翠灣漁港

营业中

休息中

近排清假喺屋企冇嘢做，出街同婆婆去飲吓茶先。坐低之後嗌咗壺水仙，味道清香易入口。燒鵝肉味濃厚，點埋酸梅醬更惹味。瀨粉爽口彈牙口感唔錯。炸雲吞即叫即炸熱辣辣，咬落索索聲好香脆。中間餡料啖啖蝦肉好足料。鵪鶉蛋燒賣嘅餡肉結實，好juicy。牛肉球蒸得啱啱好，火喉控制得好好，口感鬆軟好juicy，淋埋喼汁酸酸地更好食。鮮竹卷用龍蝦湯浸咗好耐好入味，咬落煙韌味道鮮甜。鳳爪蒸得好腍，豆鼓味好香濃，口感彈牙有嚼勁。牛柏葉咬落好爽口好有口感，食落無羶味幾好食。

禁食令前最後一餐晚市堂食選擇了留給三姐有份主理的新酒家環境偌大，配備多個大型魚缸，內有生猛海鮮晚市特價三寶，有燉湯、龍蝦及燒鵝，只需$628姫松茸螺頭燉雞味濃鮮甜，真材實料，香氣十足上湯焗龍蝦伊麵有一斤六兩，龍蝦的鮮甜汁液流入伊麵，令伊麵充滿海鮮的滋味至尊燒鵝王皮脆肉嫩，皮肉脂肪相間，厚薄適中，不帶油膩感結帳前侍應主動送上免費的甜品！桂花糕晶瑩剔透、清爽的軟臘結帳前經理再送上一份芝麻卷！充滿濃濃的芝麻香味，彈牙又清涼

聽人講權發轉咗三姐開的酒樓，咁啱同屋企人去咗柴灣，諗住晚餐去試下…點知中伏😢酒樓嘅裝修其實同以前差唔多，感覺好似冇點翻新，不過勝在空間大座位多，基本上一定有位唔洗等。因為本身冇諗住寫食評，所以冇影Menu。菜式都係一般酒樓會有嘅，有海鮮，小菜，湯，菜式選擇中規中矩。落單一陣餸菜就好快送上，而且碟碟都唔熱，極度懷疑係一早煮好😥金牌欖角骨 $98🦴正常欖角骨顏色應該係偏黑，因為醃料同啲骨應該有好多欖角包住🦴但呢度嘅欖角骨紅噹噹，食落似生炒骨…一啲欖角嘅香氣同味道都冇😑🦴 啲肉仲要又乾又鞋懷舊梅菜扣肉 $98🍖係大埔食過一間好好食，但執咗，諗住叫呢道菜回味下同送飯🍖見用煲上，心諗今次一定熱啦！點知得下面熱，面嘅扣肉係暖⋯🍖有啲梅菜嘅，但唔入味🍖重點，扣肉一啲都唔淋！好硬！金銀菜豬肺燉湯🥣唔知有冇記錯名，但好肯定佢係寫燉湯🥣侍應一打開個蓋已經見到湯嘅顏色好淡，已心知不妙🥣試第一啖…明顯唔係燉湯，係滾湯，只輕微飲到白菜嘅味道食咗個難食嘅晚餐已經唔開心，點知食完當晚胃就開始唔舒服，結果成個假期都胃痛肚屙！🤮總結：估唔到晚市咁難食，唔知午餐係咪好啲？但我唔會想再試第二次😑希望間酒樓唔係真係三姐開，如

