紫荊閣 (已結業)

酒店內嘅小菜係乜嘢質素呢？我今日就特地嚟試下。位於紅磡酒店內，裝修環境非常之新淨，而且人就唔算好多，服務員好足夠，不是服務員仲會添茶，依家真係好小可以做到。今日點左三個常見嘅小菜，第一個仔西檸雞，其實平時就好少食呢一個，但係今日就想酸酸，開胃啲又唔想食咕嚕肉。所以就點左呢一個。佢嘅西檸汁做得十分之唔錯，酸酸甜甜，還帶點檸檬嘅清香。但我就略嫌啲雞件可能有細件咗，如果可以大件d，咁樣肉嘅質感會更加有咬口。另外就叫咗椒鹽鮮魷，好少出錯嘅一個送。食落爽口，不油。椒鹽香而不辣。份量都不小，幾抵食。仲有呢一個係我好鍾意點嘅餸，但係除咗上海嘅餐廳以外好少餐廳會做嘅金華火腿津白。感覺呢個菜會冇咁油膩，而且金華火腿嘅香同埋佢嘅汁嘅鮮味一流。係呢一度食同埋喺餐廳食嘅菜式可能分別唔大，但係呢一度嘅環境來講係非常之舒服嘅，而且佢嘅味道真係唔錯。

紅磡的Hotel Sav逸•酒店之前試過下午茶，今次就來到一樓新開的餐廳-紫荊閣，聽聞是主打懷舊菜，於是帶家人去品嚐，可惜預先訂的叫化雞說沒有收到訂單，而且有不少懷舊菜都要預訂，來之前記得再三確認。 招牌特色炒飯 粒粒分明的炒飯，材料有蝦，蕃茄粒，腰果，雖然材料不是名貴，但炒飯夠乾身而且香口，好味。 八寶鴨 沒有叫化雞唯有點八寶鴨，鴨身釀入大量餡料，非常豐富，有蓮子，鹹蛋黃，銀杏，鴨肉，意米等，鴨肉軟稔而且非常入味，雖然只有半隻但份量非常多。這碟懷舊菜不是每間餐廳都有，值得支持。 蛋黃千層糕 蛋黃味特出，千層糕口感鬆軟，都是其中一款不常見的點心。 最後更有綠豆沙送，星期一至四晚市，仲免收加一，抵食。

收工同同事去咗間中式酒樓食飯，啱啱好四個人就叫咗個四人套餐$698因爲驚唔夠，所以再加點個炒飯，不過最後唔係好食得曬，如果唔加就啱啱好，不過依度既野食又好味，份量又多是日廚師靚湯係霸王花味道較清淡，非常足料咁啱有兩聲咳，飲完可以清熱潤肺，而且個湯夠曬熱荔蓉香酥鴨半隻最驚喜係依道菜，芋頭香氣撲鼻，整得夠曬酥脆，雖然只有半隻鴨，不過一半芋頭一半鴨，份量都幾多，味道啱啱好，唔會太咸滑蛋鮮蝦仁炒蛋非常滑，蝦仁爽口彈牙食得出新鮮既味道上湯浸時蔬鐵板蜜桃骨非常開胃既一道菜，酸甜適中，中間放咗幾舊蜜桃，非常甜，不個多數都比較大舊，食起來不太方便，但份量好夠

阿媽之前同朋友黎過呢間逸酒店食過中菜廳, 係咁話好食…於是今晚就帶埋爸 + 媽食個晚飯~ 我地3個人叫左3個餸再加一個瑤柱蛋白炒飯~瑤柱蛋白炒飯炒得好有鑊氣，唔會好油又唔會乾，炒得岩岩好!食得出瑤柱絲已經炒過，好香，雖然蛋白炒飯既味道本身比較清，不過撈埋瑤柱香，就味道更加豐富！中式牛柳份量好多，肉好大塊，係一個很送飯既小菜！羅漢齋豆腐呢個阿媽最中意, 有豆腐、芽菜、菇，有益又健康！波蘿咕嚕肉，d波蘿係自己切個d,唔似罐頭~ 而咕嚕肉當中酸甜味係適中,咕嚕肉亦唔會炸到好乾，幾好!overall 環境、服務、價錢都ok, 下次可以再來~

