羊鞍餐廳

营业中

休息中

今日特別想食聽聲咋咋聲 食鐵板餐既感覺番曬黎九龍城除咗食泰國菜 重可以食到鐵板餐 一入門口 已經傳來陣陣香味 午餐有多款選擇 先來一個羅宋湯 以前飲開的味道 酸度適中 重有牛尾香味 安格斯西冷牛扒餐 見著口水已流厚厚的牛扒 啖啖肉 煮得剛剛好 牛味十足 十分抵食 👍🏼懷舊味道 火焰羊架鐵板餐 熱辣辣的鐵板餐放在桌上 於是店員用火機點著鐵板上 相當吸晴 羊架味道剛好 沒有羶味 分量十足 配上鐵板更加香口 配菜又有薯條十大滿足 啫喱 絕對是兒時回憶 加上花奶 好滿足 紅豆冰 紅豆大大豆 大大杯 食到好飽 絕對是九龍城其中之選

火焰羊架鐵板餐好耐冇食過鐵板餐，我地叫咗份火焰🔥羊架鐵板餐。上菜嘅時候侍應姐姐即刻倒少少唔知咩酒，然後點火，wowwww，即時火焰四起，都幾得意。食鐵板就係想聽到啲炸炸聲，好原始嘅感覺，從聽覺視覺嗅覺引發食慾。羊肉份量都幾多，肥瘦適中，有羊味。我好鍾意佢啲薯條，薯條長短不一，肥嘟嘟，好似食薯仔咁，啖啖肉，正。我地加咗份鵝肝小食，雖然係小食，但份量一啲都唔少。鵝肝好厚身，仲厚過塊多士。油脂感好重，都幾好味，但我驚太滯，食左兩啖就俾左Mcmug食。寶雲雞扒併焗生蠔寶雲係咩黎呢，餐牌上有好幾個菜係用寶雲做開頭，想必內有乾坤。以我認知嘅寶雲只係寶雲道，唔通間餐廳係寶雲道起家？係我胡思亂想期間，Mcmug就點左一份寶雲雞扒試吓。原來寶雲係寶雲酥。係一種由麵包糠、百里香、蒜蓉、黑胡椒、鹽焗嘅方法。雞扒醃得幾好，幾juicy，表面少少脆，幾好食；但唔知係我地影相影得太耐定點，個生蠔好似唔太夠熱，可惜。Mcmug後記：啲野都幾好食，同埋幾有gimmick，個火焰著個下都幾正，用黎哄(呃?!)下女仔都唔錯，呃下呃下可能呃到個老婆番黎都唔定😗

放工食飯，同同事去附近九龍城食下西餐，雖然地方比較偏僻，但幾平的。同同事食飯，一個一個set dinner 鐵板餐，簡簡單單，包湯包飲品，平日去特飲不用加錢，低！一碟羊架鐵板，淋上黑淑汁，喳喳聲，非常正。黑淑汁份量剛剛好，配上羊架不會遮蓋羊肉的香羶味，羊肉成熟度又剛剛好。對一些喜歡食羊的人，非常不錯。同事他點了個德國豬手，雖然外脆內嫩，外皮非常香脆，正正常常，同我的羊架一樣又係淋上蒜蓉汁，喳喳聲。特飲就點了杯雜果賓治同杯黑牛。完餐後，還有甜品。如果不是地方不便都會常常來食。

小時候最渴望的就是到星期六，因為星期六父母會帶妹妹和我去食鐵板餐。當時鐵板餐只有兩款選擇，牛扒或雜扒，父母多數為我們選雜扒，因為感覺上較抵食。雖然如此，小時候的我們都食得津津有味。現在人大了，外出用膳有大量選擇，鐵板餐已忘記得一乾二淨，如果不是見到羊鞍餐廳的懷舊鐵板餐，往日情懷早已不再。是夜每人叫了一個鐵板餐，套餐只需百多元，還免加一，真是經濟選擇。餐湯有紅白兩湯選擇，雜菜湯熱辣辣，酸甜度適中。扒大蝦皇比目魚鐵板餐鐵板餐可以選擇黑椒汁或蒜蓉汁，比目魚扒可以用巨型來形容，魚肉肉質雪白嫩滑，肉多骨少。大蝦皇已開邊，蝦膏豐富，肉質彈牙。薯條為粗身波浪，點上茄汁，外脆內軟。美式雜扒鐵板餐雜扒餐材料大堆頭，計有牛扒、豬扒、腸仔、煙肉及雞翼，雞翼新鮮炸起，非常熱辣。升級特飲鐵板餐平日可以免費升級特飲。西班牙咖啡這款港式飲品，現時已經在很多地道餐廳的餐牌中少見。西班牙咖啡其實是雲呢拿雪糕加進咖啡內的港式凍飲，甜甜的一點也不苦。黑牛是另一懷舊特色飲品，雲呢拿雪糕加進可樂內，於炎熱天氣下享用，確實透心涼，暑氣全消。

