聚點 (已結業)

尖沙咀的美食好多，今晚同朋友揀咗呢間河內道的中菜餐廳，地點方便，入面都幾多客人，差唔多坐满。粟米魚肚羹，$88, 好大碟，份量多，熱辣辣，粟米粒飽满清甜，魚肚爽口，湯底滑溜，加有蛋花更加嫩滑。䜴油皇乾煎海虎大蝦，$138, 蝦好大隻，肉币飽满，彈牙鮮甜，䜴油皇味好香濃，個殼煮得好香好軟，可以食埋蝦殼。粉絲海鮮什菜煲，$88, 有生菜，蝦柳，菜心，魷魚等，新鮮爽口，湯底好清甜。清蒸青斑魚，$168,魚肉厚身嫩滑，清甜，蒸得剛好熟，一啲都唔腥，味道爽甜。瑤柱蛋白炒飯，$65,炒得好夠鑊氣，飯粒飽满分明，粒料爽口，入口煙韌香甜。

聚香雞 例 $88招牌雞有齊三種醬 口水醬冇咩辣味 沙茶同疆蔥都出味 雞幾滑而且唔多肥膏 本身冇留意係餐照叫左其他小菜 點知佢係套餐跟飯,湯,菜同飲品 好抵食 金沙鮮魷 $108新鮮整好上枱好香 炸粉唔厚 條條都包滿蛋黃 好香口 食到最底個幾塊都唔會浸到油立立青介末牛柳粒 $98牛柳粒幾淋 我本身麻麻地青介末(其實係麻麻地沙律醬) 不過都夠火口夠香既梅菜蒸鯇魚 $88上枱嚇親 估唔到有半邊魚既份量 好厚肉 而且蒸得岩岩好 好滑 淨食條魚都飽晒

悠閒的假日，舒適的人生便是大道理。食好嘢更加係人生一大樂事，今日就一於大家去食下鬧市旺區嘅小菜啦 呢間鋪頭地理位置十分方便，喺尖東站N2 一出行5秒就到，方便程度嚇死人囉，大家一定要去食多兩啖。 我哋今日就叫咗四餸一湯，任君選擇，分別係：聚香雞、黑椒牛子仔骨、人氣小炒王、黃金蝦、同埋粟米魚肚羹，等我同大家逐一介紹：粟米魚肚羹：餐廳十分大方，一上枱已經見到非常之多嘅魚肚，每一粒都有一定嘅大細，非常分明，可見足料程度。一飲落去非常舒服，喺度鹹田得宜，滲透着甜味，食落口飲粒粒嘅粟米，同埋濃稠嘅蛋花混合一起，每一啖食落去有魚肚嘅嚼勁、粟米粒嘅鮮甜、蛋花既濃厚、湯底嘅鮮甜，簡直每一啖都係一個享受。聚香雞：我認為聚香雞就係呢間餐廳嘅一大賣點，更係王牌，原因係隻雞無懈可擊！雞肉鮮甜得來肉質結實，食落口唔會太老而失去鮮味，反而肉質唔鬆散之餘亦都容易入口，配合豉油嘅香味，將雞原本嘅鮮甜一併帶出，做出一個水準來。點解唔可以唔講嘅就係，你間鋪頭送上點點雞醬十分充滿驚喜，特別係中間嘅”口水醬”，食落去帶着一點麻辣，我本身唔係一個食得辣嘅人，我會覺得係麻得來少少偏甜嘅辣，非常容易入口，後來才知道原來店舖

星期六爸媽去尖沙咀覆診，所以順便食埋飯。揀左近尖東站附近，可以一食完方便倆老塔車走！一來我地叫左幾個小菜再加兩碗飯，首先叫左個帶子炒西蘭花，呢個菜比較清淡健康！呢間出名係聚香雞，所以我地都叫左半隻，肉質似走地雞甘彈牙，配上有幾款調味料，薑蔥油，中間秘製醬好惹味，辣辣地！聚點小炒皇有好多海鮮配塔，加上有咸菜浦，腰果老人家至愛！椒鹽鮮魷$88，佢炸到一點都唔會覺得太乾，配酒一流。豉油令海虎大蝦$139呢個做得比較出色d,蝦肉好爽口彈牙，蝦身有手指公甘大隻！

