美味廚

营业中

休息中

黑松露牛尾骨超正..肉炇到好林..加埋黑松露perfect match..一人一至兩夠已經好膩😂蝦仁炒蛋呢度嘅蝦仁炒蛋係用大隻既蝦去做😳…蛋都好滑好香..送飯一流澳洲牛肉石鍋燒熱辣辣上菜好惹味！其實都幾大碟粉絲雜菜煲都ok..正常既雜菜煲🤣叉燒肥瘦剛好然後仲有一個蒸肉餅…每樣餸食一夠已經飽哂😂人多好叫餸！最最最推介係黑松露牛尾骨🧡

講起素食打邊爐，我即刻諗起榮獲多年米芝蓮推介和多個飲食大獎的名人食堂「美味廚」，心動不如行動就即刻約朋友去滾。今年推出幾款東南亞風味的素丸和素餃，兩個素湯底都勁好味呢！灣仔美味廚餐廳佔據全層，設有圓檯大廳、獨立房和我地坐的卡位。坐卡位打邊爐好舒服，仲有電視睇添，屋企有電視兒童要睇電視先食到飯亦無問題。特色素火鍋湯底有兩款，叫這兩個最安心。如果你想食麻辣的話，亦可以要求餐廳轉用清水底，店員話換到都可以換，米芝蓮推介餐廳服務確係好。左邊是日式麵豉豆腐魔芋湯，口味比較濃；右邊是甘荀粟米馬蹄西芹湯，喝起來很清甜。我覺得最特別係湯底勁多料，食腐皮、豆腐和粟米都好飽。餐廳今年主題係東南亞菜式，所以餃子丸子都走星馬泰風味，素食亦不例外。(我問左餐廳丸餃有五辛)泰式羅望子素肉絲素雞餃望個名都知道餐廳非常用心，入面有素肉絲又有素雞之餘，仲加左好泰國的羅望子，吃起來酸酸甜甜幾開胃，味道仲好特別添！黃薑秋葵Omnipork素豬肉丸好明顯滿滿黃薑的黃色丸子，中間有秋葵粒吃起來爽口，Omnipork 咬落口感都唔錯。九層塔松子仁 Beyond Meat 素牛肉丸本身吃肉的朋友好鍾意呢個，佢話口感好似肉丸，我都幾

夏天打邊爐𝗮𝗻𝘆𝗼𝗻𝗲𝗲𝗲?🙋🏻‍♀️上星期去咗美味廚 @meganskitchen.hk 打咗個食完到今日都覺得好高質嘅邊爐😋原來佢哋嘅火鍋已經連續10年獲得米芝蓮推介，由湯底到配料都非常精緻，環境又坐得舒服，真心誠意推介俾大家(•̀ᴗ•́)و♕ 湯底 $𝟭𝟲𝟴有多款特色湯底，今次揀嘅三款都唔錯，基本上唔使點用醬料都可以！唯一係覺得整體有少少鹹，不過加番多少少水就可以啦！私心推介超濃郁沙嗲湯，好香好正！ღ 英式紅酒牛尾湯ღ 馬來沙嗲湯🌟ღ 蓮子瑤柱雲腿冬瓜湯♕ 海鮮類ღ 橄欖油浸基圍蝦 $𝟭𝟴𝟴見到個樣都知正！基圍蝦鮮甜，爽口～ღ 澳洲鮮甜帶子 $𝟭𝟯𝟴名副其實鮮甜帶子，輕輕淥一淥就可以啦～♕ 肉類ღ 日本熊本黑豚梅肉🌟 $𝟮𝟰𝟴無諗過豚肉都可以做到有一種好好好食嘅感覺！特別鬆化～ღ 手切雪花牛頸脊🌟 $𝟮𝟮𝟴必食手切牛！！牛味香濃，口感嫩口！加埋沙嗲湯底，好正！♕ 特式丸子呢度真係有超多唔同特色丸子，今次食嘅呢四款都非常之出色，整體爽口彈牙～好後悔冇叫到芝士牛丸，但真係太飽食唔落！聽落個名好吸引呀😍ღ 手打新鮮蝦丸 $𝟲𝟴ღ 手打鮮粒粒墨魚丸 $𝟲𝟴ღ 手打雞肉鵪鶉蛋丸 $𝟱𝟴ღ 鹹蛋豬

