老友記到會餐盒專門店

营业中

休息中

今次時間安排上比較倉卒, 務求方便就選擇到會服務。 用 openrice apps 搜尋看見這間，又近我們公司，所以便揀選了這間。可能未到超繁忙的聖誕 節正日附近，最終星期一晚下單，星期三上午就能夠準備好及如期送到。 選購方面，建議到他們公司的網站查看，因為此程式上的餐牌好像不夠詳細。下單與確認可經whatsapp，十分方便 。 另外因為同事間口味有不同需要，因此我們要求更改當中的菜式而他們也非常樂意並且專業地send excel做報價，更重要的是收費相當合理 。 他們的服務很貼心， 有保溫盤出租服務可選購而且他們員工又會主動提出意見，令第一次安排這些項目的我減輕了不少煩惱。一般到會服務的食物質素也不用多講， 但是這一家，他們的食物質素非常好 ， 賣相也很好，用餐時有不少同事查問是哪一間到會及讚好。 款式和份量方面配合得很好，最後沒有剩下太多的食物造成浪費。 值得一提是他們用的是環保餐具，這也是加分的地方。

今晚去了朋友book 了嘅party room 玩，個party room 環境唔錯，一班人吹水十分relax，而朋友今次係叫了到會，反而令我十分驚喜！首先係個質素，如果用到會來說，就係VIP 嘅食材，而除此之外還響應環保，用上嘅餐具，亦係用上環保重用物料製成，感覺係有良心嘅到會專門店！有烤焗豬仔脾，以慢煮方法先煮，最後烤焗而成，咬下去外面香口，內裡仍然肉質軟熟嫩滑，十分好味，而且還配埋香口嘅薯菜，真係一個唔錯嘅配搭！而黑毛豬火腿哈密瓜都唔錯，火腿軟滑帶點咸配埋多汁熟透嘅哈密瓜肉一齊入口，多汁香甜，加埋朋友準備好嘅紅酒，真係把酒暢談之佳選！還有呢個原味燒美國安格斯牛小排，牛肉肉質嫩滑軟熟，表面燒得十分香，入口個陣濃郁嘅牛肉味道真係唔覺得自己是吃緊到會，就好似在酒店內食緊啲高質素嘅西餐感覺！還有個鮮露荀鮮汁牛肉卷，牛肉卷住鮮甜爽口嘅鮮露荀，入口個種肥美爽口感覺真係唔錯！之後問朋友是哪裡嘅到會，指指個紙箱，下次公司攪party 都可以試佢嘅到會服務！

一班朋友去party room 傾下計， 訂左到會，見網上選擇很多，而且比平時的到會菜色來得更特別。黑毛豬火腿哈密瓜哈蜜瓜很甜，黑毛豬火腿有少少鹹，不過因為食用方便，好快被搶光鮮蘆筍燒汁牛肉卷蘆筍很爽口配上牛肉，卷埋一條，精緻得來又方便食用，牛肉可口，好味。原條燒安格斯牛小排加燒汁用慢火燒，保持到肉汁鮮嫩，好好味， 份量多，如果熱會更好味，但明白到會比較難做到呢個效果。紅咖哩煮青口青口肥美，一眨眼就俾人搶曬烤焗豬仔脾一共8件，有幸搶到一件，唔會太老。另外仲有一d比較飽肚的主食，柏士圖香草墨魚麵，香茅豬扒炸薯角，煙肉洋䓤炒雜菜，甜品，份量夠十多人食。

逢大時大節好多公司都會攪大食會俾大家開心一下，確係一個歡樂時光又同時食到不同美食，就一定會選擇到會呢種服務，一來唔駛煮又方便之餘價錢都大眾化最緊要款式又多，分分鐘食出驚喜，而且有咁多間到會公司選擇真係好方便，今次就叫左呢間老友記到會餐盒專門店已經營左十幾年夠晒豐富經驗，係菜式方面都比較多，可以迎合不同口味客人嘅要求，只要係order紙揀啱心水美食就得，而且係一條龍服務送到目的地俾大家享用一餐豐富美食，今次就點左幾款美味拼盤品嚐一下，先來有煙鴨胸肉伴蛋黃醬意大利青瓜，食到爽甜肥美嘅煙鴨胸肉配蛋黃醬食落更香滑接住有紅咖喱煮青口，望見賣相幾吸引陣陣咖喱香味特別撲鼻，青口肉質鮮嫩飽滿，沾滿濃郁醬汁食落特別惹味，而且會越食越滋味輪到香茅豬排拼薯角，份量十足相當抵食，脆香薯角再食件香嫩豬排夠晒滿足再來有原條燒美國安格斯牛小排配燒牛肉汁，啱晒鐘意食肉嘅我，唔止食到嫩滑安格斯牛肉，啖啖香甜肉汁係口中散發，口感滿足食慾大增最後食埋小甜心拼盤已經好滿足嘅一餐到會美食。