食晏諗唔到食咩，入左呢間野，點知又中伏。餐牌寫黑椒汁豬柳扒飯，黎到係兩塊漢堡扒。問阿姐個飯點解唔係豬柳，佢同你玩食字，豬柳扒即係漢堡扒，埋單45蚊食個價錢幾蚊既飯。唔知叫其他會黎d咩精彩野。

星期日想約老竇媽咪去食午飯，但出到來尖沙咀周圍的人也很多😅想起這間之前來過吃湯飯的聚點，便嘗試等一陣，還好很快便可以入內👏🏼👏🏼上次來吃午飯既時候見到鄰桌的人叫小菜食飯好似幾吸引咁🤗老竇有一向鍾意叫餸食呀飯，所以我們就決定叫幾個小菜、一個炒飯大家share。我哋一人揀一樣，當然揀咗出名嘅聚香雞🐥仲有老竇鍾意嘅小炒王、另外就叫咗個茄子斑腩煲🐟同埋啫啫芥蘭煲、仲有瑤柱蛋白炒飯。店內座位不多，以為星期日冇咁多人，原來冇咗上班族呢度都仲有好多遊客會入嚟食😯不過還好都坐得幾舒服。行咗一陣幾個小菜都陸續到咗，上菜速度都好快😙先來左個聚香雞，四個人叫半隻啱啱好，另外一齊去配有三個特色醬料，包括沙茶醬、薑蔥、同埋有個自家口水醬、麻麻辣辣但有幾惹味，配呢隻聚香雞一流😋茄子斑腩煲同啫啫芥蘭煲煲跟住都黎埋，兩個都幾有鑊氣、好香！難得兩個煲都唔油膩，雖然份量唔算好多，但係如果計返人頭一人一個餸，一齊食真係好夠好足料！尤其係茄子斑腩煲，斑腩都好大舊但係啲肉一啲都唔實，另外仲有個唔少冬菇、茄子🍆、蒜等配料。而我最鍾意就係最後嚟嘅小炒王，韭菜炒得好香、仲有好多大舊魷魚🦑、蝦球🦐、腰果、咸菜！我哋忍唔住叫多碗白飯用黎

早幾日同三個老死出左去尖咀果頭睇戲。 睇完當然唔會就咁走返屋企喇 ！行行下行到去河內道果頭見到有間餐廳😎大大張相有個叫聚香雞好似係呢度主打😊 又見係尖沙咀質素但旺角價錢 🧐咁就四餸一湯組合 😍四個人食當然要試試主打菜 🤫原隻聚香雞喇 🤗清炒時菜 唐生菜非常新鮮而且份量好多⋯⋯爽脆得來唔會過淋！豆腐魚雲湯：今餐可以話除左主打聚香雞外 ！最好食嘅野之一 😍睇相都睇得出用料十足 🤤可能因為要時間熬湯嘅關係 ，佢係最遲登場 ，鮮甜的湯頭加上嫩滑嘅豆腐配合埋新鮮嘅魚頭 ，味道特別鮮美 ！朋友仔仲話呢個湯又保身 ，魚雲又養顏 ，真係必食之選😍咕嚕肉 ：每次一大班人去食飯必叫嘅款式之一 ，咕嚕肉要整得好食 ，當中嘅酸味一定要好好 ，同埋咕嚕肉唔會太粉 ，不會好似食緊粉團 ，呢一碟咕嚕肉啖啖肉 ，值得一讚❤️豉油皇乾煎海虎大蝦虎蝦大大隻⋯⋯熱辣辣，外殼沾滿了豉油皇醬汁，食之前連個殼都唔可以放過🤤！正正～蝦肉10分彈牙，份量又多，真係物超所值之後冇得走雞嘅~當然係隻雞！雞雞肥瘦適中，而且肉質非常滑，雞皮晶瑩，再點下三款秘製的醬汁，簡直將雞味發揮得淋漓盡致我喜歡總括而言今次簡直係物超所值之旅⋯⋯用旺角咁嘅收

