美中·鴨子 (已結業)

海港城不管哪家店人都多，這次最快排到的是這家，看到評論不太好，其實筆者覺得這個價錢吃一餐鴨子，也還是不錯的～就是吐槽下，我們點了幾道鎹，最先上的係㊗️食。來了當然要吃鴨，皮脆，不膩，就是鴨肉好似無咩味道～湯麵下次無會再叫，個樣唔好，個麵都軟塌塌～不如叫擔擔麵上海炒麵好d小籠包的皮都算幾薄，小心拎起應唔會爛，但醋唔係好香～小黃魚，真係至愛，煎的焦脆，內裏魚肉嫩滑，不要忘記先擠些檸檬，再食，會唔咁油膩～

有驚喜 有驚喜老老實實 好多年前食過 當時覺得好一般 即唔係難食 但唔會想回頭但今日無計 媽媽話要食咁就一家幾口 黎食一餐 本身都無話有咩期望但估唔到 有驚喜食左幾樣 都好味最讚是白肉 個味道好正 下次去一定會再食另外個雲吞鴨湯都好好飲 唔油豆沙鍋餅 又好脆 口感好主角填鴨 就不過不失啦 當然無北京的咁好食個菜 同賽旁蟹都係一般啦 整體而言 好過上次太多 直頭覺得可以成日黎只係等位耐左小小啫座位 侍應服務等都ok 最後比較特別的是 見到有人食飯時 全程直播 真心笑左

兩個女仔叫左5樣野食。勁飽！！小籠包煎堆仔一般般桂花鴨肉芋頭粒炒飯，食左ko左。但好食既片皮鴨環境好，食物質素幾好！ 係價錢有啲高，兩個人$700。但會了再食。因為真係好唔錯下。

好彩有用Apps排隊，唔駛等到夜深盲目地片呀片5個人叫左一隻，分量頗多，暖暖的鴨皮下有肉片適合不好淨食皮嘅人有驚喜，驚喜的係蝦的size有掌心之大肉質彈牙結實，可惜蛋黃味不太夠前菜馬蘭頭菜，味道淡淡，沒有特別鍋巴，比較失望，青豆幾粒，蕃茄幾片，急凍蝦仁幾隻，加酸甜汁有進步空間

因為上次想去食，但要等成三十幾張飛，所以上次冇食到，今日早D去等位，又點知冇乜人喎！入到去就叫左半隻片皮鴨，蘿蔔絲海蜇皮，青青萵苣絲，小籠包加2杯嘢飮，合共$580，um.....除左小籠包係有D味之外，其他基本上冇乜味，萵苣絲都有味嘅，因本身萵筍味道都偏重，不過真係青炒囉，個蘿蔔絲海蜇皮係完全冇味，唔知自己食緊乜嘢！果2杯嘢飲，係蕃石榴梳打，好有蕃石榴味，但另外一杯係青檸荔枝茉莉花荼，有青擰，冇荔枝外，係一D荔枝味都冇囉！題外話，D服務實在太差，隔離2枱前後投訴，上菜慢啦，煮嘢唔熟啦，叫人拎返入去煮，D侍應又有說話講，令到隔離枱勁燥，其實隔離枱有小朋友在，發現唔熟叫整返熟D都好正常啫，最後到我都要投訴，個經理要去拉窗簾，但行入來撞到我隻手，但佢完全冇禮貌，撞到人唔好意思一句都冇，仲要未叫埋單就拎張單埋來，即係要趕客啦，離哂譜！我同家姐決定以後都唔再來😤😤

