紫荊閣 (已結業)

今天午餐，從街上看到紫荊閣以「懷舊菜」來吸引食客的招牌，於是以試一試的心態進入這酒樓，誰知…只能以「失望」來形容！首先，午餐的餐牌沒有一點懷舊的感覺(可能懷舊的菜式需要在晩飯時段才有)，點心紙上有所謂「懷舊甜點」，但都是一般茶樓也有的點心！點了幾個點心，品質方面確實麻麻地：1) 咸水角的皮超厚，而且裡面只有一點點的餡料！2) 雪菜肉絲炆米是濕濕的，未收水，粉條炆過龍，太軟！3) 蜜豆雲耳炒鮮菰的雲耳太硬！服務方面，更是大排檔的服務(不是指大排檔不好，而是大排檔不收服務費，開懷暢飲暢食，不需要好服務)，酒店收服務費，應該有好一點的服務：1) 問侍應要將兒童高椅，侍應生放在旁邊就走開，要自己搬位；2) 窗邊有窗簾繩，自家小孩搞了一下，我正在教導小孩，侍應生走過來對我說「你叫你小朋友唔好玩，跌落嚟撞到人！」；3) 侍應生放點心上枱時只放在枱邊就走開，沒有放在枱中央，我要自己搬位！4) 茶錢計足小孩每一位，我有兩個小孩，4歲和6歲，其他酒樓都是兩個小孩當一個大人，可能是酒店的緣故，要付足兩個茶位！唔好意思，有點不喜歡這食店，因為「酒店的價錢；一般的食物品質；大排檔的服務」

媽媽生日，咁大日子我一早就諗定食咩，之前黎過呢度中午飲茶，覺得無論價錢、環境、食物都好滿意，所以好快就決定訂呢度做媽媽的生日飯，話晒係酒店餐廳，點都唔失禮踏入12月，酒店LOBBY已經急不及待放棵大大聖誕樹，大家記得餐廳雖然係1樓，但都要搭LIFT先可以去到的喔呢張相係晚上10點影的，所以食客好多都走晒，其實我地7點半黎到的時候，整間餐廳都差不多FULL晒，餐廳唔算好大間，所以記得想食就BOOK位餐牌有好多菜色，不能盡錄，就放兩張特別菜色比大家參考一下，叫化雞同八寶鴨如果想食，記得BOOK檯時要留定八寶鴨 - 半隻 ($268)由於製作繁複，八寶鴨好少餐廳有得食，大約知道呢道菜的整法，$268半隻其實好抵食，要將全鴨去骨，再釀入八種材料，包括蓮子、冬菇、冬筍、火腿粒、肉粒、栗子、蝦仁同糯米，淨係要將全鴨去骨呢一項都已經夠考功夫，仲要釀得好預防材料漏出，上檯後店員會幫客人將鴨切開方便食用，整道菜經過長時間烹煮後非常入味，我地全部都食得津津有味雞蛋焗魚腸 ($128)雞蛋焗魚腸呢道經典菜色又係買少見少，用砵仔焗就更顯風味，記得要熱辣辣食同埋落胡椒粉，咁就保證唔會有鯹味啦蟹肉蛋白炒魚肚 ($

同朋友去酒店食個高級嘅中菜，隔離原來有西餐，不過呢間中菜都真係幾多人，有好多都係本地人添！餐牌上面可以選擇嘅款式有好多前菜小吃~3770蟹肉湯麵$55裏面有啲一條條蟹肉，個湯麵都算係幾多面，湯底幾香，夠兩個人食所以唔需要擔心分量不足。啲棉條幾滑，味道唔錯。3396蟲草花雲耳浸時蔬＄98時菜都有幾個選擇，我哋就揀咗娃娃菜， 上面有蟲草花同埋云耳非常健康而且有鮮味！1229 富貴龍鳳球（6件）$148懷舊菜非常之得意，蝦球裏面仲有個類似豬潤/其他動物嘅潤，味道鹹香十足， D蝦仲好脆，口感正！旁邊嘅西蘭花就可以中和返，比較清新。仲有甜品送...正呀...茶位＄16一位，＄16一碟前菜雖然價錢平，但係飲茶可以選擇菊花茶，材料十足味道濃郁，值得一試。