今天去尖沙咀shopping ，奶奶是一定要食中菜之人，四大一小真係在尖沙咀好難找到又平又好食仲會送得幾好的地方食飯，多數是酒樓，一些地道特色也沒有，點知經過K11外面竟然比我發現佢，原以為茶餐廳，門外見到有小菜吃，膽粗粗入去試試！這裡出名食雞，個名叫聚香雞，我只係叫咗半隻，好後悔，應該要叫一隻，因為真係好好味，好難得可以食到這個質素的雞了，我食落以為係走地雞，鮮味好突出，而且煮得啱啱熟，肉質好嫩滑，其實唔使點醬油已經好好食！我想介紹一下這個口水醬，食落去奇怪得來好好食，因為佢有酸味辣味麻辣味同海鮮味，混合一起我覺得係一個好特別嘅醬唔知點形容，而且呢個汁裏面又有蝦米同瑤柱，用來點雞更加野味我哋又叫咗咕嚕肉，剛剛煮好嘅時候咬落去個皮仲要有少少脆，值得一讚的是他們用的是新鮮菠蘿做的。這個豉油王蝦$138 ，都有10隻到啦，個蝦皮整得好入味，豉油王把整個蝦的味道提升起來，我差啲連皮都想食埋！呢個福建炒飯材料十足，有高檔酒樓的水準！ 這個茄子斑腩煲真係好有鑊氣，上枱時我都發出吱吱聲!椒鹽鮮魷其中一個邪惡之選，好有大排檔嘅水準，個炸皮做得好薄！其實仲有好多其他小菜嘅選擇，只需每人大約$130就已

今日同細妹帶老爸出尖沙咀慢步。尖沙咀對老爸來講有很多回憶，退休前佢係呢區都打滾左幾廿年，而家已經有很大改變，不過，佢都行得津津樂道。尖沙咀食店很多，隨便走入一條街也可以找到食店，但要岩我老爸既就有點難度。不過，都俾我地揾到……聚點看似茶記，但踏入店內，卻有種中國風，那特式吊燈和木紋裝潢，感覺很親切。聚香雞$88（例牌）隻雞食唔到雪藏味，雞肉鮮嫩，雞胸部分也不覺鞋口。雞皮下沒有多餘的肥膏，可以安心食唔怕肥。連我老爸都甚為欣賞，吃了很多件。一定要試佢提供既三款醬料。分別有秘製口水醬、沙薑醬和薑蓉。最正就係秘製口水醬，辣度唔講得笑，醮少少已經很刺激，我仲拿左黎伴飯添番茄蛋花湯$68一大窩，平均我地3人每人飲左三大碗。飲落完全唔似罐頭湯，仲有大量新鮮番茄。簡簡單單既番茄蛋花湯，酸酸甜甜，開胃又醒神，我地飲得超回味。滑蛋炒蝦仁$98份量又係超多，吃不完，要打包。蛋很滑溜，鬆軟綿蜜；蝦仁新鮮彈牙，簡單餸菜更顯廚師既功夫西蘭花炒帶$98老爸食唔到啲西蘭花，菜莖對佢黎講太粗太硬。但對我同細妹來講就剛剛好而且西蘭花好難洗，唔使自己洗，我一定話好食既帶子大大粒，量又多，新鮮冇雪藏味。清炒時菜$68同老爸

We had a great experience dining at Joy Point. The staff were very friendly, one lady spoke English who helped us ordering. We ordered the Sweet and Sour Pork and Chicken Curry, both were really yum.  We would eat here again, thank you. 

同friends 去尖沙咀K11商場shopping完，感覺肚仔有點餓，行過對面河內道有間聚點餐廳，門口介紹有多款唔同菜式嘅Menu，重有招牌聚香雞,有三款唔同醬料送。 店內燈飾帶點四川風味，光線充足，櫈仔好環保夾有懷舊feel。入到去當然唔少得叫碟聚香雞，重會有三碟唔同醬料送，其中一款秘製口水醬味道辣得過癮，滋味無窮😋有四川風味，雞皮滑肉質嫩。西湖牛肉羹用料豐富，用好多牛肉熬湯底。醬爆茄子斑腩煲，斑腩夠鮮味，茄子味道夠濃郁。金牌三寶係有牛根、牛肚同牛腩，師傅用長時間秘製醬料熬成，炆得輭腍入味。有咁多好味嘅餸菜，交通又方便，下次Shopping完又再嚟番呢間聚㸃食啦！

