美味廚

营业中

休息中

以前在灣仔工作，都喜歡到美味廚吃小菜或打邊爐，現今的美味廚剛換上全新裝潢，上層設多間可容納8至30 人的貴賓房，部份設有一人一鍋電磁爐，下層大廳則設有多個垂簾雅座，讓食客坐得更舒適。時至今日，美味廚已是連續七年獲米芝蓮推介的火鍋食府，亦有不少名人明星客捧場。餐廳最近以獨創火鍋湯底吸引了不少食客，當中的疏乎厘蟹皇蕃茄忌廉湯與冬蔭功Cappuccino鴛鴦湯底更大獲好評。蟹皇蕃茄忌廉湯底是蛋白疏乎厘泡泡加上羅宋湯味道湯底，蕃茄味香濃；冬蔭功湯底有MK (Megan’s Kitchen) 字樣，看似Cappuccino，其實是creamy的冬陰公味湯底，辣而不酸，帶點奶香味，頗有驚喜！另一推介是馬賽海龍皇湯 (Bouillabaisse)，這法國魚湯湯底用上大量鮮魚、洋蔥、香葉及白酒炒香後慢火炆煮六小時，隔渣後加入丹麥淡水龍蝦、新西蘭鱈魚柳、藍青口、海蜆、海蝦，連同番茄、洋蔥及多種香料大火煮成，材料豐盛，漁港風味十足。除了創新湯底及各式時令海鮮，餐廳的招牌丸子及自家製餃子亦是種類繁多，創意十足，中西合璧，如八爪魚義大利番茄乾釀豬肉丸、鮮蘆筍橄欖豬肉餃、香草醬帶子釀墨魚丸、鹹牛脷芝士餃，還有新

今次到畢弟同我慶祝生日喇兩個邊爐精揀咗呢間推介咁其中一個係食神，佢介紹得一定掂啦haha果然冇介紹錯，個牛肩脊👍🏻好有牛肉味，又有咬口，滾耐左小小仍然不會”銀左”另外想讚下嘅係呢度可以揀三個湯底兩個湯已經覺得好好，何況三個😝我地三個人，咁啱一人揀一個自己滾自己😋😋😋👍🏻👍🏻👍🏻我揀胡椒豬肚，豬肚夠多，胡椒越滾越辣，好正吖食神畢弟揀咗蜆湯，見佢啲蜆，雖然細細隻不過都Okay，加上粉絲唔錯大肚畢弟揀咗蘋果乜乜湯，我偷食咗幾粒蘋果，味道好特別，感覺好潤😆其他啲丸同餃子都好特別，全部都彩色㗎啲丸粒粒都好彈牙而餃子有好多唔同味道，有泡菜餃子有黑松露餃子仲有其他唔同款式👍🏻佢哋嘅服務都好好，因為兩位畢弟準備咗蛋糕俾我，佢哋好配合咁俾咗驚喜我，又主動幫我影相呢度環境都坐得好舒服，D位又夠闊昵度又唔算好貴，三五知己聚下吹下水都係一個唔錯嘅地方

家中長輩壽宴，訂左間vip房，可以容納十八人，最低消費五千蚊，地方都可以有張大梳化，兩部電視同獨立廁所餐牌上大部分海鮮同少部份家禽肉類要預訂，本來諗住訂蛋白花雕蒸蟹，但每隻索價高達$2400 ，再問下椒鹽蟹鉗幾錢一隻，得到嘅回覆係千一蚊一隻蟹，16隻鉗要8隻蟹總共$8800 ，當堂呆左，當然我諗個蟹身加d錢可以整多一味嘅，但係已經冇再追問落去嘅必要，此等價格實非吾等蟻民可以承受，最後只係預訂左幾個比較平嘅小菜先黎兩個小食酸薑皮蛋同椒鹽鮮魷，酸薑唔係好夠酸但係都叫做冇渣，皮蛋亦唔係太溏心，都叫做不過不失啦。椒鹽鮮魷炸得脆口，但係略為過火左少少有啲老，調味都可以雪梨胡麻醬爆蝦球$238/8隻：蝦球都係用一般酒席用的急凍大蝦球，唔算有鮮味，而且個蝦球應該已經炸咗一段時間，上枱嘅時候啲皮已經有啲硬同埋凍左少少，胡麻醬味道亦唔突出蒜香牛油焗帆立貝$48/隻：一食就知道係急凍貨色，咁當然以呢度嘅海鮮消費水平$48一隻絕對唔會有新鮮貨俾你，最大敗筆係個汁，一啲蒜同牛油味都冇，只係一個淡而無味嘅忌廉汁，唯一優點係火路控制得好，貝肉都算嫩支竹炆海班$1300: 條魚有兩斤零重左右，家中釣魚高手話一定唔係

