翡翠潮州小廚 (已結業)

好凍岀街食飯好想食中菜今日去咗黃埔食潮州菜😚呢到有新派餐牌 餐廳乾淨企理 坐得舒服🤗先叫左碟至尊鹵水鵝拼盤！😛鹵水好香好入味！同時隻鵝唔會太鞋！好滋味呀呢個😝如果想送飯會好正！然後再order 左蠔仔粥😍曖笠笠好香！🥰個粥煮得好綿😇蠔仔好足料！好抵食！再要多碟潮州炒麵！呢個好重味 配埋個粥好岩岩好！食到唔停口🤗呢間餐廳啲餸好大碟 我地2個人係食唔曬要打包🤣建議下次可以多啲人黎再試唔同既餸😆

一直以來也不常吃潮州菜，尤其住家附近的潮州菜館關了後，都很久沒吃了。今天經過黃埔，無意中看見這間餐廳，心血來潮便想回味一下。我尤其想念方魚肉碎粥。這間餐廳貼心的提供了口罩套。忙於選擇吃甚麼就忘記了把menu拍下。我們叫了一個二人中午套餐，有一份石榴雞和一鍋海鮮潮州粥。😍☺️兩個菜式也十分美味啊。先說石榴雞，外面是用蛋白作的皮，包著免治雞肉和有些不知道是荀還是菇的配料，為其增添了多一層口感，實在不錯。皮有蛋白香，內包肉汁，加上有蟹子添色，是有賣相也有內涵的菜式。再說海鮮潮州粥。以前都只是吃方魚肉碎粥的，這次加了海鮮，把其鮮味更是走到另一種境界。整鍋是真材實料，所以真的把海上的感覺帶到你的味蕾。有蝦，魷魚，蠔仔，方魚，雜菇，帶子，肉碎，加上薑絲去鯹味，吃得人津津有味。

朋友約我到黃埔花園翡翠小廚飲下午茶敘舊，在舒適的環境中傾談大家的近況，入座後店員奉上一壺中國茶，茶具很有特色我叫了一碗滷水鵝件湯米$42，鵝肉甘香，滷得非常入味，肉質軟滑有彈性，湯㡳亦散發着獨特的滷水香料味朋友叫了一碗方魚蠔仔粥$48，蠔仔非常新鮮肥美，加埋方魚提升了粥底的鮮味下午茶餐送熱飲，咖啡很香濃，奶茶夠香滑，有茶餐廳的水準，蓋上紙杯蓋很窩心，茶餐時段免茶、免加一服務費店內的裝修非別緻，牆上的手繪鵝畫得很可愛

身為潮州人緊係要食潮州菜啦！😋今日帶大家去試吓依一間「翡翠潮州小廚」既潮州菜先❤️點左佢出名既潮州優惠套餐，有海鮮蠔仔粥同至尊滷水鵝拼盤😍仲叫咗一個潮州蠔格🦪 賣相相當吸引～首先講吓個海鮮蠔仔粥....真係好足料（裏面有蠔仔、蝦、冬菇、帆立貝等等...）真係好豐富，而且海鮮真係好多💯 個粥底真係充滿鮮味，入味又好食😋至於個滷水鵝拼盤每樣都有啲☺️ 款式多樣又新鮮，鵝腸又肥美，好有潮州菜嘅味道🥰 潮州蠔格都幾大塊，蠔仔分布均勻又足夠🦪 脆脆地既口感真係好邪惡😆最後仲送上甜品-芋沙，砂糖沾上芋頭，甜而不溜💯 整體滿意👍