河內道好多都是貴價餐廳，見這間價格合理就入去了。行完山胃口特別大，所以叫了很多餸。環境看似普通，但仔細看還是見到設計的心思。所以當我們品嚐過這裏的食物後，感覺就是普通餐廳格局，平民價錢，私房菜水準。聚香雞（例），$88。這個應該是招牌菜，看牆上專登有廣告就知。雞肉很滑嫰鮮美，沒有多餘脂肪。蘸了醬更提升了它的美味。尤其是店子自家炒製的口水醬，惹味辣味十足。就連不太吃辣的哥哥也大讚，還拿來拌頭抽干牛河!西湖牛肉羮，$88。看賣相已經覺得鮮美。足料到好像湖上種滿了荷花。味道很清甜，其實像蛋花湯另加大量碎牛肉，像碎牛粥那種牛肉。想不到的是份量很多，足夠5、6個人。我一個人就喝了4小碗。頭抽干牛河，$58。有穫氣而不多油。牛肉大件又爽口又多。水準超高。蘸了辣醬更好味。聽阿哥講蘸口水醬，就更加好味到不知如何形容。水煮肥牛，$128。最貴但卻質素最普通。有其型也有其味但不夠辣，連口水醬的辣度也比不上。每次吃辣會流汗的阿哥一點都沒流汗。辣一點會更好。不過很足料，除了肥牛，底下有粉絲和木耳。啫啫芥蘭煲，$78。芥蘭爽脆新鮮帶有鹹蝦醬味。簡單一煲餸已經有驚喜。阿哥說看似簡單，煮得好也是要花心思的。相信這煲

在K11 附近上完烹飪班，與同學仔去吃晚飯，她看到這家餐廳門前的靚雞介紹，沒有和我商量之下便走了進去。我的同學仔就是被這雞吸引進去😅聚香雞：上碟賣相吸引，我們叫例牌，但也有原隻雞脾給我們，感動😻 味道正正是餐牌所描述的，肥美的鮮雞煮至剛好熟，皮滑、肉嫰、味鮮😋👍🏻做得好的地方是雖然雞是煮至剛熟，但並沒有血水滲出，火喉控制剛剛好👍🏻，此外，每碟㰿均配三款醬汁：沙薑醬、秘製口水醬及薑蓉。三款醬汁均能令味道提升，其中秘製口水醬很惹味。豉油皇乾煎海虎大蝦：外殼煎得香脆，調味夠入味，蝦肉很爽脆鮮味😋

今晚純粹為咗就腳，所以搵咗間小菜館醫肚，沒想到這小店的「聚香雞」令我回味無窮。「聚香雞」首先，雞肉沒有雪藏味，而且肉質十分嫩滑，就算雞胸部份，都沒有半點「諧」口的感覺。值得一讚是餐廳好細心，小小一碟雞，卻提供三款不同的醬汁：秘制口水醬、沙薑醬及薑蓉。口水醬幾惹味，越食越開胃。「柚子骨」這是另一開胃小菜。甜甜酸酸，十分適合這種悶熱天氣。「西蘭花炒帶子」坊間往往食到的西蘭花，都比較硬。今次嘅口感好適中，帶子亦都好正常，整體感覺良好。「瑤柱蛋白炒飯」名副其實的瑤柱蛋白炒飯，真係有瑤柱，比例適中。由於自己曾經在別的餐廳，吃過只有幾粒小瑤柱的炒飯，所以今次有喜出望外的感覺。「豉油皇乾煎海虎大蝦」同行朋友好喜歡吃虎蝦，豉油皇乾煎幾惹味， 好好的下酒菜。「鹹魚煎肉餅」自己通常吃的都是鹹魚蒸肉餅，今次第一次吃到用煎的方法，估唔到會有意外的好味。*餐廳沒有提供BB櫈。

一出尖東站行多幾步就到，位於K11對面，非常就腳，成日係呢頭附近食野經過「聚點」，今晚一行三人黎開餐。🥢油皇乾煎海虎大蝦 $128虎蝦夠哂大隻，外脆充滿豉油香，豉油既味道能提鮮，內裡蝦肉爽脆鮮甜。🥢聚香雞（例）$88例牌份量都幾多，仲有三種唔同口味既醬汁，有沙薑醬、薑蔥蓉、口水醬。口水醬麻香味重，相對較惹味。🥢椒鹽鮮魷 $88炸至酥香又咸香，內裡彈牙，令人食指大動。🥢醬爆茄子斑腩煲 $88以砂鍋盛載保持熱辣辣，茄子非常惹味，不過斑腩索哂D汁，有點過咸。🥄栗米魚肚羮 $88加左魚肚，口感豐富，滑爽稠黏，既開胃又含有豐富膠原蛋白，清淡得黎又夠滋味，。🥢蒜炒時菜 $68 我地簡左炒生菜，充滿蒜香味，好快清哂。