紹華小廚

营业中

休息中

蒜香牛頸脊煲仔飯 🧄 🐄 🍚 落完甜醬油之後再焗多佢2分鐘就可以！呢個煲仔飯超級出色，牛頸脊肉質非常嫩滑，蒜香亦夠惹味🤤窩蛋滑牛煲仔飯 🍳🐄 🍚 最傳統的煲仔飯口味之一，整體飯質地同豉油都ok，飯香，飯焦脆，豉油正，豬油又香！📍紹華小廚筲箕灣愛秩序灣街市暨綜合服務大樓食好啲啲 sichodd rating: 8.5/10

潤腸滑雞飯$75潤腸可以再油香啲，冇爆汁嘅感覺，偏乾身，不過雞肉嫩滑juicy ，好多都係用雞髀位👍🏽荔茸肉碎飯$85比較上特別嘅煲仔飯，都係第一次食😯 荔茸溝埋肉碎，仲加咗啲冬菇粒食落去所有味道都好夾 食完第一煲，我地想另一煲要多啲飯焦，弱弱地問左伙記🤭 結果呢煲啲飯焦果然多啲，嚟到嗰陣時聞到已經好香，食落去脆脆的，再加埋個煲仔飯真係好熱，係凍嘅天氣食，係幸福嘅感覺♨️🥰🥰🥰Cp 值及夠飽: 其實價錢相對起其他煲仔飯比較上貴，不過煲仔飯一啲都唔漏，我哋兩個人食，叫左兩個煲仔飯加一罐Coke Zero，食完夠飽有餘仲可以整多碗綠豆沙😂翻啅:一定會再去☺️ 老闆員工都好親切，街坊人情味滿分💯

隨著冷鋒襲港❄聖誕過後的首個週一急跌至得9度，今個冬季第一次咁凍，不其然就想去食返個煲仔飯🔥在筲箕灣有兩間煲仔飯名店✌祥囍是老牌名店，比較難找空位，所以去了愛秩序灣街市的紹華小廚，環境上就和普通熟食中心差不多，空間比一般餐廳更大。 .在晚上7點前到達還有些許空位，7時後就要開始排隊等位了。餐牌很簡單，煲仔飯有一張，小菜類有一張，比較特別的是煲仔飯有分傳統口味和新派口味，我就是為了一嚐新口味才來訪📜 🥘蝦醬肉眼筋飯｜$85｜7/10下單後不久就送到了，感覺上飯底和餸料是分開煮制，下單後才放在一起，味道未有足夠時間互相交融。上檯後店員幫手倒下豉油再蓋上砂鍋蓋焗出真味，愛吃飯焦的緊記焗耐一點🤤蝦醬豬頸肉味道不錯，不會太鹹，整個飯也算惹味，飯焦有咬口，沒有生米感覺😌 🐸薑蔥鴛鴦雞煲｜$83｜7.5/10來到這裏當然少不了吃鑊氣小炒，薑蔥爆香的味道超級無敵，鴛鴦雞即是滑雞配田雞，兩者的口感也夠油香嫩滑，罪惡感十足🐓 🥬上湯浸白菜仔｜$53最後怎樣也要吃碟菜，平衡一下營養，湯味算清淡健康，白菜仔新鮮爽甜，一家人來吃也很推薦😚

天氣凍去咗愛東街市食佢哋嘅煲仔飯，除咗煲仔飯，今日主角仲有羊腩煲。羊腩煲上枱都幾大份量，絕對夠三個人食，南乳羊腩醬味道做得幾好，唔算太鹹，煲仲有好多筍同埋冬菇，不過啲馬蹄就非常細粒。羊腩處理唔係幾乾淨，有小羊毛在皮上面，羊肉混合了兩隻羊，兩隻肉質都唔一樣，所以食嘅時候有部份人會比較淋，有些又會太過實，有些位煮唔夠時間，連個羊皮都咬不斷。煲仔飯叫臘腸滑雞，配料幾入味，不過今日個煲仔飯好似燶咗少少，飯焦有部份已經燒焦，有啲苦味。另外在叫了一個酸菜炒黃鱔，味道非常濃，黃鱔處理得唔錯，有醃過入了味，肉質爽口，酸菜就少咗少少，反而青紅椒同洋蔥夠多又入晒味。

肉肉🦊對於吃行動力都是超級強的，前幾日看到有網友分享了一家有芋頭泥的煲仔飯，於是當天就去試試，因為小🐤胃不吃芋頭，我就點了一個芋頭排骨煲，自己肚子享受。.芋頭排骨煲做的非常濃郁，芋頭很軟糯，甚至比排骨都要好吃，還有我每次必點的椒鹽魷魚🦑這家做的非常酥脆，我很喜歡！再說煲仔飯我點了一個臘腸排骨，臘腸酒香十足，鍋巴很好吃！.店名：紹華小廚地址：筲箕灣愛秩序灣道15號愛秩序街市熟食中心CF3店

