老長沙湘菜館 (已結業)

老長沙新開佐敦分店，有兩個月新張優惠，全單88折!! 超抵食!環境位置都幾好，一坐低店員就會開壺茶比你食物選擇相對都多，川菜常有既酸菜魚都有，但今次我地就簡家常菜為主，因為想試多D款🥢抱鹽魚鹽魚肉質鮮美，魚肉表皮酥脆，肉質鮮嫩，鹹香味十足，入口後散發出濃郁嘅鹽魚風味，口味微辣，唔會太重口味🥢孜然寸骨以豬肉寸骨為主，加入孜然等香料，經過烤煮後，肉質鮮嫩多汁，孜然香氣濃郁，口感豐富🥢乾煸四季豆經過高溫炒煮，豆角保持到爽脆口感，炒至微微焦香，搭配辣椒同香料，帶有微辣風味，豆角的甜味與香料的調和，味道好夾🥢農家窩窩頭高筋麵粉為主，經過發酵後蒸煮而成，外層酥脆，內裡鬆軟，口感綿密，搭配上農家自製的醬料，香氣四溢，帶有濃郁麵食香味🥢甜酒湯圓用糯米粉製成，湯圓入湯後濃稠的甜酒湯汁包裹住湯圓，帶有微微的酒香和甜味，口感綿滑，再加上蛋花，味道層次更豐富

佐敦新開左間湘菜館，價錢唔貴，午餐大約$6-70，餐牌主菜每樣百零蚊，被價錢吸引入左去試。孜然牛肉木桶飯木桶只係裝飾，飯同餸應該分開整完再放入木桶。牛肉肉質同肉味都唔錯，孜然味唔重，加左蒜芯同洋蔥炒，味道配搭剛好。但建議小菜同白飯分開上更好。蛋黃四季豆四季豆兩邊既絲已經去掉，唔會食到渣。咸蛋黃均勻佈滿每條四季豆，完全顯示出廚師功架，而且唔會過咸，份量好多，但太好味不停追住食，一大碟都差啲唔夠分。孜然寸骨唔好被佢個樣嚇親，雖然舖滿辣椒，但其實冇乜辣味。一碟有6支骨，焗到邊邊有啲脆口，而保持肉質軟嫩，係呢餐我覺得最高分既菜式。紅糖糍粑勁大份，啱晒人多share。即叫即炸，上枱熱辣辣，新鮮整真係差好遠，外皮係脆既。外脆內軟先係呢道菜既精粹，係我喺香港食過最好食既糍粑，以咁高質既甜品作結好滿足。湘菜以嚴選食材為名，呢間餐廳都做到，而且味道恰到好處，有辣之餘亦保留到食材原味，整體每樣食物都唔錯，會介紹比多啲朋友黎食。

因為有五個人，所以我哋冇叫到午市嘅飯或者麵的套餐，直接叫餸叫咗一個麻辣烤魚，要左鯇魚，出乎我意料嘅好味，因為條魚竟然一啲腥味同泥味都冇，而且條魚仲炸得好脆，開咗邊，好容易去骨另外因為有一個朋友係食素嘅，所以叫咗鐵板土豆片同埋炒包菜，味道都唔錯，唔會太辣會推介乾鍋雞，好入味，好惹味，不過就略嫌啲雞切得細粒咗啲，食起上嚟唔係咁滿足除咗嘢食之外，仲叫咗新疆嚟嘅蟠桃汁，唔會太甜，幾好飲留意返餐廳會收茶錢，五蚊一位是日午餐每人一百五十蚊，我覺得性價比唔錯

今日放假約咗朋友去佐敦行街食飯,行過吳松街見到間湖南湘菜個門面好吸引,所以入咗去試下。老長沙湘菜館,地址係佐敦吳松街149號龍匯商業大廈地舖,餐廳裝修得好光猛整潔,座位空間感相當足夠,樓上仲有vip房,喺度食飯感覺真係好舒適。望一望餐牌有烤魚,烤羊扒,烤羊腿,羊肉串,如果多人仲有預訂烤全羊,仲有好多小菜可以選擇,全部都好吸引。烤羊扒半排 390元,羊扒分量好多睇見都流口水,肥瘦相間真係好吸引,入口羊味好香,肉質非常嫩滑,仲要一啲騷味都冇,每一啖都食到羊肉同羊脂,呢個口感真係100分,第一次食到咁香咁嫩滑嘅羊肉。羊雜湯 398元 四至六人份量, 羊雜湯味道好鮮甜,入口帶少少香辣味,入面有羊肺,羊腸,羊肝,羊肚。入口感覺好暖胃,真係好有益,呢個羊雜湯真係好值得一試。干鍋魚雜 少辣 188元,賣相勁吸引上枱已經聞到好香嘅味道,入面有魚鰾,魚籽,魚籽口感非常特別,味道鮮甜,加上有少少香辣味,味道好有層次,呢個餸用嚟配白飯真係一流,色香味俱全。