爸爸請客，條件係我簡餐廳，我當然係樂意喇！簡左一間中菜，始終長輩都係中意中式多啲。入到去見到其他客人食物份量都唔細，決定唔叫咁多，真係唔夠先再叫。叫化雞-呢個要預早叫的，即場叫係無的因為需要時間。佢係用車推出來，比一舊黑色既包裹住，我要作勢作下佢，之後員工會幫我地打開哂，最後出到來既賣相似超大版荷葉包雞。打後荷葉後見到勁大隻雞，極多餡料，有紅棗，冬菇，雲耳，肉絲，都係一啲非常補身既食材，好岩冬天食！！ 瑤柱百花脆豆腐-賣相精緻，份量真係好多，其實食完隻雞都飽左一半。豆腐混合左瑤柱，唔係就咁炸豆腐咁簡單，炸得好鬆化，忍唔住一舊接一舊咁食。楊洲炒飯-旦香十足，加上叉燒等配料好多，好好食！！

其實紅磡真係愈黎愈多唔同既野食而當中都包含我地最傳統既中菜喇而今晚既呢餐中菜館係逸酒店入面去到先發覺原我以前去過呢間食自助餐  而正正係同一位置  由呢一間中菜館取代左佢餐館係一樓  搭上去轉左邊就係入到去坐低 做足資料搜集既我同一同部長哥哥講聲訂左佢地既招牌菜 --- 叫化雞*想食既話一定要訂枱時訂埋呀*咁其實叫化雞係咩黎呢 ??一拎出黎  佢似係一舊石  見佢另外放左隻鎚仔我就知道我地要幫隻雞破石而出侍應哥哥好熟手咁幫我地開封隻雞原來入面釀左好多野嫁  紅棗 金針 雲耳撈飯真係要流   講到隻雞  由於呢個做法令到隻雞既鮮味依然係度 肉汁都輕易保存我地一行三個人 好快就KO左隻雞   另外我地叫左個揚州炒飯   正如頭先所講  都係為左同紅棗 金針 雲耳撈飯而叫有水準之作足料之餘飯又炒得乾身  足夠了！搖柱百花脆豆腐其實叫個時都唔知係咩煮法上到枱以為係一般炸豆腐食落先知係一味巧功夫既菜式如果我冇估錯  應該係先整碎d豆腐  再混入配料然後先炸  係幾特別同好味既埋單人均二百幾 價格中位 但服務同菜式有一定水準  所以都建議大家可一試呀！

好耐都無同屋企人出街食飯了，難得可以約齊人就係附近餐廳食下好野。八寶鴨首先是鴨肉好林一D都唔柴，而且醬汁都十分份味，每一口鴨肉都充滿了各種材料的味道，可以說是集全部材料的精華於一身。鴨身釀入大量餡料，非常豐富，有蓮子，鹹蛋黃，銀杏，鴨肉，意米等，材料是貨真價實。如此考功夫及耐心制作的菜色已十分少見。蛋黃千層糕說起千層糕就一定要夠鬆軟，呢個千屠糕十分鬆軟外，另外蛋黃味是十分濃郁，就好似食奶黃月餅一樣的濃濃蛋黃味道，食完令人難忘。環境十分舒適，是和家人一起聚餐的好地方。

紫荊閣最出名除了午市飲茶之外，就是叫化雞，平常都很少晚市會來這裡吃，最近得知他們做緊晚市免加一優惠，就要好好把握機會來這試一試味道！ 叫化雞無論名字，製法或是食法都很特別的一道菜，上菜是還保持著神秘的叫化雞，廚師輕輕一扑把雞從土泥中取出，頓時香氣四溢，很香濃的雞香味。味道方面，叫化雞的口感比起平常吃到的會更來得鬆軟，而且肉質會較為嫩滑，最特別的是他的味道，有一種淡淡的土雞香味，令人更喜歡。 咖哩牛腩想不到呢度既牛腩煲牛筋既比例都幾多，牛腩吸收哂咖哩既味道變得勁好味，又冇打揸，最重要係夠大煲幾個人SHARE小菜咁食都無問題

我諗黎得呢間餐廳有一半人以上係為左食呢隻乞兒雞而黎，要見佢真面目都唔易，要先訂位時訂埋，不然就吃不到的了 乞兒雞呢度不得不吃既名菜，做法都比較傳統，原隻雞係用土煮法黎烤熟，雞味濃郁之外仲要勁嫩口，有少少咸既雞皮，加埋入面勁軟熟既雞肉，口感一流。仲可以叫多碗飯黎餸飯就已經好夠飽 金銀蛋浸白菜呢度既金銀蛋浸白菜同出面食既有好大分別，佢既金銀蛋係直接切粒，而每一粒都幾大下，咁樣不但食到更濃既金銀蛋味道之外，仲可以食到更加有口感既感覺