飯焦係煲仔飯重中之重呢間煲仔飯飯焦香，見佢一到冬天就晚晚排隊就知唔少野筲箕灣有唔少煲仔飯食，呢間煲仔飯我由佢$5X食到依家$7X坦白講未加價之前梗係抵食，依家呢個價位可能有更平又一樣好食嘅選擇，但情意結關係我依然會黎

天漸涼，總想吃些能保溫長些時間的食物。煲仔飯是冬日常想到的呵！常吃臘腸、雞等的，今次試些較新的配搭。茘茸肉碎煲仔飯，兩個如雪糕球大小的茘茸下，飯面鋪滿肉碎冬菇粒。員工服務周到，趕唔切照相已淋上了醬油了。一般煲仔飯醬油都只是色深微鹹，這裏亦是。茘茸軟滑，撈飯混和碎肉一起吃，口感超豐富，粒粒軟糯的飯粒被茘茸包住吃，滑中帶依韌，充滿了芋泥的味道。小炒皇，有韮菜花、蝦米、蝦干、鮮魷、蝦、菜甫、腰果，食材很多。特別有菜甫，爽爽鹹香。不過韮菜花應是先焯過才炒，少了鑊氣。

行完山好餓，上網搵到呢間食煲仔飯就去了！伙記推介了蒜香牛頸脊肉煲仔飯，我地仲叫了茄子斑腩煲同椒鹽鮮魷。煲仔飯都算好快就上到，伙記仲幫你落埋豉油再冚埋蓋焗一陣，好貼心。開頭驚牛會韌，點知一食又好淋，淋得黎帶小小爽，瘦又帶小小肥，好有牛味，又幾正哦，飯夥粒分明，係煲過左小小火，飯焦有DD濃，整體都好食價錢經濟，汽水都係4蚊，超抵！鮮魷炸皮薄，茄子斑腩，斑腩都幾多，港島區可以食到平民價又好食既餐廳真係小中又小

煲仔飯真係冬天必食之選，但好食嘅煲仔飯真係買少見少，一係就冇飯焦，一係就其實分開煮，最後先將啲餸擺上去，其實真係食得出。 仲好懷念細個嗰陣喺冬天着晒冷衫坐喺登龍街路邊食住熱辣辣嘅煲仔飯，真係超爽，但之後佢結業搬咗去筲箕灣街市就冇去再食過。今日特登過去試，本着好大嘅期望過去，因為個煲仔飯真係好好食，我諗係因為細個喺街邊食嗰種滋味。最懷念就係佢嗰個荔茸肉碎煲仔飯，因為真係得佢先有，其他我都未見過，個荔茸軟綿綿，撈埋個肉碎，真係超好味。今次去到，當然第一時間係要點呢個煲仔飯，之後加多個魚香茄子斑腩煲，加多個椒鹽鮮魷，2個人食就啱啱好啦！煲仔飯一想，真係超期待，見到2大個芋泥，對於一個芋頭控來講，真係超興奮（我朋友都唔係好明XD），一上枱，就先淋上豉油，蓋返埋個煲仔蓋，再焗多佢一陣，就等食；呢個時候個斑腩煲就到啦！茄子煮得稔，斑腩都夠滑，整體都好香好入味，唯一的就是有點鹹，如果單食的話就有點吃力，但送飯的話一流，雖然明白魚香茄子一定會有油，但都真係幾油。椒鹽鮮魷個賣相就好靚，個炸粉係硬身個隻脆卜卜，唔係酥個個口感，但個魷魚真係好硬，咬極都咬唔開，魷魚乾到真係好乾… 食到最後，真心放棄咗，因為真

紹華小廚位於筲箕灣愛秩序灣街市，主打煲仔飯，少少秋風已經令人又想食煲仔飯的衝動。今晚三個人點了兩個煲仔飯及一個小炒皇，分別是滑雞臘腸煲仔飯及排骨潤腸煲仔飯。小炒皇每間食店都有自己的特色，此店應該加了些少XO醬，聞落非常惹味又不會過鹹，作為送酒菜是不錯的選擇。但今晚的重點是煲仔飯，兩個飯上枱時，夥計先打開飯煲，再淋上自家調製的甜豉油，然後蓋上煲蓋再焗一會，再打開蓋時，飯粒已吸收甜豉油的芳香，令人食指大動。兩煲飯當中，以雞飯較為出色，因為雞飯有雞油的香味滲進飯粒中，加上飯焦恰到好處，但臘腸就稍為硬了一點，美中不足。而排骨飯就選用了較多肉的部份，喜歡啜骨的朋友就應該不太喜歡，而潤腸就較臘腸出色。整體而言煲仔飯不算太便宜，但現在來說要吃一煲有水準的煲仔飯，六七十蚊是最低的消費，此店的煲仔飯仍能保持水準，這個價錢相對合理。