羊鞍最近成了我和同事下雨天☔️之選因為近+好多選擇🤣落雨仲唔洗等位 ✨雜菜湯+蒜蓉包✨炭燒豬扒🐷配薯蓉： 個豬扒似煎多ᴅ 炭燒應該會煙韌ᴅ 不過份量同味道搭夠 ✨烤南瓜🎃雞肉沙律🥗： 同事話原來佢ᴍᴇɴᴜ會轉嘢食 今次見到南瓜雞肉正中我胃口 但沙律我媽媽地 不過同事肯同我sʜᴀʀᴇ呢個同豬扒 咁我就食到了🤩👏🏻沙律三多👉🏻多麻醬 多南瓜 多雞肉🤣 今次都食得好滿足🤰🏻同同事開心sʜᴀʀᴇ又可以試多款👐🏻期待下次再食

Well~ 依個唔係餐廳內既碟係我 外賣先取返去 再擺碟的羊安 依間 由佢 3件食到 2件都夠食既Honey鐘意食 肉醬意粉🍝多汁 夠撈晒成大個意粉 佢下午茶會細個粉少少 叫返lunch set 有埋餐湯我就鐘意佢個羊架 餐有湯有野飲有沙律 重有 塊薄蒜蓉包可配 薯菜～我地會返去焗返熱佢 /氣炸/叮返佢 都好好味架！去個到食呢 就係一間似 花園餐廳既格局但服務ok ge!佢平時都多人食架 大家都試下 佢命名既 羊架呀 價錢合理 有依個質素算係咁啦！

尋晚同朋友去左九龍城晚飯，知道朋友比較喜歡懷舊嘅扒房，所以就去食左一間比較有懷舊感覺嘅扒房。我地一去到餐廳門面都好光鮮，而且店員都好有善咁招呼我地就坐，之後我地就開始點餐。我點了一個大蝦豬扒天使麵嘅晚餐，我朋友就點了一個火焰羊架鐵板餐，好快店員已為我地送上餐湯同餐包，我地點左一個紅湯和白湯，兩款叫湯味道都很好，而家配料十足。好快店員為我地送上主菜，我份大蝦豬扒天使麵隻蝦好大隻，豬扒肉質彈牙，而且天使麵都好有咬口，再配埋餐廳調制嘅醬汁十分美味。而朋友份火焰羊架鐵板餐上菜時店員更會在羊架上點火，好特別，而且買相同味道都一流，羊架肉質彈牙，充滿羊味，如果喜歡食羊的朋友一定要試吓。最後點了兩杯餐飲，我點了什果賓治，味道又不太甜，而家食完比較濃味食物後再飲一杯有汽飲品呢種感覺真係好正，餐廳還有一個懷舊啫喱杯做甜品，係我喜鍾意嘅青檸味，兒時感覺立即返哂黎，下次一定會再黎試下其他菜式。

今日專登搭港鐵屯馬線到宋皇台站，好方便就黎到九龍城揾食，途經一間「羊鞍餐廳」，同友人一於去試下。我哋叫咗個脆炸德國咸豬手鐵板餐及澳洲西冷牛扒拌意粉。澳洲西冷牛扒脆炸咸豬手需時，先上咗澳洲西冷牛扒拌意粉，塊牛扒有9oz，份量充足，須然叫七成熟，切開牛扒仍然肉質鮮嫩，滿口牛香，即使唔係用鐵板上，擺到面前嘅牛扒都係熱辣辣、香噴噴！脆炸德國咸豬手鐵板餐再黎個炸到香脆熱辣辣嘅咸豬手拌薯條，大大隻咸豬手，外皮酥脆，咬到內層肉質唔會乾，呢個餐好抵食，配埋西蘭花忌廉湯同多士，平日惠顧餐飲仲可以免費升級特飲，如果胃口細，真係會食唔晒。餐廳侍應亦細心有禮，會提醒客人小心被鐵板燙到。呢餐份量好夠，食到飽飽