最近常聽到別人去光顧美中‧鴨子和朋友想食鴨，便去試試看啊！平日晚上7時多的晚飯時間在尖沙咀這店等位亦花上45分鐘的時間點了烤北京填鴨(半隻)﹑桂花糕凍伴鴨件﹑上海大碗雲吞鴨湯﹑茶樹菇上湯翡翠苗﹑香芋海鮮鍋飯﹑麻醬雞絲拉皮&無錫灌湯小籠包麻醬雞絲拉皮，雞絲份量不多粉皮爽滑，但花生醬味不夠香濃桂花糕凍伴鴨件，既然是那麼有創意的菜式，便試試看但完全都不合襯！！鴨不香，桂花糕也失去了應有的清甜清香！烤北京填鴨片皮鴨本應是今頓晚飯的戲肉惜皮不夠脆，且帶點燶焦的味道！！大失所望！！從相片中也看到皮帶黑的部分上海大碗雲吞鴨湯，湯確實有好香鴨味每人分到兩粒雲吞，雲吞餡料足夠，質素普通，不怎麼特別～喝到底就開始覺得略鹹了一點無錫灌湯小籠包小籠包的皮不算薄，也不會過厚幸好湯汁足夠，肉餡份量適中且肉汁算甜！茶樹菇上湯翡翠苗，清淡但帶茶樹菇香豆苗爽脆～香芋海鮮鍋飯，香芋夠粉糯熱騰騰的又有香脆的飯焦只是海鮮配料不多～～4人入座卡位，座位寬敞但座位過斜，坐得不太舒適！整體來說，帶焦味的片皮鴨已令印象分大打折扣而且未有什麼特別好吃的菜式！實不值得等位等那麼久！！因鴨而給的喊臉，雖然像是有點無辜，但這店的招牌是鴨啊！

因為母親節去左旅行，所以返黎先補返，加埋5月之星一齊食～大大小小13人，知道沒有訂定服務，所以約了6:00到，好彩唔使等。原來全店只有一張12人大枱，如果比人坐左，就有排等了。片皮鴨黎美中鴨子無理由唔食片皮鴨味道不過不失，反而要讚一讚個薄皮，做得好薄，又唔硬，份量又多～平時出面食通常唔夠包，要另外再叫，今次多到小朋友可以淨食薄皮～雞絲粉皮我既至愛，去親上海舖一定點。呢個味道唔錯，但第一次雞絲粉皮有辣油，我唔食得辣，所以只食左少少醋糖排骨唔錯小籠包 - 皮薄多汁～好好味普寧豆腐 - 有少少嗅豆腐的味道，我本身鐘意食嗅豆腐，所以我覺得好味小朋友就食左下面脆脆籃～話好好食鍋貼 - 正正常常咁啦炸蠔 （我冇食到，賣相不錯）生炒骨 - 叫比小朋友食，我試左2粒，味道偏酸玫瑰雪魚 - 好似80幾定90幾蚊，價錢偏貴，好細件。有少少玫瑰香味，雪魚好肥美，整體唔錯另外仲有叫胡椒包、上海粗炒～甜品 - 炸雪糕有幾款口味既雪糕揀，面有些脆脆同腰果，好夾又有口感提一提之前電話問左要收$100切餅費，可能我地買美心蛋糕，佢地又係美心集團，所以冇收切餅費。我覺得可以打去問既時候講比人知。

一行八人喺海港城可以食啲咩呢，今次就去咗有大海景嘅美中鴨子試一試佢嘅中餐。不得不提嘅係要食就真係要等，我哋差唔多等左一個鐘頭先至有位，入到去其實個餐廳都真係唔細，大大話話有成20,30台，但係可能人真係太多冇辦法唔使等。我哋大約叫咗四至五個餸，一定要叫嘅就梗係片皮鴨啦，仲叫咗羊脾，百頁，炸醬麵，炒飯等等。個羊脾睇得出佢用咗好多香料嚟整，又唔算好酥啖啖肉，個片皮鴨就喜出望外咁多嘅薄皮，通常食親片皮鴨都係食淨啲鴨㗎嘛，但我哋反而係食淨啲皮。但整體來講都好好食10分唔錯。最後甜品我哋叫咗三個炸雪糕，分別有香蕉味，朱古力味，同雲呢那味，估佢唔到又整得幾好食喎。

原本是懷著的期待美食的好心情來嘗試這家店，可惜十分失望和令人生氣！午飯，2人點了三菜一湯（胡麻醬鴨胸沙拉、清炒萵筍絲、百合蘆筍炒雞丁，雲吞鴨湯），想不到讓我足足等了超過1個鐘！幾次三番催服務員都無果，只好親自起身去前台催菜，結果上菜後發現服務員點錯，百合蘆筍雞丁竟然沒有雞丁！服務員沒有絲毫抱歉之意，全然不顧顧客已經捱餓近一個鐘，匆匆拿回菜盤回廚房，再讓我繼續等20分鐘還是沒有上來正確的菜。真是難以置信！從來都覺得香港的餐飲業服務質素非常良好，以往去到的餐廳也都著實令人滿意，今次在將軍澳的美中鴨子餐廳竟遭如此待遇，感覺非常不好。不推薦。

