美中·鴨子 (已結業)

今日亞蛇請食飯 梗係去食d貴夾唔飽架喇~就近近地叫鴨仔算了公司無咩野搞，我們仨浩浩蕩蕩咁提早去叫鴨仔，去到未有太多人，我地便順利地入坐嘩！佢個鴨仔筷子座巧令令丫~~~ 涼菜：桂花凍糕伴鴨片望落去就怪怪哋，但都幾創新，fusion得黎又幾夾！食落唔會感覺好膩 (成廿蚊粒架，慢慢「梅」呀~) 生煎包 厚皮比較多油，煎得唔脆上海大碗雲吞鴨湯呢個湯『掂』呀~ 味道岩岩好，唔會好咸，雲吞完正無散開，鴨肉嫩囗，真係不錯。 寧波乾炸小黃魚 ($55/條- 最少2條起) 貴就貴左d，有亞蛇埋單梗係食盡佢 (話明唔貴唔食架麻~) 。不過條魚真係炸得好香脆，連d細骨都可以食落肚(註：都要小心進食) ，魚肉新鮮，真係一試難忘。 蜜汁富貴火腿平時真係唔會叫，怕太咸頂唔順，有人想無計 有驚喜喎！ 蜜汁做得好好，令到火腿甘咸香甜，三款野(薄脆、火腿加包皮) 包埋一齊食。真係大滿足啊總括黎講，間野貴為美心集團一份子點都唔會差得去邊。雖然價位係高左少少，但起碼佢都做足工夫比食客，無揸流灘。咁都覺得值返d囉~ 希望佢keep到水準。

今日一行四個人黎到食片皮鴨六點半左右到等左唔夠四個字就入得 比想象中快唔通已經熱潮減退片皮鴨佢唔係喺你隔離切既佢係有個玻璃隔著既廚房 喺入面切片皮鴨都算幾好食 個皮好靚 唔會太厚鴨個皮如果可以脆d就仲好但好有肉味雞絲粉皮就正正常常 冇乜特別但基本上都係我必叫既前菜我覺得呢度酸辣湯幾好飲辣度 酸度都適中 而且好香小籠包好夠湯汁趁熱食好正呢個水煮牛一上檯就聞到超香食落唔會太辣 而且好香但佢薯粉同牛唔係好多而且食完全晚都好口渴

其實食美中唔只一次喇!想食鴨就會黎，因為平時放工放得早，所以通常唔使等位之前食過幾次都係食鴨同小籠包，今次寫係因為人多，試左啲新野最推介就係普寧豆腐，外面脆，香口，入面嫩滑，味道有啲似臭豆腐小羊腿就一般，香酥都有，不過唔突出，夾包就無咁油紅米飯炒得香又唔油其實片皮鴨真係必食，佢個板真係卜卜脆，仲好香，而且連餅皮都好好吃，好黏韌仲有少少芝麻好香口翡翠苗同小籠包無特別，同一般餐廳嘅差不多雞絲粉皮無留意，原來係有少少辣，食得辣嘅會鍾意佢惹味啲糖醋骨就啱送飯，如果就咁食會太膩，因為佢啲肉真係肥瘦各半

成日起海港城行街，都見到美中•鴨子大排長龍原來佢都係美心旗下的其中一間食府價錢都偏向大眾化主打推介當然是⭐️片皮鴨，可選半隻/1隻黎到無理由吾食既，叫左原隻片皮鴨鴨肥油香☺️鴨皮鬆脆，鴨味香濃，皮的部分不會過油，食落啖啖油香味❣️配上大葱、青瓜條、麼麼片、甜醬一起吃餅皮用蒸籠盛載，保溫度不錯-⭐️小籠包外皮不夠薄，但湯汁及肉餡水準都不錯-⭐️牛肉餅金黃色外表。表面油香蠻香酥，內裡有香濃牛肉汁。-⭐️上海擔擔麵湯底只有辣味，花生醬味道完全欠缺。幼麵太淋-⭐️奶油津白意想不到的好味😋白色的奶油襯托著黃色的紹菜。有濃郁的忌廉香味。

Time for gathering again! We all queued up for this duck skin for half an hour. Finally, we got in. The decor was really clean and bright. Comparing with 北京樓, this place looks more modern and cleaner. The food was really yummy! We ordered a lot but I didn’t have time to take photos as once the food arrived, people started eating 😂. My favorite dish is the goose skin, not fat, crispy and yummy. Highly recommend!