6人枱一定要用安心出行，冇問題 ，我地即刻裝 。跟住門口有staff睇過，坐低之後個經理又走埋再睇，同我哋講話驚我哋扮嘟呃佢哋喎，講一大輪。喂，係你都唔好講出口啦 好 ，語氣又差😡小菜味道一般，比以前係差左，所以lunch都少咗人。到埋單，因為經OpenRice訂枱會有抽獎，我哋抽到飲品，但原來都要比加一，果幾蚊豪佢哋囉，反正我以後唔會再去!

到底連續十年獲米芝蓮推介的火鍋有幾厲害呢？更厲害的當然是餐廳有豪華素食邊爐啦，由湯底到醬料到蔬菜拼盤到素食丸子，每一樣都極之精緻，仲可以一人一鍋放心食添！美味廚獲獎無數，已經連續十年獲米芝蓮推介，今年2021年剛出爐當然也榜上有名啊！餐廳環境高貴典雅，另外要記得美味廚全香港只有灣仔這一間店，其他同名的並無關係，約朋友唔好去錯。除了圓檯也有提供這種比較私密的空間。素味初嚐火鍋套餐 HK$838 (2-4人)、HK$1,488 (6-8人)這個素食火鍋套餐原來去年已經推出，係我後知後覺，圖中就係成個餐的份量，2-4人食絕對係夠有突。湯底是「四川風味素酸辣湯」，整個非當足料又濃厚，你可以揀要大鍋或者要求一人一鍋，自私鍋又好似係衛生安全一點。順帶一提，個湯底好快滾，唔需要擔心要等好耐。陳皮馬蹄京蔥Beyond Meat素牛丸毛豆百頁OmniPork素豬肉丸萵筍鮮冬菇OmniPork素豬肉餃(菠菜皮)美味廚手工製作的丸子和餃子都很有名，師父也特別創作了素食版本，使用 Beyond Meat 素牛肉和 OmniPork 素豬肉，吃起來都幾 Juicy，但就唔係彈牙果種口感。餃子入面有大條萵筍，吃起

我覺得呢個餐廳絕對係改錯名😂😂佢個名係似茶餐廳 但係其實佢係一間樓上食小菜嘅舖頭 而且個環境都幾靚 坐得幾闊落😎我哋都係經過見到佢午市有七折 先同同事一齊試吓點知都幾驚喜 都唔錯🤤·魚香茄子煲 $98佢午市係所有小菜都會跟湯 白飯同埋甜品 都幾豐富 個湯係真係飲得出係老火湯 冇乜味精超級真材實料 而且佢入邊舊肉雖然細細舊但係都唔幾好味😋佢個魚香茄子煲 我就覺得調味係香既 茄子個質感都做得幾好 不過個調味就好似稍為單調左少少🍆之後我哋嗰日個糖水係紅豆沙 做得超級出色 就算我食到超飽 我都食咗大半碗🤣佢係煲得好淋 而且超多紅豆 超綿🤤🤤·#rbyeat#rby港式 #rby中菜#rby灣仔·📍灣仔灣仔道165至171號樂基中心5樓

這間樓上餐館在此處已多年，我對佢觀念是火煱店，每次都經過都不會望佢一眼，2天前在佢對面眼晴閃一閃，午市套餐有優惠，今次就上來體驗。門口寫有7折，認為只在小菜、白飯另計，怎料坐了一會，就送上霸王花紅蘿蔔瘦肉湯-美味,點2個小菜，送白飯，食完之後，執走餐具後，還送上糖水-紅豆沙~有豆沙，開花紅豆，有嚼頭，丁兒陳皮。以為舊式飯店，估吾到進來後環境潔静舒適寛敞，是否疫情下，擺枱距離才寛闊，我倆坐咗張8人枱，無細些。餐牌好多小菜選擇，有廚師推介：士多啤梨生炒骨，其實咕嚕肉貼切，因為無骨，味道合格，醬汁酸度較出，士多啤梨2片我不在意，我寧願山渣有新意；無波蘿，不脆身，不硬，質感良好，7折價抵。蟹肉炒桂花素翅，乾爽，爽口，多牙菜，粉絲，蟹肉香，味道得宜，7折價抵。上枱新鮮即做， 發現好多獎狀，掂！

