老掌櫃東北菜館 (已搬遷) 新店位置

已經第四次幫襯老掌櫃！其實佢嘅午市套餐抵食啲不過成班friend就可以夜晚食片皮鴨先講片皮鴨，嘩一聲就未至於，不過符合價錢，正正常常，有得揀半隻或者一隻。多人食真係好抵😋仲叫左幾碟小菜，四季豆、炒青菜、海哲、回鍋肉。份量好多😂有男人都食唔晒😋

最近成日去大角咀食飯，都見到呢間餐廳門口都幾多人排隊。八八卦卦去睇下，原來係食東北菜嘅，好老實講我真係唔知乜嘢叫做正宗喇。不過係呢個時間，真係好少見到餐廳有人排隊。其實未到七點，全場已爆。而且外面都有十幾人排隊㗎！我唔知道係咪正宗東北菜，但餐牌上有好多未見過嘅菜式，真係要試多一兩次先得。東北肉皮涷及京燒羊肉特別出色！東北肉皮涷/涼拌心裡美/韭菜豬肉煎餃肉三鮮湯餃/京燒羊肉/炒蒿荀糖醋桂花魚/拔絲地瓜/豆沙鍋餅再加菜館贈送嘅高力豆沙，外加一杯豆漿盛惠埋單$799-京燒羊肉，燒到脆卜卜，肥瘦適中，真係好惹味！東北肉皮涷，類似上海肴肉，但比較軟身肉少，醬汁惹味。肉三鮮湯餃，呢個餃子入邊係有蝦仁豬肉，好老實講，應該叫一碟餸，好過叫餃子囉。份量價錢都差唔多，而且小菜多得很。炒蒿荀韭菜豬肉煎餃，普普通通，配料唔算好多。涼拌心裡美，一睇以為紅菜頭，但應該係染了色嘅白蘿白配特製醋汁，酸酸苦苦，好奇怪。成晚真係得呢碟餸，每人夾左一兩啖就放棄咗。繼上面涼拌心裡美後，第二個差就係呢個。糖醋桂花魚，魚炸後上枱，同事們個個食完都話啲肉已經『梅』。一係唔新鮮，一係炸過頭，一樣都係每人食一兩啖就冇再食。高力豆沙，店

雖然寫咗短短嘅日子，我已經收到唔少嘅feedback，有人會驚訝⋯估唔到你會寫野喎～重寫得似模似樣，有人會認真話俾你聽，你有好多錯別字，格式亦可以留意返，令人睇得舒服嘀！其實我真係好開心大家俾我嘅見議，證明你有用心去睇我嘅文章，我開頭只係傻更更咁去開始我嘅寫作，諗住just for fun，但如果可以幫到你地搵食，或者氹到你地笑下輕鬆下，我都開心今次黎到呢間大角咀老掌櫃係因為我好鐘意食醉雞，同其實都知呢間東北菜好出名，因為平時都見到佢要排隊，難得今日見冇咩人，緊係要一探究竟啦～係幅圖你都睇到，醉雞做得相當嫩滑，美中不足係個酒味可以再濃嘀！但有時我諗，因為唔係咁多人飲得，有時嘀鋪頭唔敢整得太重酒味，意思意思一下就算，我食過一間我覺得最好味嘅醉雞，係用一個小酒埕，將雞件放入再用酒完全掩蓋，雞肉真係濃濃酒香，回味無窮。但東北野貴在粗！叫了三鮮餃，餃子皮都係粗厚，簡單，撲素！簡單粗暴就係佢嘅名字！之後我地重有叫炸醬麵，濃濃嘅肉醬加上青瓜，蘿蔔，麵條，味道精緻不足，但粗獷有餘！重有烤麩，我平唔識嗌烤麩黎食，原來佢相當有益，烤麩蛋白質含量豐富，屬於高蛋白、低脂肪、低糖、低熱量食物。 三低，減肥一流

