脆皮燒腩仔, 一見到話得12件, 我哋都係啱啱夠一人一件, 不過都真係幾脆, 肉味咸香, 好食!鮑魚汁豬仔腳, size都係好的骰, 不過味道都調校得幾好, 應該落左花椒八角等香料, 肉質亦都新鮮爽口彈牙.跟住再叫左片皮鴨, 個片皮鴨係一鴨兩食, 呢度菜味道未算突出.香草蜜汁叉燒, 好腍, 蜜汁既香甜加上叉燒的惹味, 係最完美既配搭!跟住再叫左個花雕蔥爆蝦球煲, 蝦肉爽口彈牙, 味道保持水準, 夠香夠惹味.杞子浸時蔬, 呢度菜保持水準, 湯底清甜, 菠菜新鮮, 與鮮紅的杞子係視覺上已經贏哂!紫粵軒炒飯, 炒飯炒得乾身, 配以蝦肉, 魚肉來炒, 真係幾唔錯!柚子蜂蜜吊燒雞, 個柚子蜂蜜其實係另上, 雞燒得香脆, 再配柚子醬, 真係估唔到原來可以咁樣點雞食, 感覺清新, 真係幾好味喎! 不過都嫌份量太細啦另一個一鴨兩食, 炒鴨鬆, 呢個呢就味道普通啦, 我覺得呢道菜好難做得好突出因為實在太唔夠飽啦, 最後我哋在加左

身為標準「無飯」主婦，一連兩星期都搵一日同老公食好dd，試左新出既孖人三寶餐，上星期淨係掛住食唔記得影相，飲左個有鮑魚、花膠同瑤柱既燉湯，材料好豐富，鮑魚仔都比我想像中大隻，就算燉完湯都都有嚼頭及鮮味，湯底十分清甜，一滴油都沒有；每人有半邊蒜茸粉絲蒸龍蝦仔，最好味反而係吸收晒醬汁精華既粉絲，金銀蒜及豉油汁都好香，仲有一碟野菌竹笙扒時蔬，上湯浸青菜，清淡得來又健康，兩個人食都係$298，眼闊肚窄，加左兩碗白飯、半隻鹽香雞同合桃露湯圓，鹽香雞係呢度既招牌菜，做到外脆帶咸香，幾乎沒有肥膏，雞肉嫩滑兼有肉汁，食到我地唔停得口，碗生磨合桃露味道香濃又不太杰身，真係好食到暈。今個星期忍唔住同老公試埋另外一個孖人餐，川芎白芷燉魚皇，用左起碼3斤重既海斑魚頭及魚腩，粒粒瘦肉都切成丁方及去骨，藥材味不太濃烈，呢款湯唔係個個人都啱飲，估唔到連我老公都喜歡呢個燉湯話好正，個蠔皇鮑魚好入味，炒雜菜就夠爽口，今次加多個東坡肉，入口即溶連我唔食肥豬肉既都食左兩舊，忍唔住再encore多一次合桃露湯圓，除左個鮑魚等左20分鐘先上菜，基本上都好滿意。兩晚都見大廚巡視餐廳，同客人傾計問意見，而服務員都很有禮貌，因為平日

大閘蟹季節，真的又愛又恨。因為很愛吃大閘蟹，但吃太多對身體也不好，所以又恨不能多吃。難得還上一班大閘蟹痴，便決定放縱一次，來一個任食大蟹閘套餐。紫粵軒位於九龍東皇冠假日酒店的2樓，酒店內的中菜廳環境絶對舒適。位署位於將軍澳，平日放工前來確實不能早到，但營業時間為18:00-23:00，都值得來一吃。大閘蟹任食套餐提供了5款味道的大閘蟹，還包了小吃和任飲薑茶，大閘蟹質素和食物的味道也做得出色，平日都只收HKD360/人+10%，價錢確是實惠。******************************放工便準時下班，快快坐地鐵前來到位於九龍東皇冠假日酒店的2樓的紫粵軒，由服務員安排入坐就在門口附近，坐下梳化之上很舒適，抬頭一看裝修也不錯。因為坐在門口附近，所以人不算多，相對比較靜，我和朋友便可以好好瘋狂地享受任食大閘蟹。一人一套大閘蟹食具已準備在坐位之上。任食大閘蟹套餐，提供5款味道的大閘蟹，清蒸味、菊花、鹽焗、薰衣草和風沙味道，每隻大閘蟹大約4-5兩重。除了可以任食大閘蟹之外，套餐還提供秘制話梅石榴果、花雕醉雞一客和無限量任飲菊花薑茶。提供時間為18:00-23:00，平日收費為HKD

至從上次到訪過紫粵軒，對它的點心念念不忘，所以今日決定再回歸！發現好多客人都有order一碟賣相非常精美的點心，詢問之下原來係富貴蝦腸粉！一落檯，嘩真係原隻賴尿蝦！以酒店中餐廳黎講呢個價錢真係好優惠，重點係蝦入面竟然有膏！好驚喜我地仲發現呢度竟然有牛雜好入味值得推介！另外order了大澳蝦膏牛崧炒飯，估唔到酒店都會有蝦膏，成件事好match！今日星期六非常滿座，但服務態度一樣令人好滿意。美好的一天就是這樣開始

聖誕要係酒店食西餐,要有位實在太難,改食中菜🌲座位闊,唔會迫,枱與枱間,有空間,有私隱點心選擇多原隻鮑魚雞粒酥,皮夠香,鮑魚仔夠口感,味道好,賣相超靚燕液百花餃,燕窩無味,蝦就夠鮮甜,爽口黑松露野菌餃,皮夠薄,黑松露夠香黑魚籽燒賣,普通,無特色春卷夠脆,夠熱唔油好似冬菇包面係朱古力粉,內裏菌味一般,同個包味唔太夾茶一直保溫,夠熱,沖左幾沖還有茶味

星期日當然要一家大細去飲個茶，今次選擇了位於Crowne Plaza的紫粤軒，踏出二樓reception同事主動打招呼而且非常有笑容，我們一行五個人叫了不少點心，其中最喜歡的是黑松露野菌餃，一籠三件賣相非常精美，黑松露味突出，我們還encore了。黑魚子燒賣亦值得推介，配上黑魚子感覺新鮮。鳳爪非常入味，享受了一個悠然捨意的午餐。