最近表姨由深圳黎左HK, 又住返上次果間紅磡逸酒店~ 因為佢話住得好舒服，而且交通方便！今晚佢約左我同表妹食飯，叫我地去佢酒店1樓間中菜廳食~餐廳叫紫荊閣.3個人都唔會食到好多野，所以我地叫左 3個餸+白飯~大家每人揀一個餸, 分別有: 上湯浸白菜、西芹炒雞片、時菜炒牛肉!上湯浸白菜，清甜可口，美味又健康～西芹炒雞片d 西芹好爽脆, 好中意, 而雞肉係炒過黎既, 所以食落好香口!時菜炒牛肉有菜芯, 牛肉好鮮嫩, 唔會話好韌, 都唔錯=]

位於SAV酒店內的中菜廳「紫荊閣」，被他們的蜜汁焗雞肝和荔茸香酥鴨吸引而來！中菜廳仲有供應不少特別菜式都需要提前預訂，當晚見到很多枱都訂了「叫化雞」，不過真係要多人先食到。環境坐得舒服，最重要唔會太嘈，而且侍應們的服務態度也很好！今晚去食剛好有得享用惠顧晚餐免收加一服務費，可以慳少少再叫多碟菜！蜜汁焗雞肝 $58入口帶香甜蜜汁味，隨之而來係雞肝油潤甘香的味道，雖然好邪惡，但又忍唔住口。富貴龍鳳球 $148一碟六件六鳳球，裡頭分別用上蝦球和雞潤作餡料拎去炸，外層裹上一層沙律醬。咬落很鬆脆，完全不覺油膩感，但就不太食到雞肝的味道。以西蘭花伴碟，賣相得體之餘又可平衡一下這邪惡龍鳳球較飽滯的感覺。荔茸香酥鴨（半隻）$168一聽到荔茸又忍唔住叫，一層軟滑荔茸，一層香酥鴨，炸至勁香酥，加埋一齊真心好食！層鴨皮咬落幾似燒鵝皮，薄而脆，肉質唔算嫩滑但可以接受，炸到連碎骨都可以食。不過荔茸太過飽滯，叫多幾個人一齊食會較好。

星期日朝早諗住搵個舒舒服服既地方飲個茶，於是在黃埔眾多選擇中挑中了紫荊閣。十一點黎到尚無咩食客，被安排係兩人位坐低。見到窗口位無人便要求調位，個叔叔一萬個不耐煩話換啦！諗住好心執好檯面野先過去，叔叔升級到十萬個不耐煩話人過去得既喇！心中即時減分講返野食，叫左個沙律明蝦筒，樣幾靓，蝦都夠新鮮，不過沙律醬就太多，咬落好似食緊一舊沙律醬春捲，中伏。鮮蝦菜苗餃，好淡味，個皮太黏，一籠3隻無一隻可以完整夾起，全部夾到爛晒。四寶滑雞扎規規矩矩，都算足料，不過味道就有小小偏鹹。最推薦古法馬拉糕，夠熱夠松化，又不會太甜，好食。最後4樣野買單194（茶位費每位15），價錢真係唔平，咁既質素同service，呢個價錢好多選擇。今次可以一試，之後唔會再黎。

大時大節，又到同雙親吃美食嘅好時機！今次就揀咗老人家最啱嘅飲茶。開飯-菠蘿咕嚕肉 ($128): 菠蘿咕嚕肉唔係咩特別菜式，但要整得好食絕對唔簡單！呢碟菠蘿咕嚕肉水準唔錯，肉質嫩而且外層微脆，味道酸酸甜甜好開胃！荔茸香酥鴨 ($298): 金黃色ge香酥鴨一上枱，大家都相機食先😝第一次食咁樣整ge鴨肉，原來荔茸同鴨肉無論係味道定質感都好夾！鴨肉唔會太乾身，表層ge酥皮香脆，加上荔茸軟綿綿，口感豐富！環境算係舒適，幾光猛。