呢間我好耐之前已經食過㗎喇 佢超抵食😌而且佢有得就咁嗌半隻片皮鴨 人少少都可以去🤩但係唔知我哋嗰日發生咩事 對自己咁有信心 想頭勁大 兩個女仔嗌左兩個餸🤭·北京填鴨（半隻）$168呢一個係我哋去呢間餐廳嘅目標😈佢半隻鴨其實好抵食 呢一個份量絕對係夠三至四個人食😂😂我自己幾鍾意佢呢一種片法 多啲肉 冇咁肥膩 包住啲熱辣辣既面皮超好食😋而且佢啲青瓜都係超脆 食落超級滿足😍·松鼠魚（龍利柳）$88我自己超鍾意食松鼠魚 但係唔係好多餐廳有 所以比我喺Menu度見到我就忍唔住嗌咗🙊🙊佢超好食 佢係非常之熱辣辣 我哋食到最後嘅時候 佢都仲係好熱😍而且佢係炸得好脆 佢個汁濃得黎岩岩好 超正🤤美中不足係佢個菠蘿係唔太好食個種罐頭菠蘿🤭明明我超鍾意菠蘿 同埋如果佢上面再多啲松子就好啦🤩·#rbyeat#rby港式#rby大角咀·📍大角咀大角咀道63號牡丹大廈地下

之前有一次親戚聚餐，六個人，大家都係鍾意食辣嘅，所以就去咗大角咀呢間都幾出名，有得食片皮鴨，同埋其他涼拌小菜嘅鋪頭，試試佢👣食完之後發現其實樣樣都幾好味，唯有重點講下三樣特別鍾意食嘅🕶北京填鴨（一隻）🦆：開頭以為一隻片皮鴨就係一碟，點知佢上到黎嘅時候，一隻片皮鴨足足係切到兩碟咁多嘅份量！🤩佢個皮好脆，油脂香好夠，重點係佢嗰個甜面鼓醬同埋配料好足，你會覺得食咗係無憾嘅😭雞絲粉皮🐓：不嬲雞絲粉皮更麻醬就係冇得輸嘅組合，佢個粉皮做得好清爽，雞絲都好嫩滑，係好好嘅開胃菜，好似食幾多都唔會覺得好濟🙆🏻‍♀️口水雞🐣：除咗佢比既雞件係好多肉之外，佢個醬汁好有魅力，嗰種辣帶有少少麻，但唔會嗆喉，我哋用晒佢啲汁黎撈飯就知道係幾好味🤳-呢度嘅姐姐，會好快咁催促你快啲落單，所以最好等位嘅期間就諗定叫咩餸啦🙊-其他啲嘢食就俾大家睇吓相：

真係不得了。。去親都爆場。。又用左OP訂枱。。唔訂基本等唔到位。全場爆滿每次都叫到D餸食唔哂。因為真係太多野想食今次2個人$500有找半隻 片皮鴨～皮小脆。勁多肉。滿足水煮牛BB辣～我唔食辣都食到。勁多牛肉。味道都好好。不過有D似沙嗲牛面。D牛麻油海蜇～正常。不過冇乜味。同埋唔太爽黑醋骨～呢個真係麻麻地。骨多過肉。味道都唔係好夾。好睇唔好味食夠$200。仲有高力豆沙送👍環境：超迫。張枱超細。人多都食得幾辛苦食物：佢性價比超高。味道同份量都好足總括： 價廉物美。一分錢一分貨。絕對值得食。平民之選

係香港食中餐館已經唔平，仲有好食既就更加難搵啦。好想食北京填鴨，所以專燈黎到大角咀。味道真係唔錯，而且個價錢真係好抵食呀。略嫌有小小厚身，食左幾片就有啲飽肚感。個醬雖然真係咸左啲，不過同鴨肉都將夾，整體黎講CP值都算係幾高！另外都叫左個酸菜魚，比起係大陸食既就無咁多肉，條魚無咁大條，但就一啲都唔腥！本身我都唔太好海鮮或者魚類，但呢個我都算係食到！價錢方面就唔夠片皮鴨咁抵食，有小小貴既。而味道方面就偏淡小小，唔中意食咁濃味既人應該中意食既。

第一次泥到哩到我地5個人叫到成枱都係餸都係百幾蚊真係幾抵食醉雞同雞絲粉皮都係好吸引人叫既前菜哩個麵辣得泥幾特別😍個炸醬麵就正正常常哩個餸入面d材料吸曬個汁d味超正不得不叫既當然有填鴨但我嫌佢厚左小小哩個餅個皮超厚哩三樣就普通啦超好食唔係普通通通同價錢好抵大致上都幾好既