本身因為鍾意呢個鍋島嘅酒所以參加佢地同酒商辦的dinner，點知中晒伏：叉燒、扇貝都過甜，蓋過晒sake👎🏻鮑魚ok但下面舊節瓜得個無味玻璃獻👎🏻炸松葉蟹腳嘅漿粉厚到以為係corn dog👎🏻腐皮卷、雞不過不失。炒飯顆粒分明櫻花蝦香脆👍🏻最難頂係間餐廳嘅服務：不斷有人食煙從冷氣槽噴出黎，侍應唔理。問你要唔要水，我話要普通水、tap water，侍應都照擺低支300ml bonaqua 收成$20支。

好耐無打邊爐，一打就諗起美味廚。佢最好味係佢既湯底同埋獨家自制D丸同餃。湯底都好多款有得簡，我最推介疏乎厘蟹皇蕃茄忌廉湯，好鮮甜，我仲會飲埋佢D湯。，佢地有個咸豬手MIX黑豚肉丸，好好味，吾好以為加左咸豬手會好咸，將佢放埋入黑豚肉，岩岩好!仲有個雞肉UM春蛋丸好值得一試，個口感好豐富，但放埋一齊好夾。必點

中午和同事四岀揾食，同事推薦的美味廚吃午餐，聽説有湯有飯還有甜點，一於今天一試。原來晚上還有火鍋！值得一提，餐廳坐位舒適，私密度高，打工仔講是非的確一流！還有電視機，最適合電視迷！茗茶坐下來先來例湯，是日例湯是粉葛湯，不會充滿味精味道，老火湯來的。四個小菜咕嚕蝦球豉汁蒸魚魚算大條而且沒有腥味。腐竹上蔬清新的選擇。雲耳魚肚蒸雞雞肉夠入味且嫩滑，而且有淡淡麻油香氣。甜點 紫米露不算太甜，而且夠足料。吃完四小菜還有甜點，實在十分滿足。

Megan's Kitchen serves authentic Cantonese food, with a low-key preparation that allows the natural flavors to shine through. Sauces are never overbearing and the food never overcooked. This sounds simple, yet very few eateries can master this approach to food. Excellent!

見佢講到米之連好似好勁咁咁咪上去試下they asked whether we want hotpot, we said we want 小菜insteadit is not until when we order then we know there are many dishes needed to be book in advance.... but those are the dishes we most wanted to try! such a pityso we were forced to order some ordinary dishes....not as astonished as i expected.... it is VERY ORDINARY just like other chinese restaurants maybe i'd try their hotpot instead next time...but will not return in a short period of time due to the price

呢間野係本人LUNCH飯堂雖然meun係普通住家菜既感覺但味道做得好出色連平時有住家飯食既我都間唔時要嚟食LUNCH每點一道菜就會跟一碗老火湯、白飯同糖水每人百二蚊左右嚟講價錢公道有時會寧願比多少少錢食好啲都好過食頹茶記老火湯不時轉款，冇味精，飲完唔會口乾足料夠味士多啤梨骨每次嚟都必點酸酸甜甜 啲肉又夠鬆軟仲會食到士多啤梨肉送飯真係一流黃金咸蛋炒豆角豆角夠乾身食落好爽脆配埋咸蛋種咸香係好正厲害之處係食到最後變凍都唔會有油膩感但呢款好似係off meun要直接同經理落單問有冇豉油雞粉皮豉油雞夠入味，雞肉亦夠嫩滑最鍾意食墊係底滑捋捋既粉皮又係送飯之寶紅豆沙有時會轉款，但通常都會係紅豆沙甜度啱啱好，唔錯

第一次黎, 友人介紹好好食, 係樓下好似d舊樓, 估五到上到黎環境不錯哦. 一坐底, 有碟酸姜皮蛋, 皮蛋仲係糖心, 酸姜又爽脆湯底款式好多選擇, 也較特別-我地叫左咸菜胡椒豬肚湯拼川椒火辣花螺湯牛肉種類都好多: 叫左手切雪花肥牛,牛利,牛展, - 牛肉超正, 牛味濃,有趙頭,鲛子種類都好多: 黑松露和牛,咸牛肉芝士,鴨肉鮫,雜菌洋蔥, 有特色, 食落每款都食出不同味道, 好香丸類也好有特色: 手打雞肉鵪鶉蛋丸,咸蛋豬肉丸,手打墨魚丸,- 舊彈牙, 也是好有肉味, 也食出特色海鮮: 鮑魚, 聖子, 鱔 - 新鮮, 侍應教40秒, 果然剛好羊肉-蒙古羊,澳洲羊 -五會so, 兩種肉味都好濃炸魚皮,菜, 炸腐皮卷….. Ok,不錯是貴價火鍋, 丸類同鮫類款式多又特別, 質素高, 服務好. 最後叫埋姜汁湯丸,完美的句號.

They have all different kinds of hotpot menu you can try! The meat and seafood are both seem fresh. The server didn’t speak any English so i had a hard time requesting things. You should try to fried Tofu! It’s the best hotpot menu I always have. It was satisfying!