今晚同朋友去左黃埔睇野, 行到咁上下肚仔餓所以去左附近搵野食, 沿途見到E間潮州野好似唔錯咁就入左去試下😊! 餐廳環境好大, 乾淨企理, 座位闊落所以坐得幾舒服☺️! 餐廳提供多款唔同嘅滷水食物, 而且仲有小菜, 套餐等等……小妹同朋友點左個滷水拼盤, 一個小菜同一個潮式甜品!滷水鵝片三拼E個滷水三拼除左鵝片同豆腐係鐵膽之外, 其餘兩款都可以自由配搭, 小妹就揀左墨魚同鵝腎! 三拼份量剛好夠兩個人食, 仲可以叫其他小菜試下, 滷水味道濃郁帶甜味, 唔會過咸, 豆腐同鵝片幾入味, 鵝腎同墨魚口感爽脆, 味道如果可以好似前兩樣濃味d會更好!懷舊咕嚕肉🐖咕嚕肉口感爽彈, 肉質鮮嫩, 無骨啖啖肉, 醬汁唔會偏酸, 味道岩岩好!白飯🍚潮州白粥白粥米香濃郁, 口感綿滑!一口反沙芋反沙芋入面除左有芋頭, 仲有花生🥜同腰果, 粒粒都炒到比糖覆蓋哂! 糖嘅分佈尚算均勻, 而且粒粒都帶有葱香, 甜度剛好, 芋頭芋香重, 肉質夠粉!

可以坐得舒適咁打冷都幾重要~再加上呢到大部分既潮州菜都有供應!真係一個打冷既好地方.重點係姐姐們既服務態度都好好,而食物亦唔係個種一般既連鎖店咁,都幾潮式下!.♦ 凍烏頭 ⋆ $168Menu話呢個係本地烏頭,好新鮮而且肉質好結實. 蘸少少豆瓣醬就已經好夠鮮.♦ 鹵水墨魚 ⋆ $88潮州野又無理由唔食鹵水! 鹵水墨魚一份份量都幾足,下面仲有D鹵水豆腐係底. 鹵得幾入味,值得一試.♦ 胡椒鹹菜豬肚湯 ⋆ $52我只係叫左一碗既份量. 個人認為鹹菜味唔係好夠(因為我太喜歡鹹菜啦)不過胡椒味都好重,呢個天氣飲真係好舒服.♦ 椒鹽牛仔骨 ⋆ $88牛仔骨好多乾蒜好惹味~肉質偏軟.不過就都幾多肥肉.香口但略肥..♦ 方魚肉碎粥(碗) ⋆ $48一碗大概可以分2-3細碗,味道同平時食開既好似, quality合理.♦ 一口反沙芋 ⋆ $68反沙芋好好味!呢個甜品為呢餐做左個好好既結尾,又甜又香口.必試!.

鮮味海鮮蠔仔粥plus特色反沙芋～～～夜晚收工過嚟搵飯食 之後約咗喺附近睇樓今日心血來潮 想食潮州嘢 就嚟咗呢一間度食 一坐低 餐廳就提供口罩套俾我哋 口罩套仲有用心設計過 幾得意 而且個杯仲有用紙做嘅蓋蓋上 好衛生低讚👍🏻～～～我哋呢d要買樓嘅人 食嘢當然都要食得經濟實惠啲 所以就叫咗呢一個潮味優惠套餐 套餐裏面有A.海鮮蠔仔粥+B.至尊滷水鵝拼盤（原價$396優惠價$328）另外再跟多個欖菜肉碎四季豆 同一口反沙芋～～～首先講下佢個海鮮蠔仔粥 海鮮蠔仔粥裏面有好多海鮮 有三大隻蝦 三大粒帶子 仲有好多好多蠔仔同肉碎添 份量好多 其實三至四個人食都夠～～～至尊滷水鵝拼盤亦係好多 裡面有鹵水鵝片 鵝件 鵝腸 鵝肝 鵝腎 鵝片好嫩又無太肥 鵝腸彈牙鵝肝好滑 鵝腎扎實～～～食到一半之後 我哋個欖菜四季豆就送到啦 四季豆好翠綠咬 落去索索聲 油香十足 欖菜又唔會太鹹 ～～～甜品方面 呢個反沙芋唔算好多地方有得食 難得見到 所以就算好飽 都忍唔住叫黎試吓 由於糖集中喺芋頭表面所以芋頭表面比較甜 但係其實裏面嘅芋頭唔會太甜 所以一齊食落口 整體味道就會差唔多 加埋佢哋仲有啲腰果一齊炒 成個甜品非

