紫荊閣 (已結業)

今晚朋友請食飯🙈🙈🙈鄉下妹出省第一次搭地鐵去黃埔🤣原來依家黃埔發展得超快而且仲好多小食要平有平要高級有高級今日朋友帶我去食酒店中菜🙈酒店位於地鐵站B出口行5分鐘左右就到對於一向路痴嘅我都無難道👍🏻酒店大堂搭𨋢上一樓就到坐低朋友已經到左佢係地頭蟲梗係佢發板啦～～ 專心等食🤣🤣餸未到就食住枱面前菜先一開始以為係合桃原來係炸魚👍🏻超惹味朋友知我鐘意咕嚕汁專登叫左咕嚕蝦球🤤🤤蝦球大大粒超脆👍🏻👍🏻咕嚕汁都整得唔錯♥️鐵板燒汁牛柳牛柳超淋👍🏻燒汁再送飯好味呀🤣西蘭花花枝片好大碟而且花枝片好鮮甜👍🏻蟲草花雲耳浸時蔬份量都唔差而且有好多款菜係入面招牌特式炒飯真係估佢唔到呀！！一開始以為上面一粒粒嘅係炸豆腐食落先知原來係炸魚柳粒🤤而且係蕃茄炒飯底！😋湯水係送嘅～紫米露唔太甜清清地都唔錯👍🏻朋友真係無介紹錯！！！成餐飯都好滿意侍應服務好好👏🏻不停加水又主動送湯水而且9月份星期一至四仲免加一所以價錢變相同酒樓差唔多但哩度服務就真係好太多♥️

朋友兩公婆約左我同老公相聚晚飯 他們就話訂左間中菜酒家 原來係紅磡某間酒店1/F car park係要用lift架 剛好7點半到 他們已坐低左嘆茶了 我第一次幫襯都係由佢地安排 4人餐好抵呀 再加多左揚洲炒飯 超滿足 廚師靚湯 每人一盅 份量夠 足料 係霸王花煲瘦肉 清甜滋味 暖一暖胃 滑蛋鮮蝦仁 一睇已睇到剛熟蛋滑 蝦仁好大隻 食落口感爽 彈牙 食落香滑蛋味濃 少許蔥粒調味 Yummy 話普通的小菜其實一d都唔普通 廚師應記一功 上湯浸時蔬 選用白菜仔 面頭鋪滿炸蒜子 超級惹味 尤其白菜仔最能吸收晒d上湯 特別好味又健康荔蓉香酥鴨 香芋蓉鬆化酥軟香濃 啖啖鴨肉 還有自家製嘅醬汁比我地添 好好味 心機餸 呢個餸好耐無食過 食時回憶小時候 不過淺嘗兩三件後停手 始終係芋頭同炸物嘛 認真值得推介比大家鐵板砵酒蜜桃骨 甜甜地微酸用蜜桃做主角 肉排夠晒入味 肉質鬆軟但同時有肉汁唔會乾 有咬口眼闊肚窄 還叫左個揚洲炒飯 足料 大大粒蝦肉 叉燒粒 雞蛋 熱辣辣炒到飯粒粒分明 乾身套餐 還附送糖水 今晚係海帶綠豆沙糖水 大滿足 唔會過甜