今晚去咗筲箕灣街市對面一間隱世的煲仔菜，此店出名煲仔飯已很久，之前旁邊會有泰菜或咖喱，可惜因疫情關係都已經關門，整個area剩返呢間紹華小廚。今日叫咗滑雞加臘腸煲仔飯，煲仔飯好甘香，佢哋煲仔飯啲新舊米溝得好好，上枱好乾身有飯香，滑雞入味夠，加埋雞嘅油香及臘腸的油潤，打開蓋香味濃郁，這裏調校的豉油味比較甜，入口比正常煲仔飯甜。另外點了潤腸加排骨飯，飯底好吃，生熟程度剛好有米香夠乾身，煲底都係有飯焦，飯焦顏色金黃帶啡，但不會有燶味。另外點了一個小炒王送酒，小炒王裏面有菜脯蝦乾鮮蝦及韭菜花，幾香口送啤酒都不錯，上碟夠鑊氣。遲啲會仲有羊腩煲供應，下次可以試吓，喺筲箕灣來說價錢幾公道，味道唔錯，有大排檔的風味。

香港人冬天一定會食煲仔飯架啦一聽到煲仔飯就諗起廟街但老老實實廟街既四X興X真係幾難食。。。啲飯乾到呑吾落啲肉又鞋到爆。。今次我要介紹俾你地班hongkonger⚡️⚡️⚡️神級煲仔飯⚡️⚡️⚡️呢間煲仔飯餐廳位於筲箕灣熟食街市，長期都有好多年青人同街坊特登入黎食佢既荔茸煲仔飯，所以想去試下既朋友，我建議預早少少，咁就吾使排隊啦🌝👅🍚🍚荔茸波波肉碎煲仔飯🍚🍚兩大粒荔茸放係個飯上面好可愛啊 加入豉油焗一焗去撈均去食，啖啖都有香濃荔茸同肉碎同冬菇💓最緊要既係，每一粒飯米都好有油香，吾會有爛米情況出現！👅🍚🍚臘腸滑雞煲仔飯🍚🍚好香好香既臘腸味，滑雞分量多，啖啖肉！食得好滿足💓飯焦脆而不乾👍🏻

紹華小廚 (筲箕灣) 蒜香牛頸脊煲仔飯✨黎度有好多新奇煲仔飯圖中就係其中一個我地仲試咗🌟鵝肝什箘煲仔飯🌟 亦都好推介👍黎個碳燒煲仔飯 好野味 +$5有隻蛋可以自己選擇生d就叫佢落咗蛋唔洗蓋蒜蓉味係非常非常香口 炒得好香呀飯呢 粒粒分明 緣邊落豉油 好香好開胃 甜甜地 但唔會漏 食到味仲有好多飯焦慢慢嘆🙈重點的牛頸脊 係非常嫩 淋 而且入味牛味豆好出 絕對唔會因為耐咗就un而且有好多粒 所以真係好驚喜🌟推介!!!!👍👍👍👍👍👍 Overall🌟: $ 68 ( 8.5 /10) ------------------------------地址🎯: 筲箕灣愛秩序灣愛東邨熟食中心CF3店地區⛳️: #igfoodtaste筲箕灣餐廳類別🍴: #igfoodtaste中菜價錢類別💲: #igfoodtaste中低價

今晚全家出外吃晚飯，但見附近的中式飯店都已爆滿，忽然想起這間很久沒光顧這小店，便帶著全家來此店試試。叫了兩個煲仔飯和三個小菜：1. 豉汁帆立貝象拔蚌仔煲仔飯：餸並不多，味道尚可，飯比較濕，沒有飯焦。2. 土魷肉餅煲仔飯：肉餅沒甚麼味道，不為甚麼有少量鹹魚碎在上面，飯比上一煲更濕，沒有飯焦。3. 中式牛柳：牛肉薄而偏乾，全碟只有很少汁，味道一般。4. 啫啫通菜煲：味道偏鹹，不知為甚麼煲內會有唐生菜，菜身亦偏腍，估計應該是淥熟後才落煲。5. 枝竹豆腐班腩煲：味道尚可，唯班腩鹹了少許，而且雖然是炸過，但完全不脆。全後衛生方面應比較污糟：1. 雖則是位於街市的熟食中心內，但座位底有食物殘渣，座位上還有飯粒。2. 煲仔飯沒有飯焦，但煲底竟然是燶的。3. 最離譜的是，叫了杯熱茶走，杯內竟然有幾粒飯粒。總結，全家人一致通過，不再光顧此店。

【蒜香牛頸脊飯】 HKD78依間煲仔飯嘅配搭好多都好特別，而且幾夾下😄飯就唔多講啦，之前都有提及過。而牛頸脊粒🐮有別於牛柳粒，冇咁淋，食落好有趙口，夾埋炸蒜嘅香，成個煲仔飯食落好香口。