此店我幫襯過幾次，今天跟大家介紹一下。吃過北京填鴨、水煮魚、油潑麵、羊肉餃子、醉雞、蔥爆羊肉等，當中最出色的要算是北京填鴨，我喜歡他的填鴨不算肥(個人認為瘦的鴨做片皮鴨不好吃，但太肥的卻又不能吃)，這家店的鴨皮烤得香兼有微脆，很合我的口味，不過他的配料就有點兒差，由蒸皮、京蔥到蒜都不好吃，寧願純吃烤鴨更理想。我一向都很喜歡吃京菜，不過香港出色的京菜卻不太多，自從位於灣仔的美利堅結業後，就只光顧尖沙咀的那兩家老字號。不過幸運地，今天發現了這家位於大角咀的東北菜，長期排隊，味道很好，值得推薦。

男朋友喜歡吃中菜，這次他就帶我來到大角咀吃少有的地道東北菜。餐廳裝潢富中國色彩，枱櫈都是木製的，牆上還掛着一幅甚有氣勢的書法字畫。我們點了一碗麵、餃子和小菜。最先上枱的是鍋包肉，在香港的餐廳較為少見，是一道充滿東北風味的小菜。豬肉外層包着炸漿落油炸，然後再配糖醋汁一起炒，口感外脆內嫩，味道酸甜酸甜的非常可口。擔擔麵咸香惹味，肉碎份量很多，足夠拌勻一整碗擔擔麵。麵條口感煙韌，是我喜歡吃的口感。豬肉餃子外皮不太厚，豬肉新鮮，不過味道偏淡一些。餐廳提供的中菜款式蠻多，價錢合理，今次只有我跟男友兩人吃所以試不到幾款菜，惟有等下次朋友聚會時再試埋其他小炒。

早排聖誕諗住同屋企人食餐正嘅，見同事話哩間餐廳好似幾抵所以就去試下！餐廳位於大角咀，對於住港島嘅我哋嚟講都有啲遠不過事實證明係值得去嘅!溫馨提示我哋食完，9點左右走都見到仲有唔少人排緊隊所以一定要訂位，我哋就算訂咗都要等一陣先入都去! 萬眾期待嘅一刻終於嚟啦!!!預先訂好嘅北京填鴨好快就上座枱!未食已經聞到好香嘅鴨油味仲帶少少羶味唔講唔知，係咪以為哩度係一隻呢，其實係半隻咋，但係已經夠4個人食! 好誇張!我哋屋企都食唔哂，要打包重點係超抵食，半隻都係$168!!!另外我哋叫咗烤麩做小菜,量多又入味！乾扁四季豆，帶點辣，唔會炒到好乾 值得叫嚟試下!另外，媽媽話想食大蔥羊肉餡餅所以我哋就叫咗兩件食! 餡餅都有驚喜，熱辣辣, 會噴汁！全晚唯一一個麻麻哋嘅餸應該就係哩個鍋包肉,無乜記憶點京式炸醬麵可以重口少少，老人家可能啱食啲甜品方面我哋叫咗拔絲蘋果,太興奮唔記得影相，因為店員話要把握時間食!一碟拔絲蘋果每人都食到3-4舊，絕對抵叫！最後捧住個肚走餐廳仲要唔收加一!!!抵都爛，唔怕遠嘅一定要嚟試下！

非常旺場、性價比很高嘅小店，早兩日打去卜定位，去到都等咗一陣，地方較為狹窄。一路食外面都勁多人排隊。入座先叫了小食、涼拌菜、擔擔麵，味道相當好。訂位時都訂了片皮鴨，5個人訂了一隻，皮脆肉嫩，性價比高。叫了京燒羊肉，本人十分喜歡羊騷味，這個羊肉好香口，好好味！甜品必點拔絲蘋果，外層糖衣脆脆的，食到停唔到口！豆沙窩餅就麻麻地，皮太硬！好處係比連鎖店平，菜式選擇多，但真係要早啲訂枱先有位。值得推薦的小店！

