紫荊閣 (已結業)

經理請食團年飯，無得反對，都预左赖嘢，预訂了叫化雞和陳皮鴨湯，即場點了燒雞肝，咕噜肉，上湯浸時疏，魚腸蒸蛋(忘記影相)，送綠豆糖水，糖水應是甜的，點解無甜味的都叫糖水嘅，晚市只得幾枱客，已證明一齊，……完。聞到有少少陳皮味和莞茜，但食吾到有肉嘅香味，材料少，根本提升吾起味道燒雞肝吾太硬，吾甘香湯渣，只有鴨無豬肉或豬骨，何來提升到個味道出來叫化雞本身無底味，明知道用雪藏货都吾用鹽”省雞身”，完全失败，反而金針雲耳冬菇就夠鹹味，雪货肉質就更加吾使講啦，500幾食呢隻，真係嘔哂血無味菜難得有正常嘢就係咕噜肉。個魚腸蒸蛋，又係無味嘅，唉！！！人均消费要400幾。

Boxing Day 🎁🎅🏻🎄慶祝兩老生日，去食懷舊菜。 懷舊菜選擇不多，朋友介紹下，選了這間，果然冇介紹錯。飯店位於小型酒店內，因為人不多，地方尚算舒服，但坐滿的話，會有少許擠迫。食物方面，有得讚無得彈😁。我們一共十五位，點了十幾款菜，特別要介紹的是幾款懷舊菜色，全部都整得好有水準，大家都食得好開心，食物可以看以下相片。特別一提，有好幾款懷舊菜都要預先訂定。總括來說，除了地點不太方便外，本人覺得這間飯店很好，可以一試再試。👍🏼👍🏼👍🏼

友人提意翻食多次，因為就腳，外面亂七八槽，又吾想四圍走，又一定有枱，蝦餃正常，叫了野雞卷來了雞包仔，吾識分辨，叫了一碗牛肉烏冬，感覺好重味精，馬拉糕没特别雞扎正常。

當年此酒樓在窩打老道培正中學對面的時候經常光顧，記得除了一些古老廣東菜之外，他的燒味也是非常出色的，當年結業，就立時少了一個吃晚飯的好地方，今日見他於紅磡再戰江湖，實在可喜！現在的店在酒店裡，可能是租金問題，新店的價錢感覺上高了一點，可幸一些招牌菜仍是可口。當中覺得最精彩的要算是叫化雞，此菜式需要預訂。叫化雞的肉夠嫩滑，因為雞身先釀入金針雲耳及一些菇菌，令其於焗的過程中將他們的味道互相交流，是必食之選。其次是他的焗魚腸，魚腸洗得乾淨，完全無苦味，陳皮的香亦調配得恰到好處，值得暫時不去想膽固醇的問題。至於他們另一推介八寶鴨，我個人因喜歡煮得很淋很軟的那種，所以此八寶鴨不是我杯茶。有點可惜是新店沒有燒味，因而未能回味一下。

樓下易拉架標榜懷舊點心，見有灌湯餃就心思思，可惜點心師傅功力吾夠，攞架來雕，叫了幾款點心，只有牛肉燒賣，牛肉球正路些，其它都不掂檔，相比普通酒家還要差，真的要相信某些食評是有參考價值。

紫荊閣係一間懷舊粵菜，好多菜式我都未食過，都好少酒樓有提供啦叫化雞(要預訂)由上菜到揭開塊荷葉，啲香味四溢，連隔離枱既食客都大讚👍🏻雞肉焗得好淋，但係保持咬口。有肉汁有肉味又唔乾身，連其他配菜雲耳冬菇都好入味。冬瓜盅超級足料，好清甜不油膩,一個冬瓜盅足足分到18碗呀😱😱😱每人有3碗呀窩貼明蝦夾(例牌6隻) 其實係蝦多士，係我全晚最愛既菜式，好好好好食呀，炸得好乾身，非常脆口，唔會搞到成手油👍🏻👍🏻👍🏻蝦大隻又新鮮，蝦同多士之間有層醬，但係食唔出係咩😂😂蟹肉蛋白炒魚肚又係一個出色嘅菜式，唔係平時上海菜食嘅一pat pat蛋白，煙煙銀銀既口感，送飯食係一流菠蘿咕嚕肉(本人已戒豬，不能品嚐) 色澤炒得好靚，聽到隔離嗰個食卡卡聲，應該係炸得好脆口雖然一早已訂全晚菜式，餐廳都唔會一早出晒所有菜(除左叫化雞) 確保每個菜可以慢慢品嘗可惜辣椒油就真係得油😂無任何既辣椒樓面侍應服務都好了得，主動幫手影相 切餅 笑容滿面