與小學老師聚會，一班小學同學都想老師食番啲懷舊菜，佢哋就介紹紅磡一間酒樓，齊齊去食餐好嘅。點了叫化雞， 嚟到嘅時候見到一嚿石頭，都唔知佢玩咩嘢， 好彩老師慢慢嘅講解 ，話可以畀我哋試下，以前嘅人如何食叫化雞， 用鎚仔一鎚一槌咁樣打開佢，發現入面有塊荷葉包住，打開裏面， 先至係真正嘅戲肉，叫化雞，入面用料豐富 ，原隻雞 裏面放入咗冬菇，雲耳，金針同小小嘅肉絲， 味道好豐富，又有淡淡嘅荷葉香。下一道西檸石斑塊， 平時西檸雞就食得多，估唔到西檸配斑塊，都一樣咁好食，酸酸甜甜好開胃。再黎鐵板燒汁烤魚， 對我嚟講 呢條叫做鐵板燒汁炸魚，條魚炸到脆卜卜， 如果係真正嘅烤魚可能會更好食。生炒生炒骨， 酸甜汁酸酸甜甜， 最重要生炒骨夠曬脆， 入面肉汁又豐富。最後銀芽鴛鴦菰撈麵， 粗面冇鹼水味，銀芽一條條口感脆身，口感不錯。下次聚會可能都會再來， 因為貪佢環境夠清幽， 大家都可以安靜細談過去。

酒樓位於酒店內，由於係新開既關系，人流較少，環境寧靜，星期日唔想同人地爭位既街坊可以黎呢到試下。椒鹽鮮魷，魷魚肉質彈牙嫩滑，表面香脆，唔會炸得過油，炸粉唔厚，經過豉椒調味，非常可口。燒賣大大粒，雖然睇相唔覺，燒賣入面有一隻蝦，蝦肉彈牙爽口，豬肉較平時食既嫩滑，屋企人勁鍾意食。蝦餃既餃皮簿而彈牙，賣相精緻，入面蝦肉大大隻，好彈牙鮮甜。欖角蒸排骨，排骨肉嫩滑新鮮無雪味，望落可見肉質有幾靚，由於加了欖角，排骨多了一分難得既清香欖味，係少有食到靚排骨。xo醬炒腸粉，腸粉較幾嫩滑，但唔係最嫩滑，不過不失為早餐既一個好選擇，夠飽肚呀嘛。

早前到黃埔那邊吃拉麵，打道回府往紅磡站時發現此新開的紫荊閣，位於蕪湖街一幢新的單幢式酒店''逸酒店''的一樓。儘管門外仍是舊式樓宇，內裡裝修雖不是五星級的級數，但也有酒店式享受的feeling，最重要是相當幽靜，能靜靜的享受此茶聚。並不像街坊/ 連鎖酒樓，聊天須喊出來。選擇並不多，追求花款的人，我只能說這未必能迎合你的口味。但要舒適的環境，這便正好。鮑汁鳳爪 ($58): 醬汁濃郁，鳳爪炆了相當時間，入味而軟腍。每碟有六隻，還有少許花生，份量略小。蝦餃 & 燒賣 (特點): 蝦餃皮厚薄適中，並不黏，蝦仁大大粒，爽口彈牙，屬標準水平。燒賣含蝦仁一粒，而豬肉較一般的幼嫩，非常的滑。乾炒牛河 ($88): 河炒算是乾而爽身，整體並不油膩，質感好比一般茶餐廳的。味道較溫和而沒那麼rich，看得出生抽及老抽份量略少，好不好便見人見智。

今晚喺紅磡紫荊閣訂咗枱食飯，唔係好多地方有“叫化雞”食，所以特別預訂了一份。叫化雞 : 一舊大石頭送來，就令到大人細路都好開心。妹妹揸住鎚仔揼開佢，就有一陣陣嘅荷葉雞香味飄過嚟。 雞釀入木耳冬菇紅棗等材料，一同烤焗 ; 因此吸收了雞嘅精華，如果同雞肉一起吃，特別滋味。西檸石斑塊 : 石斑塊非常鬆脆配埋香濃嘅檸檬汁，特別開胃。鐵板燒汁烤魚 : 魚非常新鮮，而且炸得脆脆配上大量洋蔥，食下零舍香口 ; 不過燒汁比較多。特別推介生炒骨 : 排骨大細適中，炸粉不會太厚，炸得脆卜卜，不會油膩。酸甜汁有酸味，亦有甜味，調教得非常好。兩者配合，份量啱啱好。 食到最後一嚿肉，都是脆的， 而且冇多餘的汁留在碟底。銀芽鴛鴦撈麵 : 麵條不會太淋，味道亦不會太鹹。 可能已經吃得太飽，所以感覺比較普通。