很久沒吃中式點心，趁這天閒日放假，便和男友來個中式下午茶，享用「一盅兩件」這間酒樓位於紅磡的一間酒店內，面積雖然沒有平日去的酒樓大，但座位佈置和座椅用料讓人感覺更闊絡舒適先來開壹水仙，邊喝茶邊挑選點心蒸、煎、炸的點心任君選擇，還有甜品和炒粉麵飯飲茶的話，蝦餃、燒賣不可少，我們還點了我最愛的牛肉球和男友最愛的蛋黃千層糕，還有另外兩款點心沙律明蝦筒(大點)：春卷皮很香脆，要小心盪口內𥚃爽口的蝦被沙律醬包住，很合我男友的口味山竹牛肉球(中點)：經典的點心，也是我最愛吃的點心這牛肉球口感既嫩滑又彈牙，在牛肉味中吃得出絲絲的陳皮味蟹籽蒸燒賣(特點)：燒賣的賣相、大小都不俗皮薄又不乾，內𥚃豬肉和蝦差不多各佔一半，整體口感彈牙鮮蝦菜苗餃(大點)：外皮不太厚，軟綿中帶少許煙靭與其他點心一樣，蝦是爽口的內餡調味不錯，鹹度剛好鮑粒雞包仔(大點)：飲茶的包點中，我最喜歡的就是雞包仔，因為沒有叉燒包般有很多醬汁，又不會像奶油包般膩這個雞包仔內有雞塊、蝦仁、菇粒，而且稍為升級，加入了鮑粒是頗豐富的雞包仔，還吃得到少少薑味蛋黃千層糕(中點)：這是男友的最愛，但我是初次吃這甜點千層糕黃白相間、層次分明，蛋黃層的鹹蛋

今天去紅磡開會，放工約了羊媽媽吃飯。我們來了這間地方很闊落的中餐廳。餐牌有很多懷舊菜式，可是很多都需要預定，於是我們就點了一個二人餐。價錢公道，食物豐富！先來兩盅廚師靚湯！是雞骨草煲什麼的，侍應說完我就忘記了靚湯味道濃郁，感覺沒有放太多味精，滋補又好味然後是半隻霸王雞，份量頗多！霸王雞的蔥油很香，雞肉嫰滑，美中不足的是雞皮稍為不夠爽脆。然後還有一大碟蟹肉蛋白炒魚肚這菜式真材實料，啖啖蟹肉蛋白，中間夾雜爽口的魚肚，味道非常搭配，而且口感豐富！這道菜感覺不油膩，吃著吃著竟然吃光一大碟！上湯浸時蔬味道一般，勝在蔬菜新鮮最後還有兩碗紅豆沙，不過我們放棄了紅豆沙，點了一客千層糕千層糕上枱熱辣辣，層次分明，咸蛋黃味道突出，而且夾雜糖冬瓜粒，有點爽口的感覺雖然大家已經很飽，但還是把這飯後甜品消滅了

人愈大，放假都唔會想去行街，個個商場D鋪頭都一樣樣，反而鐘意接觸下大自然，望下海睇下樹，吸下有草味的空氣，洗滌一下心靈，出發前就舒舒服服飲個靚茶今次去左位於土瓜灣一間酒店入面的紫荊閣，酒店餐廳，環境點會都比一般酒樓舒適同靚，放假就對自己好一點吧，唔好以為酒店茶樓就無咩人去，我地12點去到坐左半個鐘已經差唔多FULL HOUSE 星期一至四晚市都免收加一，俾少10%都已經差好遠，有機會都可以晚飯黎食下，午市飲茶食物種類同平時酒樓食到的差不多，價錢都唔會同普通酒樓差好遠，酒店餐廳來說好抵食XO醬雞絲炒腸粉 ($48)整碟炒得夠乾身，XO醬唔算辣，加左雞絲同芽菜一齊炒成件事變得無咁單調，腸粉滑身蟹子蒸燒賣 ($42)飲親茶都離不開要叫燒賣食，好似無食燒賣食就唔叫得做飲茶咁，呢度粒燒賣比一般的較大粒，面頭有蒸熟左的蟹子，燒賣咬落結實上湯鮮竹卷 ($36)鮮竹卷一客有三條，上湯落左唔少杞子，所以我連湯都飲晒，鮮竹卷包左唔少材料係入面，但全部都係素食，比較健康雪菜肉絲炆米 ($88)雖然兩個人飲茶，但都總要叫D飽肚粉麵食下，雪菜肉絲炆米份量都幾多，有雪菜的菜色都比較難控制個味道，味道適中無過鹹，整