話說我從前的上司提早榮休，然後創業經營網上花店，還邀請了我們一眾靚太出席開張典禮。前上司開花店我們沒有送花籃，改為預訂到會食物祝賀，一大夥人妻敘舊兼享受美食。花店在觀塘，我們搜尋了附近比較人氣的老友記，落單過程簡單快捷，user friendly 最緊要。《原條燒美國安格斯牛小排》靚太們對食物質素很有要求，打頭炮的有原條燒美國安格斯牛小排，我喜歡肉質夠腍，美國安格斯散發着香濃的牛肉味，肉的質感也很豐富。用慢煮的方式然後再燒，略有微焦的香氣，配上自家秘製燒牛肉汁，可以說是錦上添花。《柏士圖香草墨魚麵 配墨魚仔》平常的墨魚麵會吃到嘴仔烏卒卒，這個不會呀！柏士圖香草口味清新，墨魚麵軟硬度適中，配墨魚仔爽甜蛋牙。《黑毛豬火腿哈密瓜》黑毛豬火腿鹹香悠長，加上哈密瓜的果香，喊中帶甜，無論口感或者味道層次也豐富。《鮮蘆筍燒汁牛肉卷》聽說鮮蘆筍有防癌作用，菜式健康又好味道，燒汁淋上牛肉卷特別惹味。《小甜心拼盤》甜品獨立一小杯，芒果布甸真的香甜軟滑，有空氣感。還要讚美一下即棄餐具也相對環保，是用粟米製造的，分解容易，減少對環境造成的傷害。

契女1歲生日會朋友揀了觀塘Party Room 慶祝，食物方便朋友上網查詢到這間到會公司在Party Room 附近，食物小吃款式選擇多，又有送貨服務，最重要支持環保，選用植物性環保餐具，為地球出一分力量。到會有提供8-10人餐，15-20人餐等等，也有其他食物供散叫，任勻選擇。朋友大約預訂12-15款食物左右，食物外觀看起來也不錯，份量也足夠，不知味道如何呢？【黑毛豬火腿哈密瓜】火腿咸香軟嫩配上新鮮爽甜的哈密瓜，簡直絕配，哈密瓜的甜味更能提升火腿的鮮味。【烤焗豬仔脾伴薯菜】慢煮手法煮成的豬仔脾，肉嫩多汁，保留住肉質鮮味，薯角雖然凍了，但還帶有一點點脆口。【鮮蘆筍燒汁牛肉卷】外層牛肉鮮嫩肥美，內裏蘆筍鮮甜多汁，淋上自家製燒汁，味道更加滋味。

由於家庭成員越來越多，屋企已經容納不到，所以最近2年所有家庭聚會移師到Party Room ，一來方便小朋友們四周圍玩耍，二來大人們進食也比較方便。Party Room 有幾間不同到會公司可以選擇，有火鍋，小炒，到會外賣服務等等，今次揀了《老友記到會餐盒專門店》，食物選擇多樣化，由冷盤、小食、肉類、粉麵飯等等，一應俱全，而且預訂到會服務都會奉送植物性環保餐具，非常環保。網站已經有齊所有資料顯示，email落單銀行過數，過程非常之方便。煙鴨胸伴蛋黃醬意大利青瓜-每打煙鴨胸肉嫩可口，用上意大利青瓜卷著再加上蛋黃醬，味道鮮美，口感清爽。紅咖哩煮青口-3磅紅咖哩香濃滑溜，椰汁香味中和了咖哩的辛辣，味道恰到好處，青口肉質鮮美多汁，下次如果可以配上法包同吃就更加好。原條燒美國安格斯牛小排-3磅店家用上慢煮方法烹調，可以保持牛肉鮮嫩度，入口肉質細緻嫩滑，肉味香濃。芝士珍珠帶子海鮮燴飯芝士輕輕炙燒過味道香濃，海鮮份量多，整體味道不錯。今次預訂了大約8-9款食物，每款食物份量都十分足夠，而且水準都比其他到會公司出色。