今天星期日，難得一家人一齊放假，女兒提議去紅磡行下，順道去逸酒店的紫荆閣食晚餐，因為之前去過食懷舊菜，女兒非常喜歡食那兒的炸子雞，所以今天有空就一齊再去品嚐！現在做緊優惠，九月份逢星期一至四免收加一服務費。當紅炸子雞：正宗懷舊風情的做法，炸子雞皮脆肉嫩又入味，味道超正。而且也是最正宗的上枱擺設，就是圍在碟邊的彩色蝦片，記得我在小時候，只有去飲宴才有這味菜式食，一上枱客人不是食雞先，是食蝦片，一殺那，所有蝦片夾晒，之後先開始食雞，但現在的食肆很多都不會炸蝦片，只有食正宗懷舊菜的地方才有！菠蘿咕嚕肉：獻汁做得好好味，甜甜酸酸好醒胃，咕嚕肉入味有口感，雖然被獻汁包住，仍然外脆內嫩，十分好味！北菇紅燒豆腐：北菇厚身爽口，滑嫩的豆腐炆得入味，濃濃的醬汁很美味！蝦仁蛋白炒飯：蝦仁都好大隻又爽口，加入蔬菜炒好健康，味道不錯！干燒伊麵：用料有草菇和韮黃，加入蠔油炆炒，麵比較林和短，味道比較淡！店家送飯後甜品，今晚是綠豆沙，甜度適中，為今晚的晚餐劃上完美的句號！值得一提的是這間食店，女的侍應服務很好，招呼週到，不停在身邊招呼客人需要，值得一讚！

幾個人去食中菜，這是位於酒店內的一間中菜館，比我想像的抵食，食物質素中上。不少食物都要早一點預訂，這點有點麻煩，但通常預訂的食物住住比較特別、美味。叫化雞就是需要預訂的。雞肉質嫩滑，裡釀著許多菌類，還有一點豬肉。餡味道較鹹，用手撕開雞肉，然後配搭著餡，十分滋味！西檸魚，酸酸甜甜的西檸汁味道適中，不會過酸。剛上菜的時候，魚還有一點點脆。我頗喜歡西檸魚。這份撈麵比較一般，鹹了一點，又濕了一點。最後是送的甜品-紫米露，味道不太甜，起初覺得有一點點淡，但吃完整碗的時候，覺得這個甜度剛好，太甜反而會膩。整體，這頓晚餐都算不錯，特別是叫化雞及贈送的糖水。

聞到隔離飲湯咁香 我地都即刻叫返個豆腐羹飲下 雖然只係細細碗 但都好足料下架 有蝦啦 小帶子等 口感好好呀 又唔會咸 值得一試之後我地叫左個好特別既懷舊菜 脆皮下面係蝦仁雞肝 有少少沙律醬 食落覺得好似沙律明蝦角 好食呀 又有心思再黎係一客炸子雞 好欣賞雞肉滑得黎又唔生 脆皮真係食到有聲架 竟然用蝦片伴碟 即刻諗起細個去茶樓既回憶瑤柱扒瓜甫 竟然成條節瓜而唔係一件件 哈哈 我個人鐘意一件件多點 但個汁夠香濃 好好食 可以送飯最後送既糖水 有花生 有薏米 好似八寶粥 作為今餐一個完美既句號