晏晝去到柴灣，同朋友相聚一下，就諗住去附近商場食個飯。我哋行過見到柴灣翠灣漁港呢一間酒樓，見到個門面都幾四正，於是就入去食個飯。睇過菜單，佢除咗傳統嘅點心之外，亦都有一啲比較特別嘅創新點心，當中亦都非常之豪華，例如有鮑魚，金泊喺上面等等。我哋就諗住叫幾個點心，再叫個飯咁樣。首先就嚟一個前菜先，我哋叫咗芥辣魷魚鬚，辣辣地非常之好食，由於係新鮮爽口，再配上芥辣，非常之開胃，食唔停口。之後再嚟多兩隻乳鴿，炸到金黃香脆，一啲都唔油膩。唔使去乳鴿專門店食，喺呢間酒樓都可以食到一流嘅水準。再跟住叫咗個鮑魚燒賣，估唔到真係有成隻鮑魚喺燒賣上面，同張相一模一樣，絕對唔呃人。一籠有三個燒賣，上面有三隻鮑魚，大大隻，真係有啲擔心酒樓會蝕本。因為我本身都係一個好鍾意食鮑魚嘅人，所以跟住落嚟我都叫咗一個鮑魚雞粒炒飯。鮑魚雞粒炒飯佢哋係用砂煲上枱，仲係保持熱辣辣嘅溫度，我再睇一睇，入邊都有成10幾粒鮑魚，每粒都起碼有$5銀咁大，非常之滿足。估唔到可以用平民嘅價錢，食到比較高級嘅食物水準，喺柴灣入邊咁多間酒樓來講，算係比較好嘅選擇。

難得平日放假，就約左家人去飲茶。這間翠灣海港聽家人講都係開業數月，今日就去飲過茶，食個點心先差唔多一點到，唔使等位就可以入座。職員入坐細房，有6張枱，有電視，仲有個大玻璃窗，可以望到外出公園風景有一個超抵的五寶自選組合點心紙都有好多選擇。1. 薑蔥叉燒撈麵(五寶餐)，叉燒份量好多，好大碟。2,3. 安蝦咸水角、甜酸炸雲呑(五寶餐)炸雲吞好足料，外脆內熱，內𥚃有好大隻蝦，必食之選4. 滑蛋蝦仁腸(頂點)，每隻都有原隻蝦，加上滑蛋，入口好有新鮮感，腸粉外皮夠滑5. 香煎芋頭糕(五寶餐)，糕面煎得好香脆，加上有五香粉調味，味道剛剛好。6. 櫻花蝦菜苗餃(大點)，上枱一刻熱辣辣，剛出爐嘅點心係最好吃，確係皮薄餡靚7. 沙薑雞腳(五寶餐)，一碟有6隻，基本上雞腳已經夠入味，再配上另上嘅沙薑汁更加美味6. 陳皮紅豆沙(小點)，紅豆煲到起沙之餘，仲有紅豆粒同埋好香陳皮味，足料，食飽未夠兩點，出面已經排晒隊等下午茶，可見這間酒樓確係好嘢。整體來說，酒樓環境舒適，有公園窗景確係正。各種食物均熱辣辣及足料，價錢又大眾化，確係柴灣區飲茶的好去處，值得一試再試

🦋🦋我個身處喺港島區周圍都有好嘢食今日嚟到呢一間 所有名氣嘅茶樓 那是做小菜嘅叫做翠灣漁港都係做居民生意有驚喜喎 🦋🦋新鮮海鮮嘅咁咪買咗個豉汁蒸大鱔🪱 128蚊唔算貴 感覺新鮮 亦都非常抵食 炒得好好送飯一流🦋🦋嗌咗個薑蔥焗美國桶蠔好多🦪 非常之大就越辣辣用小菜煲 夠曬熱辣辣 🦋🦋紐西蘭蟶子皇🥢 非常之大舊好長一口咬唔盡啖啖肉好新鮮好重海水味 感覺好新鮮🦋🦋好大隻嘅 🦪🍴六頭南非鮑魚96蚊有兩隻新鮮鮑魚 加果皮豉汁蒸幾好味 幾好餸飯🍚🍚 🍧夜晚有糖水 今晚係紅豆沙 桂花糕 服務一流 落完單好快就有嘢食 人流都幾多建議要先訂枱

翠灣漁港 (柴灣).椒鹽豆腐- 我嫲嫲最愛的小食，因為啱無牙老人家食又夠香口。呢到價錢平份量又多.蒜蓉蒸蟶子- 並非時價，相反明碼實價$32一隻，仲要平得黎又好大條啫啫芥蘭煲- 本身想叫蒜茸白菜仔，之後方到芥蘭煲都係叫呢個好！夠香口.生炒臘味糯米飯- 識食之一都知糯米飯係非常難烹調，需要生炒係好費力同埋好花工夫！煲呢個嘅豉油好似唔係好夠，色水唔夠吸引.蒜蓉粉絲大元貝+脆皮燒腩仔- 呢到有好多孖寶套餐以及一啲四人六人套餐價錢都好抵，呢兩樣加埋先$200左右。粉絲入味，燒腩仔個芥辣略嫌有啲稀.豉油王煎生蝦- 好有味，蝦肉爽口，可惜細隻左少少.翠灣漁港 (柴灣)柴灣柴灣道333號永利中心地下及1樓