屋企人系紅磡反工，留意到附近既酒店有中菜食 就黎節日就提早慶祝一番！所以相約左大家去食紫荊閣，酒店刀幾易搵到，酒樓需要搭lift上去。蝦仁蛋白炒飯：當中刀有幾隻size中等既蝦 口感好爽口 令到炒飯吾會太單調；蛋白好香滑 而且當中仲有配合菜黎食 幾健康！干燒伊麵：有吾少既菇類，食得出蠔油既味道；個人覺得對依款菜式既麵質有點失望 因為可以見到麵好似斷晒甘，吾可以成條成條甘食，但味道不錯！當紅炸子雞：聽屋企人講原來以前既炸子雞真系用7彩顏色既蝦片伴碟；現在既感覺好大碟 又可以食雞又有蝦片食 岩晒一家大小！炸子雞必定系我最喜歡，口感外脆內軟 雞肉好嫩滑！雞皮好脆又吾會炸過龍黑蚊蚊；真系好正！令我好回味呢～另外蝦片吾系朝個隻 食落脆脆的。相信懷舊款既炸子雞吾系度求刀有！菠蘿咕嚕肉：咕嚕肉啖啖肉，岩晒老人家同小朋友食 啲汁酸酸甜甜好開胃 連埋白飯真系一流！甜品：酒樓送的，個人覺得味道少甜 也可以健康一點！服務態度方面，個人認為需要多加改善一下 畢竟那位男部長不應在食客前不停搖 以悔氣既態度對待食客。雖然不是個個職員態度無禮 但也會影響餐廳的形象。

放假最悠閒活動之一當然是去大嘆一盅兩件點心，我與朋友媽媽去了黃埔的紫荊閣品嚐點心，這裡相對旺角，銅鑼灣寧靜，不會過於擠迫勞累，可以舒適地用膳。平日吃以蝦為主的燒賣為主，今次想轉換口味，吃鮑魚雞球燒賣。燒賣上有雞球的，也有鮑魚片的，燒賣餡料的豬肉與蝦肉搭配剛好，嚐起來有彈性之餘又不油膩，是今次我最喜歡吃的點心之一。朋友媽媽則最愛欖角蒸排骨，她說很少酒樓有欖角蒸排骨這道點心，大多數以豉汁蒸的，故不少蒸排骨蠻死鹹。還有這裡的排骨都用了新鮮的排骨，不是雪藏，根據她家庭主婦的經驗觀看。欖角不會過軟亦不會過硬，其香氣滲透排骨之中，讓排骨吃起來更為鮮美，肉質爽而不膩，沒多餘油脂。至於墊在排骨下的芋頭用了少許蒜粒提味，加上排骨肉汁，芋頭沒有軟爛之餘，集各種精華所在。這裡的椒鹽豆腐以新鮮生豆腐炸成，所以外層炸得特別酥脆，上面撒上椒鹽，聞起來很惹味。內裡豆腐滑溜極致，愈嚼愈香，豆香味愈來愈濃郁。個人認為這道椒鹽豆腐老少咸宜，酥中帶嫩，絕對能為愛香口之人解饞。XO醬雞絲炒腸粉鑊氣十足，爽脆的芽菜，芹菜搭配雞絲以xo醬拌炒，雞絲香辣滑嫩，腸粉的絲滑程度更是不可言喻的滑，腸粉裡裡外外都充斥著陣陣風味的xo醬，並

Bauhinia Kitchen is a Cantonese restaurant belonging to Hotel Sav at Hung Hom. The area isn’t as huge as the usual Chinese restaurants but it is still spacious and comfortable. Specializes in handcrafted Cantonese cuisines, they offer many local favourites and traditional dishes which most of them have to be reserved one day in advance.A so-call “Beggar’s Chicken”, which is basically a baked chicken wrapped in lotus leaf. It is stuffed with many treasurable Chinese ingredients including red date