📍餐廳：翡翠潮州小廚 (紅磡)🔍地址：紅磡黃埔天地享膳坊(第4期)地下G3A及3B號舖-----濕平完同好閨蜜過黎醫肚仔。依家食飯就緊要就要餐廳環境要衛生，呢間餐廳以紅綠同木色為主調，裝修唔會太過暗，整體光鮮整潔，而且好新淨，令人感覺安心。🌸滷水鵝腸$98：肥得黎又唔會太肥 瘦得黎又唔會太瘦 微胖嘅鵝腸一直都係我最愛 奈何唔多地方有 但呢度就做到我最中意嘅狀態 乾淨得黎帶少少肥脂 食落爽口脆身 鵝腸味濃🌸黃金糖醋麵$88：可以揀炸一面或者炸兩麵，我哋就揀咗炸兩面。識落外脆內院加少少糖同埋醋就更係惹味十足，味道係好正宗嘅潮州口味。🌸潮陽炸蝦棗-四粒$48：粒粒都成粒乒乓波咁大，咬多唔會太油膩，彈牙得黎，有少少實身，加埋自家製嘅汁蘸點，食落酸酸甜甜又解膩。✨茶位每位$8✨前菜小食$10一碟✨餐廳服務員態度好好

喺黃埔附近住咗幾年，都未幫襯過呢間潮州菜館，今日比較夜收工，見佢門口拍到車，可以一路睇車一路食嘢，方便之選。晚市優惠套餐$258起，選擇都幾多，有港式潮州式餸菜選擇，最後都選擇兩款潮州傳統菜。至尊滷水我拼盤有齊滷水鵝片、鵝件、鵝腸、鵝肝及鵝腎等，份量都算多及平均，唔會有啲太多或太少；鵝片偏肥少少，所以特別滑；鵝腸爽身有咬口。基本上滷水味道濃厚但唔會太鹹。海鮮蠔仔粥，基本上海鮮同粥的比例差不多1比1，海蝦大大隻，差不多有4隻；兩隻原隻帶子，好鮮甜；魷魚的水準亦十分高，在粥底內煮了很久亦無變老；當然蠔仔數量超多，令粥底更鮮甜。一口反沙芋，都好少地方有得食呢一個甜品，我差唔多兩年冇食過，我覺得佢哋嘅腰果俾芋泥更好食。

今日同女朋友出咗黃埔行街行過黃埔天地見到呢間潮州嘢裝修得好靚好光猛而且睇落好乾淨所以就入咗去試吓啦見到呢個潮味優惠套餐好似幾抵咁所以就嗌左個海鮮蠔仔粥再加至尊滷水鵝拼盤$328一壺滾水同一壺熱茶，咁就可以自己揀番合適嘅濃度上菜前有兩碟前菜 仲有碟花生冇影到呢碟好快就清晒酸酸甜甜咁食完超開胃首先就上咗個滷水鵝拼盤大大碟分別有鵝片 鵝件 鵝肝 鵝腸 鵝腎 同埋幾片滷豆腐個滷水汁啱啱好唔會太鹹而且都好入味最好食就係呢個鵝肝啦爽口嫩滑 唔會粉 而且厚度啱啱好跟住就成一個海鮮蠔仔粥啦一上以為嘩咁稀嘅原來啲料喺晒個底度 仲好足料分別有三隻大蝦 帶子 冬菇 蠔仔 大地魚 肉碎 仲有啲講唔出咩名成個粥好鮮甜好入味而且好大煲同女朋友爭啲食唔晒最後仲嗌左個甜品女朋友好鍾意食芋頭所以就帶咗呢個反沙芋先將啲芋頭炸熟然後再不斷撈糖女朋友超鍾意食總括而言呢間潮州菜幾好味同埋都抵食值得一試