老友記餐盒到會專門店一班朋友去party room 食野， 緊係要訂到會，見到朋友介紹咗間 - 老友記餐盒到會專門店， 咁就試下。 上網可以選擇嘅種類好多，訂咗d 貴小小同訂咗d 便會的。首先貴嘅選擇有原條燒安格斯牛小排加燒汁， 侍應話吧人個係用慢火燒，所以保持到肉汁， 好好味， 人生食到會最好味的到會。 再有個鮮蘆筍燒汁牛肉卷， 蘆筍很爽口，牛肉䄲，又帶牛肉汁。 好味。另外係黑毛豬火腿哈密瓜， 哈蜜瓜選用很甜的瓜， 黑毛豬火腿是我最喜歡的鹹度。另外便叫了些常見的炸薯條，豬扒，菜，芝士意粉。呢d 份量好足。十幾人好夠食。到會一個好選擇。

之前我做的公司已經試過叫老友記的到會， 今次屋企人公司喬遷之喜， 邀請了各行各業的朋友來慶祝， 所以今次再次幫襯老友記到會。 我們點了一個30至40人的套餐，份量非常多， 當日大約有50人完全食唔曬， 但每一位來賓都讚口不絕到會的食物。 因為我要招呼朋友的關係，所以沒有機會試全部食物， 好開心朋友們和家人們都非常滿意今次的食物質素。 今次這個套餐價錢二千幾蚊非常抵， 食物包括蜜桃煙鴨胸沙律， 胡麻醬涼拌青瓜， 小甜心拼盤， 小食拼盤(金絲芒蝦春捲， 迷你咖哩角， 棒棒餃子， 吉列炸蟹鉗， 脆香雞中翼， 鮮竹籠蝦卷)， 菠蘿芝士腸， 特色迷你三文治( 吞拿魚三文治拼芝士火腿三文治)， 秘製沙拉骨， 泰式豬頸肉， 蒜蓉炒西蘭花， 菠蘿豬頸肉炒飯， 卡邦尼海鮮意粉， 乾炒牛柳絲烏冬。再一次讚一讚佢哋送貨嘅時間真係非常準時， 下次公司再擴充業務的時候，一定會再幫襯。

前排公司係中環負責搞個創新應用論壇 我負責幫手叫到會🤣 簡咗一輪 我係OpenRice 見到依間老友記到會 見賣相唔錯就簡咗個日既菜單食物唔係話好豐富 但勝在乜都有😚 有沙律 三文治🥪 甜品同飲品 同事同賓客都覺得唔錯 我叫左什果沙律杯 細細杯既沙律🥗 有齊唔同既水果🥭 酸酸甜甜 好開胃三文治有兩款口味 分別係燒牛肉同火雞片 火雞片就比較健康 但我就鐘意燒牛肉 有牛肉汁juicy 好多🤤 而且重點係三文治既份量係迷你版 我見客人都可以試哂兩款 連減緊肥既同事A都可以食一小件 太適合啦😈飲品選擇都多 有咖啡☕同奶茶 同出面酒店飲開既都無乜大分別 今次我加埋蘋果汁同橙汁 諗住可以清新健康啲 我見到反應都幾好 各有捧場客😚 另外我叫左小甜品拼盤同兩款凍餅供客人作甜品 小甜品拼盤有著各款唔同既甜品 啫喱 每款都好的骰 岩哂做小食甜品 我簡既兩款凍餅包括迷你金莎朱古力餅同迷你紐約芝士凍餅 兩款都好好食 特別係金莎味 香濃既朱古力味 甜而不膩 我見賓客都食得津津有味👍🏻