平日工作忙碌，好少時間陪兩老，趁著中秋節一家人一齊做節，就帶佢地食番餐好ge！今次揀左紫荊閣食中菜，兩老都好滿意！我地點左一隻酥鴨，兩碟小菜，開開心心做節，吃得飽飽😋荔茸香酥鴨 ($298): 本來唸住點叫化雞，點知原來要早一日預訂，唯有下次再試過啦！老媽係荔茸ge忠實粉絲，而且香酥鴨平時都比較少食，一於轉戰荔茸香酥鴨！一塊塊ge鴨肉鋪上一層層厚厚的荔茸，再配上酥脆香口ge酥皮，荔茸同鴨肉互相襯托，滋味無窮，老媽大讚味道不錯！👍🏻西蘭花花枝片 ($138): 食得肉多，都想點番碟菜食，今次點左西蘭花花枝片，餸菜色澤不錯，花枝片亦好滑口👍🏻菠蘿咕嚕肉 ($128): 好多時同屋企人食飯都會點菠蘿咕嚕肉，因為我地個個都鍾意食，今次亦唔例外！酸甜味道適中，而且口感不錯，外脆肉嫩，熱騰騰好滋味！😋

聽紅磡區有新飲茶地點，同雙親食飯，於是一試。叫化雞 ($480): 叫化雞要預訂先有得食！好彩今次勤力有預先做定資料搜集，預早一日訂左，齊齊享口福。叫化雞一到，我地都好興奮咁拎起鎚仔扑開似石頭般ge黃泥！一扑開，荷葉同雞肉ge香味撲鼻，大家都已經急不及待起筷！雞肉肉質結實，雞身釀有冬菇，木耳，金針菜同紅棗等配料，好有營養！大概係因為d配料完全吸收晒雞肉ge鮮味，配料非常入味。西蘭花花枝片 ($138): 西蘭花新鮮有汁，花枝片白雪雪好爽口，而且唔會好韌，食得出用料新鮮。環境方面光線充足，係柔和的白色，空調適中，座位尚算舒服。服務方面雖沒有想像中酒店式的親切，但侍應哥哥邀請我們敲敲叫化雞的外殼啊，這方面值得加分。

今日同呀媽既親戚一齊食飯，由於大部份親戚都住係黃埔，唯有遷就佢地到紅磡食飯黎到酒店入面既酒樓，見到周圍都好整齊，用落地玻璃盡量採用自然光先黎一籠鳳爪，好入味，而我就最鐘意佢d花生再黎多碟椒鹽豆腐，好香口，炸到豆腐香面脆入面嫩滑，椒鹽味十足由於點心係即叫即蒸，所以都等了一陣，我就認為最緊要係新鮮，唔要好似出面d大型酒樓蒸定係度，過哂火侯粉果入面好多料，而且個皮岩岩好唔厚唔薄奶皇包粒粒都咁大個，而且奶皇食落流哂出黎，正宗流沙！

很難得地來到紅磡食飯,老公不喜歡食生野,對日本料理興趣不大,西餐來來去去牛扒意粉我也覺得悶了,只有中餐,總是吃不厭,男人也特別喜歡。咕嚕蝦球,大大粒,很爽口,而且醬汁酸甜度適中,就是不用配白飯也剛剛好。西蘭花花枝片,份量頗多,花枝片如果能更爽口會更好,但也是不錯了。鐵板燒汁牛柳,很喜歡這個,又惹味又香,大大塊,而且很淋,又不會鞋口。虫草花時蔬,中菜就是好,可以有大量的蔬菜,清淡健康。最後點了扣牌特色炒飯,真的很特別,有蕃茄味之外還有炸魚,配料多,炒得香,忍不住吃了兩碗。送的甜品是紫米露,不會很甜,滋潤一下。