這餐廳走港式扒房的風格, 鐵板扒類成了它的主力, 它的定位應該比花園及金鳳等同類餐廳高, 除了反映在菜式定價上, 也反映在食材的質素及菜式烹調的複雜性上, 例如它有提供USDA 1855級的安格期牛扒, 以及以寶雲酥的做法——以芥末, 麵包糠及香草包在肉的表面上烹調扒類, 也是其他港式扒房少見的.先品嚐其寶雲酥羊鞍, 羊肉羶香度平衝, 肉汁ok, 略嫌外面酥皮不夠乾爽, 香草和芥末的味道緩減了羊鞍的羶味, 怕羶的食客應該不會太抗拒. 跟類附送的煙肉芝士焗蠔外表焗得相當焦香, 芝士味濃而集中, 蠔隻Size偏小, 沒有沙, 表現正常. 焗豬扒飯的豬扒肉稔而多汁, 外表微微焦香, 焗的火候控制不錯, 至於醬汁方面偏鹹和喼汁味重, 不太吃到茄香及其酸甜, 不是我的茶. 炒飯底濕潤但不會糊掉, 部份蛋汁未能包在飯粒上, 這點要改善了. 任何晚餐只要加$58就有BBQ Ribs, 份量媲美一般西式餐廳的原隻BBQ Ribs, 相當佛心, 味道還可以, 只是有點Overcooked, 比較難才能切開, 但是以功能性而言, 我就不會要求太多.

鐵板餐真係好多度都有得食, 但係有心做既又好食既唔係真係好多, 其中一間唔錯既我覺得係係九龍城既羊鞍餐廳依架屯馬線開左之後, 會有多左機會食!入面既環境乾淨企理, 防疫意識高鐵板餐跟餐/普通餐+$15的餐湯羅宋湯係一樣好普通既湯, 但D度既酸味岩岩好, 平衡到所有味度, 令人有開胃既感覺扒大蝦皇比目魚鐵板餐-$148比目魚好大塊, 皮煎得好香脆, 入面既魚肉又嫩又滑, 好好味, 而蝦又夠大隻, 彈牙而不梅, 質料好高, 而且薯條都好好味, 我好鐘意肉醬意粉-$148肉醬既味道好好, 好惹味而不會過咸, 輕輕撈一撈, 每條意粉都可以掛到個肉醬, 所以令人可以好快食晒羊架-跟餐+$58話明羊鞍餐廳就梗係一定要食羊啦, 有羊味但一D都唔蘇, 嫩得黎煎得好好, 口感一流雪糕紅豆冰-鐵板餐跟餐星期一至五可以免費升級做特飲?正呀! 我叫左雪糕紅豆冰, 紅豆可以做到粒粒分明, 唔錯! 但最重要都係果一份童年回憶!啫哩-鐵板餐跟餐個鐵板餐仲要包埋有啫哩! 啫哩仲要唔係普通料, 係有埋生果粒係入面, 呢D咪有心去做囉!總結, 位置方面, 服務態度好, 食物都唔錯, 所以我一定會再黎過!

來到宋王臺站吃晚飯「羊鞍餐廳」感覺上十分懷舊，同有人決定食晚飯。先要了鐵板餐「脆炸德國鹹豬手鐵板餐」，包左湯蒜蓉麵包，飲品同甜品。先來了湯同埋多士，紅湯的雜菜材料十足，多士脆口。鹹豬手配上黑椒汁，上枱的感覺很好，炸一聲，是滾湯的鐵板遇上黑椒汁。有粗身的炸薯條雜菜等，薯條香脆可口，給埋黑椒汁，原錯。當上主角的鹹豬手分量十足，皮10分脆，肉汁亦都很嫩滑，我一口一口的吃過不停。另外叫了個是日晚餐，炸大蝦配上燒烤醬有骨豬扒，仲可以揀飯意粉或者天使麵。豬扒配上燒烤醬，味道濃郁，肉質亦都好Juicy. 天使麵加上了蒜蓉汁,亦都好好食.最後是可以免費升級的特飲涼粉冰!雪糕一大球的,分量十足，CP值很好.。仲有一個啫喱送，是青檸味的，好友兒時的回憶。