恭喜公司老佛爺生姐榮休，順便 Annual dinner 同 farewell party 一次過。自攜紅酒要開瓶費每支 $50 蚊，太孤寒搞錯呀﹗仲要無免費停車場，另外如要麻雀的話要收 $500 蚊張！晚飯不包雀局。望顧右盼觀察四周食客檯面上食物，幾檯都食荷葉飯？招牌菜來的嗎？向經理查詢一下，原來係叫化雞、乞衣雞，不是飯來啊！而且紫荊閣並沒有出品荷葉飯，極為失望。Meaume 2013 紅酒，依隻太淡太薄不喜歡，不過女仕們就喜歡喎。Pascaud 2013 紅酒，依隻法國產地好一點點，夠厚夠濃微香。晚宴食功夫、食技巧、食觀感、食風味，色香味中規中矩，不過不失。餐牌猜燈迷，另類娛樂，有趣有趣，我叻叻都估中八成多。桂花炒魚肚，芽菜花膠絲炒蛋？龍川鳳翼，雞腳雞翼？金銀帶子，彩椒炒帶子？金華玉樹斑，時蔬蒸斑仔？法海蒲團，法國肉蒲團？髮菜瑤柱節瓜圃？乾草菰煀雞，草菰炆雞？上湯煎粉果，炸粉角浸雞湯？龍馬精神，聯想唔到係茄汁煎大花蝦喎。煎到太老過熟鞋烚烚乾爭爭，沒有彈性而韌韌的。大大隻都夠睇面，不過無鮮蝦味無鮮甜味。陰沉雪藏大蝦味道，食其茄汁味罷了，甜笠笠不喜歡。淮杞花膠仔燉雙鴿，無左個湯字既？不

這裡平日晚飯時間都沒有太多人, 服務好貼身. 食物份量都夠大, 適合大伙兒來.懷舊菜有叫化鷄 (又香又多汁)  , 香酥荔芉鴨 (半隻就夠10人吃了) , 八寶鴨(肚內的八寶饀, 材料十足, 火候足夠, 好入味. 還有西湖牛肉羹, 蝦多士, 西米焗布丁.....都好好吃.交通現在有地鐵開到黃埔站就非常方便, 步行幾分鐘就到

每一年的團年飯，我們都會預訂好，今年的團年飯，我們訂在紅磡的紫荊閣，因妹妹話見到這間紫荊閣有富貴雞，於是我們就紫荊閣訂了食團年飯。富貴雞2隻富貴雞用泥及荷葉包著，由我們自己開光后，由侍㒣用剪剪開整隻雞放上枱，被侍㒣剪完後根本認不出是雞了，不過沒問題，我們是要吃味道來的。富貴雞入口很腍，腍到骨都已是差不多可食的那款，雞肉就像是煲完湯的雞差不多，味道甚淡，令人感覺非常失望。雞蛋焗魚腸雞蛋蒸得非常老，入口很鞋，而魚腸則是鮮見，全枱食完隻見到幾粒。中式牛柳中式牛柳我最喜歡，酸酸甜甜很惹味。

紅磡依頭人多車多，特別去到星期六下午，成街都爆晒棚，想搵個停一停，舒服點所以揀左紫荊閣，諗住酒店入面既中菜，差極有個譜而坐得舒服上到去見舖面寬敞，氣氛舒適，坐窗景位，望住下面街，頓時抽離繁華飲杯茶都舒服啲點心樣樣都有少少，屬精品類，見附近啲人食，份量都幾大唔係既仲有廚點同小炒香茜牛肉腸粉，非常夠分量味道正常，皮滑但有少少過厚，不過不失水晶蝦餃皇，皮唔算薄但口感唔差既蝦肉非常彈牙，應該係鮮蝦既效果，仍然足料到爆，肉同荀絲味道都夾得好好好味鮮蝦菜苗餃，皮比蝦餃薄，菜多，好好味滑身而口感幾有層次既，分量我都唔多講啦勞蘇食推介 —— 香煎素鵝腐皮豆品，一上枱已經加分，素鵝內腐皮一層層分開既，皮香而唔油入口口感鬆化，因為一層層分得開既緣故豆味充足，同調味好夾好豐富，非常值得一食好出眾既素鵝偷得浮生，精品點心伴著抖啖輕啲既空氣，又好味，又舒服得到比付出多#舒舒服服飲啖普洱#員工照顧隔離枱個傷殘人士好細心

很油膩而未算正宗的懷舊菜，本人就覺得貴得來物非所值。見YouTube有人介紹這裡有好吃且正宗的懷舊菜，便和同家人一起去吃。點了以下菜式：-荔茸香酥鴨 - 入口很油生炒糯米飯 - 吃得出是先蒸後炒，完全沒有半點鑊氣蟹肉蛋白炒魚肚 - 咸出個腎病來的味道蜜汁雞肝 - 不夠甘香，麥芽糖亦不各向但就色素十足雞油豆苗 - 這味道反而味道適中西米連容布甸 - 還可以，如果甜稍減一點，會更好千層糕 - 最失望的一碟。完全不是從前那回事，咸蛋香不夠，層數亦矮了三份之一，更不見有椰絲，冬瓜茸更小得可憐就這樣已經吃了$1200，完全物非所值的一餐！