今日土尖沙咀食飯等左半個鐘位，咁一定要叫最出名嘅片皮鴨啦，兩個人就叫咗半隻，身邊台台都藝，要等足九個字先到。要食住其他野等，所以已經食到半飽先食。鴨皮好脆，小小油，醬汁比較杰身，好食呀。但係兩個人食半隻都太大了。之後叫左個雞絲拉皮，醬汁偏花生醬的質感，濃濃的麻醬味，拉皮爽口 ，配青瓜絲食好食，惟雞絲比較份量小。另外叫左個土雞湯小雲吞，湯好清，比較驚喜嘅係餡料是平時食開小籠包的肉餡，都好好食呀。如果有其他醬汁就更好。兩個人食左三百幾蚊。另外，餐廳的服務員比較忙，都要等一陣先會人服務到你。

自從兩年前食完美中鴨子之後，一直都想再去，今日終於有得食啦 ！佢哋餐具都幾有特色，配返鴨為主題，碟呀杯呀都有鴨嘅圖案，而筷子holder都係鴨鴨嚟㗎。今次兩個人嗌左3樣野，分別係：半隻扁皮鴨、無錫灌湯小籠包同一碗擔擔麵。因為大多數人都會叫扁皮鴨，所以等候時間比較耐，我建議一入到去就即刻order左先。而個小籠包好熱辣辣，非常juicy 。擔擔面份量普通，所以唔怕未食扁皮鴨之前已經好飽。等左45分鐘，扁皮鴨終於到啦，基本上唔需要評論太多，因為兩個字: 好味！！！

一行四人好想食北京填鴨，剛好海港城有得食。立即拎飛排隊，足足等左一個鐘頭15分鐘，終於入到去😑😑😑天呀～餓到我地呢～9:15左右坐低，好頸渴無水飲，無人招呼，都算啦～好吾容易落左單，9:45就有人行埋黎收餐牌話Last order,我心諗入座前吾講既？我坐左都吾夠半個鐘Last order?真係好想講粗口🤬🤬🤬野食終於黎到但全部都係凍冰冰，唉～都無辦法啦⋯⋯之後有兩個侍應姐姐行過。朋友叫停左佢地，禮貌地請佢地加水，佢地應都吾應就走過左我朋友😡😡😡咁係咩服務呀！？比錢買難受？再黎成間餐廳除左個男經理有禮貌同笑容,其他人都係黑口黑面。呢間餐廳絕對吾會再幫襯😡

難得閒日又唔洗排隊 緊係要試下先其實都開左好耐 不過經過親都好多人今日同朋友叫左個片皮鴨 羊肉麵 加多壼茶第一個上枱緊係片皮鴨 加埋配料京葱 青瓜 仲有海鮮醬 睇落去非常靚包好食落去 個鴨味唔係好濃 鴨皮唔係太肥 不過唔好落咁多醬 唔係就搶晒鴨味就咁食d鴨肉 食得岀隻鴨係無用任何醃料醃過所以味道都係天然d 同埋隻鴨就比較乾身 食落去唔太多肉汁羊肉麵黎到 個湯睇落好深色 但其實唔會好濃味嘅 如果驚有騷味就唔洗擔心 係無咩騷味兩道菜嘅味道都比較天然 唔會話落左好多味精好濃味 都唔錯

美中鴨子出名多人排隊，上次去等等左大概一個鐘都係入左兩張枱。今次特登好早黎，大概六點半就到達，都淨係得翻露台位，不過我覺得露台仲有feel ! 我地點左半隻片皮鴨，雞絲粉皮，小籠包同埋兩杯cocktail。 我個人認為美中鴨子嘅片皮鴨係最好味嘅， 無乜用，皮又香，半隻兩個人食都好夠食。小籠包好多汁，但肉就有啲'梅'。 整體黎講，美中鴨子好高質，食完會想再食！

每次經過美中.鴨子都會見到一大班人在門外等候，每每都因為懶排隊而打退堂鼓。難得今晚家中某員牛一，決定去試一下招牌片皮鴨。（一到午市、晚市就會有很多人排隊，所以記得要早一點點去拿籌喇～）-🐤烤北京填鴨（連鴨湯）可選半隻或全隻，皮脆肉嫩不肥膩，薄餅皮厚薄得宜，可以encore啊！至於鴨湯則鮮甜不油膩。-🍞小籠包皮薄但不會一夾即破，一咬開肉汁就不斷湧出來⋯😍😍😍-🍠香芋海鮮飯本來不太愛吃香芋的懶咪也被陣陣香芋味打敗了。配料雖然簡單但熱騰騰、香噴噴的就是令人吃不停，吃到底還有香脆的飯焦呢🍠-🌸桂花糕凍伴鴨件這道菜蠻有創意的。片皮鴨配上冰凍的桂花糕，再加一片薯片，一次有三種不同的口味與質感。桂花糕軟滑帶點彈性，整個放進嘴裡口感很特別。-🧀脆皮豆腐炸得剛剛好，外脆內軟！-🌟美中.鴨子還設有室外雅座，可以飽覽維港的景色，晚上去還蠻有情調的。