香港地而家好難再搵到舊式西餐廳。幾經辛苦，喺九龍城比我搵到一間。諗到唔諗，立即飛車去品嚐一下。一入到餐廳，已經有一份懷舊嘅感覺，望吓個Menu，一份親切咁立即湧上心頭。記得細個嘅時候，每次同爸爸媽媽入去餐廳，二話不說，一定唔會叫雜扒，貪佢乜嘢都有。依家人大個咗，唔叫什扒啦，見到個火焰鐵板羊扒餐，立即叫過嚟試吓先，話晒都係餐廳嘅招牌餐呀嘛。侍應送上鐵板餐後，一點火，哇，令童年時嘅畫面，，一幅幅湧上心頭，感動到不得了。切舊羊扒食下，一啲都唔數，肉汁仲好好保存住喺羊扒裏便。好奇心驅使之下，就問問老闆，點解羊扒可以做到咁好食。老闆好誠實咁答我，唔好意思，呢個係商業秘密，唔話得過我知。明白嘅，如果你試過，我好肯定，你都會同我一樣，走去問吓老闆點解可以整羊扒整得咁好食。仲有個羅宋湯，雖然係細細碗，但嗰種濃郁嘅味道，完全保留左我童年時代嘅口味，一路飲，令我想起我爸爸媽媽。還有美味嘅啫喱食添喔！

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝒞𝒾𝓉𝓎餐廳主打「豉油西餐」，卡位都幾闊落，以九龍城的小型食店黎講，真係難得坐得咁舒服😌晚餐有配餐湯同蒜蓉包，包焗得好香脆，湯就普通，食到少少湯料。🌟扒大蝦皇石斑鐵板餐 （$148）沙律🥗係𝘴𝘪𝘨𝘯𝘢𝘵𝘶𝘳𝘦傳統西餐既沙律，薯仔沙律加少少雜果果種，味道幾懷舊。鐵板係上枱先倒汁，熱到出晒煙勁有氣勢，要等𝘥 煙散一陣先影到相，店員仲話唔夠汁的話可以再添🤣鐵扒餐好有份量，魚扒好厚，有据牛扒的感覺，但依然𝘬𝘦𝘦𝘱 到肉質嫩滑🥰蝦🦐好大隻而薯條就係波浪粗薯條🍟，食落香脆而有口感😍難得特色野飲都唔洗加錢，梗係要試下黑牛🐄，唔小心倒左太多雪糕落𝘥 可樂度，即刻爆多泡🤣🤣🤣🤣但超級𝘨𝘶𝘳 💨食到尾已經好飽，唔記得仲有個跟餐啫喱，質感比想像中實左少少🤏🌟芝士焗大蝦皇拼香煎西冷牛扒 （$92）呢個餐雖然唔係用鐵板黎裝，但都係熱辣辣。塊牛🥩好大塊，生熟程度剛剛好，中間粉紅粉紅好𝘫𝘶𝘪𝘤𝘺。大蝦加芝士🧀好正，啖啖肉。跟餐仲有沙律菜，伴有芝麻醬，好味😍𝘖𝘷𝘦𝘳𝘢𝘭𝘭性價比好高，份量足，質量高。平日鐵板餐免費升級特飲仲抵，食緊時見到外賣都好多人幫襯😆📍

The place makes you feel like a trip back 20-30 years ago. The place is retro style decorated, even the dim lit environment has a very old taste to it.Starters = escargot baked on portobello mushroom. Cheesy surface is hugely appetizing.Food is incredibly nostalgic. The hot plate lamb is what I'd expect from a western restaurant some 20 30 years ago. But here's the kick, the hot plate goes up in a spectacular flame, which is something you don't see. The lamb is well cooked, tinder and juicy. Not

上星期ʜᴀᴘᴘʏ ғʀɪᴅᴀʏ撞正打風🌪🌧不過都無礙我哋外出覓食😈去咗呢間平時大排長龍嘅小店 一嚐佢嘅平價西餐😎打風日ʟᴜɴᴄʜ餐廳都好多人我叫咗個午市套餐💲5️⃣7️⃣ ✨蒜蓉包〰️香脆唔ʜᴇᴀ ✨南瓜忌廉湯〰️另外仲有野菜湯可選 不錯 ✨紅酒燴牛尾配薯蓉(/飯/意粉)〰️紅酒味唔出 足足有5舊牛尾😳個薯蓉手掌✋🏻咁大 好食 成個食晒😋 ✨餐飲包茶/咖啡☕️ 同事話ɴ年前食過呢間到而家仲ᴋᴇᴇᴘ到個水準以前薯蓉再多ᴅ食唔晒的 唔好見佢大大份 味道絕對可以媲美平時食$100+嘅西餐 我同時試咗同事嘅煎龍脷柳&海鮮天使麵兩樣味道都唔錯 呢個價錢嚟講只能說超哂班了💯