放假睏醒已經中午，相約父母飲下午茶，佢地想去黃埔逛街，我地上網搵到逸酒店紫荊閣有下午茶，咁就試試到酒店嘆中茶😊紫荊閣位於逸酒店1樓，一出lift轉左就見到，店內面積不小而且裝修時尚舒適，一邊牆用荷花作裝飾很清雅，每張檯之間都保留空間，坐得很舒服。點心紙除了有點心外還有小菜、粉麵飯等可選擇。粉麵飯加了$38一盅廚師靚湯，這個湯用魚+豬肉+玉竹+薏米等材料來煲，入口很舒服，清潤鮮甜，應該是真才實料沒有加師父調味的，很好喝！😊蟹籽蒸燒賣燒賣大粒，作餡料之一的豬肉粒很新鮮彈牙無雪味，肥瘦比例適中，蝦仁同樣爽口。鮑魚雞球燒賣兩件豬肉蝦仁燒賣上分別鋪了鮑片和雞件。雞件嫩滑，燒賣的豬肉以肉餅形式弄成球狀，蒸後還充滿肉汁，又不會很鹹。古法馬拉糕媽媽最愛的馬拉糕，鬆軟而不是空氣感哪種，咬下軟綿滲出淡淡清甜，吃了二件也不會膩。水晶鮮蝦餃鮮蝦份量多，填滿了蝦餃皮，每咬一口都是爽口彈牙的蝦肉。麫醬雲耳翠肉瓜翠肉瓜和雲耳以麫醬來烹調，甜甜的很好送飯吃。京都骨雖是京都骨，但我們吃完都沒有骨頭落碟，真是啖啖肉😊。京都骨豬肉入味之餘肉質軟腍不鞋，豬肉炸過後仍保持嫩滑不乾，很出色😋梅菜肉崧炒飯炒飯粒粒分明被蛋汁包裹軟硬

今日同屋企人一齊去飲茶，本來諗住去平時飲開嗰間！點知嗰間實在太多人等喇唯有轉地方，其實之前都有留意開OpenRice食評，見哩間個個都咁就去睇吓有無位，唔洗等！即刻有位💪🏼我哋3個人，叫咗六個點心，不過點心唔多選擇！反而炒粉麵飯就比較多啲(另有價錢)！蝦餃好大隻，超足料！多🍤🍤🍤叉燒包都ok！蟹子燒賣又係好足料亦有蝦！大大粒腐皮卷有啲油膩古法馬拉糕好鬆軟平時酒樓蛋散用糖漿，佢哋係用咗柚子！食落好鬆軟，好Flash總括嚟講好食會再去！

今個星期日約左外父外母去黃埔AEON揀按摩椅, 午飯都未食一路試到14:00左右先買到。難得外父外母過到紅磡, 老婆提議搵間靚d嘅酒樓或酒店中菜同佢地食餐好。😋我係Openrice搵到位於蕪湖街呢間係酒店一樓嘅中菜, 紫荊閣。我地由黃埔行去呢幢新酒店都好近, 紫荊閣裝修好高格調, 入口位見到貼滿名人光顧的照片牆, 店內的玻璃窗好大, 採光度好高。由於我地4個一早食完早餐後都冇食過野, 所以都已經好肚餓, 老婆先點了一個飯同外父喜愛飲的湯, 另外點了京都骨同幾個點心。原本湯我地打算點4碗, 不過店員提醒我地一碗可以分到2至3小碗, 結果我地點左兩碗都已經夠哂飲。👍廚師靚湯真係足料冇味精, 外父讚不絕口, 佢一個都飲左3小碗。😆同呢兩老用餐叫飯食係指定動作, 今日呢個梅菜肉崧炒飯唔太咸, 飯炒得乾身而且唔硬, 外母都讚非常好。👍京都骨好出色, $88一碟份量非常多, 外層香脆肉質軟腍, 唔會過甜或過酸, 味道剛好, 而且啖啖肉。😋麵醬雲耳翠玉瓜呢個配搭唔錯, 翠玉瓜同雲耳爽脆配上濃味的麵醬, 又清新又惹味。點心用料好新鮮而且味道唔錯, 係酒店嘆呢餐茶, 4個人埋單都係400幾蚊, 外父外母