翠灣漁港 (柴灣).爸爸係柴灣收工，一齊去搵食😆呢間酒樓之前已經聽講平靚正，今日試左真係平靚正！ . ▪️ 椒鹽豆腐▪️.😆酒樓小食必叫之一，酥脆嘅外皮加上炸蒜，七味粉等，入面嘅豆腐夠滑！. ▪️啫啫芥蘭煲▪️.熱辣辣上枱，芥蘭好甜(⁎⁍̴̛ᴗ⁍̴̛⁎)份量又多，加上蝦乾一齊好香. ▪️蒜蓉蒸蟶子▪️.性價比好高，$32隻雖然唔係蟶子皇但都好大條。生熟程度剛好無overcook!. ▪️生炒臘味糯米飯▪️.略嫌顏色唔係好夠，但味道不俗。飯粒夠乾身有咬口！.▪️晚市特價孖寶: 蒜蓉粉絲大元貝 配 脆皮燒腩仔$208▪️.真係好抵食，就咁一份燒腩仔都要$128，兩樣加埋先$208。蒜蓉粉絲蒸海鮮真係無得輸，燒腩仔外皮都好脆.▪️豉油王煎生蝦▪️.我地被生蝦呢個字吸引，應該係真係新鮮蝦，肉質好爽而且好入味！ 雖然蝦唔大隻但真係好夠味.最後仲送糖水！📌 翠灣漁港 (柴灣)柴灣柴灣道333號永利中心地下及1樓.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

今天繼續食、食、食！放假。。。最好就是去吃不同的美食。 聽同事介紹，電視名廚三姐(蕭秀香)在柴灣開了新的食肆， 今日一於慕名而來試一下！ 以外區人來說， 看著google map看似地點不難找， 但我們還是繞了一個大圈，才能成功過馬路，到達目的地！我們一直以為三姐開的是小菜館， 但來都門口才知道原來這是一家傳統酒樓， 而中午供應的就是點心，是一個為 柴灣街坊提供「飲茶、 食點心 亅的優勢地方。既然一場來到，我們也就入鄉隨俗，試一下三姐的撚手點心和特色名物。咦！！ 看完餐牌後 ，發覺原來中午時段都有供應「電視名菜亅瓦撐煲仔飯，一於叫番一個暖下個胃 先！。。。🦉豉汁白鱔煲仔飯 $58煲仔飯的大小跟坊間的一般標準相去不遠， 但這個煲仔飯非常夠熱， 熱辣辣的上枱， 由我親自淋上豉油後， 便開始開動了。。。飯的顆粒不大不小， 看起來剔透而且很飽滿，配合飯面上帶有新鮮油光的數片白鱔片，賣相吸引。 一口吃下去， 帶有豉油香氣、軟糯兼且熱度十足的米飯， 令人很有一口接一口吃下去的衝動。 白鱔片的味道也很鮮甜， 豉汁起了提鮮的作用，把魚的鮮味更加明確地帶了出來。。。果然印證了名廚師父的名言 : 「台上一

成班舊同事好耐無見，搵左間新開無耐酒樓食圍餐，呢間都算抵食，星期六$1280 包6人份量。燒鵝王拼盤有燒鵝，叉燒，油雞，雲耳，上碟都熱既，燒鵝皮脆甘香上湯焗波士頓龍蝦伊麵龍蝦新鮮肉爽，同伊面都份量多碧綠醬爆雙蚌雙蚌仲有魷魚炒得岩岩好，夠爽口，配埋西芹好match姬松茸螺頭燉雞湯好足料個湯夠哂味，好岩冬天飲清蒸沙巴龍躉班魚肉新鮮嫩滑，半席都算大條，魚汁撈白飯正蠔皇花膠鮑螺片花膠螺片份量多，蠔汁生菜入味爽脆濃湯野菌浸菜苗食完濃味野呢個清清地，下次叫小菜都要食佢當紅脆皮燒雞燒雞香脆熱辣辣，肉汁仲流哂出黎生炒臘味糯米飯料多入味，糯米飯乾身唔痴牙精美甜品甜品係桂花糕，唔會太甜，仲有紅豆沙糖水送，十分滿足