近來有家人搬了過去紅磡居住，在紅磡出現的時間多了很多，就在網上找一些附近有名的餐廳。原來找好吃的中菜，小炒也有很多，老人家還是喜歡中菜，於是我便找了不少餐廳待和家人吃。紫荊閣好評不少，酒店餐廳，但價錢又不貴，好吸引。兩個人叫兩個菜都夠食，因為佢個碟頭都幾大。滑蛋鮮蝦仁是我選的，因為最好送飯，而且呢樣菜式最考功夫，做得好唔好一食就知，幸好沒令我失望。梅菜蒸茄子又係另一家常菜，茄子蒸得軟淋淋，媽媽喜歡得把一整碗飯送了。最後我們想要一個甜品，蓮蓉西米焗布甸，但原來要訂才有，無緣吃到，真可惜。下次可以叫多啲人過來吃飯，因為我好想吃那個有名的叫化雞，枱枱都叫，一定不錯。

位於酒店入邊嘅中菜廳紫荊閣最近主打傳統中菜為咗尋找傳統滋味 就黎試一試啦叫化雞 $480需要預早一日預訂嘅叫化雞係江浙名菜以泥包到實一實咁焗煮 保證原汁原味而且加入左荷葉 雞肉吸收左荷葉嘅香氣一打開香氣撲鼻而且有專人幫我地將佢切開 都幾貼心架一切開就見到雞入邊其實放滿不同嘅配料例如紅棗，雲耳等等 非常豐富而且色彩繽紛雞肉肉汁都幾多 肉質keep到嫩滑美果斑粒炒飯 $118 腰果好香口 而且炒飯炒得恰到好處採用左真嘅斑肉 魚肉都幾鮮嫩架感覺都幾抵食 份量十足 甜品有陳皮紅豆沙 味道唔錯

這間位於紅磡新酒店內的中菜廳，地點都算方便。裝修以水墨彩畫作背景，優雅舒適，環境非常幽靜。餐牌除了有很多中菜菜式，還有很多懷舊菜式。侍應招待也不錯，推廣期間星期一至四的晚飯時段還免收加一服務費，很划算。蜜汁焗雞肝 雞肝新鮮甘香，香甜蜜味；可能為了健康飲食緣故而焗得不是那麼香口，但如果可再焗得香口一點就更好了。廚師靚湯 今天是木瓜雪耳煲排骨，材料很多，一喝便知道是沒有味精的老火湯。蟹肉蛋白炒魚肚 蛋白嫩滑而且一點也不油膩，加上鮮味的蟹肉和爽口的魚肚，清淡得來又很美味，蟹子令賣相和囗感再加了分。茘芋香酥鴨 (半隻) 原價$210的茘芋香酥鴨現只需$168，有8折優惠算是不錯了。香酥鴨外面炸得很香脆，茘茸很軟滑，鴨肉又不會乾身，而且份量很多，如果多一些人分享便更好。飯後還有甜品贈送，花生麥米粥很足料而且甜度適中，很適合大眾口味。

睇到d 食評咁多好評, 就揀左呢度食第1餐生日飯, 朋友預留左幾樣要預訂既菜色, 杏汁豬肺湯, 上湯煎粉果, 窩貼明蝦夾, 百花釀魚肚, 蓮蓉西米布甸, 之後再加個梅菜蒸茄子.地方算好闊落同坐得舒服, 服務亦尚算唔錯, 人手足夠亦主動加水及反應快. 但一飲個杏汁豬肺湯就覺得唔掂, 好多粒粒但又稀冧冧, 湯渣亦只得豬肺, 完全唔合格.明蝦夾係全部野覺得最好既一碟, 熱辣辣, 賣相靚, 蝦膠豐富.百花釀魚肚 - 芡汁太多及過咸, 食一件都好漏.上粉煎粉果 - 從來無食過, 所以唔太肯定浸一浸個上湯個皮就爛哂係咪正常.梅菜蒸茄子 - 正常味道, 賣相亦ok, 起碼茄子顏色無瘀黑.蓮蓉西米布甸 - 唔太甜, 但蓮蓉份量太少, 只有少量在正中心. 如有小份for 4-5人會更好, 因為呢個份量最少要8人以上先食到.壽桃最後上, 但竟然無難度既都唔好食, 個皮有朕怪味, 入面粒蛋黃係正方型, 唉~牆上有好多名人合照, 呢度亦無負評, 好懷疑自己去錯地方, 定向平行時空食呢餐. 1400蚊4個人唔係貴, 但食呢d 質素既就真係唔值.