有一天坐小巴,看到車身上的廣告,才發現SAV酒店內有一家酒樓叫做紫荊閣. 經常經過但都沒有發現. 決定去試一試他的點心.酒樓非常隱蔽. 大廈外牆及街上都不見明顯的招牌. 進入酒店搭電梯到一樓.酒樓跟酒店的大堂在同一層.星期六下午12點到達. 但是只有四枱人在飲茶.心想,是不是中伏了呢?但既然已經來到,不如試一試吧.酒樓員工非常有禮,迅速安排我倆坐在近窗邊的一枱. 落地玻璃彩光非常好,可以看到整條蕪湖街. 細看餐牌,點心選擇不算太多,大部份是傳統蒸點.但都非常足夠. 點心價錢再同區算是中上. 也沒有太多如早茶特價時段的優惠. 難怪坐不滿. 首先點了一壺普洱茶. 看來不是普通茶葉. 茶壺上註明是天福茶行的. 飲落都幾香,而且唔會好似其他茶樓的普洱茶,飲到最尾變成黑色. 侍應亦都好有禮貌地間中幫我們添茶.跟住點了五樣點心,分別是古法馬拉糕,水晶鮮蝦餃,鮑魚🐔燒賣,XO醬腸粉及上湯鮮竹卷.先講XO醬腸粉,炒得乾身,唔會有油浸浸的感覺,辣到適中,再配上🐔絲非常好味.之後,四樣蒸點一齊上. 先講馬拉糕.這個馬拉糕質感十足,不像普通酒樓的"空氣"馬拉糕那樣. 有質感之餘亦十分鬆軟,聞到一陣陣的蛋香.

今晚約咗個黃埔人食飯，佢話黃埔開咗好多新餐廳，有平有貴，今晚佢就揀咗間性價比好高嘅中餐廳同我食飯。呢間係酒店入面嘅中餐廳地方幾闊落，weekday嘅晚上比較少人。餐牌除咗普通小菜，仲有啲要預訂嘅手工菜式。我地得兩個人，叫唔到好多嘢，點左荔芋香酥鴨、蟹肉蛋白炒魚肚、一碗肉絲湯麵同一籠蛋黃千層糕。荔芋香酥鴨唔係好多地方有得食！芋蓉外面香脆，入面好棉好滑，鴨肉又淋又入味；一啖咬落去，口感味道都好豐富芋蓉同鴨肉比例啱啱好！不過呢個餸都幾飽滯，兩個人都食唔哂蟹肉蛋白炒魚肚味道清淡啲，成碟餸非常足料肉絲湯麵簡簡單單，幼麵又滑又爽口，清淸地，好啱大家胃口。食完正餐，大家都有共識要食啲甜嘢！呢個蛋黃千層糕好有驚喜中間的蛋黃層除咗好有蛋香，仲撈咗啲糖冬瓜粒粒，食落有啲爽口，特別又好味埋單發現唔使加一！侍應話九月內星期一至四都免加一，真係抵食又好食

香港人放假都喜歡去飲茶，過一下慢活的時光，又可以與家人聚一聚。前幾天與家人來到飲中午茶，之前預約好座位，黎到部長就即刻安排入座。店內裝修優雅，左面一大幅相連的荷花畫非常美麗，點綴了整間中菜餐。打開點心見到有各款點心、小食、湯飯麵，附圖俾大家參考一下。我地一共點左4款點心，一碟炒河。哩籠鮮蝦餃粒粒都好大粒，一咬開食到蝦肉好爽，蝦餃皮唔厚，好食。叉燒包鬆軟，都大個，唔錯！牛肉球食得出牛肉好新鮮，淋上喼汁食真係好好味。蘿蔔糕煎得好香，有蝦米、臘腸等材料，好足料，入面仲食到粒粒蘿蔔。哩碟滑蛋蝦仁炒河金黃色未食都已經覺得好正，仲有大大隻蝦，河粉炒得唔會好油，撈埋蛋汁同蔥粒食好味道。黎個大合照先 哈哈！哩餐食得好滿足，環境又咁靚，這就是放假的意義。