好耐無食片皮鴨 就上網搵下有咩推介 個個都讚呢間老掌櫃就試試佢！不過一搵先發覺 北京樓美中鴨子都係美心旗下 即刻唔洗考慮 雖然呢間老掌櫃都未知黃藍🧐Book左七點半 去到望落成間野九成坐滿 而所有座位都好逼太肚餓既關係 一去到就嗌左本身電話留左既半隻鴨 上菜速度非常快 幾分鐘就有鴨食 而d鴨同皮都熱辣辣 d皮整得非常薄 鴨肉香 皮唔算太脆 但份量搭救 2個人食 皮同肉食極都仲有另外仲嗌左好多人食既雞絲粉皮 的確係唔錯 雞絲 粉皮 青瓜同醬既份量控制得幾好 不過個醬偏淡味少少 雞肉唔滑 但又係大件夾抵食最後仲有個大蔥羊肉餡餅 係比較失望既 首先個皮係唔脆 非常之淋 而羊肉都幾羶 肉汁亦唔算多 所以係麻麻2個人 食到好飽啊😆總結黎講真係好平好抵食 但就唔係食過最好食既片皮鴨 menu海量選擇 下次同一班朋友食既話都可以考慮呢間順帶一提 餐廳擺枱擺得好迫 枱與枱之間基本上係無距離

老掌櫃係一間小編經常帶朋友來嘅餐館 因為呢度有超抵食北京填鴨呀 半隻都係$168咋 仲要皮脆厚肉大塊 京蔥夠辣口感味道即刻升多級 不過餅皮偏乾偏薄好難拎 覺得可以做得更好🦆.麵食方面 其實留意到大部份食客都係炸醬麵或者擔擔面二揀一🍜 食過外間嘅炸醬通常撈埋麵條食會較淡口 但呢度嘅炸醬惹味十足 紅菜頭絲比青瓜絲更爽口 整體不錯😄.平時嚟會點酸辣湯同水煮菜 不過今次嚟嘅朋友唔太食得辣 試咗其他菜式 🥚初嘗黃金南瓜 咸蛋味足 有位愛吃煎炸嘅朋友認為外皮炸得唔夠脆🙍🏻‍♀️ 放耐少少就變硬了 不過其實呢個做法配南瓜係幾夾.最後就係久等嘅秘製杭州骨🐷 說真的 去到呢個位 我地三個女仔已經飽了(頂硬上) 但呢道菜真係冇令人失望 熱辣辣 醬汁伴菠蘿更香甜 排骨肉位香嫩 薯仔炸過再炒 每件都掛哂汁非常入味👍🏻 對於一個已經飽咗嘅人類嚟講 都仲要覺得好食嘅話 就真係好好食😂 分量仲要多到山咁高 列入必食list!.三個人食呢餐人均150都唔洗😎

與友人說了很久的片皮鴨餐 最後挑選了這間 一行4人 當然一早訂了枱 一訂便要2030 但勝在不用在街等吸廢氣😌《北京填鴨半隻》主角先上😍半隻已經好多 每人可分到4/5塊 肉質一點也不韌 充滿鴨香 皮是十分喜愛的薄皮 一點也不厚粉 也不易破 厚度適中 再自行加上京蔥&青瓜 解膩 可多吃幾片《雞絲粉皮》正 粉皮又滑又薄 有些更捲成一卷卷 口感更爽口 濃濃的麻醬味 幸好青瓜絲解膩 一百分配搭《千層醬豬耳》很少見橫切薄片的豬耳 令到平均每片都有3條豬耳軟骨 口感大大提升 而且這醬汁味濃中帶點辣 更醒胃 辣度連平常不吃辣的朋友也能勝任《秘製杭州骨》醬汁下有薯仔有菠蘿有杭州骨 略嫌杭州骨肉質較韌 肉的比例真的少之又少😅《黃金四季豆》不得了 黃金為鹹蛋黃 四季豆已不擋其滿足至膩 很好味 但亦很膩 適合一大班人分享 少吃多滋味《豆沙鍋餅》最後 當然少不了甜點 可惜這甜點的皮十分硬 真的鍋燒 紅豆則甜度適中連埋每人一杯飲料 最後4人消費了$622 滿足感滿瀉的一餐👍🏻