與好友打算食餐好，於是相約到這裏米之蓮去享受一晚，我一直對牛的要求很高，亦心想米之蓮食府的牛也應該不會差吧。一進來，就有人熱情地接待，已經知道你的名字並帶你到你的位置，兩個人比安排坐在卡位，卡位很闊落，坐得很舒適，服務亦都非常周到，所有食物都會講解一番，亦會作出推介。不過在我來說，附上昂貴的價錢，除了是要有優質的服務外，食物的質素亦不能妥協，我這個火鍋狂，老實說，對於這類的食物真的覺得沒有什麼特別，班門弄斧一番，但牛的質素遠比其他火鍋店為差，除了牛味欠奉，口感亦欠缺，結果我們剩下一大碟的牛肉，太浪費。如果想坐得舒適的火鍋店，這無疑是一個選擇。但如果想食好的東西，真的不推薦。

美味廚去得呢間餐館，每人先要有心理準備，每人最少要花$400元或以上，否則，你一定沒可能食得飽而離開。呢間餐館是做打邊爐的，湯底都有成6-7款，牛嘅部位仲去到十幾款添，每碟的份量不多，一大班人要叫5-6碟才夠食。我試過最誇張一次，人少得三個人，每人要夾成$800蚊，去啲豪華酒店食buffet都係呢個價，哈哈🙄🙄🙄湯底，好多款，款款唔同，又龍蝦，又蟹，又麻辣，又法國湯咁。我已試過好幾款，雖然係貴，但每款都好好飲。推介指數：10/10牛，已說，成十幾種選擇，每種都超好味，你會越食越多的。推介指數：10/10蝦，超大隻，超新鮮，百幾蚊得幾隻㗎咋。推介指數：10/10餃子，有幾款，全部自家手做，好好食，會食不停。推介指數：10/10膠，墨魚膠或魚膠咁，彈牙，不過我較喜歡餃子多些。推介指數：8/10此餐館，大部分食物都好得，係價錢8唔得，我呢啲窮鬼要先打底才去食，否則埋單時會暈咗。

好友為我慶祝生日。由於大家放工時間唔同，打邊爐最好，邊食邊等！前菜：一坐底已經放底一碟皮蛋（$9 per head），兩碟青瓜（18@）。後來係menu度先發現，如果唔要所有前菜，坐底前要講⋯ Eee⋯ 未坐底我又睇唔到依句野，點會知道呢？有啲矛盾喎！計埋醬芥（$25@），茗茶（$12@），未order已經要比$52位！！湯底：因有朋友食素，唔食辣，嗜辣，一行6人叫左三併鍋，滿足唔同人既需要。分別叫左田園蔬菜龍蝦湯，川椒火辣花螺湯同日式麵豉豆腐魔芋湯。食辣既朋友表示，湯底唔算好辣，但麻，有3-4隻螺食素朋友表示，麵豉湯很清甜，有日式魚片，豆腐，芋絲等等花師奶表示，龍蝦湯唔太濃郁，有半邊龍蝦仔，蕃茄，黃芽白等等，比期望中淡同普通火鍋料：整體都新鮮，但份量少。較深印象有蝦膠釀油炸鬼，唔多餐廳有，蝦膠彈牙。牛頸脊，厚切大塊，重牛味！手打墨魚丸，爽口彈心，有小墨魚粒。其餘火鍋料無咩特別。服務：店員有禮貌但善忘，試過兩至三次要求換碟/加湯，應左我地之後，去左幫其他食客，然後好似無左件事，隔多一陣我地要再問店員才幫我地環境：唯一挑剔係女廁所好細好細⋯我地6人埋單要成$3000，無叫海鮮，無咩特別野

我們一家一向偏好廣東小菜，最近發現美味廚有折扣優惠，又有不少小菜可供選擇，便決定前來一試。到步後，環境比想像中大，也很整潔，人不多，很寬敞。桌面上只放了火鍋菜牌，果然這裏是火鍋料理為主呢！前菜令人驚喜，竟然是子薑皮蛋，皮蛋是糖心皮蛋，每人有半隻，雖然有收費，但以這皮蛋的質素我認為很值得。在上前菜的同時問他們要了小菜的菜牌，菜式的款式很多，真的有點選擇困難，不過早前已在他們的網站上研究過他們的完整餐牌，早已有心水，很快便點好菜等吃了～我最想試的便是這道梳芙里梅菜扣肉。餐廳內有幾款應用這種"梳芙里"做法的菜色，看來是招牌小菜，應用於我向來喜歡的梅菜扣肉身上，當然要點來一試! 梳芙里其實就是打發的蛋白，有加鹽調味，口感很輕盈，就像在吃泡沫一樣。扣肉的味道不錯，但可以再甜一些，也可以更多加點梅菜。肉的肉質不會太肥，剛剛好。梅菜扣肉是一道"送飯菜"，梳芙里令飯和肉的口感更滑順，蛋白也可直接與梅菜同吃，比平時有更多變化，底部的小白菜吸飽了湯汁，也很好吃，整體來說好玩又好吃，很不錯呢!原個南瓜葡汁焗四蔬個頭挺大，裡面有椰菜花、西蘭花，好像還有一些草菇。菜的軟硬適中，味道也及格，不算濃，不過底部的蔬菜