呢間餐廳無得訂位，只可以walk in同用app攞飛，仲要過半數人先入得。嗰日我地九個人等左半個鐘先有位。我地食左雞絲拉皮，咕嚕肉，小籠包，津白，蠔餅，一隻片皮鴨，炒飯，上海粗炒，擔擔面，仲有豆沙鍋餅。好味推薦：小籠包好正，皮薄多汁，熱辣辣，肉汁鮮甜。片皮鴨係連左鴨肉既，我個人黎講係鐘意有皮有肉既！正！覺得麻麻地：蠔餅一定唔encore，好似個粉漿未撈好咁。上海粗炒好鹹呀。叫左咁多餸，千三蚊左右埋到單，仲要係海港城食到呢個價，都真係算抵食。

曾經城中排隊出名的餐廳，等過了熱潮才來試試，看看手氣相當不錯👌🏻👌🏻👌🏻看著誠意的餐廳是如何運作，從餐牌上的設計、杯身、餐碟的圖案為凸顯鴨子🦆都是統一的！先來個餐前小吃，牛肉餅！這個肉質比較乾身，皮亦是厚不鬆脆又欠油水，都是九龍城的好味好多！失望😞餃子鴨湯，有點少驚喜！因為他們加了白胡椒粉調味加上同時湯水亦很熱去除了鴨身上的一陣騷味，唯一餃子互相黐住比較欠色！北方人最愛火腿津白，津白軟軟軟琳琳金華火腿夠鹹香😋輪到主角出場片皮鴨！皮帶金黃又包滿，未食已經感受到你一定好食，果然不負眾望！😋😋😋點心時間我們指了小籠包，皮都是厚了一點，又是肉汁少了多點，要知道小籠包冇湯汁就不是小籠包😞😞😞全餐飯都最後還是覺得片皮鴨是焦點所在，其他一般沒有驚喜之作！！在服務方面：這間餐廳是好繁忙的，請加點人手，不要讓侍應生做到發脾氣，這樣加強服務水平就會好一點！

成日經過都見好多人排隊，諗住一定有佢既吸引之處。平日放工6點9去到攞飛，都起碼要等半個鐘以上。等到天荒地老終於入到去。即叫野食！。炸壕餅。雖然賣相麻麻地，但味道唔錯。蠔仔好滑。小籠包。味道ok，皮就唔太薄。。烤羊腿。好味！唔會太騷。一上檯、侍應就即刻幫手切開曬羊腿，無時間影正常樣。冷盤-片皮鴨桂花糕。個樣幾靚，但建議大家唔洗試，個皮唔脆的、而且成個組合唔太夾。。糖醋排骨。顏色都幾紅、感覺有人造色素......味道一般。食一舊就唔會想再食。。蘆筍炒帶子。炒得有鑊氣、幾香幾好味。但定價就偏貴啦。事後發現最重要既片皮鴨唔記得影相😰話曬係招牌菜、味道都唔錯，但未至於覺得驚艷。而且叫半隻鴨......真係好細碟。4人以上建議叫一隻。餐具精緻。環境方面，因為太多人，都比較嘈、座位唔算太寬敞。侍應態度一般，因為太多人、好似好難叫到佢地咁總結唔明點解可以一直咁多人等位......未至於好食到咁......

我係呢個月內「被逼」食第二次北京片皮鴨，兩班唔同既朋友不約而同提出要食鴨，上次食左大都，呢次就試美心旗下既美中鴨子。冇錯啦，美中鴨子就係一間專門叫鴨，啊唔係，食鴨料理既店，京淮菜再加粵菜，口碑唔錯，加之位於海港城，所以都預左要拎飛排隊。終於，等左四十分鐘就可以入去。話之明食鴨，當然唔少得叫半分片皮鴨，不過由於太多人既關係，等隻鴨上又等左廿分鐘。先上既係小籠包，都可以填填肚。一籠6粒，皮薄而透，隱隱約約都睇到入面D湯汁，一口咬落去更係不得了，D皮凍融化曬左湯，係舌尖上流入喉嚨，好鮮甜。食食下鴨終於得啦！半份鴨配鴨皮、一籠荷葉蒸餅皮另外有京蔥青瓜同填鴨汁。鴨皮好酥脆，呢點抵讚，但係亦要批評，同上次我係大都食到既鴨皮相比，呢度脂肪好似冇刮到咁，入口感覺比較肥膩。鴨肉份量都算出奇地多，比起鴨皮多成倍，有種妹仔大過主人頭既Feeling。雖然肉多，但可惜有D鬆散，荷葉餅都稍微厚左D。如果話專程黎食呢個鴨，老實講我係有失望既，因為比起大都隻烤鴨呢度係冇咁出色。馬頭蘭百頁素卷，以百頁（豆皮）包住切碎左既菜苗，樣子非常精緻，味道就清清淡淡好清新，可減油膩感。茶樹菇上湯翡翠苗，中規中矩，就係上湯浸豆苗，