其實已經唔知幫襯左呢間餐廳幾多次，真係多到數唔晒，一個星期去兩三次都試過！我哋仲成日重複點差不多嘅餸，食極都唔厭！其中一碟我哋每次必點嘅，係賽螃蟹！我哋每次都覺得嗰隻蛋係神來之筆，送飯一流！其實仲有後邊嘅椒鹽鮮油，佢哋都做得非常出色！另外一味我哋通常都會點嘅，就係水煮牛！佢哋嘅水煮牛夠啦，但係又唔會好難入口或者太油！而且下便嘅粉入晒味好正！因為我哋多人，所以加大左份量。我哋有次新年之後去，第一次點豉油雞，佢啲汁出奇地好食，同啲粉好夾，我哋主要係食啲反而唔係食隻雞！哈哈仲有一味想推介嘅係呢度侍應推介我哋食嘅咋千層腐皮，其實望落似豆腐，但係咬開一啖就見到一層層嘅腐皮，清得來又香口，好好食！我哋仲好鍾意食佢嘅牛尾，每次都覺得啲汁好香紅蘿蔔味，而且啲牛尾整到好林，又係送飯一流！呢度最大嘅好處，係可以叫餸食飯，大家四五個人返嚟食，雖然佢本身係做打邊爐，但係食物嘅味道都真係唔錯！起碼啱我哋口味。唯一嘅唔好處，就係佢要計人頭叫返幾多碟餸，有時四個人叫四碟餸，真係會太飽，飯氣攻心下就要好努力頂住🤣🤣🤣

因為喺灣仔返工，所以已經嚟過呢間好多次。而我哋每次揀呢間嘅原因，係因為覺得佢嘅食物唔錯，又多嘢揀，而且$100左右就可以有埋惱火靚湯同糖水，灣仔區來講其實都算幾抵！但係最近幾次去食嘅時候我對都覺得分量好似比以前少左，有即時同店員反映，但係佢哋堅持話冇小到，咁我哋有冇影前後對比又真係好難比較。因為同啲同事都鍾意食辣，而對上一次嚟嘅時候我哋去到先至叫呢個水煮牛，我哋都覺得唔夠辣同埋唔夠入味，店員提議我哋下次定位嘅時候已經可以訂埋個水煮牛先，等佢哋可以早啲準備。今次我哋就預先訂咗呢個水煮牛，但係如果睇返以前啲相，佢係明顯細碟咗的，同埋佢唔同其他水煮牛，質地比較「傑」身，但係就好夠辣。另一個我哋每次都會叫嘅係賽螃蟹，蟹肉都算多，但係個重點一定係蛋白同埋蟹上面嘅嗰一隻雞蛋！呢碟豆腐就係細碟到我哋即刻同店員反映嘅小菜～燒男仔大概$100有12粒，都算係正常份量，只係望落好似好少咁呢個黃金鮮油真係好好好好好好好好食香口野永遠冇得輸呢段關係男同事點，最後都食唔晒，可能我哋叫得太多肉呢碟菜好清甜，唔錯睇返啲相，其實碟水煮牛真係唔應該叫水煮牛，叫辣牛肉🙄🙄🙄

今日同事提起話想食水煮牛肉，開吓胃咁喎，咁咪search吓公司附近有冇咩川菜館咁囉，結果係都唔洗搵，另一個同事就主動提議去一間叫“美味廚”嘅餐廳食。但我第一時間心諗：“美味廚呢個名咁似普通餐廳名嘅？係咪中式快餐嗰D friend 呀？D嘢食會唔會好hea㗎？”但我同事一再用TVB《十二傳說》女主角潘朵嘅名句強調：“隱藏嘅比顯露嘅更加重要，店主做咁多嘢只係想模糊視線，但我已經睇清楚佢嘅原點！”。好啦，既然佢講到咁肯定，我亦只好親身嚐試，搵出佢嘅美味原點！但去到店舖先知，原本佢哋係樓上舖，平時係主力做晚市火鍋，但其實午市都有好多好正嘅撚手小菜。下面我就逐一介紹吓佢哋嘅小菜啦~