服務超差👎👎👎👎👎帶位啊姐態度差爆，呢間野要管理下員工！入門口已覺得差！我們五個人來了2位，3⃣️位要接，我們倆成手東西，叫佢比我們放下東西，落去接朋友上來都唔得，有甘巴比咩！有時都要睇情況.結果當然走人啦！去百月居食，服務超好，起碼門口靚女服務超級好

較早前同事推介了美中·鴨子這間中菜館，但每次都遇上長長的人龍而被迫放棄，今次提早6時前來，終於不用排隊可即時入座，用餐時間1.5小時，餐廳提供室內和戶外的座位，我選擇了室內，環境闊落，座位寬敞舒適，餐牌和餐具均以鴨為主題，精緻有特色。先來一碟田園蟲草花炒翡翠苗，份量十足，翡翠苗清新爽口，配上少量芽菜和蟲草花，口感有層次。每次到京川滬菜館，小籠包是必吃首選，今次都不例外，無錫灌湯小籠包皮薄，把濃郁的肉汁鎖住，肉餡嫩滑，值得一試！南翔生煎包皮薄餡靚，外皮香脆可口，沒有半點油膩，有水準！來到以鴨為主題的餐廳，當然要試招牌菜烤北京填鴨，店員提醒制作需時30-45分鐘，半份烤鴨份量不算很多，兩個人食剛剛好，鴨皮香脆但略油，鴨肉沒有多餘脂肪，肉質鮮嫩，青瓜和京蔥剛好中和鴨油，加上醬汁和薄薄的餅皮，完全沒有膩滯的感覺。

之前已食過1次,今次再黎唔係佢好食,而係即興又沒訂枱食飯的情況下,貪方便先選了佢炸得太油膩, 太多脆漿太過平凡, 點這菜式是為了沖淡油膩感薄餅和片皮鴨份量少, 皮片得太薄, 醬汁太結奇怪的是整隻鴨只片少份量而沒肉, D肉去左邊呢? 鴨肶又去左邊呢

平時經過門口好多人排隊，今日6點零收工唔使等即刻入。揀左户外坐，雖然係吸煙區，外面可以看到維多利亞港。嗌左個片皮鴨，連埋肉一齊上，岩曬我呢啲食肉人士。炒小菜亦十分出色。叫左個水煮魚，無骨，份量夠大！

5:30入坐，話明要7:00交枱，但坐咗半小時居然無人來服務，連一杯水都唔比，基本上你可以當自己去咗MX可以只行去攞水，跟住落單時話隻填鴨需要45分鐘到，最後所有食物食完，隻鴨要等多半小時，已經是7:10分，食咗十多分鐘，有位侍應已來結帳，都算，但另一位又走來催我哋交枱！睇到啲鴨未食完，真係不知所謂，所以唔會再去！食物又麻麻，真係唔值呢個價錢！大家勿中伏！勁差👎🏻👎🏻👎🏻👎🏻👎🏻

一向對美心系中菜既填鴨好有信心，今次黎到美中鴨子當然要點啦。呢度係半份，我地一行四人去食都好夠了，個皮少少脆肥瘦度適中，而肉既部分厚薄適中，唔會好老，成個都保持到一貫既質素。而個鴨蛋煎蚵仔就有少許失望，雖然份量都幾大同埋蠔仔都唔少，可惜煎得唔夠透，中間係有少少粉漿咁濕濕地，而其實最擔心係蠔仔會唔熟啊。另外個菜苗同個蔥油餅都唔錯啦。最後，我地叫左兩個甜品類食物—豆沙鍋餅同炸雪糕。豆沙鍋餅好好食呀，其實就係熱辣辣炸起，然後皮薄，而豆沙餡甜度適中，咁就已經好好食啦。而個炸雪糕都好好，雖然個皮唔係熱又算好脆既，不過勝在入面係一大舊雪糕然後上面有花生、脆脆、cream同朱古力醬，點會唔好食呢。其實每餐都可以用甜品作結真係有滿滿既幸福感啊～