很多菜已接近失傳，值得一去再去，昨天試了焗魚腸，香，微焦，極正。半隻鴨，好香好淋，因只有兩人再加一個菜，全部吃不完全打包，晚上再加兩個餸及湯，又一餐。菜加鴨做返熱已夠兩個吃。下次去吃御廚雞及陳皮燉鴨湯。

人越大，越覺到中菜才是自己那杯茶。從網上得知紅磡土瓜灣有一間酒店既中菜廳性價比高，當然要叫埋屋企人齊齊去一試啦！酒店名為「逸酒店」，外貌十分時尚，但香港人應該對佢認識唔深，因為佢沒有金碧輝煌既lobby，主要target自由行既旅客。乘坐升降機到達餐廳的樓層，迎面而見的便是這個有吧table，看來很岩旅客的Bar corner。再從左邊的入口走進，便步入酒樓的位置。不可思議的是我到訪當天是平日星期二，但餐廳仍然十分爆滿，看來香港的無飯主婦特別多，或是餐廳真有過人之處而能夠吸引這麼多客人？餐牌有很多懷舊的特色菜，其中叫化雞同埋八寶鴨都係要特別預訂既。懷蕭八寶鴨 半隻 $268幸運地，今日既八寶鴨quota仍然有，問過店員還有得供應後，便立刻order了！ 原價 $368既八寶鴨，現在餐廳做緊特價只需 $268，實在沒有唔食既理由啦。名為八寶鴨，裡面既食材真係好似百寶一樣，食到有蓮子，百合，冬菇，蝦米，糯米，燒肉，臘腸，金華火腿，瑤柱等等，真係啖啖食，極滿足，底部再襯上生菜，可以減輕油膩既感覺，而且份量夠哂大，雖然我們只order佐半隻，但係5個人都絕對夠食。鐵板香茅烤石斑柳 $218很少

外父大人做大壽，一家人自不然要出去吃好西來賀一賀佢....這間"紫荊閣"相信不少人都知道就是以前開在何文田附近，主打懷舊菜的那一間老舖。想不到事隔多年，現在竟然升格到在酒店內重生。雖然這酒店並不是甚麼星級高檔系列，但相比起從前的街坊格局，著實是upgrade了不少....預先訂了一些菜，及後又再在餐牌中點些外父大人想食的，最後叫到滿桌都是餸，今夜確是口福不淺也....先來半隻炸子雞。皮是脆的不過肉嫩程度就不如我吃前所料的高，而且肉本身不夠味道，太淡了....要訂的荔芋香酥鴨，記得上一次嚐這味是在已解甲歸田的"楓林小館"....這兒做出來的件頭比"楓林"的來得要大，外皮炸得甚酥脆；芋蓉很香且非常滑溜厚度亦足；鴨肉同樣厚身帶膻香不見渣，好吃....粟米斑塊好的是魚肉外皮炸得金黃香脆而肉嫩不嚡口；不過缺點就是粟米汁很明顯是用罐頭貨色開成，味偏太甜亦不太濃稠....同樣要訂，屬懷舊系列的砵仔魚腸，上桌熱吱吱起晒氣泡的。魚腸沒異味滑嘟嘟且份量足；混入的蛋夠滑且滿載陳皮香；舖面的油條更是脆卜卜如似在吃威化紙，非常脆口....菜蔬方面，一口氣叫了三碟。先來的鮮菇枝竹炆豆腐，正正常常沒有甚麼過人之處但

今日朋友約咗食懷舊菜，去到紅磡嘅地方，但係呢個地方一啲都唔近火車站，不過環境幾雅致，窗明几淨，坐得好舒服，好適合一大班嘅朋友。湯品淮杞螺頭燉豬展金銀菜煲豬肺兩款湯燉，個人更喜歡豬𦟌湯，又清甜，業主肥湯就略嫌訊息，味道不夠濃郁，不過火候尚算不俗。叫化雞呢一個食品，因為功夫繁多，唔係一般嘅食店都可以做到。外邊被硬殼包住嘅烹煮，入邊嘅配料熬得好入味蟹肉蛋白炒魚肚蛋白炒得好香滑，配上手拆嘅蟹肉，蛋白帶有小小嘅鹹味，好惹味。自攜龍躉二斤半條魚兩根半重,都唔算細條，清蒸嘅時間要控制得好好，蒸得都沒有過時，值得一讚。鮑魚海味一品窩鮑魚，花膠，海參，乾瑤柱，冬菇髮菜。這個一品鍋的份量非常之巨大，當眾人看到他上台的時候，不禁嘩了一聲。每樣材料都十分足料。每樣食物都炆得軟稔入味。椒鹽龍躉翅椒鹽龍躉翅，香脆惹味，送酒一流，可惜之前啲菜式已經太豐富了，肚子沒有太多的空間去慢慢品嚐了。西米焗布甸這個少甜的特色甜品最得我歡心，除了鳳城酒家之外，很少地方可以吃個這個傳統的甜品，加上微焦的脆面，非常吸引。中間的蓮蓉餡，亦是本個甜品的靈魂所在。