第一次嚟翡翠食飯因為阿媽話想食中菜今日嘗試咗好多我嘅第一次😱試咗佢地推介嘅套餐，期間限定石榴雞原來係蛋白皮包住啲嫩雞！真係功夫菜嚟食落係好滋味嘅大型雲吞連個芡汁都好好味咕嚕肉發揮水準！嘴饞饞嗌咗碗鹹菜豬肚湯哩排雖然有啲秋意但成日喺室內開冷氣飲下哩啲感覺滋補啲😆我一路以為糖醋麵係好硬嘅麵😅見笑咗個員工原來係上脆下軟嘅麵餅食之前自己加糖同醋我仲要一開始唔知個比例落得太多醋啅親阿媽🤣原來落少少已經好夠味最後以反沙芋結束今晚原來我又誤會咗以為自己食過🤣🤣不過真係好高卡路里下次多啲人嚟先可以食兩個人食完真係爆棚都似😂😂

今晚同老表在紅磡辦完事後，誤打誤撞來到這間潮州店食飯。我們點了4人套餐$688，茶位$8，小食2碟$20，另有加一收費。套餐有：鹵水拼盤 - 有滷水鴨片，豆腐，大腸，豬腩片。鹵水汁不會一味死咸各款味道好入味好食胡椒鹹菜豬肚湯 - 胡椒香濃，湯料十足，豬肚淋易咬，湯不會太咸，熱辣辣好好飲韭菜豬紅 - 略嫌韭菜份量少了點，豬紅口感末夠嫰滑香酥芋蓉鴨 - 這個有好大驚喜上面係芋蓉，下面係鴨片，2者配搭得剛好，炸得酥香好好味。如果油再少點會更好。蘿蔔中芹半煎煮黃花魚 - 黃花魚煎香後再淋上汁，食落還保留魚的香口感又有芹菜香味，不錯!方魚炒芥蘭 - 芥蘭食落有酒香，口感不太硬方魚蠔仔粥 - 一煲上，蠔仔份量多，沒有腥味，魚湯鮮甜，又熱辣辣，不太差馬蹄綠豆爽 - 略嫌太''傑"身，口感麻麻味道一般!另外要讚賞一下，侍應好有禮貌。而且服務不錯，下單後向我們再三強調不要一次過上菜，要上一半先，食完後再叫他再上埋另一半。哈，第一次遇到呢!

午市特選2人套餐鹵水雙併：鵝件、豬大腸，兩種食物都是切得大大件的。鵝肉入味唔韌，豬大腸肉質鬆軟無騷味，且唔肥。潤肺湯：佛掌瓜赤小豆豬肉湯，足料湯濃。椒鹽牛仔骨，因是椒鹽，味道濃烈，屬香口食物，牛仔骨咬落外邊有些脆，內裏酥軟。約有6-7塊，不過其中3塊幾乎全是肥肉。金銀蛋浸菜心，大堆頭。粗大的菜心，想一定老又有渣。原來不是，焯得剛好，爽脆的。馬蹄綠豆爽，馬蹄片好爽，其他普通。不太喜歡too糊稠的口感。

喺附近返工，幾乎試暈晒所有餐廳.之前嚟過好幾次,佢哋最近做緊午市套餐$5x ,抵🤩即管試吓.分量多,味道方面亦唔錯.講真呢個價錢都冇得挑剔.茶餐廳都唔止.仲要有乾淨舒服嘅環境佢哋餐廳員工服務得十分之好. 反而另外一個冇着制服餐廳經理沒有笑容.例湯好明顯沒有放味精,好飲.出品食得出即煮.呢個價錢10分抵食👍🏻👍🏻👍🏻又一好選擇.希望佢哋頂得住,眼見佢哋入座率好少人.值得一讚佢哋有提供口罩袋👍🏻

今日中午過來紅磡食嘢，又有一間好野介紹俾大家，佢在吉之島對面，Outback 嗰個商場，叫做翡翠潮州小厨，依家做緊特價一人鹵水午市套餐和一人行政人員午市套餐，每個午市套餐只是$58，不收加一，有湯，飯或粥，每個套餐都有兩個小菜。我們2人分別點了鹵水套餐，選擇了鹅件，鹵水蛋和红腸，另外行政人員套餐，點選了椒鹽牛仔骨和欖菜肉碎四季豆，味道都非常之不錯，飯後，我們追加了綠豆爽作為飯後甜品，順帶一提，這裡的奉茶是烏龍，很清香的，作為街坊嘅食堂，完全可以放心推介给大家。