位於佐敦吳松街的老長沙湘菜館係新開的第四間分店。平時都比較少食湘菜，梗係要食下正宗嘅味道啦。我同朋友都俾佢菜單上的quote 吸引住 「男人的 加油站 女人的幸福灣」麻辣魚皮爽脆嘅魚皮，口感好彈牙。麻辣嘅香味令到本身無咩味道嘅魚皮好惹味，蒜頭，花椒，辣椒，香蔥同芫茜嘅比例都好平衡，唔會太搶左魚皮嘅角色。農家小炒肉好有爐氣風味嘅一道小炒，炒豬肉之餘仲有炸油渣！香味增加立即100倍，椒嘅籽刮得好清，所以可以食到椒本身嘅甜味，所以成道菜豬油嘅香，豬肉嘅爽，椒嘅甜都食到爆炒腰花炒豬腰今時今日真係唔係度度都有得食，通常都淨係得豬腸同豬潤。豬腰炒落真係好食好多，同埋佢舊都盡顯刀功，切得一格格好幼細咁，食起上嚟賞心悅目。大盤有機花菜類似椰菜花咁，但食落口感似西蘭花多d, 夾埋啲豬腩肉碎一齊炒，多左一陣豬油嘅香，同埋一碟都菜都幾大碟，好抵食。干鍋雞呢個就更加係飲啤酒就一流，麻煩夠哂刺激，雞件斬得細細一舊舊，可以慢慢一路飲啤酒一路慢慢食，食極都仲有，醬汁用嚟撈飯更加係絕配，建議一定要叫多幾個飯。

🌸《老長沙湘菜館 · 湘菜· 佐敦》-𝐅𝐨𝐨𝐝 𝐑𝐞𝐯𝐢𝐞𝐰 食評 🥜入到餐廳一坐低就有兩碟花生同瓜子，小編唔太好瓜子，但花生一食就停唔到🫢花生香脆，鹽香十足，同三五知己餸啤酒絕配👩‍👩‍👧‍👧老闆娘見我哋咁讚歎都忍唔住講話啲花生今次炸耐左，平時仲好食😛，同埋啲花生唔會放過3日，唔怪得咁新鮮👍🏽❗️-🐟 酸菜魚食得湘菜唔少得近年流行嘅酸菜魚，同坊間最唔同嘅地方係佢哋嘅酸菜魚夠麻夠辣🔥，淨係見到煲面層乾辣都知道正❗️加上爐魚新鮮肉質鮮嫩，魚味突出，配上酸菜味道鹹酸有層次。配菜方面亦唔馬虎，大豆芽同雲耳索晒鮮甜湯頭味道，完全冇青味，同時增加整道菜咬口😋充分發揮配菜角色，如果配埋白飯食一流，連湯都可以飲埋🙆🏻‍♀️鍾意食辣朋友仔唔可以錯過🥳-🥩毛氏紅燒肉豬腩肉上晒糖色，肥瘦相間，一入口肥而不膩😋，肥肉隨之而融化，同本身嘅瘦肉、豬皮形成強烈嘅對比，但瘦肉都唔係口感柴口，反而可以用鬆化嚟形容，而豬皮本身就富膠質而彈牙，增加左整體嘅層次感。❗️調味方面一開始以為偏鹹，點知原來佢反而味道偏淡，同埋煲底鋪咗豆角，入口都夾咗一啲清新嘅味道🙆🏻‍♀️喜歡豬腩肉嘅朋友仔，千祈唔好錯過呢種中式烹飪手法。🍖-📍 老長沙湘

呢間位於佐敦嘅老長沙湘川菜真係一間幾地道嘅餐廳！同朋友去食咗佢哋嘅幾款招牌菜，真係一次過滿足晒我嘅辣辣味蕾🌶️先講講前菜，佢哋嘅花生真係唔同凡響。啲花生炒得香口，入口脆爽，仲有一啲微微嘅鹽香味！緊接住嘅係佢哋嘅小炒黃牛肉。啲牛肉切得好薄，炒得剛剛好，肉質鮮嫩多汁，配上香菜，夠辣夠過癮。接下黎嘅係乾鍋牛雜。佢哋用咗啲牛肚同牛雜炒得香口，再加上啲辣椒同香料，味道濃郁又有層次感。啲牛雜嘅質感都好好，彈牙又咬勁，真係令人驚喜。最後，我試咗佢哋嘅農家窩窩頭。呢個窩窩頭真係好特別，蒸得鬆軟。佢哋用咗好似梅菜嘅做餡，啲窩窩頭夠香夠味，入口即化，好好食！