屋企人生日去附近酒樓食飯，半圍叫左個「$1080」套餐 ，連加一茶芥，同送6罐汽水啤酒。.價錢都算抵食，有8個餸，一個燉湯，再送一個甜品。呢間酒樓最近轉手無耐都無食過，番新之後裝修都ok 。.🍴「$1080 6人餐 」燒鵝皇拼盤上湯焗波士頓龍蝦伊麵姖松茸螺頭燉雞湯碧綠醬爆雙蚌清蒸沙巴龍躉班蠔皇花膠鮑螺片濃湯野菌浸菜苗當紅脆皮燒雞生炒臘味糯米飯精美甜品.拼盤係叉燒、雞、燒鵝，另有少量雲耳拌碟。龍蝦伊麵幾好食，龍蝦幾啖啖肉，伊麵底係彈牙，唔會得個淋字。清蒸沙巴龍躉，蒸魚佢話有一斤二兩以上，睇落都足兩，個餐有蒸魚都幾抵食，平時都成差唔多200/條。脆皮燒雞夠晒脆皮，肉都算唔錯起碼唔硬同霉，唯獨有啲美中不足，少咗個椒鹽粉🤣生炒臘味糯米飯最正👍🏻 足料又大碟。.6人餐真心6個人食唔晒😅最後仲有紅豆沙同甜品送，下次可能8個人黎先會再叫呢個餐。份量算多，質素都唔錯，以柴灣區酒樓黎講分數都唔錯✅

和家人5位一起點了6個小菜3個涼菜,份量充足,味道也很好,价格合適. recommended!其中乳豬半隻炸蝦球炒班腩菜單中也有很多川茶選擇,但家人不吃辣,所以沒有點整體環境也可以,適合家常便飯.

聽到三姐個名開新舖，大家都好興奮，以為有好嘢食，梗係搵機會嚟試下啦！今日凍凍地，就諗住嚟食火鍋，點知食物質素真的不夠新鮮，價錢偏貴，三個人竟然食咗七百幾，食物種類普通唔夠多，上菜時間慢，整體感覺極之失望😓應該冇下次

兩日打風都去呢間酒樓飲茶星期六日朝早九點前有優惠個環境同侍應既勤力度好好。會主動執野，唔會扮見你唔到。點心質素幾好。我地吃左牛肉，潮州粉果，牛腸，排骨飯，水餃，流沙飽等等。最值得讚既係間中推出泥嗰啲點心。極新鮮。食左煎堆同芋角。幾世無吃過芋角，佢新鮮炸起，極好吃。又大大個。但。兩日。個侍應都唔肯換枱布上一枱食客食完。佢掃左啲野就擺碗碟。我地叫佢換都唔肯換。我個人覺得。喺屋村酒樓。我唔係要求五星級。但我覺得呢個係基本乾淨。咁如果上手有新冠傳左俾下一個，你都唔好過啦。小小建議。我覺得咁樣，唔係洗多好多錢姐。老細麻煩唸唸。

聽聞三姐有份既,又係新開,所以由香區最南坐足全程MTR去試吓~上樓梯既一刻,我真係唔可以相信佢係新開左唔夠一星期,眼睇d地毡唔係已經好乾淨了!帶位既女仕安排左張已有客既大枱比我(2人),原來e度安搭枱既,我要求要細枱(唔想搭枱),但佢話全場只有2張2人枱,就算4人枱都會安排人搭枱既,最後我選擇左一張4人枱,當時已有一位食客,我唸点都好過坐大枱,可能要同6至8人共坐吧!如果唔慣同人搭枱既朋友,就唔太適合黎e度食了!好彩,佢既点心十分出色,茶亦好靚,下次4人同行再去食~