平時成日行過都無留意呢間餐廳，經同事介紹琴日就去左試下～餐廳最近以獨創火鍋湯底吸引食客，當中的疏乎厘蟹皇蕃茄忌廉湯就最合我心水～餐廳的招牌丸子及自家製餃子亦是種類繁多，創意十足，中西合璧，有八爪魚義大利番茄乾釀豬肉丸、鮮蘆筍橄欖豬肉餃、香草醬帶子釀墨魚丸、鹹牛脷芝士餃等～　啱哂我最中意食丸～同餐廳職員開計先知原來火鍋都可以外賣的，一次過落單靚湯底同所有配料，就可以響屋企舒舒服服咁打邊爐了，真係正呀～另外店舖參加咗THE GULU App既宣傳活動，響App入面用DBS優惠碼 DBS465884落單外賣自取，每次可以慳到$20！

Nice place to have hot pot. Good service and above average hot pot items.The winter melon soup base was simple and delicious - good for veggies and seafood. The Sichuan spicy soup base was average but still pretty good. Highly recommend the following items:1) pork ball w preserved vegetables / salted eggs - probably the best amongst the few places that offer this item. Could taste the preserved vegetables / salted yolks but but not too overpowering. The meatballs were loosely packed together, s

如果唔係朋友介紹。。應該唔會比佢既門牌吸引到去食。。。仲要本身係樓上餐廳。。。同埋呢間夜晚係出名打邊爐都唔係好多人知佢有午餐ｍｅｎｕ。。。某一日同同事上左去食。。。第一道。。。水煮牛！我地仲要同ｗａｉｔｒｅｓｓ講上次唔夠ｓｐｉｃｙ。。所以佢地加左料。。呢盤水煮牛。。。好堅！！賽旁蟹。。好味！中間隻蛋係重點。。仲有唔少蟹肉。。。好足料呀！因為有同事唔食ｓｐｉｃｙ所以點左一道滑蛋牛。。呢碟就麻麻了。。有ｄ　ｈｅａ最後仲有煲仔飯！好少可午餐都有得食！所以見到即點！最後都比我地ｋｏ曬。。。特別鐘意佢ｄ飯焦呀！！！每人都係＄１００左右。。。所以已經ｅｎｃｏｒｅ左好多次～～

第一次食美味廚的火鍋, 應該差不多九年前, 舊舊舊公司其中一個同事的Farewell Dinner, 這也是我第一次吃的貴價火鍋. 她出名的除了貴價海鮮和牛肉外, 當然也有其湯底, 特別是其整隻蟹及龍蝦上的, 又或是看似Cappuccino但其實是冬蔭公的湯底. 時光飛逝, 她的改變就是多了很多米芝連推介以及老闆和明星合照的相片, 其他不是太多吧! 在星期二的晩上九時多, 場上只有我們及另一桌的外國人, 感覺和第一次或之前去的反差蠻大的, 有點蒼涼. 本地手切牛脊肉牛味和雪花平均得不錯, 再加上買一送一的優惠; 以及胡椒豬肚湯底濃烈的胡椒味, 又是七折優惠....我也不太理解是夜蒼涼之因, 就是將其當作我和妳放工後的私人空間就是.

平時成日行過都無留意加上佢個名都比較似茶餐廳 HAHA但原來上到去係食中餐 而且裝修仲好靚TIM餐廳坐位舒適 講秘密都OK 叫左幾款小菜，份量都好大 幾個人都夠食湯同甜品都足料小菜方面士多啤梨骨酸酸甜甜 可以食多碗飯鍾意咸蛋就唔小得黃金咸蛋炒豆角 豆角痴滿咸蛋夠曬惹味下次黎可以再試其他呀!!!