今日幫朋友手喺葵涌雍雅軒一樓Club House搞婚宴👰🏻🤵🏻，搵左呢間老友記到會餐盒專門店，佢哋除咗有食物到會之外，佢哋仲可以有廚師到會👨🏻‍🍳，嚟到先煮，好正👍🏻佢哋嘅服務好好，首先佢哋十分準時，而且佢哋嘅食物選擇好多，只要你預先揀好你想要嘅食物同埋份量，佢哋就會安排好，十分方便🤗食物方面，為咗迎合大家嘅口味，我哋中西式都有揀，有個比較特別嘅香芒大蝦沙律杯🦐🥗，一人一杯，做得好精緻熱葷方面，有香草烤羊架🐐，仲要係廚師嚟到先煮架，唔係預先整定，感覺新鮮好多👍🏻仲有蛋白蝦仁炒飯🍚，份量夠，又好食最驚喜嘅，竟然係原隻燒乳豬都有啊🐖，好犀利呀😲甜品方面，仲有好精緻嘅甜品杯🍨，好似食buffet咁，啲小朋友都食得好開心🥳佢仲可以包埋酒水，十分方便🍻🥤🍾

今日有機會出席itrial 頒獎典禮，真係超級榮幸同開心呀⋯⋯最緊要係啲嘢食好好食！聽搞手講預計12點鐘開始食嘢⋯⋯本來都諗住怕遲開始！點知到會非常準時到達！Set完都仲有走盞時間～而且都會有好多好多嘢食非常多元化！例如安格斯牛小排～芝士焗西蘭花～黑森林凍餅等等🤤牛小排牛味濃郁，肉嫩多汁🤤⋯⋯芝士焗西蘭花有非常芝士！好～味～馬卡龍有粉粉嫩的少女味而且唔會過甜💕⋯⋯當晚個個都食到肚飽飽！而且服務非常好！店員非常有禮而且有交帶！下次如果我有活動一定會搵佢

今日我同一班好內好內無見既同學食飯，大家都係理工既同學仔，當然要去番理工大學聚會啦，回憶下以前既舊事嘛。我地個個已經唔係十八二十二，都已經係成年人啦，有既已經結左婚，有既已經係生左小朋友，就算聚會，都真係唔得閒煮啦，所以其中一個朋友就介紹左依間老友記 到會比我地。其實叫到會真係好方便，係香港依個咁繁忙既社會，個個番完工都攰到傻，真心唔太想煮。我地今次聚會約八點，七點九齊人，食物準時黎到，我地汁好台，攤晒食物出黎，就開始得啦。要讚既係，服務員既服務好好，親切有禮貌，食物既種類又多，質素都好好，樣樣都唔錯，炸嘢又得，沙律又幾得，所以都值得推介。

一年容易爺爺又生日，年年都係食到會架啦，邊個想食到會？答案係我！但的確，到會唔係間間都有回頭率，始終質素好參差，而且大部份都係好睇唔好食，或者好頹或性價比低！ 其實自從阿爺行動不便後，呢幾年成班親友十幾人都習慣叫到會，所以本人都中過唔少伏，今次總算有間係真心可以推薦首先，到會本身就係求方便，而呢間做到好嘅地方除咗方便，最主要係服務態度好，例如親友當中好多長輩都有三高，我查詢時都有向佢哋表明有此問題，而佢哋都有叮嚀製作時少油少鹽，另外亦主動推薦一啲較健康嘅菜式，加上佢哋可提供嘅菜式種類超多，令我可以更有彈性咁選擇，真係眼都花埋！所以服務方面我俾足10分！另外，另一重點當然係食品質素方面！首先先有食品都好夠熱，嚟到都仲keep到熱騰騰嘅感覺。而味道上，三文治全部都鬆軟新鮮，好似即時包咁，而炒飯同pasta類都幾出色，好足料有驚喜！而炸物因應我需要少油，所有炸物入口嘅感覺都唔會太咸同油，整體都good。亦值得一讚嘅係佢哋嘅食物送遞好準時，同我夾得幾好，完全唔會失預算。中

今次公司搞party， 試下呢間到會。 估唔到食物質素都幾好，價錢實惠，服務周到，最重要送貨時間非常準時！ 這間到會的食物種類有很多， 送到的時候全部熱辣辣， 生果盤又夠新鮮， 每一樣食物都幾有水準。我最欣賞就是小食拼盤，無論雞翼，棒棒餃子，芝士火腿三文治，蒜蓉炒西蘭花，多到不能盡錄， 但每一款都好味！ 公司大老闆和同事們都食得很開心！以前公司多數會幫襯大型連鎖店到會，因為諗住有品質保證比較穩陣， 今次試過老友記到會餐盒專門店，真是很有驚喜！