今晚嚟到超正宗嘅湘菜館，真係令我食到大叫 爽！ 辣得黎餐廳處理得非常好。剁椒魚頭王魚頭湯汁香濃，感覺廚房熬咗好耐先上菜，充滿鮮美嘅魚味。魚肉質地鮮嫩，唔會老，煮得岩岩好，令味道更加鮮美。湯汁加咗啲辣椒剁椒同埋泡椒，帶少少辣，但唔會太辣，反而令味道更加豐富，令人食咗一碗又想再食多一碗👍👍👍酸豆角肉沫豆角炒得剛剛好，保持咗豆角嘅鮮甜口感，而且唔會太酸，有啲微微嘅酸味，令味道更加開胃。肉沫夠味，同豆角一齊食口感好好，豆角同肉沫嘅味道互相融合，令菜色更加豐富多樣👍鐵板水晶粉粉條爽滑，有彈牙嘅感覺，有微微嘅香煎味，令味道更加豐富，配上正宗酸菜同大量指天椒，酸酸辣辣咁十分惹味👍👍總括而言，呢三款菜式味道都好好，唔會太辣、太酸、太咸或太甜，而且份量都夠。如果你鍾意食辣同鮮味菜式，一定要嚟老長沙試下呢三款菜式啦！👅味道💛💛💛💛💛👨‍💼服務💛💛💛💛🤍🍽環境💛💛💛💛💛💦衛生💛💛💛💛💛💯抵食💛💛💛💛💛

今日放假出左去佐敦試一間新開嘅湘菜店（老長沙湘菜館）係一間專門供應湖南菜湘菜既餐廳，首先店鋪地理位置方便，店內環境整齊簡潔，而且服務員都好細心招待我💁🏻。由於餐牌入面有好多唔同嘅菜式都想試，但見佢樣樣都係重量級份量，衡量過自己有機會食唔晒😂所以選擇左呢幾樣招牌菜土匪豬肝$128-有鑊氣，豬肝烹調火候非常適中，加上份量唔少，廚師用咗不同的香料和辣椒爆炒豬肝，豬肝嫩口唔會過老，口感相當唔錯，鍾意食豬肝嘅朋友一定要食呢個。農家小炒肉$86-呢一道菜色係有家鄉食既風味，青椒配上豬肉爆炒，鑊氣十足辣度適中，食完一啖又一啖，配白飯一流🍚鐵板土豆片$78-用鐵板配上土豆片好美味，土豆片厚度大，薯面俾鐵板燙過，有香煎焦味，食落有咀嚼口感，加上有豬肉配搭，有肉香味，層次感又唔同咗👍🏻大盤有機菜花$78菜花煮得剛好，不會過軟，食下去相當爽口！而醬汁味道鮮美。最後叫咗個特色甜品紅糖糍粑$68味道極之好味！外脆內軟，口感方面煙靭，加上配搭秘製的紅糖醬汁，好味之餘份量亦非常大，足夠三至四人食，飯後必點。呢間分店係新開嘅，新開張晚市有88折優惠，廚師水準高👍🏻而且店舖內亦有酒精類飲品提供，樓上都有設座，啱晒一班人

因為是佐敦嘅新食店，我梗係即刻去試下啦！6點20分左右到達餐廳，地下果層只有一枱，二樓好似3間房有人。因大門壞左，閂唔倒，所以個餐廳冷氣會差d，唯有叫住兩個餸試下先，如熱得滯就走。點知叫左4，5次都無人寫單（其實已經有3個樓面）。最後有個呀叔黎寫單，叫左小炒肉同乾鍋雞，最精彩時刻到了，呀叔寫完d order喺張紙度，然後就揸住張單去執枱，但我真係等左好耐先有人落單，所以我忍唔住問呀叔可唔可以入左單先，佢好認真咁答我“放心，我唔會漏單嘅🙄！”。。。其實呀叔明唔明食飯時間d客係會肚餓呢！經歷完等落單嘅折磨後，就等左半個鐘都未有野食上，可能見我哋等得耐，送左碟拍青瓜比我哋。又等左一陣，先再一碟一碟咁上菜。老實講味道唔錯，但唔藉得等咁耐。而且個乾鍋雞淨係食倒碎骨痴住小小肉，完全無咩肉食倒，仲要$138，真係唔抵。不過，最慘係有個送外賣嘅印巴藉人士，起碼等左45分鐘已上，到我埋左單都仲未攞倒佢嘅order,真係好慘！埋單：$252。。。唔抵兼等到傻，所以唔會再幫襯